2008
വിക്കിപീഡിയ, ഒരു സ്വതന്ത്ര വിജ്ഞാനകോശം.
2008 ഇപ്പോള് നടപ്പിലുള്ള വര്ഷമാണ്. ഈ വര്ഷം നടന്ന പ്രധാന സംഭവങ്ങളും വിശേഷങ്ങളും ഈ താളില് കാണാം.
ഉള്ളടക്കം |
[തിരുത്തുക] ഏപ്രില്
- ഏപ്രില് 8 - കേരള സര്ക്കാരിന്റെ 2007-ലെ ചലച്ചിത്ര പുരസ്കാരങ്ങള് പ്രഖ്യാപിച്ചു. മികച്ച നടന്: മോഹന്ലാല് (പരദേശി), മികച്ച നടി:മീരാ ജാസ്മിന് (ഒരേ കടല്), മികച്ച കഥാകൃത്ത്: പി.ടി. കുഞ്ഞുമുഹമ്മദ് (പരദേശി). ഛായാഗ്രാഹകന് :എം.ജെ. രാധാകൃഷ്ണന് (അടയാളങ്ങള്). തിരക്കഥാകൃത്ത്: സത്യന് അന്തിക്കാട് (വിനോദയാത്ര). ഗാനരചയിതാവ്: റഫീക്ക് അഹമ്മദ് (പ്രണയകാലം). മികച്ച ചലച്ചിത്രത്തിനടക്കം അഞ്ചു പുരസ്കാരങ്ങള് അടയാളങ്ങള് എന്ന ചലച്ചിത്രം നേടി.
- ഏപ്രില് 18 - ഇന്ത്യന് പ്രീമിയര് ലീഗ് തുടങ്ങി. ബാംഗ്ലൂര് റോയല് ചാലഞ്ചേഴ്സും കൊല്ക്കത്ത നൈറ്റ് റൈഡേര്സും തമ്മില് ബെംഗളൂരുവില് ആയിരുന്നു ആദ്യ മത്സരം.
- ഏപ്രില് 28 - ഒരു പി.എസ്.എല്.വി വിക്ഷേപണവാഹനം ഉപയോഗിച്ച് പത്തു് ഉപഗ്രഹങ്ങളെ ഇസ്രോ വിജയകരമായി ഭ്രമണപഥത്തിലെത്തിച്ചു.
[തിരുത്തുക] മേയ്
- മേയ് 2- 'സാല്വേഷന്' അന്താരാഷ്ട്ര പ്രദര്ശനത്തിന് കൊച്ചിയില് തുടക്കം
- മേയ് 3 - യാഹൂ ഏറ്റെടുക്കാനുള്ള തീരുമാനത്തില് നിന്നും മൈക്രോസോഫ്റ്റ് പിന്മാറി
- മേയ് 4 - മ്യാന്മറില് ചുഴലിക്കൊടുങ്കാറ്റ്,നിരവധി പേര് മരിച്ചു
- മേയ് 10 - കര്ണാടക നിയമസഭയിലേക്കുള്ള ആദ്യ ഘട്ട തിരഞ്ഞെടുപ്പ്.
- മേയ് 12 - ഭൂകമ്പമാപിനിയില് 7.9 രേഖപ്പെടുത്തിയ ഭൂകമ്പം ചൈനയില്.19,000-ത്തില് അധികം പേര് മരിച്ചതായി റിപ്പോര്ട്ട്
- മേയ് 13 - രാജസ്ഥാനിലെ ജയ്പൂരില് ബോംബ് സ്ഫോടന പരമ്പര. 80-ല് അധികം മരണം
- മേയ് 25 - ഫീനിക്സ് ബഹിരാകാശ പേടകം വിജയകരമായി ചൊവ്വയുടെ ഉപരിതലത്തിലിറങ്ങി
- മേയ് 25 - കര്ണാടക നിയമസഭാ തിരഞ്ഞെടുപ്പിന്റെ ഫലം പ്രഖ്യാപിച്ചു. ആകെയുള്ള 224 സീറ്റുകളില് ബി.ജെ.പി. ക്ക് 110 സീറ്റ്, കോണ്ഗ്രസിന് 80 സീറ്റ്, ജനതാദള്-എസ്സിന് 28 സീറ്റ്,ബാക്കി 6 സീറ്റ് സ്വതന്ത്രരും നേടി.
