ഭാരതീയ ജനതാ പാർട്ടി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Bharatiya Janata Party എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ഭാരതീയ ജനതാ പാർട്ടി
भारतीय जनता पार्टी
ചെയർപെഴ്സൺഅമിത് ഷാ
പാർലമെന്ററി പാർട്ടിനേതാവ്എൽ.കെ. അദ്വാനി
ലോക്സഭാ പാർട്ടിനേതാവ്നരേന്ദ്ര മോദി
(പ്രധാന മന്ത്രി)
രാജ്യസഭാ പാർട്ടിനേതാവ്അരുൺ ജെയ്റ്റ്ലി
(Finance Minister)
രൂപീകരിക്കപ്പെട്ടത്ഡിസംബർ 1980
മുൻഗാമിഭാരതീയ ജനസംഘം
ആസ്ഥാനം11 അശോക റോഡ്,
ന്യൂ ഡെൽഹി 110001
പത്രംKamal Sandesh
യുവജനവിഭാഗംഭാരതീയ യുവമോർച്ച
വിദ്യാർത്ഥിവിഭാഗംഅഖില ഭാരതീയ വിദ്യാർത്ഥി പരിഷത്ത്
വനിതാവിഭാഗംഭാരതീയ ജനതാ വനിത മോർച്ച
കർഷകവിഭാഗംഭാരതീയ ജനതാ കർഷക മോർച്ച
ആശയംഹിന്ദുത്വം
ഇന്ത്യൻ ദേശീയത
ഏകാത്മക മാനവവാദം
രാഷ്ട്രീയധാരRight-wing[1][2][3]
ഔദ്യോഗികനിറങ്ങൾSaffron     
തിരഞ്ഞെടുപ്പ് കമ്മീഷൻ പദവിദേശിയ പാർട്ടി [4]
സഖ്യംദേശീയജനാധിപത്യസഖ്യം (NDA)
ലോകസഭാ ബലം
282 / 543
രാജ്യസഭാ ബലം
42 / 245
വെബ്സൈറ്റ്
www.bjp.org

ഇന്ത്യയിലെ ഒരു പ്രമുഖ രാഷ്ട്രീയ കക്ഷിയാണ് ഭാരതീയ ജനതാ പാർട്ടി (ഹിന്ദി: भारतीय जनता पार्टी [भाजपा] (ബി.ജെ.പി.). ഇന്ത്യൻ പാർലമെന്റിലെ ഇപ്പോഴത്തെ ഭരണ കക്ഷിയായ ദേശീയ ജനാധിപത്യ സഖ്യത്തിലെ (എൻ.ഡി.എ.) പ്രമുഖകക്ഷിയുമാണ്‌ ബി.ജെ.പി. അമിത് ഷാ[5] ആണ്‌ പാർട്ടി അദ്ധ്യക്ഷൻ. നരേന്ദ്ര മോദി, എൽ.കെ. അദ്വാനി, എ.ബി. വാജ്‌പേയി, സുഷമ സ്വരാജ് എന്നിവരാണ്‌ പ്രധാന നേതാക്കൾ. ഒരു തവണ കാലാവധി തികച്ച അടൽ ബിഹാരി വാജ്പെയ് സർക്കാരിന് ബി.ജെ.പി നേതൃത്വം കൊടുത്തിരുന്നു. ഒരു വലതുപക്ഷ പാർട്ടിയാണ് ബി.ജെ.പി. ഹിന്ദു സംഘടനയായ ആർ.എസ്.എസ്സുമായി ശക്തമായ ബന്ധമുള്ളതും അതിന്റെ ആശയങ്ങൾ പിൻതുടരുന്നതുമായ പാർട്ടിയാണിത്. ഇന്ത്യാ ഷൈനിംഗ് (ഇന്ത്യ തിളങ്ങുന്നു) എന്ന പരസ്യ പ്രചരണ പരിപാടി എൻ.ഡി.എ സർക്കാർ രൂപം കൊടുത്തിരുന്നു. കർണാടകയിലെ തിരഞ്ഞെടുപ്പിൽ ബി.എസ് യെഡിയൂരപ്പ മുഖ്യമന്ത്രിയായുള്ള ബി.ജെ.പി സർക്കാർ അധികാരത്തിലെത്തിയതോടെ ദക്ഷിണേന്ത്യയിലും സാന്നിദ്ധ്യമുറപ്പിച്ചു. 2015-മാർച്ചിലെ അംഗത്വസംഖ്യാകണക്കുകൾ അനുസരിച്ച് 8.8 കോടി അംഗങ്ങളുള്ള ഈ പാർട്ടി, ലോകത്തിലേ ഏറ്റവും കൂടുതൽ അംഗങ്ങളുള്ള രാഷ്ട്രീയ പാർട്ടിയായി.[6]

ചരിത്രം[തിരുത്തുക]

1951 ഒക്ടോബർ 21-ന് ശ്യാമ പ്രസാദ് മുഖർജിയുടെ നേതൃത്വത്തിൽ രൂപീകൃതമായ ആർ.എസ്.എസിന്റെ രാഷ്ട്രീയ വിഭാഗമായ ഭാരതീയ ജനസംഘത്തിന്റെ ഇന്നത്തെ രൂപമാണ് ഭാരതീയ ജനതാ പാർട്ടി. ശ്യാമ പ്രസാദ് മുഖർജിയുടെ മരണശേഷം, ശൈശവ ദശയിലായിരുന്ന സംഘടനയുടെ ചുമതല ദീനദയാൽ ഉപാധ്യായയുടെ ചുമലിൽ എത്തപ്പെട്ടു. അടുത്ത പതിനഞ്ചു വർഷം ഈ സംഘടനയുടെ ജനറൽ സെക്രട്ടറിയായിരുന്ന് ആദർശത്തിന്റെ വഴിയിലൂടെ പ്രവർത്തകരെ ആകർഷിക്കാൻ ശ്രമിച്ചുവെങ്കിലും ഇന്ത്യൻ നാഷണൽ കോൺഗ്രസിന്റെ ശക്തിക്ക് ഭീഷണിയാകാൻ കഴിഞ്ഞില്ല. എങ്കിലും, 1977-ലെ പാർട്ടി പിന്തുണയോടെ ജനതാപാർട്ടി സർക്കാർ കേന്ദ്രത്തിൽ നിലവിൽ വന്നപ്പോളേയ്ക്കും നേതാക്കളായി മാറിയ അടൽബിഹാരി വാജ്പേയിയെയും ലാൽകൃഷ്ണ അദ്വാനിയെയും വാർത്തെടുക്കാൻ പാർട്ടിക്ക് കഴിഞ്ഞു.[7]

