പുതുശ്ശേരി രാമചന്ദ്രൻ
പുതുശ്ശേരി രാമചന്ദ്രൻ | |
|---|---|
 | |
| പശ്ചാത്തല വിവരങ്ങൾ | |
| ജനനം | 23 സെപ്റ്റംബർ 1928 മാവേലിക്കര, തിരുവിതാംകൂർ |
| ഉത്ഭവം | കേരളം, ഇന്ത്യ |
| മരണം | 14 മാർച്ച് 2020 (പ്രായം 91) തിരുവനന്തപുരം |
| തൊഴിൽ(കൾ) | കവി |
മലയാളത്തിലെ പ്രമുഖകവിയും ഭാഷാഗവേഷകനും അദ്ധ്യാപകനുമായിരുന്നു പുതുശ്ശേരി രാമചന്ദ്രൻ (23 സെപ്റ്റംബർ 1928 – 14 മാർച്ച് 2020). മലയാളത്തിലെ വിപ്ലവ സാഹിത്യത്തിന്റെ മുന്നണിപ്പോരാളികളിലൊരാളായ ഇദ്ദേഹം സ്വാതന്ത്ര്യ സമരകാലം മുതൽ രചനകളിലൂടെ അതിനു ദിശാബോധം നൽകി.
ജീവിതരേഖ
[തിരുത്തുക]മാവേലിക്കര താലൂക്കിൽ വള്ളികുന്നം പകുതിയിൽ 1928 സെപ്റ്റംബർ 23-ന് (1104 കന്നി 8) ജനനം. അച്ഛൻ പോക്കാട്ടു ദാമോദരൻ പിള്ള. അമ്മ പുതുശ്ശേരിൽ ജാനകി അമ്മ. വള്ളികുന്നം എസ്.എൻ.ഡി.പി. സംസ്കൃത ഹൈസ്കൂളിൽ നിന്ന് ശാസ്ത്രി പരീക്ഷ ജയിച്ചു (1946). ഇംഗ്ലീഷ് ഹൈസ്കൂളിൽ നിന്ന് ഇ.എസ്.എൽ.സി. (1946-49), കൊല്ലം എസ്.എൻ. കോളേജിൽ നിന്ന് ഇന്റർമീറ്റഡിയേറ്റ് (1949-51), യുനിവേഴ്സിറ്റി കോളേജിൽ നിന്ന് മലയാളം ഓണേഴ്സ്, തിരുവിതാംകൂർ യൂണിവേഴ്സിറ്റിയിൽ നിന്നും ഒന്നാം റാങ്കോടെ മലയാളം എം.എ. (1956). 1970-ൽ കേരള സർവകലാശാലയിൽ നിന്നും ഭാഷാശാസ്ത്രത്തിൽ പി.എച്ച്.ഡി (കണ്ണശ്ശരാമായണഭാഷ). 2020 മാർച്ച് 14 ന് ഡോ. പുതുശ്ശേരി രാമചന്ദ്രൻ അന്തരിച്ചു.[1]
രാഷ്ട്രീയം
[തിരുത്തുക]1942 ആഗസ്റ്റ് 9നു ക്വിറ്റിന്ത്യ സമരത്തിലൂടെ രാഷ്ട്രീയപ്രവേശം. തിരുവിതാംകൂർ വിദ്യാർത്ഥി കോൺഗ്രസ് ആക്ഷൻ കമ്മിറ്റി അംഗം. മാവേലിക്കര താലൂക്ക് പ്രസിഡണ്ട്(1946-48). സ്വാതന്ത്ര്യ സമരത്തിൽ പങ്കെടുത്തതിനു 1947 ജൂൺ 1 മുതൽ സെപ്റ്റംബർ വരെ സ്കൂളിൽ നിന്നു പുറത്താക്കി. അതേ സ്ക്കൂളിൽ 1947 ആഗസ്റ്റ് പതിനഞ്ചിന് പതാക ഉയർത്തി.
1948ൽ സെപ്റ്റംബറിൽ വിദ്യാർത്ഥി കോൺഗ്രസ്സിൽ നിന്നും രാജി. എ.ഐ.എസ്.എഫ് ലും സിപിഐലും അംഗം. 1950 ഡിസംബറിൽ എസ്.എൻ .കോളേജിലെ സമരത്തിൽ മുൻപന്തിയിൽ, അറസ്റ്റ് , ജയിൽ മർദ്ദനം, തടവു ശിക്ഷ. 1953-54-ൽ ശൂരനാട്ടു സംഭവത്തിനു ശേഷം നിരോധിക്കപ്പെട്ട കമ്മൂണിസ്റ്റു പാർടിയുടെ വള്ളികുന്നം-ശൂരനാട് സെക്രട്ടറി. യൂനിവേഴ്സിറ്റി കോളേജിൽ അഖിലേന്ത്യാ വിദ്യാർത്ഥി ഫെഡറേഷനിൽ നേതൃത്വം.കോളേജ് മാഗസിൻ എഡിറ്റർ. മാതൃഭാഷയുടെ പുരോഗതിക്കായി 2009-ൽ രൂപീകരിച്ച മലയാളഐക്യവേദിയുടെ ആദ്യത്തെ പ്രസിഡന്റായിരുന്നു.[2]
ഔദ്യോഗിക ജീവിതം
[തിരുത്തുക]- (1957-67) കൊല്ലം എസ്.എൻ . കോളേജിൽ അദ്ധ്യാപകൻ.
