ശ്രീകൃഷ്ണ ജന്മാഷ്ടമി
| ശ്രീകൃഷ്ണ ജന്മാഷ്ടമി | |
|---|---|
 കൃഷ്ണൻ | |
| ഇതരനാമം | ജന്മാഷ്ടമി/ ശ്രീകൃഷ്ണ ജയന്തി |
| തരം | Religious |
| ആഘോഷങ്ങൾ | 2-8 ദിവസങ്ങൾ |
| അനുഷ്ഠാനങ്ങൾ | ഉപവാസം, പ്രാർഥനകൾ |
| തിയ്യതി | ചിങ്ങം, കൃഷ്ണപക്ഷം, രോഹിണി |
മഹാവിഷ്ണുവിന്റെ ഒൻപതാമത്തെ അവതാരമായ ശ്രീകൃഷ്ണന്റെ ജന്മദിവസമാണ് ശ്രീകൃഷ്ണ ജന്മാഷ്ടമി ആയി ഹിന്ദുക്കൾ ആഘോഷിക്കുന്നത്. (Devanagari कृष्ण जन्माष्टमी kṛṣṇa janmāṣṭamī).[1] ചിങ്ങമാസത്തിൽ കൃഷ്ണപക്ഷത്തിലെ അഷ്ടമി തിഥി വരുന്ന രോഹിണി നക്ഷത്രദിവസത്തിൽ ആഘോഷിക്കപ്പെടുന്ന ഈ പുണ്യദിനം കൃഷ്ണാഷ്ടമി, ഗോകുലാഷ്ടമി, അഷ്ടമി രോഹിണി, ശ്രീകൃഷ്ണ ജയന്തി, ജന്മാഷ്ടമി എന്നീ വിവിധ പേരുകളിലും അറിയപ്പെടുന്നു. ലോകമെമ്പാടുമുള്ള ഹൈന്ദവർ വിശേഷിച്ചു വൈഷ്ണവ ഭക്തർ ഇത് വിശേഷ ദിനമായി ആഘോഷിച്ചു വരുന്നു. ഹൈന്ദവതയിൽ വൈഷ്ണവ പാരമ്പര്യത്തെ സംബന്ധിച്ചിടത്തോളം ഇത് ഒരു സുപ്രധാന ഉത്സവമാണ്.[2] ജന്മാഷ്ടമി ദിവസം അർധരാത്രിയാണ് ശ്രീകൃഷ്ണൻ പിറന്നത് എന്നാണ് വിശ്വാസം. അതിനാൽ അഷ്ടമിരോഹിണി ദിവസം അർദ്ധരാത്രി ശ്രീകൃഷ്ണക്ഷേത്രങ്ങളിൽ വിശേഷാൽ പൂജകളും പ്രാർത്ഥനയും നടക്കുന്നു. ഗ്രിഗോറിയൻ കലണ്ടറിൽ ആഗസ്ത്, സെപ്തംബർ മാസങ്ങളിലാണ് ശ്രീകൃഷ്ണ ജയന്തി വരിക.
References
[തിരുത്തുക]- ↑ "Sri Krishna Janamashtami celebrated in the city". The Hindu. 24 August 2008. Archived from the original on 2013-09-21. Retrieved 12 August 2009.
- ↑ J. Gordon Melton (2011). Religious Celebrations: An Encyclopedia of Holidays, Festivals, Solemn Observances, and Spiritual Commemorations. ABC-CLIO. p. 396. ISBN 978-1-59884-205-0.
| Major festivals |  | |
|---|---|---|
| Regional New Year |
| |
| Holy days | ||
| Holy periods | ||
