കേരളത്തിലെ നദികളുടെ പട്ടിക

List of main rivers of Kerala

List of main rivers of Kerala

സമൃദ്ധമായ അനേകം നദികളും പുഴകളും ഇതര ജലാശയങ്ങളും ഉൾക്കൊള്ളുന്ന ഭൂപ്രകൃതിയാണ് കേരളത്തിനുള്ളത്. കേരളത്തിലെ ജീവനാഡിയായി വിശേഷിപ്പിക്കുന്ന ഇത്തരം ജലാശയങ്ങളിൽ പ്രമുഖമാണ് കേരളത്തിലെ നദികൾ. 20000

ചതുരശ്രകിലോമീറ്ററിൽ കൂടുതൽ നീർവാർച്ചാ പ്രദേശമുള്ള നദികളെയാണ് മഹാനദികളായി കണക്കാക്കുന്നത്. കേരളത്തിൽ മഹാനദികളീല്ല. 2000ത്തിനും 20,000നും ഇടയിൽ ചതുരശ്രകിലോമീറ്റർ നീർവാർച്ചാ പ്രദേശമുള്ളവയെ ഇടത്തരം നദികളായി കണക്കാക്കുന്നു. കേരളത്തിൽ ഭാരതപ്പുഴ, പെരിയാർ, പമ്പാനദി, ചാലിയാർ. എന്നിവയെ ഈ വിഭാഗത്തിൽ പെടുത്താം. ബാക്കിയുള്ളവ ചെറുനദികളാണ്. 44 നദികളാണ് കേരളത്തിലുള്ളത്. 15 കിലോമീറ്ററിലധികം ദൈർഘ്യമുളള പുഴകളെയാണ് നദികളുടെ ഗണത്തിൽ കണക്കാക്കുന്നത്. കേരളത്തിലെ ഏറ്റവും വലിയ നദി 244 കിലോമീറ്ററുള്ള പെരിയാറും ഏറ്റവും ചെറിയ നദി 16 കിലോമീറ്ററുള്ള മഞ്ചേശ്വരം പുഴയുമാണ്. 44 നദികളിൽ 41 എണ്ണം പടിഞ്ഞാറോട്ടും 3 എണ്ണം കിഴക്കോട്ടും ഒഴുകുന്നവയാണ്.

കേരളത്തിലെ നദികൾ

കേരളത്തിലെ നദികളുടെ പട്ടിക അവയുടെ നീളം അനുസരിച്ച് താഴെ ചേർത്തിരിക്കുന്നു. നദികളുടെ പോഷക നദികളും കാണാം. എല്ലാ നദികളും പശ്ചിമഘട്ടത്തിൽനിന്നും ഉൽഭവിച്ച് കേരളത്തിലെ കായലുകളിലോ അറബിക്കടലിലോ ചെന്നു ചേരുന്നു. ബ്രാക്കറ്റിൽ നദികളുടെ നീളം കൊടുത്തിരിക്കുന്നു.

