കോണ്ടം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(ഗർഭനിരോധന ഉറ എന്ന താളിൽ നിന്നും തിരിച്ചുവിട്ടതു പ്രകാരം)
കോണ്ടം
Kondom.jpg
A rolled-up condom
Background
Birth control typeBarrier
First useAncient
Rubber: 1855
Latex: 1920
Polyurethane: 1994
Polyisoprene: 2008
Pregnancy rates (first year, latex)
Perfect use2%
Typical use10–18%
Usage
User remindersLatex condoms damaged by oil-based lubricants
Advantages and disadvantages
STD protectionYes
BenefitsNo medications or clinic visits required

ലൈംഗികബന്ധത്തിലേർപ്പെടുമ്പോൾ പുരുഷ ലിംഗത്തിൽ നിന്നും പുറംതള്ളുന്ന ബീജത്തെ യോനിയിലേക്ക് കടക്കുന്നത് തടഞ്ഞുകൊണ്ട് ബീജത്തെ ശേഖരിച്ചു വെക്കുന്ന ഒരു സുരക്ഷിതമായ മാർഗമാണ് ഗർഭനിരോധന ഉറ അഥവാ കോണ്ടം. എയ്ഡ്‌സ് തുടങ്ങിയ സുരക്ഷിതമല്ലാത്ത ലൈംഗികബന്ധത്തിലൂടെ പകരുന്ന രോഗങ്ങളെ (STDs) തടയുന്നതിന് വേണ്ടി ഉപയോഗിക്കാവുന്ന ഒരു ലളിതമായ മാർഗം കൂടിയാണ് ഗർഭനിരോധന ഉറ (Condom). അതായത് ഗർഭനിരോധനം, ലൈംഗികബന്ധത്തിലൂടെ പകരുന്ന രോഗങ്ങളെ തടയുക, ലൈംഗിക ആനന്ദം വർധിപ്പിക്കുക എന്നിവയാണ് ഉറയുടെ പ്രധാന ലക്ഷ്യങ്ങൾ. ലോകാരോഗ്യ സംഘടന ആരോഗ്യത്തിന്റെയും സുരക്ഷിതത്വത്തിന്റെയും മാർഗമായി ഉറ ഉപയോഗത്തെ വിലയിരുത്തുന്നു. 1960 കളിൽ ഇന്ത്യയിൽ കുടുംബാസൂത്രണ പദ്ധതി ആവിഷ്കരിച്ചപ്പോൾ നിരോധ് എന്ന പേരിൽ ഇവ സർക്കാർ ആശുപത്രികൾ വഴി സൗജന്യമായി ലഭ്യമാക്കി വരുന്നു. 'ഉറ നല്ലതിന്' എന്ന സന്ദേശം ഇന്ന് ആരോഗ്യവകുപ്പ് പ്രചരിപ്പിച്ചു വരുന്നത് സുരക്ഷാ നടപടിയുടെ ഭാഗമാണ്. ബോധവൽക്കരണം ലക്ഷ്യമിട്ടു ഫെബ്രുവരി 13 ലോക ഗർഭനിരോധന ഉറ ദിനമായി പല രാജ്യങ്ങളിലും ആചരിച്ചു വരുന്നു[1].

Condom on penis

ഉറ ഉപയോഗിക്കുന്ന രീതി[തിരുത്തുക]

സ്ത്രീക്കും പുരുഷനും ഒരുപോലെ ഉപയോഗിക്കാവുന്ന ഉറകൾ (ഉദാ:യൂണിസെക്സ്) ഇന്ന് ലഭ്യമാണ്. ശുക്ലവും മറ്റു സ്രവങ്ങളും പങ്കാളിയുടെയുള്ളിൽ പ്രവേശിക്കുന്നത് തടയാനായി പുരുഷന്മാർ ഉദ്ധരിച്ച ലിംഗത്തിൽ ഒരു കവചം പോലെ ഉറ ധരിക്കുന്നു. സ്ത്രീകൾക്കുള്ള ഉറകളാകട്ടെ യോനിയിലേക്ക് തിരുകി വയ്ക്കാവുന്ന രീതിയിൽ ഉള്ളതാണ്. ഇതുവഴി ശുക്ലത്തിലെ മാത്രമല്ല, ഉത്തേജനമുണ്ടാകുമ്പോൾ പുരുഷൻ സ്രവിക്കുന്ന ദ്രാവകത്തിലെ (Precum) ബീജങ്ങളും, രോഗാണുക്കളും പങ്കാളിയുടെ ശരീരത്തിൽ എത്താതിരിക്കുന്നു. ഒരു കോണ്ടം ഒരു തവണത്തെ ഉപയോഗത്തിന് വേണ്ടി മാത്രമുള്ളതാണ്.[2]

