ലൈംഗികബന്ധം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(സംഭോഗം എന്ന താളിൽ നിന്നും തിരിച്ചുവിട്ടതു പ്രകാരം)
ലൈംഗിക ബന്ധം
മിഷണറി രീതി എന്നറീയപ്പെടുന്ന ലൈംഗികരീതി

ആരോഗ്യമുള്ള ജീവിവർഗങ്ങളിൽ സ്വാഭാവികമായും മൊട്ടിട്ടു വരുന്ന ഒരു ജൈവീകചോദനയാണ് "ലൈംഗിക വികാരം". ഈ വികാരത്തിന്റെ പൂർത്തീകരണമാണ് "ലൈംഗിക ബന്ധം" എന്ന് പറയാം. ജീവികളിലെ പ്രത്യുദ്പാദനരീതികളും ലൈംഗികാസ്വാദനവുമായി ബന്ധപ്പെട്ട ഒന്നാണ് ലൈംഗികബന്ധം (ലൈംഗികവേഴ്ച). ഇണകളുടെ പ്രത്യുല്പാദനാവയങ്ങൾ തമ്മിലുള്ള കൂടിച്ചേരലാണ് (പുരുഷ ലൈംഗികാവയവമായ ലിംഗം സ്ത്രീ ലൈംഗികാവയവമായ യോനിയിൽ പ്രവേശീപ്പിച്ചു ചലിപ്പിക്കുകയാണ് സസ്തനികളിൽ ചെയ്യുന്നത്) ലൈംഗികബന്ധം എന്നിരിക്കിലും ലൈംഗികബന്ധമെന്ന പദം സ്ത്രീയും പുരുഷനും തമ്മിലോ സ്ത്രികൾ തമ്മിലോ പുരുഷന്മാർ തമ്മിലോ ട്രാൻസ് ജെൻഡറുകളുമായോ അവർ തമ്മിലോ ഉള്ള കാമകേളിയെ സൂചിപ്പിക്കാനായി പൊതുവേ ഉപയോഗിക്കാറുണ്ട്. ചെറിയ രീതിയിൽ ഉള്ള ഒരു സ്പർശനം പോലും പലർക്കും സുഖാനുഭൂതി നൽകുന്നു.

സാധാരണയായി എതിർലിംഗത്തിലുള്ളവരാണ്‌ ഇണകൾ ആയിരിക്കുക എങ്കിലും ഒച്ചു പോലുള്ള പല ജീവികളിലും ഒരേ ലിംഗത്തിലുള്ളവ തമ്മിലും ലൈംഗിക ബന്ധത്തിലേർപ്പെടാറുണ്ട്. മനുഷ്യരിലും ഒരേ ലിംഗത്തിലുള്ളവർ തമ്മിൽ ലൈംഗികബന്ധത്തിൽ ഏർപ്പെടാറുണ്ട്. ഇവരാണ് "സ്വവർഗാനുരാഗികൾ". സ്വവർഗാനുരാഗം ഒരു രോഗമോ പ്രകൃതി വിരുദ്ധമോ അല്ലെന്ന് ശാസ്ത്രീയ പഠനങ്ങൾ തെളിയിക്കുന്നു. പല രാജ്യങ്ങളിലും ലൈംഗികന്യൂനപക്ഷങ്ങൾക്ക് ഇഷ്ടമുള്ള ഇണയെ വിവാഹം ചെയ്യാൻ അനുവദിച്ചിട്ടുണ്ട്. മൃഗങ്ങളെ അപേക്ഷിച്ചു മനുഷ്യൻ പ്രത്യുത്പാദനത്തിന് വേണ്ടി മാത്രമല്ല ശാരീരികവും മാനസികവുമായ സന്തോഷത്തിനും സ്നേഹം പങ്കുവെക്കുന്നതിനും വേണ്ടി കൂടിയാണ് ലൈംഗികബന്ധത്തിൽ ഏർപ്പെടാറുള്ളത്. പുരുഷനെ അപേക്ഷിച്ചു സ്ത്രീകളിൽ ലൈംഗിക വികാരം പതുക്കെ ഉണരുകയും പതിയെ ഇല്ലാതാവുകയും ചെയ്യുന്ന ഒന്നാണ്. മാനസിക അടുപ്പമുള്ള പങ്കാളിയുമായി സ്നേഹവും സുരക്ഷിതത്വവുമുള്ള അന്തരീക്ഷത്തിൽ മാത്രമേ സ്ത്രീക്ക് പൊതുവെ ലൈംഗികത ആസ്വദിക്കാൻ സാധിക്കാറുള്ളൂ.