- മേയ് 28 - നേപ്പാളിനെ സ്വതന്ത്ര റിപ്പബ്ലിക്കാക്കി പ്രഖ്യാപിച്ചു.
[തിരുത്തുക] ജൂലൈ
- ജൂലൈ 1 - കൂടിയാട്ട കലാകാരന് അമ്മന്നൂര് മാധവ ചാക്യാര് അന്തരിച്ചു.
- ജൂലൈ 12 - സല്മാന് റുഷ്ദിയുടെ മിഡ്നൈറ്റ്സ് ചില്ഡ്രണ് എന്ന കൃതിക്ക് ബെസ്റ്റ് ഓഫ് ദ ബുക്കര് പുരസ്കാരം ലഭിച്ചു.
- ജൂലൈ 12 - കേരളത്തിലെ കെ.എസ്.ആര്.ടി.സി. അടക്കമുള്ള ബസ്സ് സര്വ്വീസുകളില് ഏറ്റവും കുറഞ്ഞ നിരക്ക് നാലു രൂപയായി പുതുക്കി നിശ്ചയിച്ചു.
- ജൂലൈ 18 - ദക്ഷിണ കൊറിയയെ തോല്പിച്ച് ഇന്ത്യ ജൂനിയര് ഏഷ്യാ കപ്പ് ഹോക്കി കിരീടം നിലനിര്ത്തി (3-2).
- ജൂലൈ 19 - ഏഴാം ക്ലാസ്സിലെ പാഠപുസ്തകം മാറ്റണമെന്നാവശ്യപ്പെട്ട് മലപ്പുറത്ത് യൂത്ത് ലീഗ് നടത്തിയ സമരത്തെത്തുടര്ന്നുണ്ടായ സംഘര്ഷത്തില് വാലില്ലാപ്പുഴ എ.എല്.പി. സ്കൂള് പ്രധാനാധ്യാപകനായ ജയിംസ് അഗസ്റ്റിന് മരിച്ചു.
- ജൂലൈ 21 - ബംഗാളി ചലച്ചിത്രസംവിധായകന് തപന് സിന്ഹയ്ക്ക് 2006-ലെ ദാദാസാഹിബ് ഫാല്ക്കെ അവാര്ഡ്.
- ജൂലൈ 21 - നേപ്പാളിലെ ആദ്യപ്രസിഡന്റായി നേപ്പാളി കോണ്ഗ്രസ് നേതാവ് രാംബരണ് യാദവ് തിരഞ്ഞെടുക്കപ്പെട്ടു.
- ജൂലൈ 22 - ഇന്ത്യയിലെ മന്മോഹന് സിംഗ് സര്ക്കാര് വിശ്വാസവോട്ടില് വിജയിച്ചു (275 - 256).
- ജൂലൈ 23 - ലോക്സഭാ സ്പീക്കര് ആയ സോമനാഥ് ചാറ്റര്ജിയെ സി.പി.ഐ.(എം) -ല്നിന്ന് പുറത്താക്കി.
- ജൂലൈ 25 - ബാംഗ്ലൂരില് തീവ്രവാദി അക്രമണം എന്ന് സംശയിക്കപ്പെടുന്ന ബോംബ് സ്ഫോടന പരമ്പര. ഒരാള് മരിക്കുകയും 8 പേര്ക്ക് പരിക്കേല്ക്കുകയും ചെയ്തു.
- ജൂലൈ 26 - അഹമ്മദാബാദില് ബോംബ് സ്ഫോടന പരമ്പര. അമ്പതില് അധികം പേര് മരിക്കുകയും നൂറിലധികം പേര്ക്ക് പരിക്കേല്ക്കുകയും ചെയ്തു.
- ജൂലൈ 26 - ചലച്ചിത്ര പിന്നണിഗായിക ശാന്താ പി. നായര് അന്തരിച്ചു.
- ജൂലൈ 29 - കൊച്ചിയിലെ സ്മാര്ട്ട് സിറ്റിയ്ക്ക് ആവശ്യമായ 246 ഏക്കര് ഭൂമി സംസ്ഥാന സര്ക്കാര് ഏറ്റെടുത്ത് പാട്ടവ്യവസ്ഥകളോടെ കമ്പനിക്ക് കൈമാറി.
