വധശിക്ഷ നോർവേയിൽ
നോർവേയിൽ വധശിക്ഷ (dødsstraff) 1979-ൽ നിർത്തലാക്കപ്പെട്ടു. 1905 മുതൽ പ്രാബല്യത്തിൽ വന്ന 1902-ലെ പീനൽ കോഡ്/ക്രിമിനൽ നിയമം സമാധാനകാലത്ത് വധശിക്ഷ നടപ്പാക്കുന്നതിനെ നിരോധിച്ചിരുന്നു. സൈനിക നിയമപ്രകാരമുള്ള വധശിക്ഷ 1979-ൽ നിർത്തലാക്കപ്പെട്ടു.[1] സമാധാനകാലത്തെ അവസാന വധശിക്ഷ 1876 ഫെബ്രുവരി 25-നാണ് നടന്നത്. ക്രിസ്റ്റൊഫർ നിൽസെൻ ഗ്രിൻഡാലെൻ എന്നയാലെ ശിരഛേദം ചെയ്ത് കൊല്ലുകയായിരുന്നു. [2] ധാരാളമാളുകൾ (നോർവേക്കാരും ജർമനിക്കാരും) രണ്ടാം ലോകമഹായുദ്ധശേഷം വധിക്കപ്പെട്ടിരുന്നു. വിഡ്കുൺ ക്വിസ്ലിങ് ഇക്കൂട്ടത്തിൽ പെടും.
ചരിത്രം[തിരുത്തുക]
ആദ്യകാല ഉപയോഗം[തിരുത്തുക]
കൊലപാതകവും രാജ്യദ്രോഹവും കൂടാതെ മദ്ധ്യകാലത്തെ നോർവീജിയൻ നിയമം മന്ത്രവാദവും വധശിക്ഷ നൽകാവുന്ന കുറ്റമായി കണക്കാക്കിയിരുന്നു. മന്ത്രവാദിനികളെ വേട്ടയാടിയിരുന്ന 16-ഉം 17-ഉം നൂറ്റാണ്ടുകളിൽ 300 പേരെ ചുട്ടുകൊന്നിരുന്നു. രാജ്യത്തിന്റെ വടക്കു ഭാഗത്തുള്ള സ്ത്രീകളെ കൂടുതലായി ഈ നിയമം ലക്ഷ്യം വച്ചിരുന്നു. ചെകുത്താൻ വസിക്കുന്നത് ലോകത്തിന്റെ അറ്റത്താനെന്ന് പാതിരിമാരും ഉദ്യോഗസ്ഥന്മാരും വിശ്വസിച്ചിരുന്നതാണ് ഇതിനു കാരണം. [3]
ക്രിസ്റ്റ്യൻ അഞ്ചാമന്റെ നോർവീജിയൻ നിയമത്തിൽ (1687) പല വധശിക്ഷകളും വിവരിക്കുന്നുണ്ട്. ചിലപ്പോൾ ഇത് പീഡനത്തോടു കൂടിയ വധശിക്ഷകളായിരുന്നു.
