വെണ്ണിക്കുളം ഗോപാലക്കുറുപ്പ്

വിക്കിപീഡിയ, ഒരു സ്വതന്ത്ര വിജ്ഞാനകോശം.

മലയാളത്തിലെ പ്രശസ്തനായ കവിയാണ് വെണ്ണിക്കുളം ഗോപാലക്കുറുപ്പ്. ലാളിത്യവും പ്രസാദാത്മകതയുമാണു് വെണ്ണിക്കുളത്തിന്റെ കവിതകളുടെ സവിശേഷത‍.

ജനനം, ബാല്യം[തിരുത്തുക]

കേരളത്തിലെ പത്തനംതിട്ട ജില്ലയിലെ തിരുവല്ല താലൂക്കിൽ ചെറുകാട്ടുമഠം വീട്ടിൽ 1902 മെയ് 10-നു ആണ് വെണ്ണിക്കുളം ഗോപാലക്കുറുപ്പ് ജനിച്ചത്. അച്ഛൻ പത്മനാഭക്കുറുപ്പ്. അമ്മ ലക്ഷ്മിക്കുട്ടിയമ്മ. അച്ഛൻ തന്നെയാണ് വെണ്ണിക്കുളത്തെ ബാല്യത്തിൽ പഠിപ്പിച്ചത്. സംസ്കൃതപഠനത്തിനു ശേഷം മലയാളപാഠശാലയിൽ ചേർന്നു. എഴുത്തച്ഛന്റെയും വെണ്മണിമാരുടെയും കുഞ്ചൻ നമ്പ്യാരുടെയും കൃതികൾ അദ്ദേഹം ബാല്യത്തിലേ വായിച്ചിരുന്നു.

1917-ൽ പ്രൈമറി സ്കൂളിൽ അദ്ധ്യാപകനായി. ജോലിയിലിരിക്കേ മലയാളം മുഖ്യപരീക്ഷ ജയിച്ചു. 1918-ൽ വെണ്ണിക്കുളത്ത് കെ.സി. വർഗ്ഗീസ് മാപ്പിള ഇംഗ്ലീഷ് മീഡിയം സ്കൂളിൽ മലയാളം അദ്ധ്യാപകനായി ചേർന്നു.

1932-ൽ മേപ്രാൽ മങ്ങാട്ടുവീട്ടിൽ മാധവിപ്പിള്ളയെ വിവാഹം ചെയ്തു. 1949-ൽ തിരുവനന്തപുരം മാനുസ്ക്രിപ്റ്റ് ലൈബ്രറിയിൽ ജോലി ലഭിച്ചു. ഭാഷാ ത്രൈമാസികത്തിന്റെ പത്രാധിപരായും ജോലി ചെയ്തിട്ടുണ്ട്.

മരണം[തിരുത്തുക]

1980 ഓഗസ്റ്റ് 29-നു അദ്ദേഹം അന്തരിച്ചു.

പുരസ്കാരങ്ങൾ[തിരുത്തുക]

വെണ്ണിക്കുളത്തിന്റെ കൃതികൾ[തിരുത്തുക]

കവിതകൾ[തിരുത്തുക]

  • അമൃതാഭിഷേകം
  • കദളീവനം
  • കേരളശ്രീ
  • ജഗത്സമക്ഷം
  • പുഷ്പവൃഷ്ടി
  • പൊന്നമ്പലമേട്
  • ഭർതൃപരിത്യക്തയായ ശകുന്തള
  • മാണിക്യവീണ
  • മാനസപുത്രി
  • രോഗിണി
  • വസന്തോത്സവം
  • വെളിച്ചത്തിന്റെ അമ്മ
  • വെള്ളിത്താലം
  • സരോവരം
  • സൗന്ദര്യപൂജ
  • കാമസുരഭി
  • മണിവിളക്ക്
  • സ്വർണ്ണസന്ധ്യ
  • തീർത്ഥധാര

നാടകം[തിരുത്തുക]

  • കാളിദാസന്റെ കണ്മണി
  • പ്രിയംവദ

നോവലുകൾ[തിരുത്തുക]

  • നീലജലത്തിലെ പത്മം
  • വിജയരുദ്രൻ

ജീവചരിത്രം[തിരുത്തുക]

  • പുണ്യപുരുഷൻ
  • വഞ്ചിരാജേശ്വരി
  • ആത്മകഥ

ബാലസാഹിത്യം[തിരുത്തുക]

  • കഥാനക്ഷത്രങ്ങൾ
  • സിംഹമല്ലൻ
  • ഭാരത കഥകൾ

നാടോടിക്കഥ[തിരുത്തുക]

  • തച്ചോളി ഒതേനൻ

നിഘണ്ടു[തിരുത്തുക]

  • കൈരളീകോശം

വിവർത്തനം[തിരുത്തുക]

  • തിരുക്കുറൾ
  • ഭാരതിയുടെ കവിതകൾ
  • തുളസീദാസ രാമായണം
  • സിദ്ധാർത്ഥ ചരിതം

അവലംബം[തിരുത്തുക]

പുറം കണ്ണികൾ[തിരുത്തുക]