1980-ൽ അടൽബിഹാരി വാജ്പേയിയും ലാൽകൃഷ്ണ അദ്വാനിയും ഭൈറോൺ സിങ് ശെഖാവത്തും ചേർന്ന് ബി.ജെ.പി എന്ന രാഷ്ട്രീയപാർട്ടി രൂപവൽക്കരിക്കുകയും എ.ബി. വാജ്‌പേയി ആദ്യ പ്രസിഡണ്ട്‌ ആകുകയും ചെയ്തു. ജനതാപാർട്ടിക്ക് ശേഷം വന്ന കോണ്ഗ്രസ് സർക്കാരിന്റെ വിമർശകരായിരുന്നു ബി.ജെ.പി, പഞ്ചാബിൽ ഉയർന്നു വന്നിരുന്ന സിഖ് ഭീകരതയെ എതിർത്തിരുന്നെങ്കിലും അതിന് കാരണമായി ഇന്ദിരാഗാന്ധിയുടെ വിവേചനപരവും അഴിമതി നിറഞ്ഞതുമായ ഭരണത്തിനെ പഴിച്ചു. നേതാവായിരുന്ന ദാർസിംഗ് "അങ്ങനെ എ.ബി. വാജ്‌പേയി ഹിന്ദു-സിഖ് സഹവർത്തിത്വം കൊണ്ടുവന്നു" എന്ന് അഭിപ്രായപ്പെട്ടു.[8] ബി.ജെ.പ്പി ഒരിക്കലും ബ്ലൂസ്റ്റാർ നടപടിയെ അനുകൂലിച്ചിരുന്നില്ല എന്ന് മാത്രമല്ല 1984-ലെ ഇന്ദിരാഗാന്ധിയുടെ വധത്തിനുശേഷം ഉണ്ടായ കലാപത്തിനെ ശക്തമായി എതിർത്തു. തങ്ങളുടെ നേതാവിന്റെ കൊലപാതകത്തിന്റെ പ്രതികാരത്തിനായി ദാഹിച്ച കോണ്ഗ്രസ് പ്രവർത്തകരുടെ അക്ക്രമത്തിൽ നിന്നും സിഖുകാരെ രക്ഷപെടുത്തിയതിൽ എ.ബി. വാജ്‌പേയി ശ്രദ്ധേയമായ പങ്കു വഹിച്ചു. 1984-ൽ നടന്ന ലോകസഭാ തിരഞ്ഞെടുപ്പിൽ ബി.ജെ.പ്പിക്ക് രണ്ടു സീറ്റുകൾ കിട്ടുകയും രാജ്യത്തിന്റെ മുഖ്യധാരാ രാഷ്ട്രീയത്തിലേയ്ക്ക് ഉയരുകയും ചെയ്തു.

വിശ്വഹിന്ദു പരീക്ഷിത്തിന്റെയും ആർ.എസ്.എസിന്റെയും നേതൃത്വത്തിൽ നടന്ന രാമജന്മഭൂമി പ്രക്ഷോഭത്തിൽ ബി.ജെ.പ്പി രാഷ്ട്രീയശബ്ദം ഉയർത്തുകയും ബാബരി മസ്ജിദ്‌ പൊളിച്ച് ക്ഷേത്രം പണിയണമെന്ന് ആവശ്യപ്പെട്ടു. ഹൈന്ദവർ തങ്ങളുടെ ദൈവമായ ശ്രീരാമന്റെ അയോധ്യയിലെ ജന്മസ്ഥാനമാണെന്ന് കരുതപ്പെടുന്ന ഏറ്റവും പവിത്രമായ സ്ഥലമാണത്.

1992 ഡിസംബർ 6-ന് നൂറുകണക്കിന് വരുന്ന വിശ്വ ഹിന്ദു പരിഷദ്, ബി.ജെ.പ്പി പ്രവർത്തകർ ശിലാന്യാസത്തിനായി ശ്രമിക്കുകയും അക്രമാസക്തമായ ജനക്കൂട്ടം പള്ളി തകർക്കുകയും ചെയ്തു. തുടർന്ന് രാജ്യത്തിന്റെ വിവിധ ഭാഗങ്ങളിൽ ഹിന്ദു-മുസ്ലീം അക്ക്രമങ്ങൾ അരങ്ങേറുകയും ആയിരത്തിലേറെ ആളുകൾ കൊല്ലപ്പെടുകയും ചെയ്തു. രാജ്യത്തിൽ നിന്ന് വ്യാപകമായ പ്രതിഷേധം ഇതിനെതിരെ ഉയർന്നെങ്കിലും തുടർന്നുണ്ടായ തെരഞ്ഞെടുപ്പുകളിൽ ബി.ജെ.പ്പിക്ക് ശക്തമായ വിജയം ലഭിച്ചു.

1995 മാർച്ചിൽ ഗുജറാത്തിലും മഹാരാഷ്ട്രയിലും നടന്ന നിയമസഭാ തെരഞ്ഞെടുപ്പിൽ വിജയം കൈവരിക്കുകയും 1994 ഡിസംബറിൽ നടന്ന കർണാടക നിയമസഭാ തിരഞ്ഞെടുപ്പിൽ നല്ല പ്രകടനം കാഴ്ചവക്കുകയും ചെയ്തതിലൂടെ ബി.ജെ.പ്പിയുടെ പ്രസക്തി കുതിച്ചുയർന്നു. തുടർന്ന്, 1996 മെയ് മാസത്തിൽ നടക്കാനിരിക്കുന്ന ലോകസഭാ തിരഞ്ഞെടുപ്പിൽ പാർട്ടിക്ക് ഭരണം ലഭിച്ചാൽ എ.ബി. വാജ്‌പേയി പ്രധാനമന്ത്രിയാകും എന്ന് എൽ.കെ. അദ്വാനി പ്രഖ്യാപിച്ചു.