ലൈംഗിക താല്പര്യം ഓരോ വ്യക്തികളിലും വ്യത്യാസപ്പെട്ടിരിക്കാം. ഏറ്റവും വലിയ ലൈംഗിക അവയവം "തലച്ചോറാണ് (Brain)". ലൈംഗികതയെ നിയന്ത്രിക്കുന്നതും മത്തിഷ്ക്കം തന്നെയാണ്. അതുകൊണ്ട് തന്നെ മാനസിക സമ്മർദങ്ങളും ഭയവും ലൈംഗികബന്ധത്തിനു തയ്യാറെടുക്കുമ്പോൾ ഒഴിവാക്കേണ്ടതുണ്ട്. ബന്ധപ്പെടുന്നതിന് മുന്നോടിയായി ആവശ്യത്തിന് സമയം ആസ്വാദ്യകരമായ "ബാഹ്യകേളി അഥവാ രതിപൂർവലീലകൾക്ക് (Foreplay)" ചിലവഴിക്കുന്നത് സ്ത്രീക്കും പുരുഷനും ഉത്തേജനം നൽകുന്നു. സ്നേഹസംഭാഷണത്തിലും രതിഭാവനകളിലും തുടങ്ങി ശിരസ്സ്, ചുണ്ട്, ചെവി, കഴുത്ത്, കക്ഷം, സ്തനങ്ങൾ, കാലുകൾ, നാഭി, നിതംബം, കാലുകൾ, പാദം, ഭഗശിശ്നിക (Clitoris), ജി-സ്‌പോട്ട് (G-Spot) മുതലായ ഭാഗങ്ങളിൽ ചുംബിക്കുകയും ലാളിക്കുകയും ചെയ്യുന്നത് ആമുഖലീലകളിൽ പെടുന്നു. ഇത് ലൈംഗിക ഉത്തേജത്തിലേക്ക് നയിക്കുന്നു. അതോടെ ശരീരവും മനസും ലൈംഗികബന്ധത്തിനു സജ്ജമാവുന്നു. ലിംഗത്തിലെ അറകളിലേക്ക് ഉള്ള രക്തയോട്ടം വർധിക്കുകയും "ഉദ്ധാരണം" ഉണ്ടാവുകയും ചെയ്യുന്നു. സ്ത്രീയിൽ യോനീഭാഗത്തേക്ക് രക്തയോട്ടം വർധിക്കുകയും യോനീനാളം "വികസിക്കുകയും" വഴുവഴുപ്പ് നൽകുന്ന "യോനീ സ്രവങ്ങൾ (Vaginal Lubrication)" ഉത്പാദിപ്പിക്കപ്പെടുകയും കൃസരി ഉദ്ധരിക്കുകയും ചെയ്യുന്നു. ഇതിന്‌ ബാഹ്യകേളി (Foreplay) ആവശ്യം ആകുന്നു. അങ്ങനെ ലൈംഗികബന്ധം സുഖകരമാകുകയും ചെയ്യുന്നു. ബാഹ്യകേളികൾ ഇല്ലാതെ പെട്ടന്നുള്ള ലൈംഗിക ബന്ധത്തിൽ പലപ്പോഴും ശരീരം ലൈംഗിക ബന്ധത്തിന് തയ്യാറിട്ടുണ്ടാവില്ല. വഴുവഴുപ്പ് നൽകുന്ന യോനീ സ്രവങ്ങളുടെ (Vaginal Lubrication) അഭാവത്തിൽ സ്ത്രീക്ക് ലൈംഗികബന്ധം വേദനാജനകമാവുകയും പുരുഷന് ആയാസം സൃഷ്ടിക്കുകയും ചെയ്യുന്നു. ഇത് ലൈംഗികതയോട് ഭയവും വിരക്തിയും ഉണ്ടാകാൻ കാരണമായേക്കാം. യോനീ വരൾച്ചയും (Vaginal Dryness) മുറുക്കവും അനുഭവപ്പെട്ടാൽ കൂടുതൽ സമയം ബാഹ്യകേളികളിൽ ഏർപ്പെടുകയും, ആവശ്യമെങ്കിൽ കൃത്രിമമായി നനവ് നൽകുന്ന ഏതെങ്കിലും നല്ല ലൂബ്രിക്കന്റുകൾ (ഉദാ: KY Jelly) ഉപയോഗിക്കുകയും ചെയ്യാവുന്നതാണ്. ഇരുപതു മിനുട്ടെങ്കിലും രതിപൂർവകേളികൾക്ക് ചിലവഴിക്കുന്നത് മികച്ച ലൈംഗികബന്ധത്തിനു സഹായിക്കുമെന്ന് പഠനങ്ങൾ പറയുന്നു. പ്രത്യേകിച്ചും ആദ്യമായി ബന്ധപ്പെടുന്നവർക്കും ആർത്തവവിരാമം കഴിഞ്ഞ സ്ത്രീകൾക്കും ഇത് അത്യാവശ്യമാകുന്നു. സ്ത്രീകളിൽ രതിമൂർച്ഛ (Orgasm) പുരുഷനെ അപേക്ഷിച്ചു പതുക്കെ അനുഭവപ്പെടുന്നതിനാലും പുരുഷനിലെ "സമയക്കുറവ് " പരിഹരിക്കാനും, ബീജത്തിന്റെ ഗുണമേന്മ വർധിക്കുവാനും ആമുഖലീലകൾ (Foreplay) സഹായിച്ചേക്കാം. എന്നാൽ പങ്കാളിക്ക് താല്പര്യമില്ലാത്ത രീതികൾ ഒഴിവാക്കേണ്ടതാണ്.

