ജനന നിയന്ത്രണം

വിക്കിപീഡിയ, ഒരു സ്വതന്ത്ര വിജ്ഞാനകോശം.
ജനന നിയന്ത്രണം
Intervention
Package of birth control pills
MeSH D003267

ഗർഭനിരോധനമെന്നും പുനരുൽപ്പാദന നിയന്ത്രണമെന്നും അറിയപ്പെടുന്ന ജനന നിയന്ത്രണം എന്നത് ഗർഭധാരണം തടയുന്നതിനായി ഉപയോഗിക്കപ്പെടുന്ന രീതികളോ ഉപകരണങ്ങളോ ആണ്.[1] ജനന നിയന്ത്രണം ആസൂത്രണം ചെയ്യുന്നതിനെയും ലഭ്യമാക്കുന്നതിനെയും ഉപയോഗിക്കുന്നതിനെയും കുടുംബാസൂത്രണം എന്ന് പറയുന്നു.[2][3] പുരാതന കാലം മുതൽക്ക് തന്നെ ജനന നിയന്ത്രണ മാർഗ്ഗങ്ങൾ ഉപയോഗിച്ച് വരുന്നുണ്ട്, എന്നാൽ ഇരുപതാം നൂറ്റാണ്ടിലാണ് കാര്യക്ഷമവും സുരക്ഷിതവുമായ രീതികൾ നിലവിൽ വന്നത്.[4] ജനന നിയന്ത്രണ രീതികളിലേക്കുള്ള പ്രാപ്യതയെ ചില സംസ്കാരങ്ങൾ പരിമിതപ്പെടുത്തുന്നു. ഈ സംസ്കാരങ്ങളുടെ വീക്ഷണത്തിൽ ജനന നിയന്ത്രണ രീതികൾ ധാർമ്മികമോ മതപരമോ രാഷ്ട്രീയപരമോ ആയി അനഭിലഷണീയങ്ങളാണ്.[4]

പുരുഷന്മാരിൽ വാസക്ടമിയും സ്ത്രീകളിൽ ട്യൂബൽ ലിഗേഷനും ചെയ്തുകൊണ്ട് നടത്തുന്ന വന്ധ്യംകരണവും ഇൻട്രായൂട്ടെറിൻ ഉപകരണങ്ങളും (IUD-കൾ) ഇംപ്ലാന്റുചെയ്യാവുന്ന ജനന നിയന്ത്രണവുമാണ് ജനന നിയന്ത്രണത്തിന്റെ ഏറ്റവും കാര്യക്ഷമമായ രീതികൾ. വായിലൂടെ കഴിക്കാവുന്ന ഗുളികകൾ, പാച്ചുകൾ, യോനിയിൽ സ്ഥാപിക്കുന്ന റിംഗുകൾ, കുത്തിവയ്പ്പുകൾ എന്നിവ ഉൾപ്പെടെ ഒരുപിടി ഹോർമോൺ അധിഷ്ഠിത രീതികളാണ് പിന്നാലെ വരുന്നത്. കോണ്ടം, ഡയഫ്രം, ജനന നിയന്ത്രണ സ്പോഞ്ചുകൾ എന്നിവ പോലുള്ള ഭൗതിക തടസ്സങ്ങളും (ഫിസിക്കൽ ബാരിയറുകൾ) പുനരുൽപ്പാദന അവബോധ രീതികളുമാണ് കാര്യക്ഷമത കുറവായ രീതികളിൽ ഉൾപ്പെടുന്നവ. തീരെ കാര്യക്ഷമത കുറഞ്ഞ രീതികളിൽ ബീജനാശിനികളും സ്ഖലനത്തിന് മുമ്പ് പുരുഷൻ ലിംഗം പിൻവലിക്കലും ഉൾപ്പെടുന്നു. ഏറ്റവും കാര്യക്ഷമതയുള്ളതാണ് വന്ധ്യംകരണമെങ്കിലും, സാധാരണഗതിയിൽ, പിന്നീടിത് പഴയപടിയാക്കാൻ കഴിയില്ല; ബാക്കിയെല്ലാ രീതികളും പഴയപടിയാക്കാവുന്നതാണ്. മിക്കവയും നിർത്തിയാൽ തന്നെ പുനരുൽപ്പാദനം പഴയപടിയാകും.[5] പുരുഷ അല്ലെങ്കിൽ സ്ത്രീ കോണ്ടം ഉപയോഗിച്ചുകൊണ്ടുള്ള സുരക്ഷിതമായ ലൈംഗികബന്ധത്തിന് ലൈംഗികജന്യ രോഗങ്ങളെ തടയാനും കഴിയും.[6][7] പരിരക്ഷയില്ലാത്ത ലൈംഗികബന്ധത്തിന് ശേഷമുള്ള, കുറച്ച് ദിവസത്തിനുള്ളിൽ അടിയന്തര ജനന നിയന്ത്രണം ഉപയോഗിക്കുകയാണെങ്കിൽ ഗർഭധാരണം തടയാൻ കഴിയും.[8] ജനന നിയന്ത്രണമായി ചിലർ പരിഗണിക്കുന്നത് ലൈംഗികബന്ധം ഒഴിവാക്കുന്നതിനാണ്. എന്നാൽ ലൈംഗിക വർജ്ജനം മാത്രം പഠിപ്പിക്കുന്ന ലൈംഗിക വിദ്യാഭ്യാസം, ജനന നിയന്ത്രണ വിദ്യാഭ്യാസം ഇല്ലാതെയാണ് നൽകുന്നതെങ്കിൽ, ശരിയായ രീതിയിൽ പിന്തുടരാത്ത പക്ഷം, കൗമാരപ്രായ ഗർഭധാരണം വർദ്ധിച്ചേക്കാം.[9][10]

