എം. കൃഷ്ണൻ നായർ (സംവിധായകൻ)
ആദ്യകാലത്തെ പ്രമുഖ മലയാളചലച്ചിത്രസംവിധായകരിൽ ഒരാളാണ് എം. കൃഷ്ണൻനായർ (2 നവംബർ 1917, 2 നവംബർ 1928 - 10 മേയ് 2001).മലയാളം, തമിഴ്, തെലുഗു ഭാഷകളിലായി 120 ഓളം ചിത്രങ്ങൾ സംവിധാനം ചെയ്തു. 1955-ൽ സി.ഐ.ഡി. എന്ന ചിത്രത്തോടെയാണ് കൃഷ്ണൻനായർ സംവിധാനരംഗത്ത് അരങ്ങേറ്റം കുറിച്ചത്. കാവ്യമേള എന്ന ചിത്രത്തിന് ദേശീയ അവാർഡ് ലഭിച്ചു. തമിഴ് സംവിധായകനായ ഭാരതീരാജ, മലയാള സംവിധായകൻ കെ. മധു തുടങ്ങിയവരുടെ ഗുരുവാണ്. 2000ൽ ജെ.സി. ഡാനിയേൽ പുരസ്കാരം അദ്ദേഹത്തിന് ലഭിച്ചിരുന്നു. 1917 നവംബർ 2-ന് തിരുവനന്തപുരത്ത് മാധവൻ പിള്ളയുടെയും തങ്കമ്മയുടെയും മകനായാണ് കൃഷ്ണൻ നായർ ജനിച്ചത്. കെ. സുലോചനാദേവിയായിരുന്നു ഭാര്യ. കവിയും ഗാനരചയിതാവും മുൻ ഐ.എ.എസ്. ഉദ്യോഗസ്ഥനും മലയാള സർവ്വകലാശാല വൈസ് ചാൻസലറുമായ കെ. ജയകുമാർ, സംവിധായകനായ കെ. ശ്രീക്കുട്ടൻ (ശ്രീകുമാർ), കെ. ഹരികുമാർ എന്നിവർ അദ്ദേഹത്തിന്റെ പുത്രന്മാരാണ്.
പ്രധാന ചിത്രങ്ങൾ[തിരുത്തുക]
- അഗ്നിപുത്രി
- റിക്ഷാക്കാരൻ
- ഊരുക്കു ഉടൈയവൻ(തമിഴ് )
- മുത്തുച്ചിപ്പി
- നാൻ എൻ പിറന്തേൻ(തമിഴ് )
- പഠിച്ച കള്ളൻ
- കാണാത്ത വേഷങ്ങൾ
- കൊച്ചിൻ എക്‌സ്പ്രസ്
- കുട്ടിക്കുപ്പായം
- കാട്ടുതുളസി (ചലച്ചിത്രം)
- ഭദ്രദീപം
- വിവാഹിത
- താര (ചലച്ചിത്രം)
- ജ്വാല
- കുരുക്ഷേത്രം
- യത്തീം
- മണിയറ
- കാലംമാറി കഥമാറി
- ചിട്ടി ചെല്ലുലു (തെലുങ്ക്)
2000-ൽ സമഗ്ര സംഭാവനക്കുള്ള ജെ.സി. ദാനിയേൽ പുരസ്കാരം കൃഷ്ണൻനായർക്ക് ലഭിച്ചിരുന്നു. 2001 മെയ് 10-ന് 84-ആം വയസ്സിൽ കൃഷ്ണൻ നായർ അന്തരിച്ചു.
|
ചലച്ചിത്രസം‌വിധായകരെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |