ഷിരിയ നദി
കർണ്ണാടകത്തിലെ ആനക്കുണ്ടി മലയിൽനിന്നു ഉത്ഭവിച്ച് കുമ്പളക്കായലിൽ പതിച്ച് അറബിക്കടലിൽ എത്തുന്ന നദിയാണ് ഷിരിയ. കാസർകോഡ് ജില്ലയിലൂടെയാണ് ഈ നദി ഒഴുകുന്നത്. കർണാടക, കേരളം എന്നീ സംസ്ഥാനങ്ങളിലൂടെ ഒഴുകുന്ന ഒരു നദിയാണിത്[1] . 67 കിലോമീറ്റർ നീളമുള്ള ശിരിയ നദി കേരളത്തിലെ പതിനെട്ടാമത്തെ നീളം കൂടിയ നദിയും കാസർഗോഡ് ജില്ലയിലെ രണ്ടാമത്തെ നീളം കൂടിയ നദിയുമാണ്. സമുദ്രനിരപ്പിൽ നിന്ന് ഏകദേശം 230 മീറ്റർ ഉയരത്തിലുള്ള കർണാടകയിലെ ദക്ഷിണ കന്നഡ ജില്ലയിൽ സ്ഥിതിചെയ്യുന്ന അനെഗുണ്ടി റിസർവ് വനത്തിലാണ് നദിയുടെ ഉദ്ഭവം. തുടർന്ന് പ്രധാനമായും പടിഞ്ഞാറോട്ട് ഒഴുകുന്ന നദി, കേരളത്തിലെ കാസർഗോഡ് പട്ടണത്തിൽ നിന്ന് ഏകദേശം 11 കിലോമീറ്റർ വടക്ക് സ്ഥിതിചെയ്യുന്ന ഷിരിയ എന്ന പ്രദേശത്തിന് സമീപം അറബിക്കടലിൽ പതിക്കുന്നു.[1][2] നദീമുഖത്ത്, ഷിരിയയ്ക്കും കുമ്പളത്തിനും ഇടയിലുള്ള കായൽപ്രദേശവുമായി നദി ചേരുകയും കുമ്പളം–ഷിരിയ അഴിമുഖം (Kumbla–Shiriya Estuary) രൂപപ്പെടുകയും ചെയ്യുന്നു.
ഷിരിയ നദിയുടെ പ്രധാന പോഷകനദികൾ കല്ലാഞ്ഞെ തോട്, കന്യാന തോട്, എരമട്ടി ഹൊളെ, കുമ്പള എന്നിവയാണ്.[1][3]
പോഷകനദികൾ
[തിരുത്തുക]പല്ലതട്ക,ഏറാമട്ടി,കുമ്പളയാർ എന്നിവയാണ് ഷിരിയയുടെ പോഷക നദികൾ .
നീളം
[തിരുത്തുക]67 കി.മീറ്റർ നീളമുള്ള നദിയാണ് ഷിരിയ.[4]
അവലംബം
[തിരുത്തുക]- 1 2 3 "Shiriya River and Yelkanna River, Reconnaissance Survey Report" (PDF). Tropical Institute of Ecological Sciences (TIES), Kerala. December 2017. Archived from the original (PDF) on 2021-01-29. Retrieved 2021-05-14.
- ↑ "District Census Handbook - Kasaragod District 2011" (PDF). Directorate of Census Operations-Kerala. 2011-10-01. Retrieved 2021-05-14.
- ↑ "About the Rivers of Kerala". Archived from the original on 2021-04-20. Retrieved 2021-05-14.
- ↑ മനോരമ ഇയർബുക്ക് 2013.പേജ്518
 |
കേരളത്തിലെ നദികളുമായി ബന്ധപ്പെട്ടുള്ള ഈ ലേഖനം അപൂർണ്ണമാണ്. ഇതു പൂർത്തിയാക്കാൻ സഹായിക്കുക. |