വിവിധ തരത്തിലുള്ള ഉറകൾ[തിരുത്തുക]

സാധാരണയായി റബ്ബർ ഉത്പന്നമായ ലാറ്റക്സ് കൊണ്ടാണ് ഉറകൾ നിർമ്മിക്കാറുള്ളത്. ലാറ്റക്സ് അലർജി ഉള്ളവർക്ക് പോളിയൂറിത്തീൻ (Polyurethane), പോളിഐസോപ്രീൻ, ഹൈഡ്രോജെൽ തുടങ്ങിയവ കൊണ്ട് നിർമിച്ച ഉറകൾ ലഭ്യമാണ്. എണ്ണ അടങ്ങിയ കൃത്രിമ ലൂബ്രിക്കന്റുകളുടെ കൂടെ ഉപയോഗിച്ചാൽ ലാറ്റക്സ് കോണ്ടം പൊട്ടിപ്പോകാൻ സാധ്യതയുണ്ട്. എന്നാൽ ജലാംശമുള്ളതൊ/ സിലിക്കൺ അടിസ്ഥാനമാക്കിയ ലൂബ്രിക്കന്റുകൾക്ക് (Water based Lubricants) ഈ ദോഷമില്ല.

പല തരത്തിൽ ഉള്ള ഉറകൾ ഇന്ന് ലഭ്യമാണ്. നേർത്തതും, കട്ടിയുള്ളതും, ഡോട്ടുകൾ നിറഞ്ഞതും; ബീജത്തെയും രോഗാണുക്കളെയും ചെറുക്കുന്നതും ലൂബ്രിക്കന്റ് അടങ്ങിയതുമെല്ലാം അവയിൽ ചിലതാണ്. യോനിവരൾച്ച ഉള്ളവർക്ക് സ്നേഹകങ്ങൾ അടങ്ങിയ ഉറകൾ അനുയോജ്യമാണ്. വാനിലാ, ചോക്ലേറ്റ്, ബനാനാ തുടങ്ങിയ പല ഭക്ഷ്യസാധനങ്ങളുടെ രുചിയും മണവുമുള്ള ഉറകൾ വദനസുരതം ഇഷ്ടപ്പെടുന്നവരെ ഉദ്ദേശിച്ചുള്ളതാണ്. തീരെ നേർത്ത ഉറകൾ (ഉദാ: എക്സ്ട്രാതിൻ, സ്കിൻ ഫിറ്റ്‌) ലൈംഗിക അനുഭൂതി ഒട്ടും കുറക്കുന്നില്ല. അതിനാൽ ഉപഭോക്താക്കൾക്കിടയിൽ ഇവക്ക് സ്വീകാര്യത കൂടുതലാണ് എന്ന് കമ്പനികൾ അവകാശപ്പെടുന്നു. ശീഘ്രസ്കലനം ഉള്ള പുരുഷന്മാർക്ക് കൂടുതൽ സമയം ലഭിക്കുന്നതിന് വേണ്ടി ഉപയോഗിക്കാവുന്ന ഉറകളും ഇന്ന് ലഭ്യമാണ്. ഇവയിൽ അടങ്ങിയ പ്രത്യേകതരം ലൂബ്രിക്കന്റ് ആണ്‌ ഈ പ്രവർത്തനത്തിന് കാരണം. സ്ത്രീക്ക് രതിമൂർച്ഛ ലഭ്യമാക്കാൻ കുത്തുകൾ (ഡോട്ടഡ്), തടിപ്പുകൾ (ribbed) എന്നിവ ഉള്ള ഉറകൾ സഹായിക്കുന്നു. അതിനാൽ ലൈംഗിക ആസ്വാദനം മെച്ചപ്പെടുത്താനും ഇവ ഉപയോഗിക്കുന്നു. ഇവ പലതും ചേർന്നു വരുന്ന രീതിയിൽ ഉള്ള ഉറകളും ധാരാളം. ഇത് ഒരേസമയം പുരുഷന് സമയദൈര്ഖ്യം നൽകുകയും സ്ത്രീക്ക് രതിമൂർച്ഛ ലഭ്യമാക്കാൻ സഹായിക്കുകയും ചെയ്യുന്നു. മ്യുച്ചൽ ക്ലൈമാക്സ്‌ തുടങ്ങിയ പേരിൽ ലഭിക്കുന്ന ഉറകൾ ഇതിന് ഉദാഹരണമാണ്[3].