- (1967-69) വർക്കല എസ്.എൻ .കോളേജിൽ പ്രൊഫസർ, ഇന്ത്യൻ ഭാഷാവിഭാഗം മേധാവി .
- 1969-88: കേരള സർവ്വകലാശാല മലയാളവിഭാഗത്തിൽ റീഡർ, പ്രൊഫസർ.
- 1977: ഒന്നാം ലോകമലയാള സമ്മേളനത്തിന്റെ പ്രധാന ശില്പിയും സംഘാടകനും.
- 1988: ഇന്റർനാഷനൽ സെന്റർ ഫോർ കേരള സ്റ്റഡീസ് ഡയറക്റ്റർ.
സാഹിത്യജീവിതം
[തിരുത്തുക]സ്കൂൾ ജീവിതകാലത്ത് തന്നെ എഴുതിത്തുടങ്ങി. കവിതകൾക്കു പുറമെ ഭാഷാപഠനപ്രബന്ധങ്ങളും ഉപന്യാസങ്ങളും എഴുതിയിട്ടുണ്ട്. വർക്കല എസ്എൻ കോളജിൽ അധ്യാപനായി ഔദ്യോഗിക ജീവിതം ആരംഭിച്ച പുതുശേരി രാമചന്ദ്രൻ നിരവധി പുസ്തകങ്ങൾ രചിച്ചിട്ടുണ്ട്. ഗ്രാമീണ ഗായകൻ, ആവുന്നത്ര ഉച്ചത്തിൽ, ശക്തിപൂജ, പുതിയ കൊല്ലനും പുതിയൊരാലയും, ഈ വീട്ടിൽ ആരുമില്ലേ, എന്റെ സ്വാതന്ത്ര്യസമര കവിതകൾ, പുതുശ്ശേരി കവിതകൾ എന്നിവയാണ് ശ്രദ്ധേയമായി പുസ്തകങ്ങൾ. ഇംഗ്ലീഷ്, സംസ്‌കൃതം, തമിഴ് ഭാഷകളിൽനിന്ന് നിരവധി കവിതകൾ മലയാളത്തിലേക്ക് പരിഭാഷപ്പെടുത്തിയിട്ടുണ്ട്.
എഴുത്തച്ഛൻ പുരസ്കാരം ലഭിച്ചിട്ടുണ്ട്. 2005 ൽ കേന്ദ്ര സാഹിത്യ അക്കാഡമി അവാർഡും 2009 ൽ കേരള സാഹിത്യ അക്കാഡമി ഫെലോഷിപ്പും ലഭിച്ചിട്ടുണ്ട്. വള്ളത്തോൾ പുരസ്കാരം, മഹാകവി പി അവാർഡ്, ഉള്ളൂർ അവാർഡ്, കണ്ണശ്ശ സ്മാരക അവാർഡ്, കുമാരനാശാൻ അവാർഡ്, അബുദാബി ശക്തി അവാർഡ് തുടങ്ങിയവയും ലഭിച്ചിട്ടുണ്ട്.
