ജി. ശങ്കരക്കുറുപ്പ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(ജി.ശങ്കരക്കുറുപ്പ് എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ജി. ശങ്കരക്കുറുപ്പ്
G.shankarakurup.jpg
ജി. ശങ്കരക്കുറുപ്പ്
ജനനം(1901-06-03)ജൂൺ 3, 1901
മരണംഫെബ്രുവരി 2, 1978(1978-02-02) (പ്രായം 76)
തൊഴിൽഅദ്ധ്യാപകൻ, കവി, ഉപന്യാസകൻ, വിവർത്തകൻ, ഗാനരചയിതാവ്, ഇന്ത്യൻ പാർലമെന്റ് അംഗം
രചനാ സങ്കേതംകവിത
സാഹിത്യപ്രസ്ഥാനംപ്രതീകാത്മക കവിത
പ്രധാന കൃതികൾഓടക്കുഴൽ (കവിതാസമാഹാരം)

മലയാളത്തിലെ ഒരു കവിയും ഉപന്യാസകാരനും സർവ്വകലാശാല അദ്ധ്യാപകനുമായിരുന്നു ജി. ശങ്കരക്കുറുപ്പ്. ജ്ഞാനപീഠ പുരസ്കാരം നേടുന്ന ആദ്യ മലയാള സാഹിത്യകാരനാണ് ശങ്കരക്കുറുപ്പ്.

ജീവിതരേഖ[തിരുത്തുക]

1901 ജൂൺ 3-ന്‌, നെല്ലിക്കാമ്പളളി വാര്യത്ത് ശങ്കരവാര്യരുടേയും വടക്കിനി മാരാത്ത് ലക്ഷ്മിക്കുട്ടി മാരാസ്യാരുടേയും മകനായി എറണാകുളം ജില്ലയിലെ കാലടിക്കടുത്തുള്ള നായത്തോട് എന്ന സ്ഥലത്ത് ജനിച്ചു. 17-ആം വയസ്സിൽ ഹെഡ് മാസ്റ്ററായി ജോലിയിൽ പ്രവേശിച്ചു. 1937-ൽ എറണാകുളം മഹാരാജാസ് കോളേജിൽ അദ്ധ്യാപകനായി നിയമിക്കപ്പെട്ടു. 1956-ൽ അദ്ധ്യാപകജോലിയിൽ നിന്നും വിരമിച്ചു. കേരള സാഹിത്യ അക്കാദമി പ്രസിഡന്റ്, കേന്ദ്ര സാഹിത്യ അക്കാദമി അംഗം, രാജ്യസഭാംഗം എന്നീ നിലകളിൽ സേവനം അനുഷ്ടിച്ചു. 1978 ഫെബ്രുവരി 2-ന്‌ അന്തരിച്ചു[1]. അദ്ദേഹത്തിന് അഞ്ച് വയസുള്ളപ്പോൾ അച്ഛൻ മരിച്ചു. കഠിനമായ അധ്വാനമാണ് കുടുംബത്തെ രക്ഷിച്ചത്.[അവലംബം ആവശ്യമാണ്] തുടർന്ന് അമ്മാവനാണ് അദ്ദേഹത്തെ വളർത്തിയത്.

അമ്മാവൻ ആണ് മൂന്നാം വയസിൽ എഴുത്തിനിരുത്തിയത്. സംസ്കൃതത്തിലെ ആദ്യ പാഠങ്ങൾ മുതൽ രഘു വംശത്തിലെ ഏതാനും പദ്യങ്ങൾ വരെ അമ്മാവൻ പഠിപ്പിച്ചു. തുടർന്ന് പെരുമ്പാവൂരിലെ മലയാളം സ്കൂളിൽ ചേർന്ന് ഏഴാം ക്ലാസ് പാസായി. അന്ന് ഏഴാം ക്ലാസ് പാസാകുന്നവർക്ക് പ്രൈമറി ക്ളാസ്സിലെ അധ്യാപകൻ ആകാമായിരുന്നു എന്നിട്ടും ജി. മൂവാറ്റുപുഴയിലുള്ള വെർണകുലർ ഹയർ സെക്കണ്ടറിക്ക് (വി. എച്ച് ) ചേർന്നു. അതിന് ശേഷം പണ്ഡിത പരീക്ഷയും തുടർന്ന് വിദ്വാൻ പരീക്ഷയും പാസായി.[2]

രാജ്യസഭാംഗത്വം[തിരുത്തുക]

  • 1968-1972 : പ്രസിഡന്റ് നാമനിർദ്ദേശം ചെയ്തു.

