സത്സംഗം

ഇംഗ്ലീഷ് വിലാസം

https://ml.wikipedia.org/wiki/Satsamgam

നല്ല ആളുകളുമായുള്ള ഇടപഴകൽ എന്നാണ് സത്സംഗം എന്ന വാക്കിന്റെ അർത്ഥം. തീർത്ഥാടകർ, ആശ്രമങ്ങൾ, ഗുരുക്കന്മാർ തുടങ്ങി പലതരം കൂട്ടായ്മകൾ സത്സംഗം സംഘടിപ്പിക്കാറുണ്ട്.

ജ്ഞാന സമ്പാദനത്തിന് സത്സംഗം ആവശ്യമാണെന്ന് വിശ്വാസമുണ്ട്. മനസ്സ് ശുദ്ധമാക്കുവാനും നേർവഴിയിലെത്താനും ഇത് പ്രയോജനം ചെയ്യും.

“ സത്സംഗത്വേ നിസ്സംഗത്വം

നിസ്സംഗത്വേ നിർമ്മോഹത്വം
നിർമ്മോഹത്വേ നിശ്ചലതത്ത്വം
നിശ്ചലതത്ത്വേ ജീവന്മുക്തിഃ

”

എന്ന് ശങ്കരാചാര്യൻ സത്സംഗത്തിന്റെ പ്രാധാന്യത്തെപ്പറ്റി പ്രസ്താവിച്ചിട്ടുണ്ട്.

പ്രാണായാമം പോലെ ധ്യാനത്തിനനുകൂലമായ മനഃശുദ്ധി നൽകുന്ന ഒന്നാണ് സത്സംഗം എന്നഭിപ്രായമുണ്ട്. തനിയേ നേടാവുന്നതും ഗുരുവിലൂടെ നേടാവുന്നതും എന്ന് രണ്ടുതരം സത്സംഗമുണ്ട് എന്ന് രമണമഹർഷി അഭിപ്രായപ്പെട്ടിട്ടുണ്ട്.