കൃതികൾ
[തിരുത്തുക]കവിത
- ഗ്രാമീണ ഗായകൻ
- ആവുന്നത്ര ഉച്ചത്തിൽ
- ശക്തിപൂജ
- പുതിയ കൊല്ലനും പുതിയൊരാലയും
- ഈ വീട്ടിൽ ആരുമില്ലേ
- എന്റെ സ്വാതന്ത്ര്യസമര കവിതകൾ
- പുതുശ്ശേരി കവിതകൾ
വ്യാഖ്യാനങ്ങളും സംശോഷിത സംസ്ക്കരണങ്ങളും
- കണ്ണശ്ശരാമായണം (ബാല, യുദ്ധ, സുന്ദര, കിഷ്ക്കിന്ധാ കാണ്ഡങ്ങൾ)1967-71
- പ്രാചീന മലയാളം (75ലിഖിതങ്ങൾ)
- കേരള പാണിനീയം -1985
- കേരള പാണിനീയ വിമർശം-1986
- കേരള ചരിത്രത്തിന്റെ അടിസ്ഥാന രേഖകൾ
വിവർത്തനം
- മീഡിയ -1965
- ചരമഗീതം (അന്ന അഹ്മത്തോവയുടെ കവിതകൾ) - 1989
- ആഫ്രിക്കൻ കവിതകൾ - 1990
- പെരുമാൾ തിരുമൊഴി - 2001
- ആഫ്രിക്കൻ- റഷ്യൻ കവിതകൾ -2011
ആത്മകഥ
- തിളച്ചമണ്ണിൽ കാൽനടയായി - 2017
പുരസ്കാരങ്ങൾ
[തിരുത്തുക]- മഹാകവി മൂലൂർ അവാർഡ് (1998)
- മഹാകവി പി അവാർഡ് (1998)
- കേരള സാഹിത്യ അക്കാദമി അവാർഡ് (1999)
- മഹാകവി ഉള്ളൂർ അവാർഡ് (2000)
- കണ്ണശ്ശ സ്മാരക അവാർഡ് (2003)
- കേന്ദ്ര സാഹിത്യ അക്കാദമി അവാർഡ് (2005)
- അബുദാബി ശക്തി അവാർഡ് (2006)
- എൻ .വി. കൃഷ്ണവാര്യർ അവാർഡ് (2008)
- കുമാരനാശാൻ അവാർഡ് (2008)
- വള്ളത്തോൾ പുരസ്കാരം (2008)[3]
- കേരളസാഹിത്യ അക്കാദമി വിശിഷ്ടാംഗത്വം (2009) [4]
- കേന്ദ്രസാഹിത്യ അക്കാദമിയുടെ 'ഭാഷാസമ്മാൻ' (2014)[5]
- എഴുത്തച്ഛൻ പുരസ്കാരം (2015)[6]
അവലംബം
[തിരുത്തുക]- ↑ "കവിയും ഭാഷാ പണ്ഡിതനുമായ ഡോ. പുതുശ്ശേരി രാമചന്ദ്രൻ അന്തരിച്ചു". Deshabhimani Newspaper. 14 March 2020. Archived from the original on 2020-06-30. Retrieved 29 June 2020.
- ↑ "മലയാളവേദി കോട്ടയം".
- ↑ "ഡോ. പുതുശ്ശേരി രാമചന്ദ്രന് വള്ളത്തോൾ പുരസ്കാരം". മാതൃഭൂമി. Retrieved ഒക്ടോബർ 5, 2008.[പ്രവർത്തിക്കാത്ത കണ്ണി]
- ↑ "പുതുശേരിക്കും എം.അച്യുതനും സാഹിത്യഅക്കാദമി വിശിഷ്ടാംഗത്വം". മാതൃഭൂമി. Retrieved മേയ് 21, 2009.[പ്രവർത്തിക്കാത്ത കണ്ണി]
- ↑ "ആർക്കൈവ് പകർപ്പ്". Archived from the original on 2014-03-13. Retrieved 2014-03-13.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ 'എഴുത്തച്ഛൻ പുരസ്കാരം ഡോ. പുതുശ്ശേരി രാമചന്ദ്രന്', മലയാള മനോരമ, 2015 നവംബർ 8, പേജ് 1, കൊല്ലം എഡിഷൻ.
http://nri.mathrubhumi.com/story.php?id=23083&cat=21&sub=125[പ്രവർത്തിക്കാത്ത കണ്ണി] http://www.mathrubhumi.com/php/newFrm.php?news_id=12248611&n_type=RE&category_id=2&Farc=/[പ്രവർത്തിക്കാത്ത കണ്ണി]
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
- Pages using the JsonConfig extension
- CS1 errors: redundant parameter
- Articles with dead external links from ഒക്ടോബർ 2022
- അപൂർണ്ണ ജീവചരിത്രങ്ങൾ
- എഴുത്തച്ഛൻ പുരസ്കാരം ലഭിച്ചവർ
- മലയാളകവികൾ
- വള്ളത്തോൾ പുരസ്കാരം ലഭിച്ചവർ
- സമഗ്രസംഭാവനക്കുള്ള കേരള സാഹിത്യ അക്കാദമി പുരസ്കാരം ലഭിച്ചവർ
- കേന്ദ്ര സാഹിത്യ അക്കാദമി പുരസ്കാരം ലഭിച്ച മലയാളികൾ
- ആലപ്പുഴ ജില്ലയിൽ ജനിച്ചവർ
- 1928-ൽ ജനിച്ചവർ
- സെപ്റ്റംബർ 23-ന് ജനിച്ചവർ
- കേന്ദ്ര സാഹിത്യ അക്കാദമിയുടെ ഭാഷാ സമ്മാൻ ലഭിച്ചവർ
- മലയാളത്തിലെ വ്യാകരണഗ്രന്ഥകർത്താക്കൾ
- ഉള്ളൂർ അവാർഡ് ലഭിച്ചവർ
- കേരളത്തിലെ സി.പി.ഐ. പ്രവർത്തകർ
- 2020-ൽ മരിച്ചവർ