കൃതികൾ[തിരുത്തുക]

  • സൂര്യകാന്തി (1933)[3]
  • നിമിഷം (1945)
  • ഓടക്കുഴൽ (1950)
  • പഥികന്റെ പാട്ട് (1955)
  • വിശ്വദർശനം (1960)
  • മൂന്നരുവിയും ഒരു പുഴയും (1963)
  • ജീവനസംഗീതം (1964)
  • സാഹിത്യകൗതുകം (3 വാല്യങ്ങൾ 1968)
  • പൂജാപുഷ്പം ( 1969‌)

ഉപന്യാസങ്ങൾ[തിരുത്തുക]

  • ഗദ്യോപഹാരം (1947)
  • മുത്തും ചിപ്പിയും (1958)

ആത്മകഥ[തിരുത്തുക]

  • ഓർമ്മയുടെ ഓളങ്ങളിൽ [1]

തർജ്ജമകൾ[തിരുത്തുക]

  • മേഘച്ഛായ ( കാളിദാസന്റെ മേഘദൂതിന്റെ വിവർത്തനം )
  • ഗീതാഞ്ജലി ( ടാഗോറിന്റെ ഗീതാഞ്ജലിയുടെ വിവർത്തനം )
  • വിലാസലഹരി (1931) (ഒമർ ഖയ്യാമിന്റെ റുബായിയത്തിന്റെ വിവർത്തനം)[3]

ജീവചരിത്രങ്ങൾ[തിരുത്തുക]

  • ടിപ്പു
  • ഹൈദരാലി

ബാല കവിതാ സമാഹാരങ്ങൾ[തിരുത്തുക]

  • ഓലപ്പീപ്പി
  • കാറ്റേ വാ കടലേ വാ
  • ഇളംചുണ്ടുകൾ
  • വാർമഴവില്ലേ

പുരസ്കാരങ്ങൾ[തിരുത്തുക]

1961-ൽ കേരള സാഹിത്യ അക്കാദമി അവാർഡ്, 1963-ൽ കേന്ദ്ര സാഹിത്യ അക്കാദമി അവാർഡ് എന്നിവ അദ്ദേഹത്തിന്റെ വിശ്വദർശനം എന്ന കൃതിക്ക് ലഭിച്ചു. ആദ്യത്തെ ജ്ഞാനപീഠം[4] ജേതാവായിരുന്നു അദ്ദേഹം. 1967ൽ സോവിയറ്റ് ലാന്റ് നെഹ്റു അവാർഡ് ലഭിച്ചു.1965-ൽ ഓടക്കുഴൽ എന്ന കൃതിക്കാണ് അദ്ദേഹത്തിന് ജ്ഞാനപീഠം ലഭിച്ചത്. കൂടാതെ പദ്മഭൂഷൺ ബഹുമതിയും അദ്ദേഹത്തിന്‌ ലഭിച്ചിട്ടുണ്ട്.

വിമർശനം[തിരുത്തുക]

വളരെയധികം നിരൂപക ശ്രദ്ധ നേടിയിട്ടുള്ള കവിതകളാണ് ജിയുടേത്. സുകുമാർ അഴീക്കോട് രചിച്ച "ശങ്കര കുറുപ്പ് വിമർശിക്കപ്പെടുന്നു" എന്ന ഖണ്ഡന നിരൂപണം നിരവധി അനുകൂല-പ്രതികൂല സംവാദങ്ങൾക്ക് കാരണമായി.

അവലംബം[തിരുത്തുക]

  1. 1.0 1.1 മാതൃഭൂമി തൊഴിൽ വാർത്തയുടെ ഹരിശ്രീ സപ്ലിമെന്റ് താൾ 32
  2. "മഹാകവി ജി.ശങ്കരക്കുറുപ്പ്‌". കേരള കൾച്ചർ. മൂലതാളിൽ നിന്നും 8 സെപ്റ്റംബർ 2020-ന് ആർക്കൈവ് ചെയ്തത്. ശേഖരിച്ചത് 8 സെപ്റ്റംബർ 2020.
  3. 3.0 3.1 മാതൃഭൂമി
  4. പട്ടിക ജ്ഞാനപീഠം.നെറ്റ്


"https://ml.wikipedia.org/w/index.php?title=ജി._ശങ്കരക്കുറുപ്പ്&oldid=3458984" എന്ന താളിൽനിന്ന് ശേഖരിച്ചത്