വിശ്വനാഥൻ ആനന്ദ്
| വിശ്വനാഥൻ ആനന്ദ് | |
|---|---|
 |
|
| മുഴുവൻ പേര് | വിശ്വനാഥൻ ആനന്ദ് |
| രാജ്യം | ഇന്ത്യ |
| സ്ഥാനം | ഗ്രാൻഡ് മാസ്റ്റർ |
| ലോകജേതാവ് | 2000–2002 (ഫിഡെ) 2007– (അൺഡിസ്പ്യൂട്ടഡ്) |
| ഫിഡെ റേറ്റിങ് | 2791 (No. 4 on the May 2012 FIDE ratings list)[1] |
| ഉയർന്ന റേറ്റിങ് | 2817 (മേയ് 2011) |
വിശ്വനാഥൻ ആനന്ദ് ഇന്ത്യയിൽ നിന്നുള്ള ചെസ്സ് ഗ്രാൻഡ്മാസ്റ്ററും ഫിഡെയുടെ നിലവിലെ ലോക ചെസ്സ് ചാമ്പ്യനുമാണ്. ലോകചെസ്സ് കിരീടം നേടിയ ആദ്യ ഏഷ്യാക്കാരൻ, ചെസ്സ് ഓസ്കാർ ലഭിച്ച ആദ്യ ഏഷ്യാക്കാരൻ ഇന്ത്യയിലെ ഗ്രാൻഡ് മാസ്റ്റർ എന്ന നിലയിൽ പ്രശസ്തനാണ് ഇദ്ദേഹം. 1997 മുതൽ തുടർച്ചയായി ലോകത്തിലെ ഒന്നാം നമ്പർ ചെസ്സ് താരമായ ആനന്ദ്, ഫിഡെയുടെ സ്ഥാനക്രമപട്ടികയിൽ 2800-ൽ അധികം പോയിന്റ് നേടിയിട്ടുള്ള ആറ് താരങ്ങളിൽ ഒരാളുമാണ്.[2007]]-ൽ മെക്സിക്കോയിലും 2008-ൽ ജർമ്മനിയിലെ ബോണിലും നടന്ന ലോക ചെസ്സ് ചാമ്പ്യൻഷിപ്പിൽ വിജയിച്ചുകൊണ്ട് ആനന്ദ് ലോക ചാമ്പ്യൻപട്ടം രണ്ടുതവണ കരസ്ഥമാക്കുകയുണ്ടായി. ലോകം കണ്ട ഏറ്റവും മികച്ച ചെസ്സ്താരങ്ങളിലൊരാളായി അറിയപ്പെടുന്ന ഇദ്ദേഹത്തിനായിരുന്നു ആദ്യത്തെ ഖേൽരത്ന അവാർഡ്.
2007 ഏപ്രിലിൽ ഫിഡെയുടെ എലോ റേറ്റിങ് ലിസ്റ്റിൽ ഒന്നാമതെത്തിയ ആനന്ദ് 2007 ജൂലൈയിൽ 2792 പോയിന്റോടെ വീണ്ടും ആ സ്ഥാനത്തെത്തിയിരുന്നു. 1970-ൽ നിലവിൽ വന്ന എലോ ലിസ്റ്റിൽ ബോബി ഫിഷർ, അനാറ്റൊളി കാർപോവ്, ഗാരി കാസ്പറോവ്, വ്ലാഡിമിർ ക്രാംനിക്, വസലിൻ ടോപോലോഫ് എന്നീ ലോകോത്തര ചെസ്സ് താരങ്ങൾ മാത്രമേ ആനന്ദിനെക്കൂടാതെ ഒന്നാമതെത്തിയിട്ടുള്ളൂ.
