ഗ്രേറ്റ് ഹിമാലയൻ ദേശീയോദ്യാനം
ഹിമാചൽ പ്രദേശിലെ കുളു ജില്ലയിൽ സ്ഥിതി ചെയ്യുന്ന ദേശീയോദ്യാനമാണ് ഗ്രേറ്റ് ഹിമാലയൻ ദേശീയോദ്യാനം. ജവഹർലാൽ നെഹ്റു ദേശീയോദ്യാനം എന്നും ഇതറിയപ്പെടുന്നു. 1984-ലാണ് ഇത് നിലവിൽ വന്നത്.
[തിരുത്തുക] ഭൂപ്രകൃതി
സമുദ്രനിരപ്പിൽ നിന്നും 2500 മീറ്റർ ഉയരത്തിൽ 765 ചതുരശ്ര കിലോമീറ്ററുകളിലായി ഈ ഉദ്യാനം വ്യാപിച്ചു കിടക്കുന്നു. ഇതിന്റെ കിഴക്കുഭാഗം എപ്പോഴും മഞ്ഞുമൂടിക്കിടക്കും. ഇടതൂർന്ന മരങ്ങൾ നിറഞ്ഞ ഇവിടെ നീല പൈൻ, ഫിർ, സെഡാർ എന്നീ വൃക്ഷങ്ങളെ ധാരാളമായി കാണാം. വടക്കൻ താഴ്വരകളിൽ മുളങ്കാടുകളും വളരുന്നു.
[തിരുത്തുക] ജന്തുജാലങ്ങൾ
റീസസ് കുരങ്ങ്, ലംഗൂർ, ഹിമാലയൻ കരടി, ഹിമാലയൻ താര്, കസ്തൂരിമാൻ, ഐബെക്സ് തുടങ്ങിയ മൃഗങ്ങളെ ഇവിറ്റെ കാണാം. 152 ഇനങ്ങളില്പ്പെട്ട പക്ഷികളും ഇവിടെയുണ്ട്. ഇതിൽ 49 ഇനങ്ങൾ വേനൽക്കാലത്തെത്തുന്ന ദേശാടനപ്പക്ഷികളാണ്.
 |
ഹിമാചൽ പ്രദേശിന്റെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