ഒരു കക്ഷിക്കും ഒറ്റയ്ക്ക് ഭൂരിപക്ഷം ലഭിക്കാത്തതിനാൽ 1996-ലും 1998-ലും 1999-ലും ലോകസഭാ തെരഞ്ഞെടുപ്പുകൾ നടന്നുവെങ്കിലും 1996-ൽ തെരഞ്ഞെടുപ്പിന് ശേഷം 161 സീറ്റുകൾ നേടിയ ബി.ജെ.പ്പി സഖ്യത്തിലൂടെ 13 ദിവസം പ്രധാനമന്ത്രി പദത്തിൽ എത്തിയ എ.ബി. വാജ്‌പേയി, ഭൂരിപക്ഷം തെളിയിക്കാനാവാതെ രാജി വച്ചൊഴിഞ്ഞു. രാഷ്ട്രീയ അനിശ്ചിതാവസ്ഥ കാരണം 1998-ൽ നടന്ന തെരഞ്ഞെടുപ്പിൽ ബി.ജെ.പ്പി സഖ്യം(എൻ.ഡി.എ) 182 സീറ്റുകൾ നേടുകയും പ്രധാനമന്ത്രി പദത്തിൽ എ.ബി. വാജ്‌പേയി അധികാരത്തിൽ തിരിച്ചെത്തുകയും ചെയ്തു.[9] പക്ഷെ, ജയലളിതയുടെ നേതൃത്വത്തിലുണ്ടായിരുന്ന പാർട്ടി പിന്തുണ പിൻവലിച്ചതിനെ തുടർന്ന് ഭരണം തകരുകയും 1999-ൽ പുതിയ തെരഞ്ഞെടുപ്പു പ്രഖ്യാപിക്കുകയും ചെയ്തു.

1999-ൽ ബി.ജെ.പ്പി ഒറ്റയ്ക്ക് 183-ഉം ബി.ജെ.പ്പി സഖ്യമായ എൻ.ഡി.എ, 303-ഉം സീറ്റുകൾ നേടിയതോടെ എ.ബി. വാജ്‌പേയി മൂന്നാം തവണ പ്രധാനമന്ത്രിയാവുകയും 2004 വരെ ഭരിക്കുകയും ചെയ്തു. എൽ.കെ. അദ്വാനി, ഉപപ്രധാനമന്ത്രിയുടെയും ആഭ്യന്തര മന്ത്രിയുടെയും ചുമതലകൾ ഏറ്റെടുക്കുകയും ചെയ്തപ്പോൾ യശ്വന്ത് സിൻഹ സാമ്പത്തിക ചുമതലയുള്ള മന്ത്രിയായി. മുൻ കോണ്ഗ്രസ് സർക്കാരിന്റെ സാമ്പത്തിക ഉദാരനയം പിന്തുടർന്ന വാജ്പേയിയുടെ സർക്കാർ സ്വകാര്യവൽക്കരണം പ്രോത്സാഹിപ്പിക്കുകയും രാജ്യത്തിന്റെ വിപണി ലോകത്തിന് തുറന്നു കൊടുക്കുകയും ചെയ്തു. അങ്ങനെ വിദേശ വിമാനകമ്പനികൾ ഇന്ത്യയിലെത്തുകയും വിദേശനാണ്യം ഒഴുകുകയും രാജ്യത്തിന്റെ വിപണി സജീവമാകുകയും ചെയ്തു. പക്ഷെ, 2004-ൽ പ്രതീക്ഷകൾക്ക് വിപരീതമായി ബി.ജെ.പ്പിക്ക് മന്ത്രിസഭ രൂപീകരിക്കാനുള്ള ഭൂരിപക്ഷം ലഭിക്കാതെ പോയതിനെ തുടർന്ന് കോണ്ഗ്രസ് സഖ്യത്തിന്റെ(യു.പി.എ) നേതൃത്വത്തിൽ മൻമോഹൻ സിംഗ് പ്രധാനമന്ത്രിയായി. 2009-ലെ തെരഞ്ഞെടുപ്പിൽ ബി.ജെ.പ്പി, 17 സീറ്റുകൾ നഷ്ട്ടപ്പെടുത്തി 159-ൽ ഒതുങ്ങി.

സംഘടന[തിരുത്തുക]

പ്രസിഡന്റാണ് പാർട്ടിയുടെ ഏറ്റവും ഉയർന്ന പദവിയിൽ ഉള്ളയാൾ. മൂന്നു വർഷം കാലാവധിയുള്ള ഈ പദവിയിൽ ഇപ്പോളുള്ളത് അമിത് ഷാ ആണ്‌ . വൈസ് പ്രസിഡന്റ്‌, ജനറൽ സെക്രട്ടറി, ട്രെഷറർ തുടങ്ങി മറ്റു സെക്രട്ടറിമാർ ഈ സ്ഥാനത്തിന് പിന്നാലെയുണ്ട്. മുഖ്യ തീരുമാനങ്ങൾ എടുക്കുന്ന, മുതിർന്ന നേതാക്കൾ ചേർന്ന ബോഡിയാണ് നാഷണൽ എക്സിക്യുട്ടീവ്‌. സംസ്ഥാന തലത്തിലും ഇതേ രീതി പിന്തുടരുന്നു.[10] പാർട്ടിയുടെ മുതിർന്ന നേതാക്കളിൽ കൂടുതലും, രാജ്യത്തിൽ ശക്തമായ സ്വാധീനമുള്ള ആർ.എസ്.എസിൽ നിന്നും എത്തിയവരാണ്. സംഘപരിവാർ സംഘടനകളായ വിശ്വ ഹിന്ദു പരിഷദ്, സ്വദേശി ജാഗരൺ മഞ്ച് തുടങ്ങിയവയായും ബി.ജെ.പി ബന്ധപ്പെട്ടിരിക്കുന്നു.