ഉള്ളടക്കം |
[തിരുത്തുക] ജീവചരിത്രം
തമിഴ്നാട്ടിൽ 1969 ഡിസംബർ 11-ന് [2] ആണ് ആനന്ദിന്റെ ജനനം. ആറാം വയസ്സിൽത്തന്നെ ചെസ്സ്കളി തുടങ്ങി. അമ്മയായിരുന്നു ആദ്യഗുരു.ആനന്ദിന്റെ അച്ഛനും ചെസ്സ്കളിയിൽ താല്പര്യം ഉണ്ടായിരുന്നു. വേഗത്തിലുള്ള മികച്ച കളി കൊണ്ട് വിദഗ്ദരുടെ ശ്രദ്ധയാകർഷിച്ച ആനന്ദ് ഇന്ത്യൻ ചെസിലെ അദ്ഭുതബാലനായി പേരെടുത്തു.പതിനാലാം വയസ്സിൽ കോയമ്പത്തൂരിൽ വെച്ച് ഏഷ്യൻ ജൂനിയർ ചാമ്പ്യൻഷിപ്പ് നേടി. 1986-ൽ ആനന്ദ് ദേശീയ ചാമ്പ്യൻപട്ടം നേടി. 1987-ൽ ഫിലിപ്പീൻസിൽ നടന്ന ലോകജൂനിയർ ചാമ്പ്യൻഷിപ്പിൽ ആനന്ദ് കിരീടം നേടി. ഈ നേട്ടം സ്വന്തമാക്കുന്ന ഏറ്റവും പ്രായം കുറഞ്ഞ ഏഷ്യൻ താരമായിരുന്നു ആനന്ദ് അപ്പോൾ.അതേവർഷം തന്നെ ആനന്ദ്, ചെസ്സ്സിന്റെ മികവിന്റെ അംഗീകാരമായി കണക്കാക്കപ്പെടുന്ന ഗ്രാന്റ്മാസ്റ്റർ പദവിയും കരസ്ഥമാക്കി ഈ പദവിയിലെത്തുന്ന ആദ്യ ഇന്ത്യക്കാരനായി മാറി ആനന്ദ്. 1991-92-ൽ ഇറ്റലിയിൽ നടന്ന റെഗ്ഗിയോ എമിലിയ ടൂർണമെന്റിൽ കിരീടം നേടിയതാണ് ആനന്ദിന്റെ ഏറ്റവും മികച്ച നേട്ടങ്ങളിലൊന്ന്. അക്കാലത്തെ ഏറ്റവും മികച്ച ചെസ്സ്താരങ്ങളെല്ലാം അണിനിരന്ന ടൂർണമെന്റായിരുന്നു അത്. ലോകചെസ്സ്സിലെ ആദ്യരണ്ട് സ്ഥാനം ഏറെക്കാലം അടക്കിഭരിച്ച റഷ്യക്കാരായ കാസ്പറോവും കാർപ്പോവിനെയും പരാജയപ്പെടുത്തിയായിരുന്നു ആനന്ദിന്റെ വിജയം.1995-ൽ ന്യൂയോർക്കിൽ നടന്നലോകചാപ്യൻഷിപ്പിൽ ആനന്ദ് [[ഗാരി കാസ്പറോവ്|ഗാരി കാസ്പറോവിന് പിന്നിൽ രണ്ടാം സ്ഥാനത്തെത്തി.1997-ൽ നടന്ന ഫിഡേലോകചാപ്യൻഷിപ്പിലും ആനന്ദിന് രണ്ടാംസ്ഥാനം ലഭിച്ചിരുന്നു.കാർപ്പോവ് ആയിരുന്നു അന്ന് ചാപ്യൻ.2000-ലും 2002-ലും ഫിഡേലോകകപ്പ് ആനന്ദിനായിരുന്നു. സ്പെയിനിലാണ് താമസിക്കുന്നതെങ്കിലും ഇന്ത്യയിൽ ചെസ്സ് കളിയുടെ വളർച്ചക്കുള്ള പലപരിപാടികളിലും ആനന്ദ് മുൻകൈ എടുക്കുന്നുണ്ട്.
