വധശിക്ഷ ദക്ഷിണ കൊറിയയിൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പരമ്പര
വധശിക്ഷ
പ്രശ്നങ്ങൾ
ചർച്ച · മതവും വധശിക്ഷയും
തെറ്റായ വധശിക്ഷ · വധശിക്ഷ - മയക്കുമരുന്ന് കടത്തിന്
വധശിക്ഷ നിലവിലുള്ള ചില രാജ്യങ്ങൾ
അമേരിക്കൻ ഐക്യനാടുകൾ · ബെലാറൂസ്
ചൈന · ക്യൂബ · ഈജിപ്റ്റ് · ഇന്ത്യ · ഇറാൻ
ഇറാക്ക് · ജപ്പാൻ · മലേഷ്യ · മംഗോളിയ
ഉത്തര കൊറിയ · പാകിസ്താൻ
സൗദി അറേബ്യ · സിങ്കപ്പൂർ · ദക്ഷിണ കൊറിയ
തായ്‌വാൻ · ടോങ്ക · ഉഗാണ്ട
വിയറ്റ്നാം
പണ്ട് വധശിക്ഷ ഉപയോഗത്തിലുണ്ടായിരുന്ന ചില രാജ്യങ്ങൾ
ആസ്ട്രേലിയ · ഓസ്ട്രിയ · ബെൽജിയം · ഭൂട്ടാൻ
ബ്രസീൽ · ബൾഗേറിയ · കാനഡ · സൈപ്രസ്
ഡെന്മാർക്ക് · ഇക്വഡോർ · ഫ്രാൻസ് · ജർമനി
ഹോങ്ക് കോങ്ങ് · ഹങ്കറി · ഐർലാന്റ് · ഇസ്രായേൽ
ഇറ്റലി · മെക്സിക്കോ · നെതർലാന്റ്സ്
ന്യൂസിലാന്റ് · നോർവേ · ഫിലിപ്പീൻസ്
പോളണ്ട് · പോർച്ചുഗൽ · റൊമാനിയ · റഷ്യ
സാൻ മറീനോ · ദക്ഷിണാഫ്രിക്ക · സ്പെയിൻ
സ്വീഡൻ · സ്വിറ്റ്സർലാന്റിൽ · ടർക്കി
ബ്രിട്ടൻ · വെനസ്വേല
നിലവിലുള്ള വധശിക്ഷാരീതികൾ
ശിരഛേദം · വൈദ്യുതക്കസേര · ഗാസ് ചേമ്പർ
തൂക്കിക്കൊല്ലൽ · വിഷം കുത്തിവച്ചുള്ള വധശിക്ഷ
വെടിവച്ചുള്ള വധശിക്ഷ (ഫയറിംഗ് സ്ക്വാഡ്· കല്ലെറിഞ്ഞുള്ള വധശിക്ഷ
നൈട്രജൻ കൊണ്ടു ശ്വാസം മുട്ടിച്ചുള്ള വധശിക്ഷ (നിർദേശിക്കപ്പെട്ടിട്ടുള്ളത്)
പണ്ടുണ്ടായിരുന്ന വധശിക്ഷാരീതികൾ
തിളപ്പിച്ചുള്ള വധശിക്ഷ · ബ്രേക്കിംഗ് വീൽ · തീവച്ചുള്ള വധശിക്ഷ
കുരിശിലേറ്റൽ · ചതച്ചുകൊല്ലൽ · വയറു കീറിയുള്ള വധശിക്ഷ
ശരീരം വലിച്ചു കീറൽ · ക്വാർട്ടറിംഗ്
ആനയെക്കൊണ്ട് ചവിട്ടിച്ചുള്ള വധശിക്ഷ · തൊലിയുരിക്കൽ · ശൂലത്തിലേറ്റൽ
അറുത്തുകൊല്ലൽ · ലിങ് ചി
ബന്ധമുള്ള വിഷയങ്ങൾ
കുറ്റങ്ങൾ · മരണശിക്ഷ കാത്തു കഴിയുന്നവർ · അവസാന ഭക്ഷണം · ശിക്ഷാശാസ്ത്രം · ആരാച്ചാർ

വധശിക്ഷ ദക്ഷിണകൊറിയയിൽ നിയമപരമായി നൽകാവുന്ന ശിക്ഷയാണ്. പ്രസിഡന്റ് കിം ഡേ-ജുങ് 1998 ഫെബ്രുവരിയിൽ അധികാരത്തിൽ വന്ന ശേഷം വധശിക്ഷകളൊന്നും നടപ്പിലാക്കിയിട്ടില്ല. ഏറ്റവുമവസാനം വധശിക്ഷ നടപ്പാക്കിയത് 1997 ഡിസംബർ 31-നായിരുന്നു. അന്ന് 23 പേരെ വധശിക്ഷയ്ക്ക് വിധേയരാക്കി. [1] ഏറ്റവുമവസാന വധശിക്ഷ വിധിച്ചത് 2009 ഏപ്രിൽ 21-നാണ്.

