മധുകർ ദത്താത്രയ ദേവറസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
മധുകർ ദത്താത്രയ ദേവറസ്
മധുകർ ദത്താത്രയ ദേവറസ്.jpg
മധുകർ ദത്താത്രയ ദേവറസ്
ജനനം(1915-11-11)നവംബർ 11, 1915
മരണംജൂൺ 17, 1996(1996-06-17) (പ്രായം 80)
ദേശീയതഇന്ത്യൻ
പൗരത്വംഇന്ത്യൻ
വിദ്യാഭ്യാസംനിയമ ബിരുദം ,മോറിസ് കോളേജ് നാഗ്പൂർ
മാതാപിതാക്ക(ൾ)ദത്താത്രയ കൃഷ്ണറാവു ദേവറസ്(പിതാവ്)
പാർവ്വതിഭായി(മാതാവ്)

രാഷ്ട്രീയ സ്വയം സേവക് സംഘത്തിന്റെ മൂന്നാമത്തെ സർസംഘചാലകൻ ആയിരുന്നു മധുകർ ദത്താത്രയ ദേവറസ് (മറാഠി: मधुकर दत्तात्रय देवरस) (1915 ഡിസംബർ 11 - 1996 ജൂൺ 17). 1973 മുതൽ 1994 വരെ അദ്ദേഹം ആർ.എസ്.എസ്സിന്റെ സർസംഘചാലക് സ്ഥാനത്ത് തുടർന്നു. 1992 ഡിസംബർ 6 ബാബരി മസ്ജിദ്‌ തകർക്കപ്പെടുന്ന വേളയിൽ സംഘത്തിന്റെ ഉന്നത നേതാവ് ആയിരുന്നു.

ബാല്യം, വിദ്യാഭ്യാസം[തിരുത്തുക]

ആന്ധ്രാപ്രദേശിൽ നിന്ന് കുടിയേറി നാഗ്പൂരിൽ സ്ഥിര താമസമാക്കിയ കർഷക കുടുംബത്തിൽ ദത്താത്രയ കൃഷ്ണറാവു ദേവറസിന്റെയും പാർവ്വതിഭായിയുടേയും പുത്രനായി 1915 ഡിസംബർ 11നു നാഗ്പൂരിൽ ജനിച്ചു. രണ്ടു സഹോദരന്മാരും രണ്ടു സഹോദരിമാരും അടങ്ങുന്നതായിരുന്നു ദേവറസ്സിന്റെ കുടുംബം.

1931- ൽ സർവ്വകലാശാലാ ബിരുദം പൂർത്തിയാക്കിയ അദ്ദേഹം 1935-ൽ മോറിസ് കോളേജിൽ (ഇപ്പോൾ നാഗപ്പൂർ മഹാ വിദ്യാലയ) നിന്നും നിയമ ബിരുദം കരസ്ഥമാക്കി.

രാഷ്ട്രീയ സ്വയംസേവക സംഘം[തിരുത്തുക]

ഡോക്ടർ ഹെഡ്ഗേവാറിന്റെ പ്രവർത്തനങ്ങളിൽ ആകൃഷ്ടനായിരുന്ന ദേവറസ് ആർ.എസ്.എസ്സിന്റെ പ്രാരംഭ കാലത്ത് തന്നെ അതിൽ പ്രവർത്തനം ആരംഭിച്ചിരുന്നു. വിദ്യാഭ്യാസത്തിനു ശേഷം അദ്ദേഹം ആർ.എസ്.എസ്സിന്റെ പ്രചാരകനാകാൻ തീരുമാനിച്ചു. ബംഗാൾ പ്രാന്തത്തിൽ ആയിരുന്നു പ്രചാരകനായി ദേവറസ് നിയോഗിക്കപ്പെട്ടത്. അതിനുശേഷം നാഗപ്പൂർ നഗർ കാര്യവാഹകായി നിയമിക്കപ്പെട്ടു. 1946-ൽ സഹ സർകാര്യവാഹും 1965-ൽ സർ കാര്യവാഹും ആയി. മാധവ സാദാശിവ ഗോൾവാൽക്കറിനു ശേഷം 1973 ജൂൺ 5-ന് അദ്ദേഹം സർസംഘചാലക് സ്ഥാനം ഏറ്റെടുത്തു[1].

