സക്കറിയ
സക്കറിയ | |
|---|---|
 സക്കറിയ പാലക്കാട്‌ തസ്രാക്കിൽ 2 ജൂലായ്‌ 2018 | |
| ജനനം | 1945 |
| തൊഴിൽ | ചെറുകഥാകൃത്ത് എഴുത്തുകാരൻ |
| പ്രധാന കൃതികൾ | കേരള സാഹിത്യ അക്കാഡമി അവാർഡ് (ഒരിടത്ത്)2004 കേന്ദ സാഹിത്യ അക്കാദമി അവാർഡ് |
മലയാളചെറുകഥാകൃത്തും നോവലിസ്റ്റുമാണ് പോൾ സക്കറിയ എന്ന സക്കറിയ .
ജീവിതരേഖ[തിരുത്തുക]
1945 ജൂൺ അഞ്ചിന് മീനച്ചിൽ താലൂക്കിലെ പൈകയ്ക്കു സമീപം ഉരുളികുന്നത്ത് ജനിച്ചു. മുണ്ടാട്ടുചുണ്ടയിൽ കുഞ്ഞച്ചനും ത്രേസ്യാക്കുട്ടിയും മാതാപിതാക്കൾ. ഉരുളികുന്നം, കുരുവിക്കൂട് കവലയിലെ എസ്.ഡി.എൽ.പി. സ്കൂളിലാണ് നാലാം തരം വരെ വിദ്യ അഭ്യസിച്ചത്. ഹൈസ്കൂൾ വിദ്യാഭ്യാസം വിളക്കുമാടം സെന്റ് ജോസഫ് സ്കൂളിൽ പൂർത്തിയാക്കി. സ്കൂൾ വിദ്യാഭ്യാസത്തിനു ശേഷം ബാംഗ്ലൂർ എം ഇ എസ് കോളജിലും കാഞ്ഞിരപ്പള്ളി സെന്റ് ഡൊമിനിക്സ് കോളജിലും അധ്യാപകനായിരുന്നു.ഇപ്പോൾ തിരുവനന്തപുരത്ത് താമസിക്കുന്നു.സക്കറിയയുടെ 'ഭാസ്കരപട്ടേലരും എന്റെ ജീവിതവും' എന്ന നോവലൈറ്റ് അടിസ്ഥാനമാക്കി അടൂർ ഗോപാലകൃഷ്ണൻ സംവിധാനം ചെയ്ത ചിത്രമാണ് വിധേയൻ (1993).ലൈബ്രറി ഓഫ് കോൺഗ്രസിന്റെ പുസ്തകശേഖരത്തിൽ സകറിയയുടെ പതിമൂന്ന് കൃതികൾ ഉൾപ്പെടുത്തിയിട്ടുണ്ട് [1] . തീവ്രദേശീയതക്കെതിരെയും മതതീവ്രവാദത്തിനെതിരെയും ഉള്ള സക്കറിയയുടെ ശക്തമായ നിലപാടുകൾ സംഘ് പരിവാർ പോലുള്ള സംഘടനകളുടെ രൂക്ഷമായ എതിർപ്പിന്‌ വഴിവെച്ചു[2]. 2010 ജനുവരി 10-ന്‌ പയ്യന്നൂരിൽ വെച്ച് ഒരു പുസ്തക പ്രകാശന ചടങ്ങിനിടയിൽ കമ്മ്യൂണിസ്റ്റ് പാർട്ടിയുടെ ആദ്യകാല നേതൃത്വത്തെ പറ്റി നടത്തിയ പരാമർശങ്ങളെത്തുടർന്ന് ഒരു കൂട്ടം സി. പി. ഐ (എം) പ്രവർത്തകരോ അനുയായികളൊ ആണെന്നു കരുതപ്പെടുന്ന സദസ്യർ സക്കറിയയെ ചോദ്യം ചെയ്യുകയും ശാരീരികാക്രമണത്തിനു മുതിരുകയും ചെയ്തു.[3][4].