കേസുകൾ[തിരുത്തുക]

പത്തു പേരെ കൊന്ന കേസിൽ വധശിക്ഷ വിധിക്കപ്പെട്ട കാങ് ഹോ-സുൺ എന്നയാളിനെയായിരുന്നു ഏറ്റവുമവസാനം ശിക്ഷിച്ചത്. ഇയാൾ 2006-നും 2008-നുമിടയിൽ 8 സ്ത്രീകളെ തട്ടിക്കൊണ്ടുപോയി വധിക്കുകയും തന്റെ 2005-ൽ തന്റെ ഭാര്യയെയും ഭാര്യാമാതാവിനെയും തീവച്ചുകൊല്ലുകയും ചെയ്തു എന്ന കുറ്റാരോപണമായിരുന്നു തെളിഞ്ഞത്. 38 വയസുകാരനായ കാങിനെ ഒരു കോളേജ് വിദ്യാർത്ഥിനിയുടെ മരണവുമായി ബന്ധപ്പെട്ടായിരുന്നു അറസ്റ്റ് ചെയ്തത്. മറ്റ് ഏഴു സ്ത്രീകളെ കൊന്നു കുഴിച്ചുമൂടിയകാര്യം അയാൾ പോലീസിനോട് സമ്മതിക്കുകയായിരുന്നു. [2]

ഇപ്പോൾ വധശിക്ഷ കാത്തു കഴിയുന്നവരിൽ മനുഷ്യമാംസം കഴിക്കുന്ന ഒരു ഗൂഢസംഘത്തിലെ (ചിജോൺ കുടുംബം) അംഗങ്ങളായിരുന്നവർ, യൂ യൂങ്-ചുൾ എന്നിവരും ഉൾപ്പെടും.

വധശിക്ഷ നിർത്തലാക്കാനുള്ള നീക്കങ്ങൾ[തിരുത്തുക]

ഇപ്പോഴും വധശിക്ഷ നിലനിൽക്കുന്ന വികസിതവും ജനാധിപത്യ ഭരണകൂടമുള്ളതുമായ നാലു രാജ്യങ്ങളിലൊന്നാണ് ദക്ഷിണ കൊറിയ. അമേരിക്കൻ ഐക്യനാടുകളും, ജപ്പാനും, തായ്‌വാനുമാണ് മറ്റു രാജ്യങ്ങൾ. ഇതിൽ വധശിക്ഷ നിർത്തിവച്ചിരിക്കുന്നത് ദക്ഷിണ കൊറിയ മാത്രമാണ്.

ആംനസ്റ്റി ഇന്റർനാഷണൽ ദക്ഷിണകൊറിയയെ ഇപ്പോൾ പ്രായോഗികമായി വധശിക്ഷ നിർത്തലാക്കിയ രാജ്യം (abolitionist in practice) എന്നാണ് കണക്കാക്കുന്നത്. 1998-ൽ പ്രസിഡന്റ് കിം ഡേ-ജുങ് (ഇദ്ദേഹം മുൻപ് വധശിക്ഷ നടപ്പാക്കുന്നതും കാത്തു കഴിഞ്ഞിട്ടുണ്ട്) അധികാരത്തിലെത്തിയപ്പോൾ വധശിക്ഷകൾ നടപ്പിലാക്കുന്നത് തടഞ്ഞു.

വധശിക്ഷ നിർത്തലാക്കാനുള്ള മൂന്നു ബില്ലുകൾ 2011-ൽ ദക്ഷിണ കൊറിയൻ ജനപ്രതിനിധി സഭയുടെ നിയമനിർമ്മാണത്തിനായുള്ള കമ്മിറ്റിയുടെ മുന്നിൽ നിലവിലുണ്ടായിരുന്നു.

2010 ഫെബ്രുവരിയിൽ ദക്ഷിണകൊറിയയിലെ പരമോന്നത കോടതി നാലിനെതിരേ അഞ്ചു ന്യായാധിപരുടെ അഭിപ്രായത്തിന്റെ ഭൂരിപക്ഷത്തോടെ ഒരു വധശിക്ഷ ശരിവയ്ക്കുകയുണ്ടായി. പക്ഷേ വധശിക്ഷ പുനരാരംഭിക്കാൻ സാദ്ധ്യതയില്ലെന്നായിരുന്നു നിരീക്ഷകരുടെ വിശകലനം [3]

2010 മാർച്ചിൽ പ്രതീക്ഷകൾക്കെതിരായി വധശിക്ഷ പുനരാരംഭിക്കുമെന്ന് നിയമമന്ത്രി ലീ ക്വി-നാം സൂചിപ്പിച്ചു. 13 വർഷത്തെ താൽക്കാലിക നിരോധനം ഇതോടെ നീങ്ങിയേക്കും. [4] ഒരു 15 വയ്സുകാരി സ്കൂൾക്കുട്ടിയെ ബലാത്സംഗം ചെയ്തു കൊന്ന കിം കിൽ-ടേയെ വധശിക്ഷയ്ക്കു വിധിച്ചശേഷമായിരുന്നു മേൽപ്പറഞ്ഞ പ്രസ്താവനയുണ്ടായത്.

2010 ഡിസംബറിൽ കിം കിൽ-ടേയുടെ വധശിക്ഷ ജീവപര്യന്തമായി കുറയ്ക്കപ്പെട്ടു. അപ്പീലിനു പോകുന്നില്ല എന്നായിരുന്നു പ്രോസിക്യൂഷന്റെ തീരുമാനം[5]

അവലംബം[തിരുത്തുക]

  1. "South Korea must not resume use of the death penalty". amnesty international. 16 February 2009. ശേഖരിച്ചത് 11 September 2009.
  2. "Korean killer gets death penalty". BBC News. 2009-04-21.
  3. "South Korea court rules death penalty legal". BBC News. February 25, 2010. ശേഖരിച്ചത് February 25, 2010.
  4. "Minister Hints at Resuming Death Row Execution". March 16, 2010. ശേഖരിച്ചത് March 16, 2010.
  5. http://www.koreaherald.com/national/Detail.jsp?newsMLId=20101215000880

പുറത്തേയ്ക്കുള്ള കണ്ണികൾ[തിരുത്തുക]

http://www.koreaherald.com/opinion/Detail.jsp?newsMLId=20110608000910