ഗോവിന്ദ് ദേശീയോദ്യാനം
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഉത്തരാഖണ്ഡ് സംസ്ഥാനത്തിലെ ഉത്തരകാശി ജില്ലയിൽ സ്ഥിതി ചെയ്യുന്ന ദേശീയോദ്യാനമാണ് ഗോവിന്ദ് ദേശീയോദ്യാനം. 1990-ലാണ് ഈ ഉദ്യാനം രൂപീകൃതമായത്.
[തിരുത്തുക] ഭൂപ്രകൃതി
472 ചതുരശ്ര കിലോമീറ്ററാണ് ഉദ്യാനത്തിന്റെ വിസ്തൃതി. ചിർ പൈന്, സെഡർ, ഓക്ക്, ബ്ലൂ പൈന്, സിൽവർ ഫിർ എന്നിവയാണ് ഇവിടെ വളരുന്ന പ്രധാന വൃക്ഷങ്ങൾ. വർഷത്തിൽ നാലുമാസത്തോളം ഇവിടെ മഞ്ഞുവീഴ്ചയുണ്ടാകും.
[തിരുത്തുക] ജന്തുജാലങ്ങൾ
ലംഗൂർ, ഹിമാലയൻ കരിങ്കരടി, തവിട്ടുകരടി, കാട്ടുപന്നി, ഹിമപ്പുലി, കസ്തൂരിമാൻ, സാംബർ, ഘൊരാൽ, ഹിമാലയൻ താര്, മുള്ളൻ പന്നി, പറക്കും അണ്ണാന്, ഹിമാലയൻ എലി തുടങ്ങിയ ജന്തുക്കൾ ഇവിടെ അധിവസിക്കുന്നു. ഗോൾഡൻ ഈഗിള്, ബ്ലാക്ക് ഈഗിൾ എന്നീ പരുന്തു വർഗ്ഗങ്ങളുൾപ്പെടെ വിവിധതരം പക്ഷിയിനങ്ങളും ഇവിടെയുണ്ട്.
 |
ഉത്തരാഖണ്ഡിന്റെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