ക്രമം	നദി	നീളം (കി.മീ)	ഉത്ഭവം	ജില്ലകൾ	പോഷകനദികൾ	പതനം
1	പെരിയാർ	244	ശിവഗിരി മല	ഇടുക്കി , എറണാകുളം, തൃശ്ശൂർ	മുതിരപ്പുഴ , ഇടമലയാർ, ആനമലയാർ , ചെറുതോണിയാർ , കരിന്തിരിയാർ , കിളിവള്ളിത്തോട് , കട്ടപ്പനയാർ , മുല്ലയാർ , മേലാശ്ശേരിയാർ,പാലാർ, ആനക്കുളം പുഴ	കൊടുങ്ങല്ലൂർ കായൽ
2	ഭാരതപ്പുഴ	209	ആനമല (തമിഴ്നാട്)	പാലക്കാട്, തൃശ്ശൂർ, മലപ്പുറം	✸തൂതപ്പുഴ (കുന്തിപ്പുഴ, കാഞ്ഞിരപ്പുഴ, അമ്പൻ‌കടവ്, തുപ്പാണ്ടിപ്പുഴ) ✸ഗായത്രിപ്പുഴ (മംഗലം നദി, അയലൂർപ്പുഴ, വണ്ടാഴിപ്പുഴ, മീങ്കാരപ്പുഴ, ചുള്ളിയാർ) ✸കൽ‌പ്പാത്തിപ്പുഴ (കോരയാറ്, വരട്ടാറ്, വാളയാർ, മലമ്പുഴ) ✸കണ്ണാ‍ടിപ്പുഴ പാലാറ്, അലിയാറ്, ഉപ്പാറ്	അറബിക്കടൽ
3	പമ്പാ നദി	176	പുളച്ചിമല	ഇടുക്കി, പത്തനംതിട്ട, ആലപ്പുഴ	അച്ചൻ‌കോവിലാർ, മണിമലയാർ, കക്കിയാർ, വരട്ടാർ, മൂഴിയാർ	വേമ്പനാട്ടുകായൽ
4	ചാലിയാർ	169	ഇലുമ്പളേരി മല	വയനാട് , മലപ്പുറം , കോഴിക്കോട്	ചാലിപ്പുഴ, പുന്നപ്പുഴ, പാണ്ടിയാർ, കരിമ്പുഴ ചെറുപുഴ, കാഞ്ഞിരപ്പുഴ, കരുമ്പൻ പുഴ, വടപുറം പുഴ, ഇരുവഞ്ഞിപ്പുഴ, ഇരുനില്ലിപ്പുഴ	അറബിക്കടൽ
5	ചാലക്കുടിപ്പുഴ	145.5	ആനമല	പാലക്കാട്, തൃശ്ശൂർ , എറണാകുളം		പെരിയാർ
6	കടലുണ്ടിപ്പുഴ	130	ചേരക്കൊമ്പൻ മല	മലപ്പുറം, കോഴിക്കോട്		അറബിക്കടൽ
7	അച്ചൻ‌കോവിലാർ	128	പശുക്കിടമേട്	പത്തനംതിട്ട, കൊല്ലം, ആലപ്പുഴ		പമ്പാനദി
8	കല്ലടയാർ	121	കരിമല	കൊല്ലം		അഷ്ടമുടിക്കായൽ
9	മൂവാറ്റുപുഴയാർ	121	തരംഗം കാനം കുന്ന്	ഇടുക്കി,എറണാകുളം, കോട്ടയം, ആലപ്പുഴ		വേമ്പനാട്ടുകായൽ
10	വളപട്ടണം പുഴ	110	ബ്രഹ്മഗിരി മലനിരകൾ (കർണാടകം)	കണ്ണൂർ	കുപ്പം പുഴ	അറബിക്കടൽ
11	ചന്ദ്രഗിരി പുഴ	105	പട്ടിഘാട്ട് മല(കർണാടകം)	കാസർഗോഡ്	കുടുബൂർ പുഴ, പയസ്വിനി	അറബിക്കടൽ
12	മണിമലയാർ	90	തട്ടുമല	ഇടുക്കി, കോട്ടയം, ആലപ്പുഴ		പമ്പാനദി
13	വാമനപുരം പുഴ	88	ചെമ്മുഞ്ചിമൊട്ട്	തിരുവനന്തപുരം, കൊല്ലം		അഞ്ചുതെങ്ങ്കായൽ
14	കുപ്പം പുഴ	88	പാടിനെൽക്കാട് മല (കർണാടകം)	കണ്ണൂർ		വളപട്ടണം പുഴ
15	മീനച്ചിലാർ	78	അരയ്ക്കുന്നമുടി	കോട്ടയം,ആലപ്പുഴ		വേമ്പനാട്ടുകായൽ
16	കുറ്റ്യാടിപ്പുഴ	74	നരിക്കോട്ട	വയനാട്, കോഴിക്കോട്		അറബിക്കടൽ
