എം.പി. വീരേന്ദ്രകുമാർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
എം.പി. വീരേന്ദ്രകുമാർ


നിയോജക മണ്ഡലം കേരള ഘടകം

ജനനം (1936-07-22) 22 ജൂലൈ 1936 (78 വയസ്സ്)
വയനാട്, കേരളം
രാഷ്ടീയകക്ഷി സോഷ്യലിസ്റ്റ് ജനത (ഡെമോക്രാറ്റിക് )
ജീവിതപങ്കാളി(കൾ) ഉഷ വീരേന്ദ്രകുമാർ
കുട്ടികൾ 1 മകനും 3 മകളും
ഭവനം വയനാട്

എം.പി. വീരേന്ദ്രകുമാർ രാഷ്ട്രീയനേതാവും സാഹിത്യകാരനും പ്രഭാഷകനുമാണു്.14-‌‍‌‌ആം ലോകസഭയിൽ കോഴിക്കോട് ലോകസഭാ മണ്ഡലത്തെ പ്രതിനിധീകരിക്കുന്ന അംഗമായിരുന്നു ഇദ്ദേഹം. ജനതാദൾ (എസ്) മുൻ സ്‌റ്റേറ്റ് കമ്മിറ്റി പ്രസിഡന്റ് .സോഷ്യലിസ്റ്റ് ജനത (ഡെമോക്രാറ്റിക് ) പാർട്ടി അംഗമാണ്. മാതൃഭൂമി ദിനപ്പത്രത്തിന്റെ ചെയർമാനും മാനേജിങ് എഡിറ്ററുമാണ് ഇദ്ദേഹം. മലബാറിലെ പ്രമുഖ പ്ലാന്ററുമാണ് ഇദ്ദേഹം.

ജീവിതരേഖ[തിരുത്തുക]

സോഷ്യലിസ്റ്റ് പാർട്ടി നേതാവും മദ്രാസ് നിയമസഭാംഗവുമായിരുന്ന എം.കെ. പത്മപ്രഭാഗൗഡറുടേയും മരുദേവി അവ്വയുടേയും മകനായി 1936 ജൂലൈ 22 ന്‌ കല്പറ്റയിൽ ജനനം.[1] മദിരാശി വിവേകാനന്ദ കോളേജിൽ നിന്ന് തത്ത്വശാസ്ത്രത്തിൽ ബിരുദാനന്തര ബിരുദവും അമേരിക്കയിലെ സിൻസിനാറ്റി സർവകലാശാലയിൽ നിന്ന് എം.ബി.എ. ബിരുദവും കരസ്ഥമാക്കി.[1] 1987 കേരള നിയമസഭാംഗവും വനംവകുപ്പ് മന്ത്രിയുമായി. 48 മണിക്കൂറിനുള്ളിൽ തന്നെ മന്ത്രിസ്ഥാനം രാജിവെച്ചു. കേന്ദ്രമന്ത്രിസഭയിൽ ധനകാര്യ സഹമന്ത്രിയും പിന്നീട് തൊഴിൽ വകുപ്പിന്റെ സ്വതന്ത്രചുമതലയുള്ള സഹമന്ത്രിയുമായി സേവനമനുഷ്ഠിച്ചിട്ടുണ്ട്. അടിയന്തരാവസ്ഥ കാലയളവിൽ ഒളിവിൽ പോയെങ്കിലും പിടിയിലായി ജയിൽവാസമനുഭവിച്ചു[1][2].


തിരഞ്ഞെടുപ്പുകൾ[തിരുത്തുക]

തിരഞ്ഞെടുപ്പുകൾ
വർഷം മണ്ഡലം വിജയി പാർട്ടി മുഖ്യ എതിരാളി പാർട്ടി
2014 പാലക്കാട് ലോകസഭാമണ്ഡലം എം.ബി. രാജേഷ് സി.പി.എം., എൽ.ഡി.എഫ് എം.പി. വീരേന്ദ്രകുമാർ എസ്.ജെ.ഡി., യു.ഡി.എഫ്.