കൗമാരപ്രായക്കാർക്കിടയിൽ, ഗർഭധാരണങ്ങൾക്ക് മോശം അനന്തരഫലത്തിന്റെ വലിയ തോതിലുള്ള അപകടസാധ്യതയുണ്ട്. സമഗ്രമായ ലൈംഗിക വിദ്യാഭ്യാസവും ജനന നിയന്ത്രണ മാർഗ്ഗങ്ങളിലേക്കുള്ള പ്രാപ്യതയും ഈ പ്രായ ഗ്രൂപ്പിലെ അനാവശ്യ ഗർഭധാരണങ്ങളുടെ നിരക്ക് കുറയ്ക്കും.[11][12] എല്ലാത്തരത്തിലുള്ള ജനന നിയന്ത്രണ മാർഗ്ഗങ്ങളും യുവാക്കൾക്ക് ഉപയോഗിക്കാമെങ്കിലും[13], ഇംപ്ലാന്റുകൾ, IUD-കൾ അല്ലെങ്കിൽ യോനി റിംഗുകൾ എന്നിവ പോലെയുള്ള, ദീർഘകാലം പ്രഭാവം നീണ്ടുനിൽക്കുന്നതും പുനരുൽപ്പാദന സംവിധാനം പഴയപടിയാക്കാൻ കഴിയുന്നതുമായ ജനന നിയന്ത്രണ മാർഗ്ഗങ്ങൾ ഉപയോഗിക്കുകയാണെങ്കിൽ കൗമാരപ്രായ ഗർഭധാരണ നിരക്ക് കുറയുമെന്ന സവിശേഷ പ്രയോജനവുമുണ്ട്.[12] കുഞ്ഞിനെ പ്രസവിച്ചതിന് ശേഷം, നാല് മുതൽ ആറ് ആഴ്ച എന്ന ചെറിയ കാലയളവ് കഴിഞ്ഞാൽ തന്നെ, പൂർണ്ണമായും കുഞ്ഞിന് മുല നൽകാത്ത സ്ത്രീകൾ ഗർഭം ധരിച്ചേക്കാം. ജനന നിയന്ത്രണങ്ങളിൽ ചില രീതികൾ, പ്രസവം കഴിഞ്ഞാലുടൻ ആരംഭിക്കാവുന്നതാണ്, എന്നാൽ ചിലവ ആരംഭിക്കുന്നതിന് ആറ് മാസം വരെ കാക്കേണ്ടി വരും. മുലയൂട്ടുന്ന സ്ത്രീകളിൽ, സമ്മിശ്ര ജനന നിയന്ത്രണ ഗുളികളെ അപേക്ഷിച്ച്, പ്രോജസ്റ്റിൻ മാത്രം ഉപയോഗിക്കുന്ന രീതികളാണ് അഭിലഷണീയം. ആർത്തവവിരാമം വന്ന സ്ത്രീകളുടെ കാര്യത്തിൽ, അവസാനത്തെ ആർത്തവചക്രം കഴിഞ്ഞ് ഒരു വർഷത്തേക്ക് കൂടി ജനന നിയന്ത്രണ മാർഗ്ഗങ്ങൾ തുടരണമെന്ന് ശുപാർശ ചെയ്യപ്പെടുന്നു.[13]