വിവിധ ബ്രാന്ഡുകൾ[തിരുത്തുക]

മൂഡ്‌സ്, മാൻഫോഴ്സ്, സ്കോർ, കോഹിനൂർ, കെഎസ് തുടങ്ങിയ വിവിധ ബ്രാൻഡുകളിൽ ഇവ വിപണിയിൽ ലഭ്യമാണ്[4].

ഉറ ഉപയോഗത്തിന്റെ ലക്ഷ്യം[തിരുത്തുക]

ഏറ്റവും ലളിതമായ ഒരു കുടുംബാസൂത്രണ മാർഗ്ഗമാണ് ഉറ. ഉറയുടെ കണ്ടുപിടത്തത്തോട് കൂടി ആഗ്രഹിക്കാത്ത ഗർഭധാരണവും സുരക്ഷിതമല്ലാത്ത ലൈംഗികബന്ധത്തിലൂടെ പകരുന്ന രോഗങ്ങളായ HIV/എയ്ഡ്സ്, HPV അണുബാധ, ഹെർപ്പിസ്, ഗൊണേറിയ, സിഫിലിസ്, പെൽവിക്ക് ഇൻഫെക്ഷൻ, ചിലതരം ഹെപ്പറ്റെറ്റിസ് എന്നിവ വലിയൊരു പരിധിവരെ നിയന്ത്രിക്കപ്പെട്ടു. ആരോഗ്യവും സുരക്ഷയും ഉറപ്പ് വരുത്തുക എന്നതാണ് ഉറ ഉപയോഗത്തിന്റെ പ്രധാനലക്ഷ്യം[5].

ഉറയുടെ ലഭ്യത[തിരുത്തുക]

ഫാർമസികൾ, സാധാരണ കടകൾ, സൂപ്പർമാർക്കറ്റുകൾ മുതൽ ഓൺലൈനായി വരെ കോണ്ടം വാങ്ങാൻ സാധിക്കും. സർക്കാർ ആശുപത്രികൾ വഴി ഇവ സൗജന്യമായി ലഭ്യമാണ്. സർക്കാർ ആരോഗ്യ കേന്ദ്രങ്ങളിലെ ഹെൽത്ത്‌ ഇൻസ്‌പെക്ടർമാർ, പബ്ലിക് ഹെൽത്ത് നഴ്സുമാർ, ഫാർമസിസ്റ്റുകൾ, ആശ പ്രവർത്തകർ, എയ്ഡ്‌സ് കണ്ട്രോൾ സൊസൈറ്റി ഉദ്യോഗസ്ഥർ തുടങ്ങിയവർ വഴി എല്ലാവർക്കും നിരോധ് സൗജന്യമായി ലഭ്യമാണ്. ഉറകൾ വിൽക്കുന്നതിനോ വാങ്ങുന്നതിനോ സൂക്ഷിക്കുന്നതിനോ പ്രത്യേക ലൈസൻസ് ആവശ്യമില്ല. പല ആളുകളും ലജ്ജ കൊണ്ടോ, അജ്ഞത കാരണമോ, മതപരമായ വിലക്കുകൾ തുടങ്ങിയ വിവിധ കാരണങ്ങൾ കൊണ്ട് ഇവ വാങ്ങാനോ ഉപയോഗിക്കാനോ മടിക്കാറുണ്ട്. ഇതെപ്പറ്റിയുള്ള ശരിയായ വിവരങ്ങൾ ആരോഗ്യപ്രവർത്തകരോട് ചോദിച്ചു മനസിലാക്കാവുന്നതാണ്[6].

ഉറയുടെ ചരിത്രം[തിരുത്തുക]

ചിരപുരാതന കാലം മുതലേ ലൈംഗിക ബന്ധത്തിലേർപ്പെടുന്ന സമയത്ത് ഏതെങ്കിലും വിധത്തിൽ ഒരു തടയോ ആവരണമോ ഉണ്ടാക്കിയെടുത്താൽ ഗർഭനിരോധനത്തിന് പുറമേ ലൈംഗിക രോഗങ്ങളെ തടയുകയും സാധ്യമാണ് എന്ന് മനുഷ്യർ മനസ്സിലാക്കിയിരുന്നു.