ലോകസഭാ തെരഞ്ഞെടുപ്പുകൾ[തിരുത്തുക]

1980ൽ സ്ഥാപിക്കപ്പെട്ടശേഷം 1984ൽ ആണ് ആദ്യമായി തിരഞ്ഞെടുപ്പിൽ പങ്കെടുക്കുന്നത്. അതിൽ രണ്ട് ലോകസഭാസീറ്റുകൾ ആണ് പാർട്ടി ജയിച്ചത്. 1996ൽ ആദ്യമായി ബിജെപി ലോകസഭയിലെ ഏറ്റവും വലിയ കക്ഷിയായി, പക്ഷേ ഗവർമെന്റ് അസ്ഥിരമായിരുന്നു[11]. 1998ലും 1999ലും ബിജെപി തന്നെയായിരുന്നു വലിയകക്ഷി. രണ്ട് തവണയും കൂട്ടുകക്ഷിമന്ത്രിസഭയുണ്ടാക്കി.[12] 2014 ലെ ലോകസഭാ തിരഞ്ഞെടുപ്പിൽ ഭജപ സ്വന്തം ഭൂരിപക്ഷം ഉണ്ടാക്കി. 1991 മുതൽ ഭരണത്തിലല്ലാത്തപ്പൊഴെല്ലാം മുഖ്യപ്രതിപക്ഷമായി പ്രവർത്തിച്ചു.[13]

വർഷം സഭ നേതാവ് ജയിച്ച സീറ്റ് സീറ്റിലെ മാറ്റം വോട്ടുശതമാനം വോട്ടു മാറ്റം ഫലം കുറിപ്പുകൾ
1984 എട്ടാം ലോകസഭ എൽ.കെ അദ്വാനി
2 / 533
Increase 2 7.74  – പ്രതിപക്ഷം [14]
1989 9 ലോകസഭ എൽ.കെ അദ്വാനി
85 / 545
Increase 83 11.36 Increase 3.62 നാഷണൽ ഫ്രണ്ട് പുറത്തുനിന്നുപിന്താങ്ങി [15]
1991 10 ലോകസഭ എൽ.കെ അദ്വാനി
120 / 545
Increase 35 20.11 Increase 8.75 പ്രതിപക്ഷം [16]
1996 11 ലോകസഭ വാജ്പേയി
161 / 545
Increase 41 20.29 Increase 0.18 ഭരണം-പിന്നീട് പ്രതിപക്ഷം [17]
1998 12 ലോകസഭ വാജ്പേയി
182 / 545
Increase 21 25.59 Increase 5.30 ഭരണം [18]
1999 13 ലോകസഭ വാജ്പേയി
182 / 545
Steady 0 23.75 Decrease 1.84 ഭരണം [19]
2004 14 ലോകസഭ വാജ്പേയി
138 / 543
Decrease 44 22.16 Decrease 1.69 പ്രതിപക്ഷം [20]
2009 15 ലോകസഭ എൽ.കെ അദ്വാനി
116 / 543
Decrease 22 18.80 Decrease 3.36 പ്രതിപക്ഷം [21]
2014 16 ലോകസഭ നരേന്ദ്ര മോദി
282 / 543
Increase 166 31.34 Increase12.54 ഭരണം [22]
2019 17 -ലോകസഭ നരേന്ദ്ര മോദി tba/543 - - - [23]

വിവിധ സംസ്ഥാനങ്ങളിലെ പ്രകടനം[തിരുത്തുക]

Current ruling parties in India
  BJP (12)
  INC (5)
  Other parties (AAP, AITC, BJD, CPI(M), TDP and TRS) (6)

 2018—ലെ കണക്കുപ്രകാരം, ബിജെപിക്ക് 12 സംസ്ഥാനങ്ങളിൽ മുഖ്യമന്ത്രിമാരുണ്ട് :

ആറു സംസ്ഥാനങ്ങളിൽ മറ്റു പാർട്ടികളെ മന്ത്രിസഭയുണ്ടാക്കാൻ സഹായിക്കുന്നു.അവ:

ഈ സംസ്ഥാനങ്ങളിൽ മുമ്പ് ബിജെപി ഭരണത്തിലായിരുന്നു:

ഈ സംസ്ഥാനങ്ങളിൽ ബിജെപി ഉൾപ്പെടുന്ന മുന്നണികൾ ഭരിച്ചിട്ടുണ്ട്:

ഈ സംസ്ഥാനങ്ങളിൽ ബിജെപി ഇതുവരെ ഭരണസഭയിലുണ്ടായിട്ടില്ല:

It also has a regional political alliance in the North-East named as the North-East Democratic Alliance.[24][25][26][27]

ഇപ്പോഴത്തെ ബിജെപി- എൻ ഡി എ മന്ത്രിസഭകൾ[തിരുത്തുക]

സംസ്ഥാനം ഭാജപ/NDA govt.എന്നുമുതൽ മുഖ്യമന്ത്രി പാർട്ടി എന്നുമുതൽ അസംബ്ലിയിലെ സീറ്റുകൾ Ref(s)
ഗുജറാത്ത് 28 ഫെബ്രുവരി 1998 വിജയ് രൂപാണി ഭാജപ 7 ആഗസ്റ്റ് 2016 100/182 [28]
നാഗാലാന്റ് 8 മാർച്ച് 2008 നെയ്ഫു റിയോ NDPP 7 മാർച്ച് 2018 33/60 [29]
ഗോവ 6 മാർച്ച് 2012 പ്രമോദ് സാവന്ത് ഭാജപ 19 മാർച്ച് 2019 23/40

[30]

ഹരിയാന 19 ഒക്റ്റോബർ 2014 മനോഹർ ലാൽ ഖട്ടാർ ഭാജപ 26 ഒക്റ്റോബർ 2014 47/90 [31]
മഹാരാഷ്ട്ര 19 ഒക്റ്റോബർ 2014 ദേവേന്ദ്ര ഫഡ്ണവിസ് ഭാജപ 31 ഒക്റ്റോബർ 2014 186/288 [32]
ഝാർഖണ്ട് 23 ഡിസംബർ 2014 രഘുബർ ദാസ് ഭാജപ 28 ഡിസംബർ 2014 47/81 [33]
ആസാം 24 മേയ് 2016 സർബാനന്ദ സോനോവാൾ ഭാജപ 24 May 2016 74/126 [25][26]
സിക്കിം 24 മേയ് 2016 പവൻ കുമാർ ചാമ്ലിങ് SDF 12 ഡിസംബർ 1994 22/32 [25][26]
അരുണാചൽ പ്രദേശ് 16 സെപ്റ്റംബർ 2016 പ്രേമ ഖണ്ടു ഭാജപ 16 സെപ്റ്റ്ംബർ 2016 57/60 [34]
മണിപ്പൂർ 15 മാർച്ച് 2017 എൻ. ബിരൻ സിങ് ഭാജപ 15 മാർച്ച് 2017 41/60 [35]
ഉത്തരാഖണ്ട് 18 മാർച്ച് 2017 ത്രിവേന്ദ്രസിങ് രാവത് ഭാജപ 18 മാർച്ച് 2017 57/70 [36]
ഉത്തർ പ്രദേശ് 19 മാർച്ച് 2017 യോഗി ആദിത്യനാഥ് ഭാജപ 19 മാർച്ച് 2017 324/403 [37]
ബിഹാർ 27 ജൂലൈ 2017 നിതീഷ് കുമാർ ജനതാദൾ (യുനൈറ്റഡ്) 27 ജൂലൈ 2017 131/243
ഹിമാചൽ പ്രദേശ് 27 ഡിസംബർ 2017 ജൈ രാം ഥാക്കുർ ഭാജപ 27 ഡിസംബർ 2017 44/68
മേഘാലയ 6 മാർച്ച് 2018 കോണ്രാഡ് സാങ്മ NPP 6 മാർച്ച് 2018 39/60
ത്രിപുര 8 മാർച്ച് 2018 ബിപ്ലവ് കുമാർ ദേവ് ഭാജപ 8 മാർച്ച് 2018 44/60
മിസോറാം 15 ഡിസംബർ 2018 ലാൽ തൻഹൗല MNF 15 ഡിസംബർ 2018 27/40
തമിഴ് നാട് 19 ഫെബ്രുവരി 2019 എടപ്പാളി പഴനി ചാമി AIADMK 16 ഫെബ്രുവരി 2017 115/235