- ജൂലൈ 29 - 2008-ലെ മലയാറ്റൂര് അവാര്ഡിന് കെ.പി. രാമനുണ്ണി അര്ഹനായി.
- ജൂലൈ 30 - സച്ചാര് കമ്മിറ്റി റിപ്പോര്ട്ടിന്റെ അടിസ്ഥാനത്തില് കേരളത്തില് മുസ്ലിം പെണ്കുട്ടികള്ക്ക് ബിരുദ, ബിരുദാനന്തര പഠനത്തിന് 3000 രൂപ മുതല് 5000 രൂപ വരെ സ്കോളര്ഷിപ്പ് നല്കാന് സംസ്ഥാന സര്ക്കാര് തീരുമാനിച്ചു.
- ജൂലൈ 31 - ബാബാ ആംതെയുടെ മകന് പ്രകാശ് ആംതെയ്ക്കും മരുമകള് മന്ദാകിനി ആംതെയ്ക്കും 2008-ലെ രമണ് മഗ്സാസെ അവാര്ഡ്.
[തിരുത്തുക] ഓഗസ്റ്റ്
- ഓഗസ്റ്റ് 1 - കാനഡ, ഗ്രീന്ലന്ഡ്, ഉത്തരധ്രുവമേഖല, ചൈന, മംഗോളിയ, മധ്യറഷ്യ എന്നിവിടങ്ങളില് പൂര്ണസൂര്യഗ്രഹണം ദൃശ്യമായി.
- ഓഗസ്റ്റ് 1 - മുസ്ലിം ലീഗ് നേതാവ് സയ്യിദ് ഉമര് ബാഫഖി തങ്ങള് അന്തരിച്ചു.
- ഓഗസ്റ്റ് 1 - സി.പി.ഐ.എം മുതിര്ന്ന നേതാവും മുന് ജനറല് സെക്രട്ടറിയുമായിരുന്ന ഹര്കിഷന്സിങ് സുര്ജിത് ഉച്ചയ്ക്ക് 1.35 ന് അന്തരിച്ചു.
- ഓഗസ്റ്റ് 1 - ഇന്ത്യയില് 29 പുതിയ പ്രത്യേക സാമ്പത്തിക മേഖല (സെസ്) കൂടി അനുവദിച്ചു. കേരളത്തില് കാസര്ഗോഡ്, തളിപ്പറമ്പ്, ചേര്ത്തല, അമ്പലപ്പുഴ എന്നിവിടങ്ങളിലും സെസ് വരും.
- ഓഗസ്റ്റ് 1 - ആന്ധ്രാപ്രദേശിലെ മെഹ്ബൂബാബാദിനടുത്ത് ട്രെയിനിന് തീപിടിച്ച് 30-ലേറെ പേര് മരിച്ചു.
- ഓഗസ്റ്റ് 3 - ഹിമാചല് പ്രദേശിലെ നൈനാദേവി ക്ഷേത്രത്തില് തിക്കിലും തിരക്കിലുംപെട്ട് 146 പേര് മരിച്ചു.
- ഓഗസ്റ്റ് 3 - നോബല് സമ്മാനജേതാവായ റഷ്യന് നോവലിസ്റ്റ് അലക്സാണ്ടര് സോള്ഷെനിറ്റ്സിന് അന്തരിച്ചു.
- ഓഗസ്റ്റ് 5 - സിമിക്കെതിരായ നിരോധനം ഡല്ഹി സ്പെഷ്യല് ട്രൈബ്യൂണല് നീക്കി.
- ഓഗസ്റ്റ് 6 - സിമിക്കെതിരായ നിരോധനം നീക്കിയ ഉത്തരവ് സുപ്രീംകോടതി സ്റ്റേ ചെയ്തു.
- ഓഗസ്റ്റ് 7 - പാകിസ്താന് പ്രസിഡന്റ് പര്വെസ് മുഷറഫിനെ ഇംപീച്ച് ചെയ്യാന് ഭരണകക്ഷികളായ പാകിസ്താന് മുസ്ലീം ലീഗും പാകിസ്താന് പീപ്പിള്സ് പാര്ട്ടിയും തീരുമാനിച്ചു.