അടിയന്തരാവസ്ഥ[തിരുത്തുക]

ദേവറസ് ആർ എസ് എസ് നേതൃത്വത്തിലേക്ക് വന്ന് രണ്ടു വർഷങ്ങൾക്കുള്ളിൽ തന്നെ ഇന്ദിരാ ഗാന്ധി അടിയന്തരാവസ്ഥ പ്രഖ്യാപിച്ചു. ആർ എസ് എസ്സിനെ നിരോധിക്കുകയും ദേവറസ്സിനെയും മറ്റനേകം സ്വയംസേവകരെയും ജയിലിൽ അടക്കുകയും ചെയ്തു. രാജ്യം ഇനി ഒരിക്കലും ജനാധിപത്യത്തിലേക്ക് തിരികെ വരില്ല എന്ന് പോലും സംശയിക്കപ്പെട്ട കാലഘട്ടത്തിൽ ദേവറസ്സിൻറെ നേതൃത്വത്തിൽ ആർ എസ് എസ് അടിയന്തരാവസ്ഥക്ക്‌ എതിരെ അതുല്യമായ പോരാട്ടം തന്നെ കാഴ്ചവെച്ചു[2][3][4].

ലണ്ടനിൽ നിന്ന് പ്രസിദ്ധീകരിക്കുന്ന എകണോമിസ്റ്റ് പത്രം പറഞ്ഞു "ഇടതു പക്ഷം അല്ലാത്ത ലോകത്തിലെ ഒരേ ഒരു വിപ്ലവ പ്രസ്ഥാനം ആണ് ആർ.എസ്.എസ് . ജനാധിപത്യം പുന:സ്ഥാപിക്കുക എന്നത് മാത്രം ലക്ഷ്യമാക്കിയാണ് അത് പ്രവർത്തിക്കുന്നത് . പതിനായിരക്കണക്കിനു അംഗങ്ങൾ അടിയന്തരാവസ്ഥക്ക്‌ എതിരെ പോരാടുന്നു , ഇനിയും ഇനിയും കൂടുതൽ യുവാക്കൾ അതിലേക്കു എത്തിപ്പെടുന്നു"[5].

കാഴ്ച്ചപ്പാടുകൾ[തിരുത്തുക]

  • ഭാരതത്തിൻറെ മുഴുവൻ പ്രത്യേകതകളും ഭൂപ്രകൃതിയും നദികളും മഹാന്മാരായ വ്യക്തികളും ഒക്കെ ഉൾക്കൊള്ളുന്ന എകാത്മത മന്ത്രം ദേവറസ്സിൻറെ നിർദ്ദേശാനുസരണം എഴുതി തയ്യാറാക്കിയതാണ്[6] .
  • തൊട്ടുകൂടായ്മക്ക് എതിരെ അതിശക്തമായി ദേവറസ് ശബ്ദമുയർത്തി "അസ്പർശ്യത പാപമല്ലെങ്കിൽ മറ്റൊന്നും പാപമല്ല അദ്ദേഹം പറഞ്ഞു[7][8] . "
  • ഹിന്ദു സിഖ് ഏകോപനത്തിനു യത്നിച്ച് അദ്ദേഹം പറഞ്ഞു "എല്ലാ ഹിന്ദുക്കളും സിഖ് കാരാണ് എല്ലാ സിഖുകാരും ഹിന്ദുക്കളും "

പ്രവർത്തനം[തിരുത്തുക]

സ്വയം സേവകരോട് സംവദിക്കുന്നതിൽ അത്യന്തം തൽപ്പരനായിരുന്നു ദേവറസ്. പ്രവർത്തകരുടെ ഓരോ ചോദ്യങ്ങൾക്കും ലളിതമായും എന്നാൽ വളരെ ഗഹനമായും ഉത്തരം അദ്ദേഹം നൽകിയിരുന്നു .

മരണം[തിരുത്തുക]

അദ്ദേഹം 1996 ജൂൺ 17 നു മരണമടഞ്ഞു.

മുൻഗാമി
മാധവ സദാശിവ ഗോൾവൽക്കർ
ആർ.എസ്.എസ്സിന്റെ സർസംഘചാലക്
1973 - 1994
പിൻഗാമി
രാജേന്ദ്ര സിംഗ്

അവലംബം[തിരുത്തുക]

  1. http://archivesofrss.org/index.php?option=com_biographies&Itemid=37/
  2. Jaffrelot Christophe, Hindu Nationalism, 1987, 297, Princeton University Press, ISBN 0-691-13098-1, ISBN 978-0-691-13098-9
  3. ^ Post Independence India, Encyclopedia of Political Parties,2002, Published by Anmol Publications PVT. LTD, ISBN 81-7488-865-9, ISBN 978-81-7488-865-5
  4. http://www.hindu.com/2003/06/13/stories/2003061300371000.htm[പ്രവർത്തിക്കാത്ത കണ്ണി]
  5. 'The Economist' London,dt.4-12-1976
  6. A Fruitful Life P1
  7. A Fruitful Life P7
  8. http://arisebharat.org/?tag=balasaheb-deoras[പ്രവർത്തിക്കാത്ത കണ്ണി]
"https://ml.wikipedia.org/w/index.php?title=മധുകർ_ദത്താത്രയ_ദേവറസ്&oldid=3672311" എന്ന താളിൽനിന്ന് ശേഖരിച്ചത്