BC 11000 കാലത്തേതെന്ന് കരുതപ്പെടുന്ന, ഫ്രാൻസിലെ ഒരു ഗുഹയിലെ ചുവരിൽ ആലേഖനം ചെയ്യപ്പെട്ട ഒരു മൈഥുന ചിത്രത്തിൽ ആണിന്റെ ലിംഗത്തിൽ ഗർഭനിരോധന ഉപാധി എന്ന പോലെ തോന്നുന്ന ഒരു സംഗതി കണ്ടെത്തിയിരുന്നു.

ഗ്രീക്ക് ഐതിഹ്യത്തിലെ മിനോസ് രാജാവ് (ബി.സി. 3000) "സർപ്പങ്ങളും തേളുകളും " വമിക്കുന്ന തന്റെ ശുക്ലം മൂലം കാലപുരിക്ക് യാത്രയാകുന്ന കാമിനിമാരുടെ ദുരന്തത്തിൽ മനം മടുത്ത് ആടിന്റെ മൂത്രാശയം കൊണ്ടുണ്ടാക്കിയ ഗർഭനിരോധന ഉറ ഉപയോഗിച്ചിരുന്നത്രേ!

ഗ്രീക്കുകാരും റോമാക്കാരും ലിനൻ ഉപയോഗിച്ചും ആട് തുടങ്ങിയ മൃഗങ്ങളുടെ കുടൽ, മൂത്രാശയം, എന്നിവ ഉപയോഗിച്ചും ഗർഭനിരോധന ഉറകൾ നിർമ്മിച്ചിരുന്നു. ജപ്പാൻകാർ ആമത്തോടാണ് ഇക്കാര്യത്തിനുതകുന്നതായി കണ്ടെത്തിയത്!

ആധുനിക കാലത്തേക്ക് വന്നാൽ ചാൾസ് ഗുഡ് ഇയർ 1839 ൽ റബ്ബർ വൾക്കനൈസേഷൻ കണ്ടുപിടിച്ചത് ഗർഭനിരോധന ഉറകളുടെ സുവർണ കാലത്തിന് തുടക്കം കുറിച്ചു. ഏതാനും വർഷങ്ങൾക്കുള്ളിൽ റബ്ബർ കോണ്ടം വ്യാപകമായിത്തുടങ്ങി.

നേരത്തേ റബ്ബർ കോണ്ടം നിർമ്മാണത്തിനിടെ ഗ്യാസോലിൻ, ബെൻസീൻ എന്നിവ ഉപയോഗിച്ചിരുന്നതിനാൽ നിർമ്മാണ പ്രക്രിയ തന്നെ തികച്ചും സ്ഫോടനാത്മകമായിരുന്നു!

പതിനാറാം നൂറ്റാണ്ടിൽ പടിഞ്ഞാറൻ നാടുകളിൽ സിഫിലിസ് പടർന്നു പിടിച്ചപ്പോൾ ഗബ്രിയേൽ ഫാലോപ്പിനോ എന്ന ഡോക്ടർ ആയിരത്തിലധികം പേരിൽ പുതിയ റബ്ബർ ഉറകൾ പരീക്ഷിക്കുകയും അവ സിഫിലിസ് തടയുന്നതിൽ ഫലപ്രദമാണെന്ന് കണ്ടെത്തുകയും ചെയ്തു.

തുടക്കത്തിൽ ലിംഗമകുടത്തിൽ മാത്രം ഇടാവുന്ന തരത്തിലുള്ള ഉറകൾ ആണ് ഉണ്ടായിരുന്നത്. ഓരോരുത്തരുടെയും അളവിനനുസരിച്ച് കോണ്ടം ഉണ്ടാക്കേണ്ടിയിരുന്നു.

റബ്ബർ കോണ്ടത്തിന്റെ പ്രധാന പോരായ്മകളിലൊന്ന് അതിന്റെ താങ്ങാനാവാത്ത വിലയായിരുന്നു. തന്മൂലം ഉറ ഉന്നതകുലജാതരുടേയും പണക്കാരുടെയും കുത്തകയായി മാറി.

