വെള്ളിക്കെട്ടൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

വെള്ളിക്കെട്ടൻ അഥവാ ശംഖുവരയൻ
Bungarus caerulus.jpg
Scientific classification
Kingdom:
Phylum:
Subphylum:
Class:
Order:
Suborder:
Family:
Genus:
Species:
B. caeruleus
Binomial name
Bungarus caeruleus
(Schneider, 1801)
Synonyms

Pseudoboa caerulea Schneider, 1801
Bungarus candidus Var. CÆRULEUS Boulenger, 1896

ഇന്ത്യൻ ഉപഭൂഖണ്ഡത്തിലെ തദ്ദേശവാസിയായ തീവ്രമായ വിഷമുള്ള ഒരു പാമ്പാണ് ശംഖുവരയൻ അഥവാ വെള്ളിക്കെട്ടൻ.The common krait (Bungarus caeruleus). വെള്ളിക്കെട്ടനാണ് ഇന്ത്യയിൽ ഏറ്റവും കൂടുതൽ ആൾക്കാരുടെ മരണത്തിനു കാരണമാകുന്ന പാമ്പുകളിൽ രണ്ടാമത്. ബിഗ് ഫോർ എന്നറിയപ്പെടുന്ന പാമ്പുകളിൽ ഒന്ന് വെള്ളിക്കെട്ടനാണ്.വെള്ളിക്കെട്ടൻ ആണെന്ന തെറ്റ് ധാരണ മൂലം കേരളത്തിൽ നിരവധി ആളുകൾ തല്ലി കൊല്ലുന്ന വിഷമില്ലാത്ത മറ്റൊരു പാമ്പ് ആണ് വെള്ളിവരയൻ പാമ്പ്.

വെള്ളിക്കെട്ടൻ
വെള്ളിക്കെട്ടൻ

വെള്ളിക്കെട്ടൻ, വളവളപ്പൻ, കാട്ടുവിരിയൻ, എട്ടടിവീരൻ, മോതിരവളയൻ,വളയപ്പൻ, കെട്ടുവളയൻ, കരിവേല, രാജില,ശംഖുവരയൻ,വളേർപ്പൻ എന്നിങ്ങനെ പലപേരുകളിലും പ്രാദേശികമായി അറിയപ്പെടുന്നു. തിളങ്ങുന്ന കറുപ്പുനിറത്തിൽ വെള്ളിവളയങ്ങളുള്ളതിനാൽ വേഗം തിരിച്ചറിയാനാകും. കുറ്റിക്കാടുകളിലും വീട്ടുപറമ്പുകളിലുമാണ് താമസം. അപൂർവ്വമായി വീട്ടിനകത്തും എത്താറുണ്ട്. മറ്റു പാമ്പുകളാണ് പ്രിയപ്പെട്ട ഭക്ഷണം. എലി, തവള, പല്ലി എന്നിവയെയും ഭക്ഷണമായി ഉപയോഗിക്കുന്നു. കാഴ്ച്ചയിൽ വെള്ളിവരയൻ പാമ്പ് എന്ന വിഷമില്ലാത്ത പാമ്പുമായി ഏറെ സാദൃശ്യമുണ്ട്. ശരാശരി 90 സെന്റീമീറ്റർ നീളത്തിൽ കണ്ടുവരുന്ന ഇവ പരമാവധി 2 മീറ്റർ‌ നീളത്തിൽ വളരുന്നു. പാകിസ്താൻ, ബംഗ്ലാദേശ്, നേപ്പാൾ ശ്രീലങ്ക എന്നിവിടങ്ങളിലും ഇതിനെ കാണാറുണ്ട്. സാധാരണയായി കുറ്റിക്കാടുകൾ, നെൽപ്പാടങ്ങൾ, വീട്ടുവളപ്പുകളെല്ലാം ഇവയുടെ ആവാസ കേന്ദ്രങ്ങളാണ്. കിണറുകളിലും ഇവ എത്തിപ്പെടാറുണ്ട്. ചെറിയ പല്ലുകൾ ആയതിനാൽ കടിയേറ്റ ഭാഗത്ത് കാര്യമായ മുറിവോ വേദനയോ ഉണ്ടാകാറില്ല. കടിയേറ്റ ഭാഗത്ത് തണുപ്പും മരവിപ്പും അനുഭവപ്പെടും. വയറുവേദന, സന്ധിവേദന, ശ്വാസതടസ്സം, മയക്കം എന്നിവയെല്ലാം ശംഖുവരയന്റെ കടിയേറ്റാൽ അനുഭവപ്പെടും. വായിൽ നിന്ന് നുരയും പതയുമുണ്ടാകും. ഫലപ്രദമായ ചികിത്സ ലഭിച്ചില്ലെങ്കിൽ ഏതാനും മണിക്കൂറുകൾക്കകം മരണം സംഭവിക്കും. ഓവിപാരസ് (Ovi parous) വിഭാഗത്തിലാണ് ഇവ ഉൾപ്പെടുന്നത്. മാർച്ച് മുതൽ മെയ് വരെയുള്ള കാലങ്ങളിലാണ് ഇവ മുട്ടയിടുന്നത്. മുട്ടകൾ വിരിഞ്ഞ് കുഞ്ഞുങ്ങൾ പുറത്തുവരാൻ ഏകദേശം 2 മാസത്തെ കാലാവധി ആവശ്യമാണ്.

ചിത്രശാല[തിരുത്തുക]

ഇതും കാണുക[തിരുത്തുക]

പുറത്തേക്കുള്ള കണ്ണികൾ[തിരുത്തുക]

അവലംബം[തിരുത്തുക]


"https://ml.wikipedia.org/w/index.php?title=വെള്ളിക്കെട്ടൻ&oldid=3611252" എന്ന താളിൽനിന്ന് ശേഖരിച്ചത്