വികസ്വര രാജ്യങ്ങളിൽ, ഗർഭധാരണം ഒഴിവാക്കണമെന്ന് ആഗ്രഹിക്കുന്ന ഏകദേശം 222 മില്യൺ സ്ത്രീകളും ആധുനിക ജനന നിയന്ത്രണ രീതികൾ ഉപയോഗിക്കുന്നില്ല.[14][15] വികസ്വര രാജ്യങ്ങൾ ജനന നിയന്ത്രണ മാർഗ്ഗങ്ങൾ ഉപയോഗിച്ച് തുടങ്ങിയതോടെ, ഗർഭാവസ്ഥാ വേളയിലോ ഗർഭാവസ്ഥയുമായോ ബന്ധപ്പെട്ടോ സംഭവിക്കുന്ന മരണങ്ങളിൽ 40 ശതമാനം കുറവ് വന്നിട്ടുണ്ട്. ജനന നിയന്ത്രണ മാർഗ്ഗങ്ങൾക്കുള്ള പൂർണ്ണമായ ഡിമാൻഡ് നിറവേറ്റാൻ കഴിഞ്ഞാൽ 70 ശതമാനം മരണങ്ങളും തടയാം.[16][17] ഗർഭധാരണങ്ങൾക്ക് ഇടയിലുള്ള സമയം നീട്ടിക്കൊണ്ട്, ജനന നിയന്ത്രണ മാർഗ്ഗങ്ങൾക്ക്, പ്രായപൂർത്തിയായ സ്ത്രീകളുടെ പ്രസവ ഫലങ്ങളും അവരുടെ കുഞ്ഞുങ്ങളുടെ അതിജീവനവും മെച്ചപ്പെടുത്താൻ കഴിയും.[16] ജനന നിയന്ത്രണ മാർഗ്ഗങ്ങളിലേക്ക് കൂടുതൽ നല്ല പ്രാപ്യത ഉണ്ടെങ്കിൽ, വികസ്വര രാജ്യങ്ങളിലെ സ്ത്രീകളുടെ വരുമാനവും സ്വത്തും ശരീരഭാരവും കുട്ടികളുടെ സ്കൂൾ വിദ്യാഭ്യാസവും ആരോഗ്യവുമെല്ലാം മെച്ചപ്പെടും.[18] ജനന നിയന്ത്രണ മാർഗ്ഗങ്ങൾ ഉപയോഗിക്കുന്നത് സാമ്പത്തിക വളർച്ചയെ ത്വരിതപ്പെടുത്തും. കാരണം, ആശ്രിതരായ കുഞ്ഞുങ്ങളുടെ എണ്ണം കുറയും, കൂടുതൽ സ്ത്രീകൾക്ക് തൊഴിൽശക്തിയിൽ പങ്കുചേരാനാകും, ദൗർലഭ്യമുള്ള വിഭവസാമഗ്രികളുടെ ഉപയോഗം കുറയും. [18][19]

റെഫറൻസുകൾ[തിരുത്തുക]

