സാറാ ജോസഫ്
സാറാ ജോസഫ് | |
|---|---|
 സാറാ ജോസഫ് | |
| ജനനം | ഫെബ്രുവരി 10, 1946 |
| ദേശീയത |  ഇന്ത്യ |
| തൊഴിൽ | നോവലിസ്റ്റ്, ചെറുകഥാകൃത്ത് |
| രചനാ സങ്കേതം | നോവൽ, ചെറുകഥ |
| സാഹിത്യപ്രസ്ഥാനം | പെണ്ണെഴുത്ത് |
| പ്രധാന കൃതികൾ | ആലാഹയുടെ പെൺമക്കൾ, പുതുരാമായണം, ഒടുവിലത്തെ സൂര്യകാന്തി |
മലയാള സാഹിത്യത്തിലെ ഒരു പ്രമുഖ നോവലിസ്റ്റും,ചെറുകഥാകൃത്തും അറിയപ്പെടുന്ന പെണ്ണെഴുത്തുകാരിയുമാണ് സാറാ ജോസഫ്(1946-). കേരളത്തിലെ ഫെമിനിസ്റ്റ് പ്രസ്ഥാനത്തിന്റെ പ്രധാന സംഘാടകയും പ്രവർത്തകയുമായ സാറാ ജോസഫിന്റെ രചനകളിൽ ആട്ടിയകറ്റപ്പെട്ടവരും സമത്വവും സ്വാതന്ത്ര്യവും നഷ്ടപ്പെട്ടവരുമായ കീഴ്‌ജാതിക്കാരോടും സ്ത്രീകളോടും ഉള്ള കാരുണ്യവും അതിന് കാരണക്കാരായ അധീശശക്തികളോടുള്ള ചെറുത്തുനിൽപ്പും ദർശിക്കുവാൻ സാധിക്കും.
ജീവിതരേഖ[തിരുത്തുക]
1946 ഫെബ്രുവരി 10-ന് തൃശൂർ ജില്ലയിലെ കുരിയച്ചിറയിൽ ലൂയിസിന്റെയും കൊച്ചുമറിയത്തിന്റെയും മകളായി ജനിച്ചു. സ്കൂൾ അദ്ധ്യാപികയായി ഔദ്യോഗിക ജീവിതം ആരംഭിച്ച സാറാ ജോസഫ്, മലയാളത്തിൽ ബി.എയും എം.എയും പൂർത്തിയാക്കിയ ശേഷം കൊളീജിയറ്റ് സർവീസിൽ പ്രവേശിച്ചു. പട്ടാമ്പി സംസ്കൃത കോളജിൽ മലയാളം പ്രഫസറായിരുന്നു. കേരള സാഹിത്യ അക്കാദമി അംഗമായി സേവനമനുഷ്ഠിച്ചിട്ടുണ്ട്. കേരളത്തിലെ ഫെമിനിസ്റ്റ് പ്രസ്ഥാനത്തിന്റെ മുൻനിരയിൽ സ്ഥാനമുറപ്പിച്ച സാറാ ജോസഫ്, സ്ത്രീകൾക്കായുള്ള 'മാനുഷി' എന്ന സംഘടനയുടെ സ്ഥാപകയാണ്. മലയാളത്തിലെ സ്ത്രീ എഴുത്തുകാരിൽ പ്രഥമഗണനീയരാണ് മാധവിക്കുട്ടിയും സാറാ ജോസഫും. ഭർത്താവ് ജോസഫ് നിര്യാതനായി. ഗീത, വിനയൻ, സംഗീത എന്നിവരാണ് മക്കൾ. ഇപ്പോൾ തൃശൂർ ജില്ലയിലെ മുളങ്കുന്നത്തുകാവിൽ താമസിക്കുന്നു.
രാഷ്ട്രീയം[തിരുത്തുക]
2014-ൽ ആം ആദ്മി പാർട്ടി അംഗമായി. 2014 ലെ ലോകസഭ തിരഞ്ഞെടുപ്പിൽ തൃശ്ശൂർ മണ്ഡലത്തിൽ നിന്ന് ആം ആദ്മി പാർട്ടിയുടെ സ്ഥാനാർത്ഥിയായി മൽസരിച്ചു. ഇപ്പോൾ ആം ആദ്മി പാർട്ടി സംസ്ഥാന കൺവീനറും ദേശീയ കൗൺസിൽ അംഗവുമാണ്.
