വിക്കിപീഡിയ:ഫ്രീഡം ഫെസ്റ്റ് 2023
കേരള സർക്കാർ സംഘടിപ്പിക്കുന്ന ഫ്രീഡം ഫെസ്റ്റ് 2023 ആഗസ്റ്റ് പന്ത്രണ്ട് മുതൽ പതിനഞ്ച് വരെ തിരുവനന്തപുരത്ത് നടന്നു. ഇതിന്റെ ഭാഗമായി തിരുവനന്തപുരം ടഗോർ തീയേറ്ററിൽ ഓഗസ്റ്റ് പതിമൂന്നിന് വിക്കിസംഗമോത്സവവും അനുബന്ധ പരിപാടികളും നടത്തി. ഇതിന്റെ ഭാഗമായുള്ള ഫ്രീഡം ഫെസ്റ്റിന്റെ ഭാഗമായുള്ള പരിപാടികൾ ഏകോപിപ്പിക്കാനുള്ള താൾ.
വിക്കിസംഗമോത്സവം 2023[തിരുത്തുക]
ഓഗസ്റ്റ് 13 ഞായറാഴ്ച രാവിലെ 10:00 മണി മുതൽ തുടങ്ങുന്ന വിവിധ പരിപാടികൾ 1 മണി വരെ ടാഗോർ തിയേറ്റർ മുന്നാം വെന്യൂവിൽ നടക്കും. പൊതുജനങ്ങൾക്കായി വിക്കിമീഡിയയുടെ ആമുഖം, വിവിധ വിക്കി സംരംഭങ്ങളെക്കുറിച്ചുള്ള മിന്നൽ സംഭാഷണങ്ങൾ, ചർച്ചകൾ എന്നിവയാണ് പ്രധാന പരിപാടികൾ. ഒന്നിച്ചുള്ള ഉച്ചഭക്ഷണത്തിനു ശേഷം 2 മണി മുതൽ വിക്കിമീഡിയ കൂട്ടായമയുടെ ഒരു ഫോട്ടോവാക്കും നടത്താൻ തീരുമാനിച്ചിട്ടുണ്ട്.
ഫ്രീഡം ഫെസ്റ്റ് പരിപാടികൾ[തിരുത്തുക]
ഫ്രീഡം ഫെസ്റ്റ് തിരുവനന്തപുരത്തെ ടാഗോർ തിയേറ്ററിൽ ഏഴ് സമാന്തര വേദികളിലായാണ്[1] സംഘടിപ്പിച്ചിരിക്കുന്നത്. രാജ്യാന്തര പ്രശസ്തരായ ചിന്തകരും ശാസ്ത്രജ്ഞന്മാരും ചടങ്ങിനെത്തും. ആഗസ്റ്റ് 12-ന് കേരള മുഖ്യമന്ത്രി ശ്രീ. പിണറായി വിജയനാണ് ഉദ്ഘാടനം നിർവഹിക്കുക. ഏഷ്യ-പസഫിക് ലിനക്സ് ഫൗണ്ടേഷൻ വൈസ് പ്രസിഡന്റ് ജൂലിയൻ ഗോർഡൻ, ഐ.ഐ.എസ്.സി. ബാംഗ്ലൂരിലെ ഡോ. നരസിംഹമൂർത്തി എന്നിവർ മുഖ്യ പ്രഭാഷണങ്ങൾ നടത്തും. പ്രൊഫഷണൽ കോളേജുകളിൽ കെ-ഡിസ്‌ക് സംഘടിപ്പിക്കുന്ന ഐഡിയാത്തോണിൽ വിജയികളായ 1000 പേർക്കുള്ള 'കേരള വിഷൻ 2035' ആണ് ആദ്യ ദിവസത്തെ പ്രധാന പരിപാടി.
ഫ്രീഡം ഫെസ്റ്റിന്റെ സംഘാടനത്തിൽ പതിനെട്ട് സർക്കാർ സ്ഥാപനങ്ങളും പതിനാറോളം സർക്കാരിതര സ്ഥാപനങ്ങളും പങ്കാളികളാണ്. സ്വതന്ത്ര വിജ്ഞാന ജനാധിപത്യ സഖ്യം (ഡി.എ.കെ.എഫ്.) ആണ് സംഘാടനത്തിന്റെ ഏകോപനം നിർവഹിക്കുന്നത്. അനുബന്ധ വേദികളിലായി സെമിനാറുകൾ, സംവാദങ്ങൾ, ചർച്ചകൾ, എക്സിബിഷനുകൾ, കോൺഫറൻസുകൾ, ഫിലിം പ്രദർശനങ്ങൾ തുടങ്ങിയവ ഉണ്ടാവും. എല്ലാ ദിവസവും വിവിധ സാംസ്‌കാരിക പരിപാടികളും അരങ്ങേറും. പ്രമുഖ സ്റ്റാർട്ട് അപ്-കളുടെയും ഇ-ഗവേണൻസ്, സ്വതന്ത്ര വിജ്ഞാന സംരംഭങ്ങളുടെയും പ്രദർശനങ്ങൾ ഫ്രീഡം ഫെസ്റ്റിന്റെ ഭാഗമായി നടക്കും.
