ഈസ്ട്രജൻ
| ഈസ്ട്രജൻ | |
|---|---|
| Drug class | |
 Estradiol, the major estrogen sex hormone in humans and a widely used medication. | |
| Class identifiers | |
| Use | Contraception, menopause, hypogonadism, transgender women, prostate cancer, breast cancer, others |
| ATC code | G03C |
| Biological target | Estrogen receptors (ERα, ERβ, mERs (e.g., GPER, others)) |
| External links | |
| MeSH | D004967 |
മനുഷ്യനടക്കമുള്ള സസ്തനികളിൽ സ്ത്രൈണ സവിശേഷതകൾ പ്രകടിതമാക്കുകയും, പല സ്ത്രൈണ ശരീരധർമ്മങ്ങൾ നിർവ്വഹിക്കുന്നതിൽ പ്രധാന പങ്ക് വഹിക്കുകയും ചെയ്യുന്ന, സ്ത്രീകളുടെ പ്രത്യുത്പാദന വ്യവസ്ഥയുടെയും ദ്വിതീയ ലൈംഗിക സ്വഭാവങ്ങളുടെയും വികാസത്തിനും നിയന്ത്രണത്തിനും ഉത്തരവാദികളായ ലൈംഗിക ഹോർമോണുകളുടെ ഒരു വിഭാഗമാണ് ഈസ്ട്രജൻ അല്ലെങ്കിൽ ഈസ്ട്രജൻ . [1] [2]ഇംഗ്ലീഷ്: (estrogen, Oestrogen). ഇതിനെ 'സ്ത്രീ ലൈംഗിക ഹോർമോൺ' എന്ന് വിശേഷിപ്പിക്കാറുണ്ട്. പ്രോലാക്ടിൻ, പ്രൊജസ്റ്റിറോൺ എന്നിവയും സ്ത്രൈണ്ണ അന്ത:സ്രവങ്ങളാണ്.
കൗമാരപ്രായം മുതൽ ആർത്തവവിരാമം(മേനോപോസ്) വരെ ഈസ്ട്രജൻ സ്ത്രീകളിൽ ധാരാളമായി ഉത്പാദിപ്പിക്കപ്പെടുന്നു. അതായത് ഏകദേശം പത്തു വയസ് മുതൽ 45-55 വയസുവരെയുള്ള കാലയളവിലാണ് ഈ ഹോർമോണിന്റെ ഉത്പാദനം സ്ത്രീകളിൽ ഉയർന്ന് കാണുന്നത്. ആർത്തവ വിരാമത്തിന് ശേഷം ചില ബുദ്ധിമുട്ടുകളും ആരോഗ്യപ്രശ്നങ്ങളും അനുഭവപ്പെടുന്നത് ഈസ്ട്രജൻ ഉത്പാദനം പൊടുന്നനെ കുറയുന്നത് കൊണ്ടാണ്.
എല്ലാ കശേരുക്കൾ ഉള്ള ജീവികളിലും [3] ചില പ്രാണികളിലും ഈസ്ട്രജൻ ഉണ്ടാവുന്നുണ്ട്. [4] കശേരുക്കളിലും പ്രാണികളിലും അവയുടെ സാന്നിധ്യം ഈസ്ട്രജനിക് ലൈംഗിക ഹോർമോണുകൾക്ക് പുരാതന പരിണാമ ചരിത്രമുണ്ടെന്ന് സൂചിപ്പിക്കുന്നു. അളവനുസരിച്ച്, ഈസ്ട്രജൻ പുരുഷന്മാരിലും സ്ത്രീകളിലും ആൻഡ്രോജനുകളേക്കാൾ താഴ്ന്ന നിലയിലാണ് ഉണ്ടാവുന്നത്. [5] സ്ത്രീകളേക്കാൾ പുരുഷന്മാരിൽ ഈസ്ട്രജന്റെ അളവ് വളരെ കുറവാണെങ്കിലും, പുരുഷന്മാരിൽ ഈസ്ട്രജൻ പ്രധാന ശരീശാസ്ത്രപരമായ ജോലികൾ നിർവഹിക്കുന്നു. [6]
കൃതൃമമായി നിർമ്മിക്കാവുന്ന ഈ ഹോർമോണിനു ചികിൽസാമൂല്യവും, സൗന്ദര്യവർദ്ധക (cosmetic) പ്രാധാന്യവുമുണ്ട്. ഈസ്ട്രജൻ ഉല്പന്നങ്ങളുടെ ദുരുപയോഗ സാധ്യതയും ആരോഗ്യഹാനി സാധ്യതകളും പഠിക്കപ്പെട്ടിട്ടുണ്ട്. സോയാബീൻ, ശതാവരി, ചണവിത്ത്, മാതളപ്പഴം, ചേമ്പ്, കാച്ചിൽ, ബദാം, എള്ളു, ക്യാരറ്റ്, ബീൻസ് തുങ്ങിയവ സസ്യജന്യ ഈസ്ട്രജൻ (Phyto estrogen) ഹോർമോണിന്റെ ഉറവിടങ്ങളാണ്. [7] [8]
ഈസ്ട്രജന്റെ ധർമ്മം[തിരുത്തുക]
അണ്ഡാശയത്തിലാണ് ഈസ്ട്രജൻ പ്രധാനമായും ഉല്പാദിപ്പിക്കപ്പെടുന്നത്. കൊഴുപ്പ് കോശങ്ങളും, അഡ്രിനൽ ഗ്രന്ഥിയും ഈസ്ട്രജൻ ഉൽപ്പാദിപ്പിക്കുന്നു.