കൃതികൾ[തിരുത്തുക]

കൃതികൾ പുരസ്കാരങ്ങൾ
ഹൈമവതഭൂവിൽ കേന്ദ്ര സാഹിത്യ അക്കാദമി പുരസ്കാരം(2010)[3]
സ്മൃതിചിത്രങ്ങൾ
അമസോണും കുറേ വ്യാകുലതകളും കേരള സാഹിത്യ അക്കാദമി പുരസ്കാരം(2002)[4][5]
ചങ്ങമ്പുഴ:വിധിയുടെ വേട്ടമൃഗം
ആത്മാവിലേക്ക് ഒരു തീർത്ഥയാത്ര
ലോകവ്യാപാരസംഘടനയും ഊരാക്കുടുക്കുകളും
തിരിഞ്ഞുനോക്കുമ്പോൾ
പ്രതിഭയുടെ വേരുകൾ തേടി
അധിനിവേശത്തിന്റെ അടിയൊഴുക്കുകൾ
ഗാട്ടും കാണാച്ചരടുകളും
രോഷത്തിന്റെ വിത്തുകൾ
രാമന്റെ ദുഃഖം
സമന്വയത്തിന്റെ വസന്തം
ബുദ്ധന്റെ ചിരി

പുരസ്കാരങ്ങൾ[തിരുത്തുക]

  • ഓടക്കുഴൽ പുരസ്കാരം
  • സി. അച്ച്യുതമേനോൻ പുരസ്കാരം
  • ജി. സ്‌മാരക പുരസ്കാരം
  • നാലപ്പാടൻ പുരസ്കാരം
  • സാഹിത്യ അക്കാദമി പുരസ്കാരം
  • അബുദാബി ശക്തി പുരസ്കാരം
  • എം.ഇ.എസ്‌. എക്‌സലെൻസ്‌ പുരസ്കാരം
  • സി.എച്ച്‌. മുഹമ്മദ്‌കോയ സ്മാരക പുരസ്കാരം
  • ദുബായ്‌ കൈരളി കലാ കേന്ദ്ര പുരസ്കാരം
  • ഭാരത്‌ സൂര്യ പുരസ്കാരം
  • സി.ബി. കുമാർ എൻഡോവ്‌മെന്റ്‌
  • ദർശൻ കൾച്ചറൽ പുരസ്കാരം
  • ജി. സ്‌മാരക പുരസ്കാരം
  • കൊടുപുന്ന സ്മാരക പുരസ്കാരം
  • വയലാർ അവാർഡ് -2008
  • കേരളസാഹിത്യ അക്കാദമിയുടെ വിശിഷ്ടാംഗത്വം - 2013[6]

കുടുംബം[തിരുത്തുക]

ഇദ്ദേഹത്തിന്റെ മകൻ എം.വി. ശ്രേയംസ് കുമാർ കേരളത്തിലെ രാഷ്ട്രീയ നേതാവും എം.എൽ.എ.യാണ്.

അവലംബം[തിരുത്തുക]

  1. 1.0 1.1 1.2 മാതൃഭൂമി ബുക്സിലെ വീരേന്ദ്രകുമാറിന്റെ പ്രൊഫൈൽ
  2. "കവർസ്റ്റോറി" (ഭാഷ: മലയാളം). മാധ്യമം ആഴ്ചപ്പതിപ്പ് ലക്കം 686. 2011 ഏപ്രിൽ 18. ശേഖരിച്ചത് 2013 മാർച്ച് 12. 
  3. "എം.പി.വീരേന്ദ്രകുമാറിന് കേന്ദ്ര സാഹിത്യ അക്കാദമി അവാർഡ്" (ഭാഷ: മലയാളം). മാതൃഭൂമി. ശേഖരിച്ചത് 20 December 2010. 
  4. http://www.mathrubhumi.com/books/awards.php?award=18
  5. യാത്രാവിവരണ വിഭാഗത്തിൽ കേരള സാഹിത്യ അക്കാദമി പുരസ്കാരം ലഭിച്ച കൃതികൾ.
  6. "എം.പി വീരേന്ദ്രകുമാറിനും സക്കറിയക്കും സാഹിത്യഅക്കാദമി വിശിഷ്ടാംഗത്വം". മാതൃഭൂമി ബുക്സ്. 2013 ഒക്ടോബർ 12. ശേഖരിച്ചത് 2013 ഒക്ടോബർ 12. 

പുറം കണ്ണികൾ[തിരുത്തുക]


"http://ml.wikipedia.org/w/index.php?title=എം.പി._വീരേന്ദ്രകുമാർ&oldid=1949351" എന്ന താളിൽനിന്നു ശേഖരിച്ചത്