ഗർഭനിരോധന ഉറ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Condom എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ഗർഭനിരോധന ഉറ
Kondom.jpg
A rolled-up condom
Background
Birth control typeBarrier
First useAncient
Rubber: 1855
Latex: 1920
Polyurethane: 1994
Polyisoprene: 2008
Pregnancy rates (first year, latex)
Perfect use2%
Typical use10–18%
Usage
User remindersLatex condoms damaged by oil-based lubricants
Advantages and disadvantages
STD protectionYes
BenefitsNo medications or clinic visits required

ലൈംഗികബന്ധത്തിലേർപ്പെടുമ്പോൾ ഗർഭധാരണത്തെ പ്രതിരോധിക്കാനോ എയ്ഡ്‌സ് തുടങ്ങിയ സുരക്ഷിതമല്ലാത്ത ലൈംഗികബന്ധത്തിലൂടെ പകരുന്ന രോഗാണുക്കളെ ചെറുക്കുന്നതിന് വേണ്ടിയോ ഉപയോഗിക്കാവുന്ന ഒരു മികച്ച പ്രതിരോധ സംവിധാനമാണ് ഗർഭനിരോധന ഉറ അഥവാ നിരോധ് ഇംഗ്ലീഷ്: Condom (കോണ്ടം).

File:Condom ancienne égypte.jpg

സ്ത്രീക്കും പുരുഷനും ഉപയോഗിക്കാവുന്ന ഉറകൾ ഇന്ന് ലഭ്യമാണ്. ലൈംഗിക ബന്ധത്തിന്റെ സമയത്തുണ്ടാകുന്ന ശുക്ലവും മറ്റു സ്രവങ്ങളും പങ്കാളിയുടെയുള്ളിൽ പ്രവേശിക്കുന്നത് തടയാനായി ഉദ്ധരിച്ചു നിൽക്കുന്ന ലിംഗത്തിൽ ഒരു സുരക്ഷാ കവചം പോലെ ഉറ ധരിക്കുന്നു. സ്ത്രീകൾക്കുള്ള ഉറകളാകട്ടെ യോനീ നാളത്തിലേക്ക് തിരുകി വയ്ക്കാവുന്ന രീതിയിൽ ഉള്ളതാണ്. അതുവഴി ശുക്ലത്തിലെ മാത്രമല്ല, സ്ഖലനത്തിന് മുന്നോടിയായി പുരുഷൻ സ്രവിക്കുന്ന ലൂബ്രിക്കന്റ് ദ്രാവകത്തിലെ (Precum) ബീജങ്ങളും യോനിയിൽ എത്താതിരിക്കുന്നു. ഒരു കോണ്ടം ഒരു തവണത്തെ ഉപയോഗത്തിന് വേണ്ടി മാത്രമുള്ളതാണ്. [1]

സാധാരണയായി റബ്ബർ ഉത്പന്നമായ ലാറ്റക്സ് (Latex) കൊണ്ടാണ് ഉറകൾ നിർമ്മിക്കാറുള്ളത്. ലാറ്റക്സ് ഉറകളോട് അലർജി ഉള്ളവർക്ക് പോളിയൂറിത്തീൻ (Polyurethane), പോളിഐസോപ്രീൻ (Polyisoprene), ഹൈഡ്രോജെൽ (Hydrogel) തുടങ്ങിയ മറ്റ് വസ്തുക്കൾ കൊണ്ട് നിർമിച്ച ഉറകൾ ലഭ്യമാണ്. എണ്ണ അടങ്ങിയ കൃത്രിമ ലൂബ്രിക്കന്റുകളുടെ (Oil based lubricants) കൂടെ ഉപയോഗിച്ചാൽ ലാറ്റക്സ് നിർമിത കോണ്ടം പൊട്ടിപ്പോകാൻ സാധ്യതയുണ്ട്. ജലാംശമുള്ളതൊ/ സിലിക്കൺ അടിസ്ഥാനമാക്കിയതോവായ ലൂബ്രിക്കന്റുകൾക്ക് (Water based Lubricants) ഈ ദോഷമില്ല.

