സുഗതകുമാരി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Sugathakumari
Sugathakumari1.jpg
ജനനം (1934-01-22) 22 ജനുവരി 1934  (86 വയസ്സ്)
ദേശീയതഇന്ത്യൻ
തൊഴിൽകവയിത്രി, പരിസ്ഥിതി പ്രവർത്തക
പങ്കാളി(കൾ)ഡോ. കെ. വെലായുധൻ നായർ (മ. 2003)
അവാർഡുകൾ
രചനാകാലം1957–ഇതുവരെ
പ്രധാന കൃതികൾരാത്രിമഴ, അമ്പലമണി, മണലെഴുത്ത്
Parents

മലയാളത്തിലെ പ്രശസ്ത കവയിത്രിയും കേരളത്തിൻറെ പ്രശ്നങ്ങളിൽ ശ്രദ്ധാലുവായ സാമൂഹിക, പരിസ്ഥിതി പ്രവർത്തകയുമാണ് സുഗതകുമാരി. പ്രകൃതി സംരക്ഷണ സമിതിയുടെ സ്ഥാപക സെക്രട്ടറിയാണ് ഇവർ. കേരള സംസ്ഥാന വനിതാ കമ്മീഷൻറെ മുൻ ചെയർപേഴ്സണായിരുന്നു. സേവ് സൈലൻറ് വാലി പ്രതിഷേധത്തിൽ വലിയ പങ്കുവഹിച്ചു.

ജീവചരിത്രം[തിരുത്തുക]

1934 ജനുവരി 3‌ പത്തനംതിട്ട ജില്ലയിലെ ആറന്മുളയിൽ വാഴുവേലിൽ തറവാട്ടിൽ[1]ജനിച്ചു[2] പിതാവ്: സ്വാതന്ത്ര്യസമരസേനാനിയും കവിയുമായിരുന്ന ബോധേശ്വരൻ, മാതാവ്: വി.കെ. കാർത്യായനി അമ്മ. തത്വശാസ്ത്രത്തിൽ എം.എ. ബിരുദം നേടിയിട്ടുണ്ട്. സൈലന്റ് വാലി പ്രക്ഷോഭത്തിൽ സുഗതകുമാരി വലിയ പങ്കുവഹിച്ചു. അഭയഗ്രാമം, അഗതികളായ സ്ത്രീകൾക്കുവേണ്ടി അത്താണി എന്ന ഭവനം, മാനസിക രോഗികൾക്കുവേണ്ടി പരിചരണാലയം എന്നിങ്ങനെ കേരളത്തിന്റെ സാമൂഹിക രംഗത്ത് സുഗതകുമാരിയുടെ സംഭാവനകൾ പലതാണ്. സംസ്ഥാന വനിതാ കമ്മീഷന്റെ അദ്ധ്യക്ഷ ആയിരുന്നു. സ്ത്രീകളുടെ പ്രശ്നങ്ങൾ പരിഹരിക്കുന്നതിന് സുഗതകുമാരി അശ്രാന്തം പരിശ്രമിക്കുന്നു. സാഹിത്യത്തിലെ സമഗ്ര സംഭാവനകൾക്ക് നൽകുന്ന എഴുത്തച്ഛൻ പുരസ്കാരത്തിന് 2009-ൽ അർഹയായിട്ടുണ്ട്[3].

സുഗതകുമാരി - ഒരു പരിപാടിക്കിടയിൽ

തിരുവനന്തപുരം ജവഹർ ബാലഭവന്റെ പ്രിൻസിപ്പലായിരുന്നു. കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് പ്രസിദ്ധീകരിക്കുന്ന തളിര് എന്ന മാസികയുടെ ചീഫ് എഡിറ്ററാണ്. പ്രകൃതിസംരക്ഷണ സമിതിയുടെയും അഭയയുടെയും സ്ഥാപക സെക്രട്ടറി. സാമൂഹിക സേവനത്തിനുള്ള ലക്ഷ്മി അവാർഡ് ലഭിച്ചിട്ടുണ്ട്[2]. ഭർത്താവ്: പരേതനായ ഡോ. കെ. വേലായുധൻ നായർ. മകൾ: ലക്ഷ്മി.

അദ്ധ്യാപികയും വിദ്യാഭ്യാസവിദഗ്ദ്ധയുമായ ഹൃദയകുമാരി സഹോദരിയാണ്.

കൃതികൾ[തിരുത്തുക]

പുരസ്കാരങ്ങൾ[തിരുത്തുക]

വർഷം കൃതിയുടെ പേര് പുരസ്കാരം
1968 പാതിരപ്പൂക്കൾ കേരള സാഹിത്യ അക്കാദമി പുരസ്കാരം
1978 രാത്രിമഴ കേന്ദ്ര സാഹിത്യ അക്കാദമി പുരസ്കാരം
1982 അമ്പലമണി ഓടക്കുഴൽ പുരസ്കാരം
1984 അമ്പലമണി വയലാർ അവാർഡ്
2001 ലളിതാംബിക അന്തർജ്ജനം അവാർഡ്
2003 വള്ളത്തോൾ അവാർഡ്
2004 കേരള സാഹിത്യ അക്കാദമി ഫെല്ലോഷിപ്പ്
2004 ബാലാമണിയമ്മ അവാർഡ്
2006 പത്മശ്രീ പുരസ്കാരം
പ്രകൃതിസംരക്ഷണ യത്നങ്ങൾക്കുള്ള ഇന്ത്യാഗവണ്മെന്റിന്റെ ആദ്യത്തെ ഇന്ദിരാ പ്രിയദർശിനി വൃക്ഷമിത്ര അവാർഡ്
സാമൂഹിക സേവനത്തിനുള്ള ജെംസെർവ് അവാർഡ്
2009 എഴുത്തച്ഛൻ പുരസ്കാരം [3][4]
2013 മണലെഴുത്ത് 2012 ലെ സരസ്വതി സമ്മാൻ[5]

ചിത്രശാല[തിരുത്തുക]

അവലംബം[തിരുത്തുക]

  1. BeAnInspirer, Team (2018-01-03). "Sugathakumakri: The Artist of Poetic Skills and a Classic Example of Feminism Activist | BeAnInspirer". Be An Inspirer (ഭാഷ: ഇംഗ്ലീഷ്). ശേഖരിച്ചത് 2020-06-12.
  2. 2.0 2.1 2007 ഡിസംബറിലെ സ്കൂൾമാസ്റ്റർ, താൾ 13, V.Publisher's, Kottayam.
  3. 3.0 3.1 "എഴുത്തച്ഛൻ പുരസ്കാരം സുഗതകുമാരിക്ക്". മലയാള മനോരമ. ശേഖരിച്ചത് നവംബർ 13, 2009.
  4. മാതൃഭൂമിയിൽ വന്ന വാർത്ത
  5. വാർത്ത

അവലംബം[തിരുത്തുക]

സൈലന്റ് വാലി അഥവാ നിശ്ശബ്ദ വനം എന്ന കവിത സുഗതകുമാരിയുടെ പ്രകൃതിയോടുള്ള ആത്മബന്ധത്തിന്റെ അടയാളമാണ്.ഇതിൽ സൈലന്റ് വാലി നഷ്ടപ്പെടുമോ എന്ന കവയിത്രിയുടെ ആശങ്കയാണ് പങ്കുവെക്കുന്നത്.



"https://ml.wikipedia.org/w/index.php?title=സുഗതകുമാരി&oldid=3462427" എന്ന താളിൽനിന്ന് ശേഖരിച്ചത്