എം.സി. റോഡ്
 | ||||
|---|---|---|---|---|
 KL SH 1 highlighted in red | ||||
| Route information | ||||
| Maintained by കേരള പൊതുമരാമത്ത് വകുപ്പ് | ||||
| Length | 240.6 കി.മീ (149.5 മൈ) | |||
| Existed | 1790s–present | |||
| Component highways | National Highway 183 near Chengannur to Kottayam | |||
| Major junctions | ||||
| South end | കേശവദാസപുരം, തിരുവനന്തപുരം | |||
| North end |  NH 544 in അങ്കമാലി | |||
| Location | ||||
| Country | India | |||
| Districts | തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം | |||
| Highway system | ||||
| State Highways in | ||||
| ||||
കേരളത്തിലെ ഒരു പ്രധാനപ്പെട്ട സംസ്ഥാനപാതയാണ് എം.സി. റോഡ് അഥവാ മെയിൻ സെൻട്രൽ റോഡ് (ആദ്യകാലഗ്രന്ഥങ്ങളിൽ മെയിൻ റോഡ് എന്ന പേരിലും പരാമർശിക്കപ്പെടുന്നു[൧]). തിരുവനന്തപുരം മുതൽ വടക്ക് അങ്കമാലി വരെ ഇത് പ്രധാന പട്ടണങ്ങളെ ബന്ധിപ്പിക്കുന്നു. കേരള സർക്കാരിന്റെ നേരിട്ടുള്ള നിയന്ത്രണത്തിലുള്ള എം.സി.റോഡിന് മൊത്തത്തിൽ 240.6 കി.മീ. ദൈർഘ്യം ഉണ്ട്. സംസ്ഥാന പാത -1 (SH-1) എന്നും അറിയപ്പെടുന്നു. കേരള തലസ്ഥാനമായ തിരുവനന്തപുരത്തെ കേശവദാസപുരത്തുനിന്നും നിന്നു തുടങ്ങി വെമ്പായം, വെഞ്ഞാറമൂട്, കിളിമാനൂർ, നിലമേൽ, ചടയമംഗലം, ആയൂർ, കൊട്ടാരക്കര, അടൂർ, പന്തളം, ചെങ്ങന്നൂർ, തിരുവല്ല, , ചങ്ങനാശ്ശേരി, ചിങ്ങവനം, കോട്ടയം, ഏറ്റുമാനൂർ, കുറവിലങ്ങാട്, കൂത്താട്ടുകുളം, മൂവാറ്റുപുഴ, പെരുമ്പാവൂർ, കാലടി വഴി അങ്കമാലി വരെ നീളുന്ന ഈ പാത അങ്കമാലിയിൽ ദേശീയപാത 47-ൽ ചേരുന്നു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം എന്നീ ജില്ലകളിലൂടെയാണ് ഈ പാത കടന്നു പോകുന്നത്.[1].
ചരിത്രം
[തിരുത്തുക]തിരുവിതാംകൂർ ദിവാനായിരുന്ന രാജ കേശവദാസാണ് ഈ ഹൈവേ നിർമ്മിച്ചത്. ലോകബാങ്ക് സഹായത്തോടെ 'കേരള സ്റ്റേറ്റ് ട്രാൻസ്പോർട്ട് പ്രോജക്ട് (2006)' പ്രകാരം KL SH 1 ഈ പാത നവീകരിച്ചു. രണ്ട് ഘട്ടങ്ങളിലായാണ് ഈ പാതയുടെ നവീകരണം പൂർത്തിയാക്കിയത് . ഒന്നാം ഘട്ടത്തിൽ, തൈക്കോട് (വെഞ്ഞാറമ്മൂടിന് സമീപം) മുതൽ ചെങ്ങന്നൂർ വരെയും മൂവാറ്റുപുഴ മുതൽ അങ്കമാലി വരെയുള്ള നഗരങ്ങൾക്കിടയിലെ ഭാഗങ്ങൾ നവീകരിക്കുകയും 2010 ൽ പ്രവൃത്തികൾ പൂർത്തിയാക്കുകയും ചെയ്തു. ഇതിനുപുറമെ, തൈക്കാട് മുതൽ വെട്ടു റോഡ് (തിരുവനന്തപുരത്തെ കഴക്കൂട്ടത്തിന് സമീപം) വരെ ദേശീയപാത 66 ലേക്കുള്ള ഒരു പുതിയ റോഡ് ലിങ്കും പൂർത്തിയായി. നവീകരണത്തിന്റെ രണ്ടാം ഘട്ടത്തിൽ, ചെങ്ങന്നൂർ മുതൽ ഏറ്റുമാനൂർ വരെയുള്ള 47 കി.