മൈ ബെസ്റ്റ് ഗെയിംസ് ഓഫ് ചെസ്സ് എന്ന പേരിൽ ഒരു പുസ്തകവും ആനന്ദ് എഴുതിയിട്ടുണ്ട്. ഇത് ഇംഗ്ലീഷ്ജർമൻഭാക്ഷകളിൽ പ്രസിദ്ധീകരിച്ചു.
[തിരുത്തുക] ലോകചാമ്പ്യൻ
2000ൽ ആനന്ദ് ലോകചെസ്സ് ചാപ്യൻഷിപ്പിൽ കിരീടവും നേടി. ഇറാനിലെ ടെഹ്റാനിലായിരുന്നു ഈ ലോകചെസ്സ് ചാപ്യൻഷിപ്പ് നടന്നത്. ആ ടൂർണമെന്റിൽ ഒരു തവണപോലും തോൽവി അറിയാതെയാണ് ആനന്ദ് കിരീടം നേടിയത്.
[തിരുത്തുക] 2007 മെക്സിക്കോ ലോക ചെസ്സ് ചാമ്പ്യൻഷിപ്പ്
2007-ലെ ലോക ചെസ്സ് ചാമ്പ്യൻഷിപ്പിൽ ആനന്ദാണ് കിരീടം നേടിയത്. മെക്സിക്കോയിൽ നടന്ന ടൂർണമെന്റിൽ 14 റൗണ്ടുകളിൽ നിന്നായി ഒൻപത് പോയന്റ് നേടിയാണ് ആനന്ദ് തന്റെ രണ്ടാം ലോക കിരീടം നേടിയത്. ടൂർണമെന്റിൽ ഒരു കളി പോലും പരാജയപ്പെടാതെയായിരുന്നു ഈ നേട്ടം. 1972ൽ ബോബി ഫിഷറിനു ശേഷം ലോക ചെസ്സ് കിരീടവും ഒന്നാം റാങ്കും ഒരേ സമയം നേടുന്ന റഷ്യക്കാരനല്ലാത്ത ആദ്യ കളിക്കാരനാണ് ആനന്ദ്[3].
2000-ത്തിൽ തന്നെനോക്കൗട്ട് രീതിയിൽ ആനന്ദ് ലോകചാമ്പ്യൻഷിപ്പ് നേടിയിരുന്നെങ്കിലും വ്ലാഡിമർ ക്രാംനിക് കളിക്കാനില്ലാതിരുന്ന ഈ ടൂർണമെന്റിലെ വിജയത്തിന് മാറ്റ് കുറവായിരുന്നു.
മെക്സിക്കോ ടൂർണമെന്റിൽ ലോകത്തെ ഏറ്റവും മികച്ച മറ്റ് എട്ട് കളിക്കാരോടൊപ്പം മാറ്റുരച്ച ആനന്ദ് മാത്രമായിരുന്നു ടൂർണമെന്റിൽ പരാജയമറിയാതിരുന്നത്. ലോക ചെസ്സ് ചാമ്പ്യൻഷിപ്പിന്റെ ചരിത്രത്തിൽ നോക്കൗട്ട് രീതിയിലും, റൗണ്ട് റോബിൻ രീതിയിലും പരാജയമറിയാതെ കിരീടം നേടിയ ഒരേ ഒരു കളിക്കാരനുമാണ് ആനന്ദ്[3].
[തിരുത്തുക] 2008 ബോൺ ലോക ചെസ്സ് ചാമ്പ്യൻഷിപ്പ്
റഷ്യയുടെ വ്ലാദിമിർ ക്രാംനിക്കിനെ തോല്പിച്ചാണ് 2008 ബോൺ ലോക ചെസ്സ് ചാമ്പ്യൻഷിപ്പിൽ വിശ്വനാഥൻ ആനന്ദ് ജേതാവായത്.[4] 11-ആം ഗെയിമിൽ ഒരു സമനില മാത്രം മതിയായിരുന്ന ആനന്ദ് 24 നീക്കത്തിൽ സമനില കൈവരിച്ച് ചാമ്പ്യൻപട്ടം ഒരിക്കൽക്കൂടി കരസ്ഥമാക്കി.
[തിരുത്തുക] പ്രകടനത്തിലെ സ്ഥിരത
1997 മുതൽ ഇതു വരെ ലോക ചെസ്സ് റാങ്കിങ്ങിൽ ആദ്യ മൂന്നിൽ ആനന്ദിനിടമുണ്ട് (നിലവിൽ അദ്ദേഹം ഒന്നാം സ്ഥാനത്താണ്). 2002 മേയ് മുതൽ പങ്കെടുത്ത ഒരു ടൂർണമെന്റിലും ആദ്യ മൂന്നു സ്ഥാനങ്ങളിൽ താഴെയായിരുന്നിട്ടില്ല[3].
[തിരുത്തുക] പ്രശസ്തനായ മകൻ
സ്പെയിനിലെ മാഡ്രിഡിൽ ആനന്ദിനുള്ള വിശേഷണം'ഹിജോ പ്രഡലിക്ടോ' എന്നാണ്. പ്രശസ്തനായ മകൻ എന്നതാണതിനർത്ഥം.
പരമ്പരാഗതരീതിയിലും അതിവേഗരീതിയിലും (റാപ്പിഡ്) ആനന്ദ് തന്റെ പ്രഗൽഭ്യം തെളിയിച്ചിട്ടുണ്ട്.
[തിരുത്തുക] ബഹുമതികൾ, നേട്ടങ്ങൾ[5]
- 1985: അർജ്ജുന അവാർഡ് (ചെസ്സ്)
- 1987: പത്മശ്രീ
- 1991-92: രാജീവ് ഗാന്ധി ഖേൽരത്ന പുരസ്കാരം
- 1997: മികച്ച ചെസ്സ് കളിക്കാരനുള്ള ചെസ്സ് ഓസ്കാർ
- 1998: മികച്ച ചെസ്സ് കളിക്കാരനുള്ള ചെസ്സ് ഓസ്കാർ
- 1998: സ്പോർട്സ്റ്റാർ മില്ലിനിയം അവാർഡ്
- 2000: പത്മഭൂഷൺ
- 2003: മികച്ച ചെസ്സ് കളിക്കാരനുള്ള ചെസ്സ് ഓസ്കാർ
- 2004: മികച്ച ചെസ്സ് കളിക്കാരനുള്ള ചെസ്സ് ഓസ്കാർ
- 2007: ലോക ചെസ്സ് ചാമ്പ്യൻ
- 2007: പത്മവിഭൂഷൺ
- 2008: ലോക ചെസ്സ് ചാമ്പ്യൻ
[തിരുത്തുക] അവലംബം
- ↑ Top 100 Players April 2007. Retrieved on April 15 2007.
- ↑ http://www.chess-theory.com/enva0202t_viswanathan_anand_individual_page.php
- ↑ 3.0 3.1 3.2 ദ് ഹിന്ദു യങ് വേൾഡ് - 2007 ഒക്ടോബർ 12 - പേജ് 2 - ക്ലാസിക് മൂവ്സ് എന്ന തലക്കെട്ടിൽ നന്ദിത ശ്രീധർ എഴുതിയ ലേഖനം
- ↑ "Anand retains World Chess Championship title". IBNLive. http://ibnlive.in.com/news/anand-retains-world-chess-championship-title/77005-5.html, ശേഖരിച്ചത്: ഒക്ടോബർ 29, 2008.
- ↑ "Anand beats Kramnik; retains World Chess Championship". Times Of India Online. http://sports.timesofindia.indiatimes.com/Anand_retains_World_Chess_Championship/articleshow/3652758.cms, ശേഖരിച്ചത്: ഒക്ടോബർ 29, 2008.
 |
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