ആഗസ്റ്റ് 12 ന് ഉദ്ഘാടനത്തിനു ശേഷം നടക്കുന്ന പ്രൊഫഷണൽ മീറ്റിൽ വിദ്യാർത്ഥികളുമായി എസ്.ഡി. ഷിബുലാൽ (ഇൻഫോസിസ്), ഐ.ഐ.ടി. മദ്രാസിലെ പ്രൊഫ. ടി. പ്രദീപ്, മെഡ്ജിനോം സി.ഇ.ഒ. സാം സന്തോഷ്, മുരളി തുമ്മാരുകുടി, മനൂസ് ബയോ എം.ഡി. അജികുമാർ പാറയിൽ, കൊച്ചിൻ ഷിപ്പ്‍യാർഡ് സി.എം.ഡി. ഡോ. മധു എസ്.നായർ തുടങ്ങിയവർ സംവദിക്കും. നെറ്റ്‍വർക്കിംഗ് ഓഫ് പ്രൊഷണൽസ് ഇൻ കേരള എന്ന വിഷയത്തിൽ കേരള വ്യവസായ വകുപ്പ് മന്ത്രി പി.രാജീവ് സംസാരിക്കും.
ഫ്രീഡം ഫെസ്റ്റിന്റെ രണ്ടാം ദിവസമായ ആഗസ്റ്റ് 13-ന് മുഖ്യവേദിയിൽ ഉന്നത വിദ്യാഭ്യാസ മേഖലയിലെ പരിഷ്ക്കാരങ്ങളെക്കുറിച്ച് ഉന്നത വിദ്യാഭ്യാസ വകുപ്പ് മന്ത്രി പ്രൊഫ. ആർ. ബിന്ദു സംസാരിക്കും. തുടർന്ന് ഐ.ഐ.ടി. മദ്രാസിലെ പ്രൊഫ. ഗൗരവ് റെയ്ന, ഐ.ഐ.റ്റി ബാംഗ്ലൂരിലെ പ്രൊഫ. പാണ്ഡുരംഗ, ട്രാൻസ്ഫോം യൂറോപ്പ് ബ്രസൽസിന്റെ ഡോ. റോളണ്ട് കുൽകെ, സബ്രിയെ റ്റെൻബർക്കൻ, പോൾ ക്രോണൻബർഗ്, തുടങ്ങിയവർ സംസാരിക്കും. ഇന്റർനെറ്റ് ഗവേണൻസിന്റെ പ്രത്യേക സെഷനിൽ ഇന്റർനെറ്റ് സൊസൈറ്റി യു.കെ.യിലെ ഒളിവർ ക്രെപിൻ, അമൃത ചൗധരി തുടങ്ങിയവർ സംബന്ധിക്കും. കേരളത്തിന്റെ ടൂറിസം സാധ്യതകളെക്കുറിച്ച് പൊതുമരാമത്ത്-ടൂറിസം വകുപ്പ് മന്ത്രി പി. മുഹമ്മദ് റിയാസ് പ്രഭാഷണം നടത്തും. വൈകിട്ട് നടക്കുന്ന ബ്യൂട്ടി ഓഫ് ലൈഫിൽ നടൻ മോഹൻ അഗാഷേ, തിരക്കഥാകൃത്ത് അൻജും രാജമൂർത്തി തുടങ്ങിയവർ സംസാരിക്കും.
ആഗസ്റ്റ് 14 ന് വൈജ്ഞാനിക സമ്പദ് വ്യവസ്ഥാനിർമിതിയും തദ്ദേശഭരണവും എന്ന വിഷയത്തിൽ തദ്ദേശസ്വയംഭരണ - എക്സൈസ് വകുപ്പ് മന്ത്രി എം ബി രാജേഷ് ജിനോമിക്സ് മെഡിക്കൽ ടെക്നോളജി, സൈബർ നിയമങ്ങൾ, മാധ്യമ സ്വാതന്ത്ര്യം എന്നിവയാണ് അന്നത്തെ സെഷനുകൾ. ഡോ. വിനോദ് സ്കറിയ (ഐ.ജി.ഐ.ബി. ന്യൂഡൽഹി) ഡോ. നീൽ ശങ്കർ (യു.എസ്.എ.) ഡോ. രാംചന്ദ് സി. (മാഗ്ജിനോം), ഡോ. യു.സി. ജലീൽ (ഓപ്പൺസോഴ്സ് കോവിഡ് ഫൗണ്ടേഷൻ), അപർ ഗുപ്ത (ഇന്റർനെറ്റ് ഫ്രീഡം ഫൗണ്ടേഷൻ ഇൻഡ്യ), പർമീന്ദർജീത് സിംഗ്, ഋഷഭ് ബെയ്‍ലി തുടങ്ങിയവർ സംസാരിക്കും. പത്രപ്രവർത്തകരായ രാവിഷ് കുമാർ, ജോസി ജോസഫ്, മുഹമ്മദ് സുബൈർ എന്നിവർ പ്രസ്സ് ഫ്രീഡം സെഷന് നേതൃത്വം നൽകും. കേരളത്തിന്റെ ധനകാര്യ വകുപ്പ് മന്ത്രി കെ.എൻ. ബാലഗോപാൽ ഫിനാൻസ് ഇൻ ന്യൂ കേരള എന്ന വിഷയത്തിൽ പ്രത്യേക പ്രഭാഷണവും നടത്തുന്നുണ്ട്.
