നരസിംഹം (ചലച്ചിത്രം)

വിക്കിപീഡിയ, ഒരു സ്വതന്ത്ര വിജ്ഞാനകോശം.
(നരസിംഹം (മലയാളചലച്ചിത്രം) എന്ന താളിൽ നിന്നും തിരിച്ചുവിട്ടതു പ്രകാരം)
നരസിംഹം

വി.സി.ഡി. പുറംചട്ട
സംവിധാനം ഷാജി കൈലാസ്
നിർമ്മാണം ആന്റണി പെരുമ്പാവൂർ
രചന രഞ്ജിത്ത്
അഭിനേതാക്കൾ
സംഗീതം
ഗാനരചന ഗിരീഷ് പുത്തഞ്ചേരി
ഛായാഗ്രഹണം സഞ്ജീവ് ശങ്കർ
ചിത്രസംയോജനം എൽ. ഭൂമിനാഥൻ
സ്റ്റുഡിയോ ആശിർവാദ് സിനിമാസ്
വിതരണം സ്വർഗ്ഗചിത്ര റിലീസ്
റിലീസിങ് തീയതി 2000 ജനുവരി 26
സമയദൈർഘ്യം 175 മിനിറ്റ്
രാജ്യം ഇന്ത്യ
ഭാഷ മലയാളം
ബജറ്റ് INR3 കോടി[അവലംബം ആവശ്യമാണ്]
ബോക്സ് ഓഫീസ് INR20 കോടി[1]

2000-ആം ആണ്ടിൽ പുറത്തിറങ്ങിയ ഒരു മലയാ‍ള ചലച്ചിത്രമാണ് നരസിംഹം. പ്രശസ്ത നടൻ മോഹൻലാൽ നായകനായി അഭിനയിച്ച ഈ ചിത്രം മലയാള സിനിമാ ചരിത്രത്തിലെ ഏറ്റവും വലിയ ഹിറ്റുകളിൽ ഒന്നായിരുന്നു. 2000 വർഷത്തിലെ ഏറ്റവും കൂടുതൽ വരുമാനം നേടിക്കൊടുത്ത ചിത്രമായിരുന്നു ഈ ചലച്ചിത്രം.[1] രഞ്ജിത്തിന്റെ തിരക്കഥയിൽ ഷാജി കൈലാസ് ആണ് ഈ ചിത്രം സംവിധാനം ചെയ്തത്.

മോഹൻലാൽ ഈ ചിത്രത്തിൽ ഇന്ദുചൂഢൻ എന്ന കഥാപാത്രത്തിന്റെ റോളിൽ അഭിനയിച്ചിരിക്കുന്നു. ഈ സിനിമയിലെ മോഹൻലാലിന്റെ പോ മോനെ ദിനേശാ എന്ന ഡയലോഗ് കേരളത്തിലെ സാധാരണ ജനങ്ങൾക്കിടയിൽ വളരെ പ്രശസ്തമായ ഒന്നാണ്.[2] മമ്മൂട്ടി ഒരു വക്കീലിന്റെ റോളിൽ ഈ ചിത്രത്തിൽ ഒരു അതിഥി താരമായി എത്തുന്നുണ്ട്. എം. ജി രാധാകൃഷ്ണൻ സം‌ഗീതം നൽകിയ മൂന്നു ഗാനങ്ങൾ ഈ ചിത്രത്തിലുണ്ട്.

2000-ൽ ഗണതന്ത്രദിവസം (റിപ്പബ്ലിക് ദിനം) ഇറങ്ങിയ ഈ ചിത്രം 200 ദിവസങ്ങളിൽ കൂടുതൽ തിയെറ്ററുകളിൽ പ്രദർശിപ്പിക്കപ്പെട്ടു. മൊത്തം കളക്ഷനായി INR20 കോടി നേടുകയും നിർമ്മാതാവിന് INR10 കോടി ലാഭമുണ്ടാക്കുകയും ചെയ്തു.[1]

അഭിനേതാക്കൾ[തിരുത്തുക]

അഭിനേതാവ് കഥാപാത്രം
മോഹൻലാൽ പൂവള്ളി ഇന്ദുചൂഢൻ
മമ്മൂട്ടി നന്ദഗോപാൽ മാരാർ
തിലകൻ മാറാഞ്ചേരി കരുണാകര മേനോൻ
എൻ.എഫ്. വർഗ്ഗീസ് മണപ്പള്ളി പവിത്രൻ
സ്ഫടികം ജോർജ്ജ് കല്ലെട്ടി വാസുദേവൻ
വിജയകുമാർ ജയകൃഷ്ണൻ
ടി.പി. മാധവൻ രാമൻ നായർ
കലാഭവൻ മണി ഭരതൻ
മണിയൻപിള്ള രാജു ഹബീബ്
നരേന്ദ്രപ്രസാദ് മൂപ്പിൽ നായർ
സായി കുമാർ മണപ്പള്ളി സുധീരൻ
വി.കെ. ശ്രീരാമൻ
കൊല്ലം തുളസി
ജഗന്നാഥ വർമ്മ
ഇർഷാദ്
ഐശ്വര്യ അനുരാധ
കനക ഇന്ദു
ഭാരതി