ആധുനിക കാലത്തെ ഉപയോഗം[തിരുത്തുക]
1815 ആയപ്പോഴേയ്ക്കും മനുഷ്യത്വരഹിതമായ പല വധശിക്ഷാരീതികളും നിരോധിക്കപ്പെട്ടിരുന്നു. ശിരഛേദമോ, വെടിവച്ചുള്ള വധശിക്ഷയോ മാത്രമായിരുന്നു അവശേഷിക്കുന്ന വധശിക്ഷാരീതികൾ. മുന്നൊരുക്കത്തോടു കൂടിയതോ അതിക്രൂരമായതോ ആയ കൊലപാതകങ്ങളോ രാജ്യദ്രോഹമോ മാത്രമായിരുന്നു വധശിക്ഷയർഹിക്കുന്ന കുറ്റങ്ങൾ. [4]
ജർമൻ അധിനിവേശക്കാലത്ത് വിഡ്കുൺ ക്വിസ്ലിങ് സർക്കാർ 1942 സെപ്റ്റംബറിൽ വധശിക്ഷ നടപ്പാക്കന്നതു സംബന്ധിച്ച തീരുമാനമെടുത്തു. 1943 ആഗസ്റ്റ് 16-നു മാത്രം 19 വധശിക്ഷകൾ നടപ്പാക്കപ്പെട്ടു. ഇതിനു മുൻപ് ജർമൻ നിയമത്തിൻ കീഴിൽ 400 നോർവേക്കാരെ വധിച്ചിരുന്നു. 1941-ൽ ബ്രിട്ടനിൽ അഭയം തേടിയിരുന്ന കാബിനറ്റ് യുദ്ധാനന്തരം വധശിക്ഷ നടത്താനുള്ള തീരുമാനമെടുത്തു. 1942 ൽ ശാരീരിക പീഠനത്തിനും കൊലപാതകത്തിനും വധശിക്ഷ നൽകാൻ തീരുമാനമായി. രണ്ടാം ലോക മഹായുദ്ധത്തിനു ശേഷമുള്ള ശുദ്ധീകരണത്തിൽ പല വധശിക്ഷകളും നൽകപ്പെട്ടിരുന്നു. ഇതിൽ 25 നോർവേക്കാരെയും 12 ജർമനിക്കാരെയും വധിക്കുകയുണ്ടായി. [5] 1948 ആഗസ്റ്റ് 27-നാണ് അവസാന വധശിക്ഷ നടപ്പായത്. റാഗ്നർ സ്കാങ്കെ എന്നയാളെ ഫയറിംഗ് സ്ക്വാഡുപയോഗിച്ച് വെടിവച്ച് കൊല്ലുകയായിരുന്നു. [6]
മനുഷ്യാവകാശങ്ങൾക്കായുള്ള യൂറോപ്യൻ ഉടമ്പടി[തിരുത്തുക]
1988-ൽ നോർവെ മനുഷ്യാവകാശങ്ങൾക്കായുള്ള യൂറോപ്യൻ ഉടമ്പടിയുടെ ആറാം പ്രോട്ടോക്കോൾ ഒപ്പുവച്ചു. ഇത് സമാധാനകാലത്ത് വധശിക്ഷകൾ നൽകുന്നത് നിരോധിക്കുന്നു. [4] രാജ്യത്തിനു വെളിയിലും വധശിക്ഷ നടപ്പാക്കുന്നതിന് നോർവെ എതിരുനിൽക്കുന്നുണ്ട്. മുള്ള ക്രേകർ എന്നയാളെ രാജ്യത്തുനിന്നും പുറത്താക്കാൻ തീരുമാനിച്ചെങ്കിലും വധശിക്ഷ നടപ്പാക്കാൻ സാദ്ധ്യതയുണ്ടെന്ന് തോന്നിയതിനാൽ അയാളെ ഇറാക്കിലേയ്ക്കയച്ചില്ല. [7] മാർട്ടിൻ വിക് മാഗ്നസ്സെൻ കൊലക്കേസിൽ വധശിക്ഷ നൽകപ്പെടില്ല എന്ന് ഉറപ്പു ലഭിച്ചില്ലെങ്കിൽ യെമനിലെ സർക്കാരുമായി ചേർന്നു പ്രവർത്തിക്കാൻ തയ്യാറാവില്ല എന്ന നിലപാടാണ് നോർവെ എടുത്തത്. [8]
പൊതുജനാഭിപ്രായം[തിരുത്തുക]
നാലിലൊന്ന് നോർവേക്കാരും വധശിക്ഷയെ പിന്തുണയ്ക്കുന്നുണ്ടെന്ന് അഭിപ്രായ വോട്ടെടുപ്പുകൾ കാണിക്കുന്നു. ഏറ്റവും പിന്തുണ പ്രോഗ്രസ് പാർട്ടി അംഗങ്ങൾക്കിടയിലാണ്. ഇവർക്കിടയിൽ വധശിക്ഷയോടുള്ള പിന്തുണ 51 ശതമാനമെങ്കിലുമാണ്. [9] ഉൾഫ് എറിക് ക്നഡ്സനെയും [10] ജാൻ ബ്ലോംസെത്തിനെയും [11] പോലെയുള്ള പ്രോഗ്രസ് പാർട്ടി രാഷ്ട്രീയ നേതാക്കൾ ബലാത്സംഗവും കൊലപാതകവും പോലുള്ള കേസുകളിൽ വധശിക്ഷ നൽകുന്നതിനെ പിന്തുണയ്ക്കുന്നുണ്ടെങ്കിലും പാർട്ടിയുടെ ഔദ്യോഗിക നിലപാട് വധശിക്ഷയ്ക്കെതിരാണ്. [9] 2011-ലെ നോർവേ ആക്രമണങ്ങൾക്കു ശേഷമുള്ള ഒരു അഹിപ്രായ സർവേ വധശിക്ഷയ്ക്കെതിരായുള്ള പൊതുജനാഭിപ്രായം ഉറച്ചതാനെന്നു കാണിക്കുന്നു. 16 ശതമാനം പേർ വധശിക്ഷയെ പിന്തുണച്ചപ്പോൾ 68 ശതമാനം പേർ ഇതിനെതിരായിരുന്നു. [12]