ബി.ജെ.പ്പിയുമായി സഹകരിച്ചു പ്രവർത്തിക്കുന്ന മുഖ്യ സംഘടനകൾ[തിരുത്തുക]

നയസമീപനങ്ങൾ[തിരുത്തുക]

ഇന്റഗ്രൽ ഹ്യുമാനിസത്തിന് പ്രത്യേക സ്ഥാനം കൽപ്പിച്ച് നൽകിയിട്ട് കൊടുത്തിട്ടുള്ള ബി.ജെ.പ്പിയുടെ ആദർശത്തിൽ ചില വലതുപക്ഷ നിലപാടുകളും ഉൾപ്പെടുന്നു. ആധുനികതയും യാഥാസ്ഥിതികത്വവും സ്വദേശവൽക്കരണവും വികേന്ദ്രീകരണവും സാമൂഹിക സംരക്ഷണവും പുരോഗമനവും ഉൾപ്പെടുന്ന നിലപാടുകളാണ് രാജ്യത്തിന്റെ പുരാതന മൂല്യങ്ങളിൽ നിന്നും സംസ്കാരത്തിൽ നിന്നും ബി.ജെ.പ്പി അവതരിപ്പിച്ചത്.[38] തുറന്ന വിപണിലൂടെയും സ്വയം ഉയർച്ചയിലൂടെയുമുള്ള സാമ്പത്തിക വളർച്ചയിലാണ് ബി.ജെ.പ്പി വിശ്വസിക്കുന്നത്. പാർട്ടി ഭരണഘടനയിൽ ഇങ്ങനെ വിശദീകരിക്കുന്നു.

"അഭിമാനത്തോടെ, രാജ്യത്തിന്റെ പുരാതന സംകാരങ്ങളിൽ നിന്നും മൂല്യങ്ങളിൽ നിന്നും പ്രചോദനം ഉൾക്കൊണ്ട് ആധുനികവും പുരോഗമനപരവും ശക്തവുമായ ഒരു രാജ്യം സൃഷ്ട്ടിക്കാൻ പാർട്ടി പ്രതിജ്ഞാബദ്ധമാണ്. അതിലൂടെ, ലോകരാഷ്ട്രങ്ങൾക്ക് മുന്നിൽ ലോകസമാധാനത്തിനും ക്രമസമാധാനത്തിനും ശ്രദ്ധേയമായ സംഭാവന ചെയ്യുന്ന രാജ്യമായി ഉയർത്തുക. രാജ്യത്തിലെ എല്ലാ ജനാധിപത്യ സംസ്ഥാങ്ങളിലെയും ജനങ്ങൾക്ക്‌ ജാതിയുടെയും വിശ്വാസത്തിന്റെയും രാഷ്ട്രീയത്തിന്റെയും സാമൂഹികതയുടെയും സമ്പത്തിന്റെയും വത്യാസത്തിൽ അതീതമായി തുല്യമായ അവസരങ്ങളും, വിശ്വാസിക്കാനും പ്രകടിപ്പിക്കാനുമുള്ള അവകാശങ്ങളും ഉറപ്പ് നൽകുന്നു. രാജ്യത്തിന്റെ ഭരണഘടനയോടുള്ള വിശ്വാസവും പ്രതിബദ്ധതയും പ്രകടിപ്പിക്കുന്നതോടൊപ്പം സോഷ്യലിസവും മതേതരത്വവും ജനാധിപത്യവും കാത്തുസൂക്ഷിക്കുന്നതിലൂടെ രാജ്യത്തിന്റെ അഖണ്ടത ഉറപ്പ് വരുത്തുന്നു."

ബി.ജെ.പ്പിയുടെ മറ്റു ലക്ഷ്യങ്ങൾ,[39]

  • ഭീകരവിരുദ്ധനടപടികൾ

കോണ്ഗ്രസ് സർക്കാർ ഇല്ലാതാക്കിയ ഭീകരവിരുദ്ധ സംവിധാനം തിരികെ കൊണ്ടുവരിക. പോട്ട (നിയമം)(POTA) ശക്തിപ്പെടുത്തുകയും കൂടുതൽ കാര്യക്ഷമാക്കുകയും ചെയ്തു നിരപരാധികളെ ബുദ്ധിമുട്ടിക്കാതെ ദേശവിരുദ്ധ പ്രവൃത്തികളിൽ ഏർപ്പെടുന്നവരെ നിയമത്തിന്റെ മുന്നിൽ കൊണ്ടുവരികയും എൻ.ഐ.എയുടെ പ്രവർത്തനം കാര്യക്ഷമമാക്കുകയും ചെയ്യുക.

  • അതിവേഗ കോടതികൾ

ഭീകരതയുമായി ബന്ധപ്പെട്ട കേസുകൾ വേഗം നടത്താൻ പ്രത്യേകം കോടതികൾ ഉണ്ടാക്കുകയും ഇരകളായവർക്ക് നീതി നൽകുകയും ചെയ്യുക.