പുസ്തകങ്ങൾ[തിരുത്തുക]
മലയാളം
- സലാം അമേരിക്ക(1988)
- ഒരിടത്ത്
- ആർക്കറിയാം (1988)
- ഒരു നസ്രാണിയുവാവും ഗൌളി ശാസ്ത്രവും
- ഭാസ്കരപട്ടേലരും എന്റെ ജീവിതവും(1988)
- എന്തുണ്ടു വിശേഷം പീലാത്തോസേ?(1996)
- കണ്ണാടികാണ്മോളവും(2000)
- സക്കറിയയുടെ കഥകൾ(2002)
- പ്രെയ്‌സ് ദ ലോർഡ്
- ബുദ്ധിജീവികളെക്കൊണ്ട് എന്ത് പ്രയോജനം ?
- ഇഷ്ടികയും ആശാരിയും
- ഇതാണെന്റെ പേര്
- ജോസഫ് ഒരു പുരോഹിതൻ (തിരക്കഥ)
- ഗോവിന്ദം ഭജ മൂഢമതേ (ലേഖനങ്ങൾ)
- ഒരു ആഫ്രിക്കൻ യാത്ര (യാത്രാവിവരണം)
- അൽഫോൻസാമ്മയുടെ മരണവും ശവസംസ്കാരവും (ചെറുകഥാ സമാഹാരം)
- ഉരുളിക്കുന്നത്തിന്റെ ലുത്തീനിയ
ഇംഗ്ലീഷ്
- ഭാസ്കരപട്ടേലർ ആൻഡ് അദർ സ്റ്റോറീസ്
പുരസ്കാരങ്ങൾ[തിരുത്തുക]
- 1979: കേരള സാഹിത്യ അക്കാഡമി അവാർഡ് (ഒരിടത്ത്)
- 2004: കേന്ദ്ര സാഹിത്യ അക്കാദമി അവാർഡ് (സഖറിയയുടെ ചെറുകഥകൾ)
- ഒ.വി. വിജയൻ പുരസ്കാരം (അൽഫോൻസാമ്മയുടെ മരണവും ശവസംസ്കാരവും) 2012[5]
- കേരളസാഹിത്യ അക്കാദമിയുടെ വിശിഷ്ടാംഗത്വം - 2013[6]
- 2014: ഇന്ത്യൻ സോഷ്യൽ ക്ല്ബ് മലയാള വിഭാഗം പ്രശംസ പുരസ്കാരം
അവലംബം[തിരുത്തുക]
- ↑ http://www.loc.gov/acq/ovop/delhi/salrp/paulzacharia.html
- ↑ Frontline[പ്രവർത്തിക്കാത്ത കണ്ണി]
- ↑ "Zacharia attacked". Expressbuzz. ശേഖരിച്ചത് 2010 January 27.
- ↑ "VS, Baby condemn attack on Zacharia". The Hindu. ശേഖരിച്ചത് 2010 January 27.
- ↑ മനോരമ ദിനപത്രം, കൊച്ചി എഡിഷൻ, 2012 നവംബർ 1
- ↑ "എം.പി വീരേന്ദ്രകുമാറിനും സക്കറിയക്കും സാഹിത്യഅക്കാദമി വിശിഷ്ടാംഗത്വം". മാതൃഭൂമി ബുക്സ്. 2013 ഒക്ടോബർ 12. ശേഖരിച്ചത് 2013 ഒക്ടോബർ 12.
പുറം കണ്ണികൾ[തിരുത്തുക]
 |
വിക്കിമീഡിയ കോമൺസിലെ Paul Zacharia എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്. |
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
- Articles with dead external links from December 2013
- അപൂർണ്ണ ജീവചരിത്രങ്ങൾ
- മലയാളം നോവലെഴുത്തുകാർ
- മലയാള കഥാകൃത്തുക്കൾ
- മുട്ടത്തു വർക്കി പുരസ്കാരം ലഭിച്ചവർ
- കോട്ടയം ജില്ലയിൽ ജനിച്ചവർ
- ചെറുകഥക്കുള്ള കേരള സാഹിത്യ അക്കാദമി പുരസ്കാരം ലഭിച്ചവർ
- ഓടക്കുഴൽ പുരസ്കാരജേതാക്കൾ
- മികച്ച കഥയ്ക്കുള്ള കേരളസംസ്ഥാന ചലച്ചിത്രപുരസ്കാരം ലഭിച്ചവർ
- കേരളസാഹിത്യ അക്കാദമിയുടെ വിശിഷ്ടാംഗത്വം നേടിയവർ
- 1945-ൽ ജനിച്ചവർ