- ഓഗസ്റ്റ് 8 - ഇരുപത്തിയൊന്പതാമത് ഒളിമ്പിക്സ് ചൈനയിലെ ബെയ്ജിങ്ങില് ആരംഭിച്ചു.
- ഓഗസ്റ്റ് 9 - പലസ്തീന് കവി മഹ്മൂദ് ദാര്വിഷ് അന്തരിച്ചു.
- ഓഗസ്റ്റ് 9 - ഹോളിവുഡ് ഹാസ്യതാരം ബെര്ണി മാക്ക് അന്തരിച്ചു.
- ഓഗസ്റ്റ് 11 - ഇന്ത്യയെ 2-1-ന് തോല്പിച്ച് ശ്രീലങ്ക മൂന്ന് ടെസ്റ്റുകളുടെ ക്രിക്കറ്റ് പരമ്പര സ്വന്തമാക്കി.[1]
- ഓഗസ്റ്റ് 11 - ബെയ്ജിങ്ങ് ഒളിമ്പിക്സില് പുരുഷന്മാരുടെ 10 മീറ്റര് എയര് റൈഫിള് ഷൂട്ടിങ്ങില് ഇന്ത്യയുടെ അഭിനവ് ബിന്ദ്ര സ്വര്ണ്ണം നേടി. ഇന്ത്യയുടെ ഒളിമ്പിക്സ് ചരിത്രത്തിലെ ആദ്യ വ്യക്തിഗത സ്വര്ണ്ണമാണിത്.[2]
- ഓഗസ്റ്റ് 12 - അമര്നാഥ് ക്ഷേത്രഭൂമി പ്രശ്നത്തില് ജമ്മുകശ്മീരില് അക്രമം: 13 പേര് കൊല്ലപ്പെട്ടു.[3]
- ഓഗസ്റ്റ് 13 - ബെയ്ജിങ് ഒളിമ്പിക്സിലെ 200 മീ. ബട്ടര്ഫ്ളൈ നീന്തലില് അമേരിക്കയുടെ മൈക്കല് ഫെല്പ്സ് സ്വര്ണ്ണം നേടി. ഇതോടെ ഒളിമ്പിക്സില് ഏറ്റവും കൂടുതല് സ്വര്ണ്ണം നേടുന്ന താരമെന്ന ബഹുമതി ഫെല്പ്സിന് സ്വന്തമായി.[4]
- ഓഗസ്റ്റ് 13 - എ.എഫ്.സി. കപ്പ് ഫുട്ബോള് കിരീടം ഇന്ത്യ നേടി. ഫൈനലില് തജാക്കിസ്ഥാനെ ഒന്നിനെതിരെ നാല് ഗോളുകള്ക്ക് തോല്പ്പിച്ചാണ് ഇന്ത്യ ജേതാക്കളായത്.[5]
- ഓഗസ്റ്റ് 14 - നാടകരംഗത്തെ സമഗ്ര സംഭാവനയ്ക്കുള്ള കേരള സര്ക്കാരിന്റെ എസ്.എല്. പുരം പുരസ്കാരത്തിന് നിലമ്പൂര് ആയിഷ അര്ഹയായി.[6]
- ഓഗസ്റ്റ് 16 - പ്രമുഖ നാടക നടന് കെ.പി.എ.സി ഖാന് അന്തരിച്ചു.[7]
- ഓഗസ്റ്റ് 16 - ബെയ്ജിങ്ങ് ഒളിമ്പിക്സില് 100 മീറ്റര് ബട്ടര്ഫ്ലൈ നീന്തലില് സ്വര്ണ്ണം നേടിയതോടെ അമേരിക്കയുടെ മൈക്കല് ഫെല്പ്സ് ഒരു ഒളിമ്പിക്സില് ഏറ്റവും കൂടുതല് സ്വര്ണ്ണം (7 എണ്ണം) നേടുന്ന കായികതാരം എന്ന ബഹുമതി മാര്ക്ക് സ്പ്ലിറ്റ്സുമായി പങ്കുവെച്ചു.[8]
- ഓഗസ്റ്റ് 16 - ജമൈക്കയുടെ ഉസൈന് ബോള്ട്ട് ബെയ്ജിങ്ങ് ഒളിമ്പിക്സില് 100 മീറ്റര് ഓട്ടത്തില് 9.69 സെക്കന്റ് സമയം എന്ന പുതിയ ലോകറെക്കോര്ഡോടെ സ്വര്ണ്ണം നേടി. [9]
- ഓഗസ്റ്റ് 16 - നേപ്പാള് റിപ്പബ്ലിക്കിന്റെ പ്രഥമ പ്രധാനമന്ത്രിയായി പുഷ്പകമല് ദഹാല് പ്രചണ്ഡ തിരഞ്ഞെടുക്കപ്പെട്ടു.[10]