  • തിരിച്ചറിയൽ കാർഡ്

എല്ലാ പൌരന്മാർക്കും ഐഡിന്റിറ്റി കാർഡുകൾ നിർബന്ധമാക്കുകയും അതിലൂടെ രാജ്യസുരക്ഷ വർധിപ്പിക്കുകയും അനധികൃത കുടിയേറ്റം തടയുകയും ചെയ്യുക.

  • ഭക്ഷ്യ സുരക്ഷ

ദാരിദ്ര്യരേഖക്ക് താഴെയുള്ള കുടുംബങ്ങൾക്ക് മാസം, 35 കിലോഗ്രാം അരി, കിലോയ്ക്ക് 2 രൂപാ നിരക്കിൽ കൂപ്പൺ വഴി സർക്കാർ സംവിധാനത്തിലൂടെയും പൊതു വിപണിയിലൂടെയും വിതരണം ചെയ്യുക.

  • ഊർജ സുരക്ഷ

ഫോസിൽഊർജ്ജം ഒഴിച്ചുള്ള പ്രകൃതിക്കനുയോജ്യമായ ഊർജസ്രോതസ്സുകൾക്കായി കൂടുതൽ പുതിയ പദ്ധതികൾ, മുഖ്യമായും വിദ്യു ച്ഛക്തി മേഖലയിൽ നടപ്പിലാക്കുക. 120,000 MW വൈദ്യുതി അടുത്ത അഞ്ചു വർഷത്തിൽ കൂട്ടിച്ചേർക്കുന്ന നടപടി സ്വീകരിക്കുക.

  • അധിവാസം

എല്ലാവര്ക്കും വീട് എന്ന ലക്‌ഷ്യം നടപ്പിലാക്കാനായി എല്ലാ വർഷവും 10 വീടുകൾ നിർമിച്ചു നൽകുക. മറ്റ് പ്രദേശങ്ങളിൽ റോഡ്‌, വൈദ്യുതി, വെള്ളം തുടങ്ങി അവശ്യ-അടിസ്ഥാന സൌകര്യങ്ങൾ ഉറപ്പ് വരുത്തുക.

  • കൃഷി

കാർഷിക ലോണുകൾക്കുള്ള പലിശ 4 ശതമാനത്തിൽ കൂടാതെ നിശ്ചയിക്കുകയും പ്രായമായ അവശകർഷകർക്ക് പെൻഷൻ നൽകുകയും ചെയ്യുക. ജലസേചനത്തിനുള്ള സൌകര്യങ്ങൾ വർധിപ്പിക്കുകയും പ്രാദേശികമായി തൊഴിൽ അവസരങ്ങൾ വർധിപ്പിക്കുകയും ചെയ്യുക.

  • വിദ്യാഭ്യാസം

2002-ലെ ബി.ജെ.പ്പി സഖ്യമായ എൻ.ഡി.എ കൊണ്ടുവന്ന സർവശിക്ഷാ അഭയാന്റെ വിജയത്തിൽ നിന്നും പാഠം ഉൾക്കൊണ്ട് അതിന്റെ വ്യാപ്തിയും ഗുണവും മെച്ചപ്പെടുത്തി നടപ്പിലാക്കുക. ഉച്ചയൂണ് പദ്ധതിയായി അക്ഷയപാത്ര പദ്ധതി നടപ്പിലാക്കുകയും സെക്കണ്ടറി വിദ്യാഭ്യാസം വേഗത്തിൽ നടപ്പിലാക്കുകയും പെൺകുട്ടികൾക്കായി പ്രത്യേക ശ്രദ്ധ കൊടുക്കുകയും ചെയ്യുക.

  • വകുപ്പ്-370

ജമ്മു - കാശ്മീർ സംസ്ഥാനത്തിലെ ജനങ്ങളെ രാജ്യത്തിന്റെ മുഖ്യധാരയിലേയ്ക്ക് അടുപ്പിക്കുന്നതിന് മാനസികമായ വിഖാതം ഈ വകുപ്പ് സൃഷ്ട്ടിക്കുന്നു എന്ന് വാദിക്കുകയും ഇത് എടുത്തു കളയാൻ പ്രതിജ്ഞാബദ്ധരാണെന്നും പറയുന്നു.

  • എല്ലാവര്ക്കും ആരോഗ്യം

സ്വകാര്യ ആശുപത്രികൾക്കും നഴ്സിംഗ് ഹോമുകൾക്കും വേണ്ടി ദേശീയ റെഗുലേറ്ററി അതോറിട്ടി സ്ഥാപിക്കുകയും മൂല്യാധിഷ്ട്ടിത സേവനങ്ങൾ കുറഞ്ഞ നിരക്കിൽ തട്ടിപ്പുകൾ ഒഴിവാക്കുന്ന വിധത്തിൽ ഉറപ്പ് വരുത്തുകയും ചെയ്യുക. സ്വകാര്യ മേഖലയെ സ്വാഗതം ചെയ്യുമ്പോളും ലാഭം കൊതിച്ചു കൊണ്ട് മാത്രമുള്ള ഒന്നാകാൻ പാടില്ല. അസുഖങ്ങളിൽ നിന്നും അകറ്റി നിർത്താനായി എല്ലാവര്ക്കും ശുദ്ധമായ കുടിവെള്ളം പ്രാപ്യമാക്കുകയും അതിനുള്ള ലഭ്യത, മൌലികമായ അവകാശമാണെന്ന് കാണുകയും ചെയ്യുന്നു.

  • ചെറുസംസ്ഥാനങ്ങൾ

ചെറു സംസ്ഥാനങ്ങൾ കൂടുതൽ കാര്യക്ഷമമായതിനാൽ ഗൂർഖാലാൻഡ്, തെലുംഗാന എന്നീ സംസ്ഥാനങ്ങളെ പിന്തുണയ്ക്കുന്നു എന്ന് മാത്രമല്ല, അധികാരത്തിൽ ഉണ്ടായിരുന്നപ്പോൾ ഝാ‍ർഖണ്ഡ്‌, ഉത്തരാഖണ്ഡ്‌, ഛത്തീസ്ഗഡ്‌ എന്നീ സംസ്ഥാനങ്ങൾ രൂപീകരിച്ചു.

