ആർത്തവചക്രം
ആർത്തവചക്രം എന്നത് ആർത്തവവുമായി ബന്ധപെട്ടുള്ള ഹോർമോൺ ഉൽപാദനത്തിലെ സ്വാഭാവിക മാറ്റങ്ങളുടെ ഒരു പരമ്പരയാണ്. ഗർഭധാരണം സാധ്യമാക്കുന്ന സ്ത്രീ പ്രത്യുത്പാദന വ്യവസ്ഥയുടെ ഗർഭാശയത്തിന്റെയും അണ്ഡാശയത്തിന്റെയും ധർമ്മങ്ങൾ ഇതുമായി ബന്ധപെട്ടു കിടക്കുന്നു. അണ്ഡാശയ ചക്രം ഈസ്ട്രജൻ, പ്രോജസ്റ്ററോൺ എന്നി രണ്ട് ഹോർമോണുകളുടെ ചാക്രിക പ്രകാശനമാണ്. ഇത് അണ്ഡത്തിന്റെ ഉൽപാദനത്തെയും പ്രകാശനത്തെയും നിയന്ത്രിക്കുന്നു, ഗർഭാശയ ചക്രം ഭ്രൂണം സ്വീകരിക്കുന്നതിന് ഗർഭപാത്രത്തിന്റെ (ഗർഭപാത്രത്തിന്റെ) പാളി തയ്യാറാക്കലും പരിപാലിക്കലും നിയന്ത്രിക്കുന്നു. ഈ ചക്രങ്ങൾ സമാന്തരവും ഏകോപിതവുമാണ്, സാധാരണയായി 21 മുതൽ 35 ദിവസം വരെ നീണ്ടുനിൽക്കും, ശരാശരി ദൈർഘ്യം 28 ദിവസമാണ്, ഏകദേശം 30-45 വർഷം വരെ തുടരും.
ആർത്തവ രക്തസ്രാവം കണ്ടുതുടങ്ങുന്ന ദിവസം മുതൽ അടുത്ത തവണ വീണ്ടും രക്തസ്രാവം കണ്ടുതുടങ്ങുന്നതു വരെയുള്ള സമയമാണ് ഒരു ആർത്തവചക്രം എന്നു പറയുന്നത്.
28 ദിവസമുള്ള ആർത്തവചക്രമാണ് മിക്ക സ്ത്രീകൾക്കുമുള്ളത്. ആർത്തവത്തിന് ശേഷമുള്ള ആദ്യത്തെ കുറച്ചു ദിവസങ്ങൾ യോനി പൊതുവേ വരണ്ടു കാണപ്പെടാറുണ്ട്. ഇതിനെ ‘ഡ്രൈ ഡേയ്സ് അഥവാ വരണ്ട ദിവസങ്ങൾ’ എന്നറിയപ്പെടുന്നു. ഇക്കാരണത്താൽ യോനീ വരൾച്ച സ്വാഭാവികമാണ്. ഈ സമയത്ത് ലൈംഗികബന്ധത്തിൽ ഏർപ്പെടുക ആണെങ്കിൽ ബുദ്ധിമുട്ട് ഒഴിവാക്കാൻ ചിലപ്പോൾ കേവൈ ജെല്ലി പോലെയുള്ള ഒരു ലൂബ്രിക്കന്റ് ജെല്ലി ഉപയോഗിക്കേണ്ടതായി വന്നേക്കാം. 28 ദിവസങ്ങളുള്ള ആർത്തവചക്രത്തിൽ 14-മതു ദിവസമാണ് അണ്ഡവിസർജനം അഥവ അണ്ഡോത്സർഗം (ഓവുലേഷൻ) നടക്കുന്നത്. ചെറിയ വ്യത്യാസങ്ങൾ വന്നാലും 12 - 16 ദിവസങ്ങൾക്കിടയിൽ അണ്ഡവിസർജനം നടന്നിരിക്കും. ഈ സമയത്ത് ഒരണ്ഡം പൂർണ്ണ വളർച്ചയെത്തുന്നു. ഈ സമയത്ത് സുരക്ഷാ മാർഗങ്ങൾ സ്വീകരിക്കാതെ ലൈംഗികബന്ധം നടന്നാൽ ഗർഭധാരണം നടക്കാനുള്ള സാധ്യത കൂടുതലാണ്.
ഗർഭാശയമുഖം തൊട്ടുനോക്കിയാൽ മൃദുവായതായി തോന്നുന്നതാണ് അണ്ഡവിസർജനം നടന്നതിന്റെ ഒരു സൂചന. ഇവിടെ കാണപ്പെടുന്ന മുട്ടയുടെ വെള്ള പോലെയുള്ള സ്രവം കൂടുതൽ നേർത്തു കാണപ്പെടുകയും ചെയ്യും. അണ്ഡവിസർജന സമയത്ത് ശരീര താപനിലയിൽ നേരിയ ഉയർച്ചയും കാണാം. തുടർന്നുള്ള ദിവസങ്ങളിൽ ആർത്തവം ഉണ്ടാകാറുണ്ട്.