- ഓഗസ്റ്റ് 17 - ബെയ്ജിങ് ഒളിമ്പിക്സിലെ നീന്തലില് 8 സ്വര്ണ്ണം നേടിയതോടെ അമേരിക്കയുടെ മൈക്കല് ഫെല്പ്സ് ഒരു ഒളിമ്പിക്സില് ഏറ്റവും കൂടുതല് സ്വര്ണ്ണം നേടുന്ന താരമെന്ന ബഹുമതി സ്വന്തമാക്കി. ഒളിമ്പിക്സില് വ്യക്തിഗതയിനത്തില് ഏറ്റവും കൂടുതല് സ്വര്ണ്ണം (14) നേടിയതും ഇദ്ദേഹമാണ്.[11]
- ഓഗസ്റ്റ് 18 - പാക്കിസ്ഥാന് പ്രസിഡണ്ട് പര്വേസ് മുഷാറഫ് രാജി പ്രഖ്യാപിച്ചു.[12]
- ഓഗസ്റ്റ് 18 - കേരളത്തിലെ വൈദ്യുതി നിരക്കിനുമേല് യൂണിറ്റിന് 50 പൈസ വീതം ഇന്ധന സര്ച്ചാര്ജ് ഏര്പ്പെടുത്തി.[13]
- ഓഗസ്റ്റ് 19 - സാംബിയ പ്രസിഡന്റ് ലെവി മ്വാനവാസ അന്തരിച്ചു.[14]
- ഓഗസ്റ്റ് 20 - വിവിധ ആവശ്യങ്ങള് ഉന്നയിച്ച് ഇടതുപക്ഷ ട്രേഡ്യൂണിയനുകളുടെ ആഭിമുഖ്യത്തില് ആഹ്വാനം ചെയ്ത ദേശീയപണിമുടക്ക് നടന്നു. കേരളത്തില് പൂര്ണ്ണം.[15]
- ഓഗസ്റ്റ് 20 - ബെയ്ജിങ് ഒളിമ്പിക്സില് 66 കിലോ ഗുസ്തിയില് ഇന്ത്യയുടെ സുശീല്കുമാറിന് വെങ്കലം.[16]
[തിരുത്തുക] ആധാരസൂചികകള്
- ↑ Clinical Sri Lanka clinch series
- ↑ സുവര്ണ വെടിനാദം
- ↑ 13 dead as J-K burns, PM calls another meet
- ↑ Phelps wins Olympic Men's 200m Butterfly gold in world record time
- ↑ Sunil shines in India triumph
- ↑ നിലമ്പൂര് ആയിഷയ്ക്ക് എസ്.എല്.പുരം അവാര്ഡ്
- ↑ മാതൃഭൂമി വാര്ത്ത
- ↑ Phelps Ties Spitz for Golds at a Single Olympics
- ↑ Usain Bolt the world's fastest man ever
- ↑ Prachanda elected Prime Minister of Nepal
- ↑ Historic eighth gold for Michael Phelps
- ↑ Musharaf quits as Pak President
- ↑ വൈദ്യുതി നിരക്ക് കൂടുന്നു; യൂണിറ്റിന് 50 പൈസ സര്ചാര്ജ് മാതൃഭൂമി 2008 ഓഗസ്റ്റ് 18
- ↑ Zambia president Levy Mwanawasa dead "Times of India", 2008 ഓഗസ്റ്റ് 19.
- ↑ പണിമുടക്ക് പൂര്ണം; തീവണ്ടികള് റദ്ദാക്കി മാതൃഭൂമി 2008 ഓഗസ്റ്റ് 20.
- ↑ WRESTLER SUSHIL KUMAR WINS BRONZE "IBNLive", 2008 ഓഗസ്റ്റ് 20.