അവസാന ദിവസമായ ആഗസ്റ്റ് 15ന് നടക്കുന്ന ഇ-ഗവേണൻസ് സെമിനാറിന് കേരളത്തിന്റെ ചീഫ് സെക്രട്ടറി ഡോ. വി. വേണു, മുൻ പ്രതിരോധ സെക്രട്ടറി ഡോ. അജയ കുമാർ, ഐ.ഐ.എം.-ലെ ഡോ. ശ്രീജിത്ത്, ഐ.ടി. സെക്രട്ടറി ഡോ. രത്തൻ ഖേൽകർ എന്നിവർ നേതൃത്വം നൽകും. തുടർന്ന് നടക്കുന്ന ഡിജിറ്റൽ എഡ്യൂക്കേഷൻ കോൺക്ലേവ് 2023-ൽ മുൻ വിദ്യാഭ്യാസ മന്ത്രി എം.എ. ബേബി, അഖില രാധാകൃഷ്ണൻ (യുണിസെഫ്), ഗുരുമൂർത്തി കാശിനാഥ് (ഐ.ടി. ഫോർ ചേഞ്ച്) എന്നിവരുടെ പ്രഭാഷണമുണ്ടാകും.
സമാന്തര സെഷനുകൾ[തിരുത്തുക]
വേദി രണ്ടിൽ ആഗസ്റ്റ് 13-ന് ഡിജിറ്റൽ സുരക്ഷയിലും ഓപ്പൺ സോഴ്സ് ലൈസൻസിലും ശില്പശാല നടക്കും. ആഗസ്റ്റ് 14-ന് ബ്ലോക്ക്ചെയിൻ വെബ് 3.0 ആന്റ് ഡാപ്പ് ഡെവലപ്മെന്റിലാണ് ശില്പശാല. മൂന്നാം ദിവസം ഡിജിറ്റൽ എഡ്യൂക്കേഷൻ കോൺക്ലേവ് നടക്കും. വേദി മൂന്നിൽ ആദ്യ ദിവസം വിക്കി സംഗമവും കേരള പ്രൊഫഷണൽ നെറ്റ്‍വർക്കിന്റെ കോൺക്ലേവുമാണ്. ഡി.എ.കെ.എഫ് ജനറൽ കൗൺസിൽ ആഗസ്ത് 14നും സമകാലിക ശാസ്ത്ര-സാങ്കേതിക വിപ്ലവവും സഹകരണ പ്രസ്ഥാനവും എന്ന വിഷയത്തിലെ ശില്പശാല പതിനഞ്ചിനും നടക്കും. വേദി നാലിൽ ആദ്യ ദിനം സ്ക്രൈബസ്, ഓപ്പൺ സ്ട്രീറ്റ് മാപ്, കൃത, എക്സ്പൈസ് തുടങ്ങിയവയിലാണ് ശില്പശാലകൾ. എമർജൻസി റെസ്പോൺസ് സപ്പോർട്ട്, സൈബർ ഫോറൻസിക്, ഡിജിറ്റൽ സർവെ മിഷൻ എന്നിവയുടെ അവതരണം പതിനാലിന് ഉണ്ടായിരിക്കും. കേരളത്തിലെ മികച്ച ഇ-ഗവേണൻസ് സംരംഭങ്ങളെക്കുറിച്ചുള്ള ലൈറ്റ്നിങ് ടോക്സ് ഈ ദിനത്തിന്റെ പ്രത്യേകതയാണ്.
പരിപാടികൾ[തിരുത്തുക]
- സ്വാതന്ത്ര്യോത്സവ തിരുത്തൽ യജ്ഞം 2023
- വിക്കിപീഡിയ പഠനശിബിരം
- വിക്കിപീഡിയ സ്റ്റാൾ
- വിക്കിപീഡിയ:പ്രതിമ നഗരി
- ↑ https://freedomfest2023.in/schedule-new/.
{{cite web}}: Missing or empty|title=(help)