പെൺശരീരങ്ങളിൽ കാണുന്ന സ്ത്രൈണ ലക്ഷണങ്ങൾ (secondary sexual characterstics) രൂപപ്പെടുത്തുന്നതാണ് ഈസ്ട്രജന്റെ അടിസ്ഥാന ധർമ്മം. ഇവയിൽ പ്രധാനം താഴെ പറയുന്നവയാണ്.
- ആർത്തവം, അണ്ഡോൽപ്പാദനം എന്നിവ ഉണ്ടാകുന്നു.
- സ്തനങ്ങളുടെ വളർച്ച ത്വരിതപ്പെടുത്തുന്നു.
- ശരീരത്തിലെ രോമവളർച്ച. പ്രത്യേകിച്ച് കക്ഷത്തും, ജനനേന്ദ്രിയ ഭാഗത്തും.
- തുടകളിലെ പേശിവളർച്ച
- ഇടുപ്പ് ഭാഗത്ത് വീതികൂടൽ, ഭാവിയിൽ പ്രസവത്തിനു വഴിയൊരുക്കലാണ് ഈ വികാസം.
- ആണുങ്ങളെക്കാൽ കനം കുറഞ്ഞ കൈകാലുകൾ
- കൂടുതൽ വൃത്താകൃതമാകുന്ന മുഖലക്ഷണം
- അരഭാഗം ഇടുങ്ങുന്നു
- ശരീര കൊഴുപ്പ് വിതരണം മാറ്റിമറയ്ക്കപ്പെടുന്നു. കൂടുതൽ കൊഴുപ്പ് പൃഷ്ഠ ഭാഗത്തും, തുടകളിലും, ഇടുപ്പിലും വിന്യസിക്കപ്പെടുന്നു.
- ഗർഭപാത്രത്തിന്റെ പ്രവർത്തനത്തിന് സഹായിക്കുന്നു.
- ചർമത്തിനും തലമുടിയ്ക്കും മിനുസവും തിളക്കവും നൽകുന്നു. ചർമത്തിന്റെ വരൾച്ച തടയുന്നു.
- നല്ല മാനസികാവസ്ഥയ്ക്കും ഓർമ ശക്തിക്കും അസ്ഥികളുടെ ബലത്തിനും സഹായിക്കുന്നു.
- ഹൃദയാരോഗ്യം സംരക്ഷിക്കുന്നു. ഹൃദ്രോഗങ്ങൾക്കുള്ള സാധ്യത കുറയ്ക്കുന്നു.
- യോനിയുടെ ആരോഗ്യം സംരക്ഷിക്കുന്നു. യോനിഭാഗത്തെ ഇലാസ്തികത, യോനി ചർമത്തിന്റെ കട്ടി, പിഎച്ച് എന്നിവ നിലനിർത്തുന്നു. അതുവഴി യോനിയിലെ അണുബാധ ഒരു പരിധിവരെ തടയുന്നു.
- യോനിയിൽ ഈർപ്പവും വഴുവഴുപ്പും നൽകുന്ന ബർത്തോളിൻ നീർ ഗ്രന്ഥികളുടെ പ്രവർത്തനം ത്വരിതപ്പെടുത്തുന്നു. യോനിവരൾച്ച കുറയ്ക്കുന്നു. അതുവഴി ലൈംഗികബന്ധം വേദനരഹിതവും സുഗമവും സുഖകരവുമാക്കുന്നു.
- സ്ത്രീ ലൈംഗികത, രതിമൂർച്ഛ എന്നിവയിലും പ്രധാന പങ്കുവഹിക്കുന്നു.
അവലംബം[തിരുത്തുക]
- ↑ Huether SE, McCance KL (2019). Understanding Pathophysiology. Elsevier Health Sciences. പുറം. 767. ISBN 978-0-32-367281-8.
Estrogen is a generic term for any of three similar hormones derived from cholesterol: estradiol, estrone, and estriol.
- ↑ Satoskar RS, Rege N, Bhandarkar SD (2017). Pharmacology and Pharmacotherapeutics. Elsevier Health Sciences. പുറം. 943. ISBN 978-8-13-124941-3.
The natural estrogens are steroids. However, typical estrogenic activity is also shown by chemicals which are not steroids. Hence, the term 'estrogen' is used as a generic term to describe all the compounds having estrogenic activity.
- ↑ "Biochemistry of aromatase: significance to female reproductive physiology". Cancer Research. 42 (8 Suppl): 3342s–3344s. August 1982. PMID 7083198.
- ↑ "Estrogens in insects". Cellular and Molecular Life Sciences. 40 (9): 942–944. September 2005. doi:10.1007/BF01946450.
- ↑ "Androgen production in women". Fertility and Sterility. 77 (Suppl 4): S3–S5. April 2002. doi:10.1016/S0015-0282(02)02985-0. PMID 12007895.
- ↑ "Estrogens and health in males". Molecular and Cellular Endocrinology. 178 (1–2): 51–55. June 2001. doi:10.1016/S0303-7207(01)00420-8. PMID 11403894.
- ↑ Ryan KJ (August 1982). "Biochemistry of aromatase: significance to female reproductive physiology". Cancer Research. 42 (8 Suppl): 3342s–3344s. PMID 7083198.
- ↑ Mechoulam R, Brueggemeier RW, Denlinger DL (September 2005). "Estrogens in insects". Cellular and Molecular Life Sciences. 40 (9): 942–944. doi:10.1007/BF01946450. S2CID 31950471.
- ↑ Häggström, Mikael (2014). "Reference ranges for estradiol, progesterone, luteinizing hormone and follicle-stimulating hormone during the menstrual cycle". WikiJournal of Medicine. 1 (1). doi:10.15347/wjm/2014.001. ISSN 2002-4436.