സംഗീതം[തിരുത്തുക]

ഗിരീഷ് പുത്തഞ്ചേരി എഴുതിയ ഗാനങ്ങൾക്ക് സംഗീത സംവിധാനം നിർവ്വഹിച്ചത് എം.ജി. രാധാകൃഷ്ണൻ ആണ്. പശ്ചാത്തല സംഗീതം ചെയ്തിരിക്കുന്നത് രാജാമണി.

ഗാനങ്ങൾ
  1. ആരോടും ഒന്നും മിണ്ടാതെ – കെ.ജെ. യേശുദാസ്, കോറസ്
  2. മഞ്ഞിൻ മുത്തെടുത്ത് – എം.ജി. ശ്രീകുമാർ, സുജാത മോഹൻ
  3. പഴനി മല – എം.ജി. ശ്രീകുമാർ
  4. അമ്മേ നിളേ നിനക്കെന്ത് പറ്റി – എം.ജി. ശ്രീകുമാർ
  5. ധ്യാനം ധേയം നരസിംഹം – കെ.ജെ. യേശുദാസ്, കോറസ്
  6. ആരോടും ഒന്നും മിണ്ടാതെ – കെ.ജെ. യേശുദാസ്, സുജാത മോഹൻ
  7. മഞ്ഞിൻ മുത്തെടുത്ത് – സുജാത മോഹൻ
  8. അമ്മേ നിളേ നിനക്കെന്ത് പറ്റി – കെ.ജെ. യേശുദാസ്
  9. മഞ്ഞിൻ മുത്തെടുത്ത് – എം.ജി. ശ്രീകുമാർ

സ്വീകരണം[തിരുത്തുക]

നരസിംഹം കേരളത്തിലെ 32 കേന്ദ്രങ്ങളിലാണ് റിലീസ് ചെയ്തത്. പ്രദർശനം തുടങ്ങി 35 ദിവസങ്ങൾക്കുള്ളിൽത്തന്നെ ചിത്രം INR 2 കോടി ഷെയർ നേടിയെടുത്തു.[3] INR10 കോടി നിർമ്മാതാവിന് ലാഭമുണ്ടാക്കിക്കൊടുത്ത ഈ ചിത്രം 200 ദിവസം തിയേറ്ററുകളിൽ പ്രദർശിപ്പിക്കുകയും INR20 കോടി ആകെ കളക്ട് ചെയ്യുകയും ചെയ്തു.[1]മലയാളസിനിമയിൽ ഏറ്റവും കൂടുതൽ വരുമാനം നേടിയ ഈ ചിത്രത്തിന്റെ റെക്കോർഡ് പിന്നീട് 2006 ൽ പുറത്തിറങ്ങിയ രസതന്ത്രം ആണ് തകർത്തത്.

അണിയറ പ്രവർത്തകർ[തിരുത്തുക]

അണിയറപ്രവർത്തനം നിർ‌വ്വഹിച്ചത്
ഛായാഗ്രഹണം സഞ്ജീവ് ശങ്കർ
ചിത്രസം‌യോജനം എൽ. ഭൂമിനാഥൻ
കല ബോബൻ
ചമയം പി.വി. ശങ്കർ, സലീം
വസ്ത്രാലങ്കാരം മനോജ് ആലപ്പുഴ, മുരളി
നൃത്തം കുമാർ ശാന്തി, കല
സംഘട്ടനം കനൽ കണ്ണൻ, സൂപ്പർ സുബ്ബരായൻ
നിർമ്മാണ നിയന്ത്രണം പ്രവീൺ പരപ്പനങാടി
നിർമ്മാണ നിർവ്വഹണം വി.വി. രാധാകൃഷ്ണൻ
അസോസിയേറ്റ്ഡയറക്ടർ എം. പത്മകുമാർ

അവലംബം[തിരുത്തുക]

പുറമെ നിന്നുള്ള കണ്ണികൾ[തിരുത്തുക]

Wikiquote-logo-en.svg
വിക്കിചൊല്ലുകളിലെ നരസിംഹം എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:
"http://ml.wikipedia.org/w/index.php?title=നരസിംഹം_(ചലച്ചിത്രം)&oldid=1881109" എന്ന താളിൽനിന്നു ശേഖരിച്ചത്