17	കരമനയാർ	68	ചെമ്മുഞ്ചിമൊട്ട	തിരുവനന്തപുരം		അറബിക്കടൽ
18	ഷിറിയപ്പുഴ	68	ആനക്കുന്നിവനം	കാസർഗോഡ്		അറബിക്കടൽ
19	കാര്യങ്കോട് പുഴ	64	കൂർഗ് മലനിരകൾ (കർണാടകം)	കണ്ണൂർ,കാസർഗോഡ്	ചൈത്രവാഹിനി പുഴ	കവ്വായി കായൽ, അറബിക്കടൽ
20	ഇത്തിക്കരയാർ	56	മടത്തറ	കൊല്ലം		പരവൂർ കായൽ
21	നെയ്യാർ	56	അഗസ്ത്യമല	തിരുവനന്തപുരം		അറബിക്കടൽ
22	മയ്യഴിപ്പുഴ	54	വയനാട്ചുരം	വയനാട്‌, കണ്ണൂർ		അറബിക്കടൽ
23	പയ്യന്നൂർ പുഴ പെരുവമ്പ്ര	51	പേക്കുന്ന്	കണ്ണൂർ		കവ്വായി കായൽ
24	ഉപ്പള പുഴ	50	വീരക്കംബാകുന്നുകൾ	കാസർഗോഡ്		അറബിക്കടൽ
25	കരുവന്നൂർ പുഴ	48	പൂമല	തൃശ്ശൂർ		ഏനമാക്കൽ തടാകം
26	കീച്ചേരിപ്പുഴ	51	മച്ചാട്ടുമല	തൃശ്ശൂർ		അറബിക്കടൽ
27	അഞ്ചരക്കണ്ടി പുഴ	48	കണ്ണോത്ത് വനം	കണ്ണൂർ		അറബിക്കടൽ
28	തിരൂർ പുഴ	48	ആതവനാട്	മലപ്പുറം		ഭാരതപ്പുഴ
29	നീലേശ്വരം പുഴ	46	കിനാനൂർ കുന്ന്	കാസർഗോഡ്	മയ്യങ്ങാനം പുഴ	കാര്യങ്കോട് പുഴ, കവ്വായി കായൽ
30	പള്ളിക്കൽ പുഴ	42	കൊടുമൺ കുട്ടിവനം, (കളരിത്തറക്കുന്ന്)	പത്തനംതിട്ട, കൊല്ലം		വട്ടക്കായൽ
31	കോരപ്പുഴ	40	അരിക്കൻ കുന്ന്	കോഴിക്കോട്		അറബിക്കടൽ
32	മോഗ്രാൽ പുഴ	34	കാണന്നൂർകുന്ന്	കാസർഗോഡ്		അറബിക്കടൽ
33	കവ്വായി പുഴ	31	ചീമേനിക്കുന്ന്	കാസർഗോഡ്		കവ്വായി കായൽ
34	പുഴക്കൽ പുഴ	29	മച്ചാട്ട് മല	തൃശ്ശൂർ		ഏനമാക്കൽ തടാകം
35	മാമം പുഴ	27	പന്നലക്കോട്ട്കുന്ന്	തിരുവനന്തപുരം		അറബിക്കടൽ
36	തലശ്ശേരി പുഴ	28	കണ്ണോത്ത് വനം	കണ്ണൂർ		അറബിക്കടൽ
37	ചിറ്റാരിപ്പുഴ	25	ചെട്ടിയച്ചാൻ കുന്ന്	കാസർഗോഡ്		അറബിക്കടൽ
38	കല്ലായിപ്പുഴ	22	ചേരിക്കളത്തൂർ	കോഴിക്കോട്		അറബിക്കടൽ
39	രാമപുരം പുഴ	19	ഇരിങ്ങൽക്കുത്ത്	കണ്ണൂർ		അറബിക്കടൽ
40	അയിരൂർ പുഴ	17	നാവായി	തിരുവനന്തപുരം		നടയറക്കായൽ
41	മഞ്ചേശ്വരം പുഴ	16	ബാലെപ്പണിക്കുന്നുകൾ	കാസർഗോഡ്		ഉപ്പളക്കായൽ
42	കബനി നദി	234	തൊങ്ങാർമൂഴി	വയനാട്		കാവേരി നദി
43	ഭവാനി പ്പുഴ	215	ശിരുവാണി	പാലക്കാട്, കോയമ്പത്തൂർ, ഈറോഡ്		കാവേരി നദി
44	പാംബാ‍ർ നദി	31	ബെൻ മൂർ	ഇടുക്കി		കാവേരി നദി

ഇതും കാണുക

• ലോകത്തിലെ നീളം കൂടിയ നദികൾ
• ഇന്ത്യയിലെ നദികൾ