  1. "Definition of Birth control". MedicineNet. ശേഖരിച്ചത് 9 August 2012. 
  2. Oxford English Dictionary. Oxford University Press. June 2012. 
  3. World Health Organization (WHO). "Family planning". Health topics. World Health Organization (WHO). 
  4. 4.0 4.1 Hanson, S.J.; Burke, Anne E. (21 December 2010). "Fertility control: contraception, sterilization, and abortion". എന്നതിൽ Hurt, K. Joseph; Guile, Matthew W.; Bienstock, Jessica L.; Fox, Harold E.; Wallach, Edward E. The Johns Hopkins manual of gynecology and obstetrics (4th എഡി.). Philadelphia: Wolters Kluwer Health/Lippincott Williams & Wilkins. pp. 382–395. ഐ.എസ്.ബി.എൻ. 978-1-60547-433-5. 
  5. World Health Organization Department of Reproductive Health and Research (2011). Family planning: A global handbook for providers: Evidence-based guidance developed through worldwide collaboration (Rev. and Updated എഡി.). Geneva, Switzerland: WHO and Center for Communication Programs. ഐ.എസ്.ബി.എൻ. 978-0-9788563-7-3. 
  6. Taliaferro, L. A.; Sieving, R.; Brady, S. S.; Bearinger, L. H. (2011). "We have the evidence to enhance adolescent sexual and reproductive health--do we have the will?". Adolescent medicine: state of the art reviews 22 (3): 521–543, xii. PMID 22423463. 
  7. Chin, H. B.; Sipe, T. A.; Elder, R.; Mercer, S. L.; Chattopadhyay, S. K.; Jacob, V.; Wethington, H. R.; Kirby, D. മറ്റുള്ളവർക്കൊപ്പം. (2012). "The Effectiveness of Group-Based Comprehensive Risk-Reduction and Abstinence Education Interventions to Prevent or Reduce the Risk of Adolescent Pregnancy, Human Immunodeficiency Virus, and Sexually Transmitted Infections". American Journal of Preventive Medicine 42 (3): 272–294. PMID 22341164. ഡി.ഒ.ഐ.:10.1016/j.amepre.2011.11.006. 
  8. Gizzo, S; Fanelli, T; Di Gangi, S; Saccardi, C; Patrelli, TS; Zambon, A; Omar, A; D'Antona, D മറ്റുള്ളവർക്കൊപ്പം. (October 2012). "Nowadays which emergency contraception? Comparison between past and present: latest news in terms of clinical efficacy, side effects and contraindications.". Gynecological endocrinology : the official journal of the International Society of Gynecological Endocrinology 28 (10): 758–63. PMID 22390259. ഡി.ഒ.ഐ.:10.3109/09513590.2012.662546. 
  9. DiCenso A, Guyatt G, Willan A, Griffith L (June 2002). "Interventions to reduce unintended pregnancies among adolescents: systematic review of randomised controlled trials". BMJ 324 (7351): 1426. PMC 115855. PMID 12065267. ഡി.ഒ.ഐ.:10.1136/bmj.324.7351.1426. 
  10. Duffy, K.; Lynch, D. A.; Santinelli, J. (2008). "Government Support for Abstinence-Only-Until-Marriage Education". Clinical Pharmacology & Therapeutics 84 (6): 746–748. PMID 18923389. ഡി.ഒ.ഐ.:10.1038/clpt.2008.188. 
  11. Black, A. Y.; Fleming, N. A.; Rome, E. S. (2012). "Pregnancy in adolescents". Adolescent medicine: state of the art reviews 23 (1): 123–138, xi. PMID 22764559. 
  12. 12.0 12.1 Rowan, S. P.; Someshwar, J.; Murray, P. (2012). "Contraception for primary care providers". Adolescent medicine: state of the art reviews 23 (1): 95–110, x–xi. PMID 22764557. 
  13. 13.0 13.1 World Health Organization Department of Reproductive Health and Research (2011). Family planning: A global handbook for providers: Evidence-based guidance developed through worldwide collaboration (Rev. and Updated എഡി.). Geneva, Switzerland: WHO and Center for Communication Programs. pp. 260–300. ഐ.എസ്.ബി.എൻ. 978-0-9788563-7-3. 
  14. "Costs and Benefits of Contraceptive Services: Estimates for 2012" (pdf). United Nations Population Fund. June 2012. p. 1. 
  15. Carr, B.; Gates, M. F.; Mitchell, A.; Shah, R. (2012). "Giving women the power to plan their families". The Lancet 380 (9837): 80–82. PMID 22784540. ഡി.ഒ.ഐ.:10.1016/S0140-6736(12)60905-2. 
  16. 16.0 16.1 Cleland, J; Conde-Agudelo, A; Peterson, H; Ross, J; Tsui, A (Jul 14, 2012). "Contraception and health.". Lancet 380 (9837): 149–56. PMID 22784533. ഡി.ഒ.ഐ.:10.1016/S0140-6736(12)60609-6. 
  17. Ahmed, S.; Li, Q.; Liu, L.; Tsui, A. O. (2012). "Maternal deaths averted by contraceptive use: An analysis of 172 countries". The Lancet 380 (9837): 111–125. PMID 22784531. ഡി.ഒ.ഐ.:10.1016/S0140-6736(12)60478-4. 
  18. 18.0 18.1 Canning, D.; Schultz, T. P. (2012). "The economic consequences of reproductive health and family planning". The Lancet 380 (9837): 165–171. PMID 22784535. ഡി.ഒ.ഐ.:10.1016/S0140-6736(12)60827-7. 
  19. Van Braeckel, D.; Temmerman, M.; Roelens, K.; Degomme, O. (2012). "Slowing population growth for wellbeing and development". The Lancet 380 (9837): 84–85. PMID 22784542. ഡി.ഒ.ഐ.:10.1016/S0140-6736(12)60902-7. 
"https://ml.wikipedia.org/w/index.php?title=ജനന_നിയന്ത്രണം&oldid=2590122" എന്ന താളിൽനിന്നു ശേഖരിച്ചത്