അവലംബം[തിരുത്തുക]
- ↑ "Norway, With No Death Penalty, Balks at Treaty to Ban It", LA Times
- ↑ Øversveen, Jørn (28 January 2009). "Den siste halshuggingen". Digitalt Fortalt. Retrieved 27 February 2009.
- ↑ Rapp, Ole Magnus (17 August 2007). "Heksejakt foregår fremdeles". Aftenposten (in Norwegian). Retrieved 27 February 2009.
{{cite news}}: CS1 maint: unrecognized language (link) - ↑ 4.0 4.1 "Dødsstraff". Caplex (in Norwegian). Retrieved 27 February 2009.
{{cite encyclopedia}}: CS1 maint: unrecognized language (link) - ↑ Nøkleby, Berit (1995). "dødsstraff". In Dahl, Hans Fredrik (ed.). Norsk krigsleksikon 1940-45 (in Norwegian). Oslo: Cappelen. Archived from the original on 2011-08-10. Retrieved 27 February 2009.
{{cite encyclopedia}}: CS1 maint: unrecognized language (link) - ↑ Steen Jensen, Øyvind (15 November 2010). "Den siste Norge henrettet" (in Norwegian). Nettavisen (side3). Retrieved 30 April 2011.
{{cite web}}: CS1 maint: unrecognized language (link) - ↑ "Krekar-saken: Irak vil ikke oppgi dødsstraffen nå" (in Norwegian). Norwegian News Agency. 14 November 2007. Retrieved 27 February 2009.
{{cite news}}: CS1 maint: unrecognized language (link) - ↑ Gunnersen, Anja Tho (12 February 2009). "Støre: - Dødsstraff er ikke aktuelt" (in Norwegian). TV 2. Retrieved 27 February 2009.
{{cite news}}: CS1 maint: unrecognized language (link) - ↑ 9.0 9.1 "Frp-velgere vil ha dødsstraff i Norge" (in Norwegian). Aftenposten/NTB. 30 October 2010. Retrieved 30 October 2010.
{{cite news}}: CS1 maint: unrecognized language (link) - ↑ "Frp-representant: Gi dødsstraff" (in Norwegian). Vårt Land/NTB. 29 October 2010. Archived from the original on 2010-10-31. Retrieved 30 October 2010.
{{cite news}}: CS1 maint: unrecognized language (link) - ↑ Pettersen, Egil (28 October 2010). "Frp-leder i Tromsø støtter dødsstraff" (in Norwegian). TV2 Nyhetene. Retrieved 30 October 2010.
{{cite news}}: CS1 maint: unrecognized language (link) - ↑ Meldalen, Sindre Granly (8 October 2011). "Nordmenn vil ikke at Breivik skal henrettes" (in Norwegian). Dagbladet. Retrieved 22 October 2011.
{{cite news}}: CS1 maint: unrecognized language (link)