  • മതപരിവർത്തനം

വിവിധ മതനേതാക്കളുടെ സഹകരണത്തോടെ ഒരു മതപരിവർത്തന സംവിധാനം ഉണ്ടാക്കി വിവിധ സമുദായങ്ങൾ തമ്മിൽ പരസ്പരവിശ്വാസം വർധിപ്പിക്കണം എന്ന് ആഗ്രഹിക്കുന്നു. ഈ സംവിധാനത്തിൽ, വിശ്വാസ വിഷയത്തിൽ ഹിന്ദു-ക്രിസ്ത്യൻ ചർച്ചകളും സംഘടിപ്പിക്കാൻ പദ്ധതികളുണ്ട്.

വിമർശനങ്ങളും വിവാദങ്ങളും[തിരുത്തുക]

1992-ലെ ബാബരി മസ്ജിദ്‌ തർക്കമന്ദിരം തകർത്ത സംഭവം[40] പരസ്യമായി അപലപിച്ച ബി.ജെ.പി. നേതാക്കളെ 'കപട മിതവാദികൾ' എന്നാണ് സംഭവം അന്വേഷിച്ച കമ്മീഷനായ, ലിബർഹാൻ കമ്മീഷൺ വിശേഷിപ്പിക്കുന്നത്.[41] യഥാർഥത്തിൽ ഇവരുടെ പ്രസംഗവും പ്രവൃത്തികളും മന്ദിരം തകർക്കുന്നതിന് സഹായകമായി എന്നും ബി.ജെ.പി. നേതൃത്വം സംഘപരിവാറിന്റെ ഇച്ഛയ്ക്ക് വിധേയമായി പ്രവർത്തിക്കുകയായിരുന്നു എന്നും കമ്മീഷൻ കുറ്റപ്പെടുത്തുന്നുണ്ട്.

1999-ലെ കാർഗിൽ യുദ്ധത്തിൽ മരിച്ച സൈനികർക്കായി ശവപ്പെട്ടി വാങ്ങിയ സംഭവത്തിൽ അഴിമതി ഉണ്ട് എന്നാരോപണം ഉയർന്നിരുന്നു. ശവപ്പെട്ടി കുംഭകോണം എന്നറിയപ്പെടുന്ന ഈ സംഭവത്തിൽ, എൻ.ഡി.എ സർക്കാരിൽ പ്രതിരോധ മന്ത്രിയായിരുന്ന ജോർജ് ഫെർണാണ്ടസിനെതിരെ അന്വേഷണം നടത്തി കുറ്റവിമുക്തനാക്കി.[42]

2002-ൽ ഗോദ്രാ കൂട്ടക്കൊലയെത്തുടർന്ന് ഗുജറാത്തിൽ മുസ്ലീങ്ങൾക്കെതിരെ പൊട്ടിപ്പുറപ്പെട്ട കലാപത്തിൽ അന്നത്തെ ബി.ജെ.പി മുഖ്യമന്ത്രിയായിരുന്ന നരേന്ദ്ര മോദി ന്യൂനപക്ഷങ്ങളെ സംരക്ഷിക്കാനുള്ള നടപടികളിൽ മനഃപൂർവം വീഴ്ച വരുത്തി എന്ന് ആരോപിക്കപ്പെട്ടു.[43] സംസ്ഥാനത്തെ ഒരു വനിതാമന്ത്രിയായിരുന്ന കൊട്നാനി, ആരോപണത്തെ തുടർന്ന് രാജി വക്കുകയും ചെയ്തു.[44] ദേശീയ മനുഷ്യാവകാശ കമ്മീഷൻ, അക്ക്രമങ്ങൾ തടയുന്നതിൽ സംസ്ഥാന സർക്കാർ "സമ്പൂർണ്ണ പരാജയം" എന്നാണ് വിശേഷിപ്പിച്ചത്‌. സുപ്രീം കോടതി മുൻജസ്റ്റീസായ നാനാവതിയുടെ നേതൃത്വത്തിൽ ഈ ആരോപണം അന്വേഷിക്കുകയും പോലീസിന് വീഴ്ച പറ്റിയിട്ടില്ല എന്ന് കണ്ടെത്തുകയും ചെയ്തു.[45] ഇതിനോടനുബന്ധിച്ച് ഇപ്പോഴും കേസുകൾ നിലവിലുണ്ട്. 2009-ലെ ലോകസഭാ ഇലക്ഷനിൽ ഉത്തർപ്രദേശിലെ പിലിബിത് മണ്ഡലത്തിലെ ബി.ജെ.പി സ്ഥാനാർഥി വരുൺഗാന്ധി, "മുസ്ലീങ്ങളുടെ കൈവെട്ടും" എന്ന് പ്രസംഗിച്ചുവെന്ന് ആരോപിക്കപ്പെടുന്ന സംഭവം വിവാദമായിരുന്നു.[46]

2013 സെപ്റ്റംബരിൽ ഉത്തർ പ്രദേശിൽ കലാപം പടർത്തിയതിനു 4 എം എൽ എ മാർക്കെതിരെ കേസ് എടുത്തിരുന്നു.[അവലംബം ആവശ്യമാണ്]

2016 ഫെബ്രുവരി 29 ന് ആഗ്രയിൽ നടന്ന സംഘപരിവാർ പൊതുയോഗത്തിൽ മുസ്ലിംകളോട് യുദ്ധത്തിനു തയ്യാറെടുക്കാൻ പ്രസംഗകർ ആവശ്യപ്പെട്ടു. യോഗത്തിലെ ബി.ജെപി ആഗ്ര എം.പിയും കേന്ദ്ര മാനവശേഷി സഹമന്ത്രിയുമായ രാം ശങ്കർ കതേരിയയും ഫത്തേപൂർസിക്രി എം.പി ബാബു ലാലും പങ്കെടുത്തിരുന്നു. ഹിന്ദുക്കൾ ശക്തി കാണിച്ചു തരുമെന്ന് മന്ത്രി കതേരിയ ഈ യോഗത്തിൽ പ്രസംഗിക്കുകയുണ്ടായി.[47] [48]

2017 മെയ് മാസത്തിൽ ബിജെപി തിരുവനന്തപുരം ജില്ലാ പ്രസിഡന്റ് എസ്. സുരേഷ് നടത്തിയ പ്രസംഗം ഏറെ വിവാദം സൃഷ്ടിച്ചിരുന്നു. [49][50]

അവലംബങ്ങൾ[തിരുത്തുക]