പല തരത്തിൽ ഉള്ള ഉറകൾ ഇന്ന് മാർക്കറ്റിൽ ലഭ്യമാണ്. നേർത്തതും (Thin), കട്ടിയുള്ളതും (Thick), ഡോട്ടുകൾ നിറഞ്ഞതും (Dotted), പല ഫ്ലേവറുകളോട് കൂടിയതും (Flavoured), പുരുഷന്മാർക്ക് കൂടുതൽ സമയം ലഭിക്കുന്നതും (Long lasting), ബീജത്തെയും രോഗാണുക്കളെയും ചെറുക്കുന്ന ലൂബ്രിക്കന്റ് അടങ്ങിയതുമെല്ലാം അവയിൽ ചിലതാണ്.

ഏറ്റവും ലളിതമായ ഒരു കുടുംബാസൂത്രണ മാർഗ്ഗമാണ് ഗർഭനിരോധന ഉറ. ശരിയായ രീതിയിൽ ഉപയോഗിച്ചാൽ മികച്ച ഫലം തരുന്ന ഒന്നാണിത്. ഉറ കൈകാര്യം ചെയ്യുമ്പോൾ അവ പൊട്ടാതിരിക്കാൻ പ്രത്യേകം ശ്രദ്ധിക്കേണ്ടതുണ്ട്. ഒരേസമയം ഒന്നിലധികം ഉറകൾ ഉപയോഗിച്ചാലും അല്ലെങ്കിൽ സ്ത്രീപുരുഷന്മാർ രണ്ടുപേരും ഉറയുപയോഗിച്ചു കൊണ്ട് ബന്ധപ്പെട്ടാലും ഘർഷണം കൊണ്ട് അവ പൊട്ടിപ്പോകാൻ സാധ്യതയുണ്ട്. അതിനാൽ പങ്കാളികളിൽ ഒരാൾ മാത്രം ഉറ ഉപയോഗിക്കുന്നതാണ് അഭികാമ്യം. ആരോഗ്യകരവും സുരക്ഷിതവുമായ ലൈംഗികബന്ധം (Safe sex) ഉറപ്പ് വരുത്തുക എന്നതാണ് ഉറ ഉപയോഗത്തിന്റെ ലക്ഷ്യം. ഉറയുടെ കണ്ടുപിടത്തത്തോട് കൂടി ആഗ്രഹിക്കാത്ത ഗർഭധാരണവും സുരക്ഷിതമല്ലാത്ത ലൈംഗികബന്ധത്തിലൂടെ പകരുന്ന രോഗങ്ങളായ (STDs) HIV/ എയ്ഡ്സ്, HPV/ ഗർഭാശയമുഖ കാൻസർ, ഹെർപ്പിസ്, ഗൊണേറിയ, സിഫിലിസ്, പെൽവിക്ക് ഇൻഫെക്ഷൻ, ചിലതരം ഹെപ്പറ്റെറ്റിസ് എന്നിവ ഒരുപരിധിവരെ നിയന്ത്രിക്കപ്പെട്ടു.

അവലംബങ്ങൾ[തിരുത്തുക]

  1. "ലളിതം, സുരക്ഷിതം ഉറകൾ" (പത്രലേഖനം). മലയാളമനോരമ. ആഗസ്റ്റ് 14, 2014. Archived from the original on 20140814055107. Retrieved ആഗസ്റ്റ് 14, 2014. Check date values in: |accessdate=, |date=, |archivedate= (help)
"https://ml.wikipedia.org/w/index.php?title=ഗർഭനിരോധന_ഉറ&oldid=3130681" എന്ന താളിൽനിന്ന് ശേഖരിച്ചത്