തഡോബ ദേശീയോദ്യാനം

വിക്കിപീഡിയ, ഒരു സ്വതന്ത്ര വിജ്ഞാനകോശം.

മഹാരാഷ്ട്ര സംസ്ഥാനത്തിലെ ചന്ദ്രാപൂർ ജില്ലയിലാണ് തഡോബ ദേശീയോദ്യാനം സ്ഥിതി ചെയ്യുന്നത്. ഈ പ്രദേശത്ത് ജീവിക്കുന്ന ഒരു ആദിവാസി വർഗ്ഗം ആരാധിക്കുന്ന തഡു എന്ന ദൈവത്തിന്റെ പേരിൽ നിന്നാണ് തഡോബ എന്ന പേരിന്റെ ഉദ്ഭവം. 1955-ലാണ് ഇത് രൂപീകൃതമായത്.

ഭൂപ്രകൃതി[തിരുത്തുക]

117 ചതുരശ്ര കിലോമീറ്ററാണ് ഉദ്യാനത്തിന്റെ വിസ്തൃതി. ഉദ്യാനത്തിന്റെ നടുവിലായി തഡോബ തടാകം സ്ഥിതി ചെയ്യുന്നു. ഇലപൊഴിയും വനങ്ങളാണ് ഇവിടെയുള്ളത്. തേക്ക്, തെണ്ടു, ഭേര, കലം, മോഹ്വ എന്നീ വൃക്ഷങ്ങൾ ഇവിടെ ധാരാളമായി വളരുന്നു.

ജന്തുജാലങ്ങൾ[തിരുത്തുക]

പുള്ളിമാൻ, കാട്ടുപോത്ത്, നീലക്കാള, കഴുതപ്പുലി, കടുവ, പുള്ളിപ്പുലി, മുതല, പറക്കും അണ്ണാൻ തുടങ്ങിയ മൃഗങ്ങൾ ഇവിടെ അധിവസിക്കുന്നു. ലൈയുക്സ് എന്ന ചിലന്തിയെ ഇവിടെ ധാരാളമായി കാണാം. വിവിധയിനം പരുന്തുകൾ ഉൾപ്പെടെ 180-ലധികം ഇനങ്ങളില്പ്പെട്ട പക്ഷികളും ഇവിടെയുണ്ട്

"http://ml.wikipedia.org/w/index.php?title=തഡോബ_ദേശീയോദ്യാനം&oldid=1687093" എന്ന താളിൽനിന്നു ശേഖരിച്ചത്