ശാരീരിക-മാനസിക സുഖാനുഭവവും രതിമൂർച്ഛയും പ്രത്യുല്പാദനവുമാണ്‌ ഊഷ്മളമായ ലൈംഗികബന്ധത്തിന്റെ ഫലങ്ങളെങ്കിലും എല്ലാ ലൈംഗിക ബന്ധങ്ങളും പത്യുൽപ്പാദനത്തിൽ കലാശിക്കണമെന്നില്ല. സുരക്ഷിതവും സംതൃപ്തികരവുമായ ലൈംഗികബന്ധം പങ്കാളികൾ തമ്മിലുള്ള മാനസിക അടുപ്പം വർദ്ധിക്കുവാനും, സ്നേഹം പങ്കുവെക്കപ്പെടാനും, മെച്ചപ്പെട്ട ആരോഗ്യത്തിനും, ഓർമശക്തിക്കും കാരണമാകുന്നു എന്ന് വിദഗ്ദർ അഭിപ്രായപ്പെടുന്നു. യഥാർഥത്തിൽ വാർദ്ധക്യത്തിലെത്തിയ വ്യക്തികൾക്ക് പോലും സന്തോഷകരമായ ലൈംഗികജീവിതം സാധ്യമാണ്.

ചിട്ടയായ വ്യായാമവും, ആരോഗ്യകരമായ ഭക്ഷണവും, പോസിറ്റീവ് ആയ മാനസികാവസ്ഥയും, ലഹരി ഉപേക്ഷിക്കലുമെല്ലാം മികച്ച ലൈംഗിക ജീവിതത്തിനും സഹായിക്കുമെന്ന് വിദഗ്ദർ സാക്ഷ്യപ്പെടുത്തുന്നു

എന്നാൽ സുരക്ഷിതമല്ലാത്ത ലൈംഗിക ബന്ധത്തിലൂടെ അനാവശ്യ ഗർഭധാരണവും ഒപ്പം എയ്ഡ്‌സ്, ഹെർപ്പിസ്, ഗൊണേറിയ, ഹെപ്പറ്റൈറ്റിസ് ബി മുതലായ രതിജന്യരോഗങ്ങളും (STD) പകരാൻ സാധ്യതയുണ്ട്. രോഗികളുമായുള്ള ലൈംഗികബന്ധം ഒഴിവാക്കുന്നതും, കോണ്ടത്തിന്റെ (ഉറ) ഉപയോഗവും ഇത്തരം രോഗങ്ങളെ ചെറുക്കുവാൻ സഹായിക്കുന്നു. സ്ത്രീകൾക്ക് ഉപയോഗിക്കാവുന്ന കോണ്ടവും ഇന്ന് മാർക്കറ്റിൽ ലഭ്യമാണ്. പ്രായപൂർത്തി ആകാത്തവരുമായി ഉള്ള ലൈംഗികബന്ധവും (Pedophilia) ഉഭയകക്ഷി സമ്മതത്തോടെ അല്ലാത്ത ബലാത്സംഗവും വലിയ കുറ്റകൃത്യങ്ങളാണ്.

മറ്റ് ലിങ്കുകൾ[തിരുത്തുക]

ലൈംഗികത എന്ന പരമ്പരയുടെ ഭാഗം
Emblem-favorites.svg
ചരിത്രത്തിൽ
Courtly love
Greek love
Religious love
Types of emotion
Erotic love
Platonic love
Familial love
Puppy love
Romantic love
See also
Unrequited love
Problem of love
Sexuality
ലൈംഗിക ബന്ധം
Valentine's Day
Wiktionary-logo-ml.svg
sexual intercourse എന്ന വാക്കിനർത്ഥം മലയാളം വിക്കി നിഘണ്ടുവിൽ കാണുക


"https://ml.wikipedia.org/w/index.php?title=ലൈംഗികബന്ധം&oldid=2807367" എന്ന താളിൽനിന്നു ശേഖരിച്ചത്