മീ (29 മൈൽ) പാത നവീകരിച്ചു. ആകെ 10 മീറ്റർ (33 അടി) വീതിയുള്ള ഈ പാത, രണ്ടുവരി ഗതാഗതം സാധ്യമാക്കുന്നു. ഈ റോഡിന് 7 മീറ്റർ (23 അടി) കാരിയേജ് വേയും 1.5 മീറ്റർ (4 അടി 11 ഇഞ്ച്) വീതിയുള്ള സീൽ ചെയ്ത ഭാഗവുമുണ്ട്. സംരക്ഷണ ഭിത്തികളും മതിയായ ഡ്രെയിനേജ് സൗകര്യങ്ങളും പദ്ധതിയിലുണ്ട്. പദ്ധതിയുടെ ഭാഗമായി ഏഴ് പാലങ്ങളുടെ നിർമ്മാണവും വിഭാവനം ചെയ്തിട്ടുണ്ട്. നീലിമംഗലം, മണിപ്പുഴ, പന്നിക്കുഴി, ആറാട്ടുകടവ്, ഇല്ലിമല, തൊണ്ടറ, കല്ലിശ്ശേരി എന്നിവിടങ്ങളിലെ നിർമാണം ഇതിൽ ഉൾപ്പെടുന്നു. ഇതിനുപുറമെ, റൂട്ടിലെ നിലവിലുള്ള മൂന്ന് പാലങ്ങളും വീതികൂട്ടുന്നു. 2014 സെപ്റ്റംബർ 14 ന് പ്രവൃത്തി ആരംഭിക്കുകയും 2018 ൽ പൂർത്തീകരിക്കുകയും ചെയ്തു.[2]
നിരീക്ഷണം
[തിരുത്തുക]വാഹനങ്ങളുടെ വേഗതാ ലംഘനങ്ങൾ കണ്ടെത്തുന്നതിനായി മോട്ടോർ വാഹന വകുപ്പ്, കേരള റോഡ് സുരക്ഷാ അതോറിറ്റി (കെആർഎസ്എ), പോലീസ് എന്നിവരുമായി സഹകരിച്ച് KL SH 1 ലെ വെഞ്ഞാറമൂട് - ചെങ്ങന്നൂർ സെക്ഷനിൽ ഓട്ടോമാറ്റിക് ട്രാഫിക് എൻഫോഴ്സ്മെന്റ് ക്യാമറ സംവിധാനങ്ങൾ സ്ഥാപിച്ചിട്ടുണ്ട്.[3]
എം.സി. റോഡിനടുത്തുള്ള പ്രധാന പട്ടണങ്ങൾ
[തിരുത്തുക]കുറിപ്പുകൾ
[തിരുത്തുക]- ൧ ^ 1936-ൽ തിരുവിതാംകൂറിൽ നിന്നും പുറത്തിറങ്ങിയ ഭൂമിശാസ്ത്രപാഠപുസ്തകത്തിൽ പലയിടത്തും മെയിൻ റോഡ് എന്ന പേരിൽ മാത്രമായി ഈ പാത പരാമർശിക്കപ്പെടുന്നുണ്ട്.
- ദേശീയപാതയുണ്ടാകുന്നതിന് മുമ്പ് അങ്കമാലി കഴിഞ്ഞുള്ള കറുകുറ്റി വരെ എം.സി. റോഡ് ഉണ്ടായിരുന്നു.
അവലംബം
[തിരുത്തുക]- ↑ "കേരള പൊതുമരാമത്ത് വകുപ്പ് - സംസ്ഥാനപാത". കേരള പൊതുമരാമത്ത് വകുപ്പ്. Archived from the original on 2010-12-01. Retrieved 05 ജനുവരി 2013.
{{cite web}}: Check date values in:|accessdate=(help) - ↑ George, Sarath Babu (14 September 2014). "Chengannur Ettumanoor road work to be launched". The Hindu. Retrieved 12 July 2019.
- ↑ More roads under surveillance
 |
ഇന്ത്യയിലെ പാതകളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |