അഞ്ചാം കേരളനിയമസഭ
Jump to navigation
Jump to search
കേരള സംസ്ഥാനം ഔദ്യോഗികമായി രൂപം കൊണ്ടതിനു ശേഷം നടന്ന അഞ്ചാമത്തെ നിയമസഭാ പൊതു തിരഞ്ഞെടുപ്പിൽ (1977) തിരഞ്ഞെടുക്കപ്പെട്ട അംഗങ്ങളായിരുന്നു അഞ്ചാം കേരള നിയമസഭയെ പ്രതിനിധീകരിച്ചത്. 1977 മാർച്ച് ഇരുപത്തഞ്ചിനാണ് കെ. കരുണാകരന്റെ നേതൃത്വത്തിൽ അഞ്ചാം കേരള നിയമസഭ ഔദ്യോഗികമായി നിലവിൽ വന്നത്. [1] 1977 മാർച്ച് പത്തൊൻപതിനാണ് അസംബ്ലി തിരഞ്ഞെടുപ്പ് നടന്നത്.[2] [3] നാലാം നിയമസഭ തിരഞ്ഞെടുപ്പിനെ തുടർന്ന് അധികാരത്തിലേറിയ സി. അച്യുതമേനോനൻ മന്ത്രിസഭ 1975 ഒക്ടോബറിൽ കാലാവധി പൂർത്തിയാക്കിയെങ്കിലും അടിയന്തരാവസ്ഥയെ (1975-1977) മൂലം തിരഞ്ഞെടുപ്പ് നടക്കാതെ വന്നതിനാൽ നാലാം നീയമസഭ തുടർഭരണം നടത്തുകയും 1977 മാർച്ച് 19-ന് തിരഞ്ഞെടുപ്പിനെ നേരിടുകയും ചെയ്തു. തുടർന്ന് നടന്ന തിരഞ്ഞെടുപ്പിലാണ് കരുണാകര മന്ത്രിസഭ അധികാരത്തിലേറിയത്.