  1. Stein, Burton; Arnold, David (2010). A History of India (Second ed.). Wiley-Blackwell. p. 410.
  2. Halarnkar, Samar (13 June 2012). "Narendra Modi makes his move". BBC News. The right-wing Hindu nationalist Bharatiya Janata Party (BJP), India's primary opposition party
  3. DiSilvio, Joseph D. (Spring 2007). "Rise of the Bharatiya Janata Party in India" (PDF). The Orator. 2 (1). The rise of the BJP and other right-wing Hindu nationalist political parties...
  4. "List of Political Parties and Election Symbols main Notification Dated 18.01.2013" (PDF). India: Election Commission of India. 2013. ശേഖരിച്ചത് 9 May 2013.
  5. http://www.ndtv.com/article/india/bjp-president-amit-shah-chargesheeted-for-april-speech-589565
  6. "ബിജെപി ഇനി ലോകത്തിലെ ഏറ്റവും വലിയ രാഷ്ട്രീയ പാർട്ടി". മലയാള മനോരമ. 2015-03-30. മൂലതാളിൽ നിന്നും 2015-03-30-ന് ആർക്കൈവ് ചെയ്തത്. ശേഖരിച്ചത് 2015-03-30.
  7. "www.jstor.org".
  8. "www.deccanherald.com".
  9. "Rediff On The NeT: TDP helps Vajpayee wins confidence vote". Rediff.com. ശേഖരിച്ചത് 2011-01-04.
  10. "www.bjp.org".
  11. Guha 2007, p. 633.
  12. Sen 2005, pp. 251-272.
  13. National Informatics Centre 2014.
  14. Election Commission 1984.
  15. Election Commission 1989.
  16. Election Commission 1991.
  17. Election Commission 1996.
  18. Election Commission 1998.
  19. Election Commission 1999.
  20. Election Commission 2004.
  21. Election Commission 2009.
  22. Election Commission 2014.
  23. Election Commission 2019.
  24. World Statesman 2014.
  25. 25.0 25.1 25.2 Pisharoty, Sangeeta Barooah (25 മേയ് 2016). "BJP Crafts North East Democratic Alliance to Make the Region 'Congress Mukt'". മൂലതാളിൽ നിന്നും 26 മേയ് 2016-ന് ആർക്കൈവ് ചെയ്തത്.
  26. 26.0 26.1 26.2 "Amit Shah holds meeting with northeast CMs, forms alliance". 25 മേയ് 2016. മൂലതാളിൽ നിന്നും 26 മേയ് 2016-ന് ആർക്കൈവ് ചെയ്തത്.
  27. "BJP Acts East With New Anti-Congress Bloc, Puts Himanta Biswa In Charge". മൂലതാളിൽ നിന്നും 25 മേയ് 2016-ന് ആർക്കൈവ് ചെയ്തത്.
  28. Gujarat Legislative Assembly 2015.
  29. ECI Nagaland 2013.
  30. Murari Shetye. "Goa speaker Pramod Sawant succeeds Parrikar as CM" The Times of India. 19 March 2019.
  31. ECI Haryana 2014.
  32. ECI Maharashtra 2014.
  33. Abhinav Bhatt 2014.
  34. Kashyap, Samudra Gupta (31 ഡിസംബർ 2016). "Arunachal gets full-fledged BJP govt as Pema Khandu, 32 others join saffron party". Indian Express. മൂലതാളിൽ നിന്നും 1 ജനുവരി 2017-ന് ആർക്കൈവ് ചെയ്തത്.
  35. "With 32 MLAs' support, BJP to elect Manipur leader today". Deccan Chronicle. 13 മാർച്ച് 2017. മൂലതാളിൽ നിന്നും 17 മാർച്ച് 2017-ന് ആർക്കൈവ് ചെയ്തത്. ശേഖരിച്ചത് 29 ജൂൺ 2017.
  36. "BJP decimates Congress in Uttarakhand". The Hindu. 11 മാർച്ച് 2017. മൂലതാളിൽ നിന്നും 3 മാർച്ച് 2018-ന് ആർക്കൈവ് ചെയ്തത്. ശേഖരിച്ചത് 29 ജൂൺ 2017.
  37. Chowdury, Arghya Roy (11 മാർച്ച് 2017). "UP Elections 2017 Results- BJP wins three-fourth majority; Mayawati cries foul about EVM, SP stunned". Daily News & Analysis. മൂലതാളിൽ നിന്നും 30 ജൂലൈ 2017-ന് ആർക്കൈവ് ചെയ്തത്. ശേഖരിച്ചത് 29 ജൂൺ 2017.
  38. "Does India Still Need a Hindu Nationalist Party?". Foreign policy.
  39. Manifesto : Lok Sabha Election 2009
  40. http://news.bbc.co.uk/2/hi/south_asia/2528025.stm Tearing down the Babri Masjid-Eyewitness by Mark Tully
  41. http://www.mathrubhumi.com/story.php?id=68151
  42. http://ibnlive.in.com/news/fernandes-gets-clean-chit-in-kargil-coffin-scam/99725-3.html
  43. http://ibnlive.in.com/news/gujarat-riots-case-vhp-bjp-leaders-surrender/85891-3.html Gujarat riots case: VHP, BJP leaders surrender
  44. http://www.expressindia.com/latest-news/Maya-Kodnani-resigns-surrenders-before-SIT/439821/ Maya Kodnani resigns,surrenders before SIT-Indian express
  45. http://www.rediff.com/news/2003/may/18guj.htm
  46. http://in.reuters.com/article/topNews/idINIndia-38758620090329 Varun Gandhi arrested over Muslim hate speech—Reuters India 29th march 2009
  47. ഇൻഡ്യൻ എക്സ്പ്രസ്സ്-'AUDIO: Muslims warned of ‘final battle’ at Sangh Parivar meeting, MoS Katheria says ‘we’ve to show our strength’
  48. മുസ്‌ലിംങ്ങളോട് അവസാന യുദ്ധത്തിന് തയാറെടുക്കാൻ സംഘപരിവാർ -മാതൃഭൂമി 29 ഫെബ്രുവരി 2016
  49. BJP Speech
  50. BJP Speech Kerala
"https://ml.wikipedia.org/w/index.php?title=ഭാരതീയ_ജനതാ_പാർട്ടി&oldid=3170903" എന്ന താളിൽനിന്ന് ശേഖരിച്ചത്