കൃതികൾ[തിരുത്തുക]
ചെറുകഥകൾ[തിരുത്തുക]
- മനസ്സിലെ തീ മാത്രം(1973)[1]
- കാടിന്റെ സംഗീതം(1975)[1]
- നന്മതിന്മകളുടെ വൃക്ഷം
- പാപത്തറ[1]
- ഒടുവിലത്തെ സൂര്യകാന്തി
- നിലാവ് അറിയുന്നു
- കാടിതു കണ്ടായോ കാന്താ
- പുതുരാമായണം
നോവൽ[തിരുത്തുക]
പ്രബന്ധങ്ങൾ[തിരുത്തുക]
- ഭഗവദ്ഗീതയുടെ അടുക്കളയിൽ
- അടുക്കള തിരിച്ചുപിടിക്കുക
പുരസ്കാരങ്ങൾ[തിരുത്തുക]
- കേരള സാഹിത്യ അക്കാദമി അവാർഡ് (2001,ആലാഹയുടെ പെൺമക്കൾ)
- കേന്ദ്ര സാഹിത്യ അക്കാദമി അവാർഡ് (2003, ആലാഹയുടെ പെൺമക്കൾ)
- വയലാർ അവാർഡ് (2004, ആലാഹയുടെ പെൺമക്കൾ)
- ചെറുകാട് അവാർഡ് (ആലാഹയുടെ പെൺമക്കൾ)
- ഒ.ചന്തുമേനോൻ അവാർഡ് (മറ്റാത്തി)
- മുട്ടത്തു വർക്കി അവാർഡ് - (2011, പാപത്തറ[3])
- അരങ്ങ് അവാർഡ്(അബുദാബി)
- ഒ.വി.വിജയൻ സാഹിത്യ പുരസ്കാരം (2011)
- കഥ അവാർഡ്(ന്യൂഡൽഹി)
- പത്മപ്രഭാ പുരസ്കാരം (2012) - [4]
ചിത്രശാല[തിരുത്തുക]
സാറാ ജോസഫ്
സാറാ ജോസഫ്
കോഴിക്കോട് ലിറ്ററേച്ചർ ഫെസ്റ്റിവലിൽ (2017 ഫെബ്രുവരി 5)
സാറാജോസഫ്
എം.എംബഷീർ, വി.ആർ സുധീഷ്, ആഷാമേനോൻ, സാറാജോസഫ്, അംബികാസുതൻ മാങ്ങാട് എന്നിവർ കോഴിക്കോട് ലിറ്ററേച്ചർ ഫെസ്റ്റിവലിൽ പരിസ്ഥിതിയും കഥാഭാവനയും എന്ന വിഷയത്തിൽ ചർച്ചനടത്തുന്നു.
 |
വിക്കിമീഡിയ കോമൺസിലെ Sarah Joseph എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്. |
അവലംബം[തിരുത്തുക]
- ↑ 1.0 1.1 1.2 1.3 1.4 1.5 1.6 1.7 "കവർസ്റ്റോറി" (ഭാഷ: മലയാളം). മാധ്യമം ആഴ്ചപ്പതിപ്പ് ലക്കം 710. 2011 ഒക്ടോബർ 03. ശേഖരിച്ചത് 2013 മാർച്ച് 25. Check date values in:
|accessdate=and|date=(help)CS1 maint: unrecognized language (link) - ↑ "വായന" (ഭാഷ: മലയാളം). മാധ്യമം ആഴ്ചപ്പതിപ്പ് ലക്കം 745. 2012 ജൂൺ 06. ശേഖരിച്ചത് 2013 മെയ് 07. Check date values in:
|accessdate=and|date=(help)CS1 maint: unrecognized language (link) - ↑ "മുട്ടത്തുവർക്കി പുരസ്കാരം സാറാജോസഫിന്". മാതൃഭൂമി. ശേഖരിച്ചത് 28 April 2011.
- ↑ "പത്മപ്രഭാ പുരസ്കാരം സാറാ ജോസഫിന്‌". മാതൃഭൂമി. 31 ഒക്ടോബർ 2012. ശേഖരിച്ചത് 31 ഒക്ടോബർ 2012.
പുറം കണ്ണികൾ[തിരുത്തുക]
|
ഇന്ത്യയിലെ എഴുത്തുകാരെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
- 1946-ൽ ജനിച്ചവർ
- ഫെബ്രുവരി 10-ന് ജനിച്ചവർ
- പതിനാറാം ലോകസഭാതിരഞ്ഞെടുപ്പ് സ്ഥാനാർത്ഥികൾ
- മലയാളം നോവലെഴുത്തുകാർ
- മലയാള കഥാകൃത്തുക്കൾ
- മലയാളത്തിലെ സ്ത്രീ എഴുത്തുകാർ
- നോവലിനുള്ള കേരള സാഹിത്യ അക്കാദമി പുരസ്കാരം ലഭിച്ചവർ
- വയലാർ പുരസ്കാരം ലഭിച്ചവർ
- കേന്ദ്ര സാഹിത്യ അക്കാദമി പുരസ്കാരം ലഭിച്ച മലയാളികൾ
- ചെറുകാട് അവാർഡ് ജേതാക്കൾ
- മുട്ടത്തു വർക്കി പുരസ്കാരം ലഭിച്ചവർ
- പത്മപ്രഭാ പുരസ്കാരം ലഭിച്ചവർ
- തൃശ്ശൂർ ജില്ലയിൽ ജനിച്ചവർ
- കേന്ദ്ര സാഹിത്യ അക്കാദമി പുരസ്കാരം തിരികെ നൽകിയവർ
- ഇന്ത്യൻ എഴുത്തുകാർ - അപൂർണ്ണലേഖനങ്ങൾ