1920 കളിലാണ് ലാറ്റക്സ് കണ്ടു പിടിക്കപ്പെട്ടത്. അതോടെ കോണ്ടം മിനുസമുള്ളതും നേർത്തതും ഇലാസ്തികതയുള്ളതും ആയി മാറി. ഏവർക്കും ഉപയോഗിക്കാവുന്ന തരത്തിൽ ഒരൊറ്റ വലിപ്പത്തിലും അവ ലഭ്യമായി. പിന്നീട് വിവിധ ലൂബ്രിക്കന്റുകളും ബീജനാശിനി അടങ്ങിയതുമായ ലാറ്റക്സ് ഉറകൾ വിപണിയിൽ ലഭ്യമായി. വിവിധ നിറത്തിലും മണത്തിലുമെല്ലാം ഇവ മാർക്കറ്റിലിറങ്ങിത്തുടങ്ങി.

ലാറ്റക്സ് കോണ്ടംസിന് പുറമേ പോളിയൂറെത്തേൻ, പ്രകൃതിദത്തമായ വസ്തുക്കൾ ഉപയോഗിച്ച് നിർമ്മിക്കുന്ന ഗർഭനിരോധന ഉറകൾ എന്നിവ വിപണിയിൽ ലഭ്യമാണ്.

പോളിയൂറെത്തേൻ ഉറകൾ ലാറ്റക്സ് അലർജി ഉള്ളവർക്ക് സുരക്ഷിതമായി ഉപയോഗിക്കാം.

പ്രകൃതിദത്തമായ ഉറവിടത്തിൽ നിന്നുള്ള ഉറകൾ (മൃഗങ്ങളുടെ കുടൽ സ്തരത്തിൽ നിന്നും മറ്റും) കൂടുതൽ നേർത്തതും നനുത്തതും അനുഭൂതി പകരുന്നതുമത്രേ. പക്ഷേ അവയിലെ നേർത്ത സുഷിരങ്ങൾ എച്ച്.ഐ.വി അടക്കമുള്ള ലൈംഗിക രോഗങ്ങൾ തടയുന്നതിൽ പിന്നോക്കമാണ്.

പ്രചുരപ്രചാരം നേടുന്നതിനൊപ്പം തന്നെ ഗർഭനിരോധന ഉറകൾക്കെതിരായ പ്രചരണവും ശക്തമായിരുന്നു. സ്ത്രീകൾക്കായുള്ള ഉറകളും യൂണിസെക്സ് ഉറകളും വിപണിയിലെത്താൻ പിന്നെയും ഏറെക്കാലമെടുത്തു[7].

ചില രാജ്യങ്ങളിൽ പ്രത്യേകിച്ച് പടിഞ്ഞാറൻ വികസിത രാജ്യങ്ങളിൽ സ്കൂൾ, കോളേജ് തലങ്ങളിൽ ആരോഗ്യപ്രവർത്തകർ ഇവ വിതരണം ചെയ്യാറുണ്ട്[8].

ശ്രദ്ധിക്കേണ്ട കാര്യങ്ങൾ[തിരുത്തുക]

ലൈംഗിക ബന്ധത്തിനിടെ ഉറ പൊട്ടിപ്പോകാനുള്ള സാധ്യത 2% ആണ്. ലിംഗത്തിൽ നിന്നും കോണ്ടം വഴുതിപ്പോകാനും 2 % സാധ്യതയുണ്ട്. അതുവഴി ശുക്ലം യോനിയിലെത്തി ഗർഭധാരണം നടക്കാനോ രോഗം പകരാണോ നടക്കാനിടയുണ്ട്. അതിനാൽ ഇങ്ങനെ സംഭവിച്ചാൽ ഉടനെ മറ്റ് അടിയന്തിര ഗര്ഭനിരോധന മാർഗങ്ങൾ ഉപയോഗിക്കാനോ രോഗപ്രതിരോധ ചികിത്സ തേടാനോ മടിക്കരുത്.

കൃത്യമായി ഉപയോഗിക്കാതിരിക്കുക, വീണ്ടും ഉള്ള ഉപയോഗം, എണ്ണ അടങ്ങിയ ലൂബ്രിക്കന്റ് കൂട്ടത്തിൽ ഉപയോഗിക്കുക എന്നിവയെല്ലാം ഉറയുടെ ഫലപ്രാപ്തി കുറയ്ക്കും.

നഖമോ മോതിരമോ കൊണ്ട് ഉറ കീറാനും ഇടയുണ്ടെന്ന് ഓർക്കുക.

ഉറയൊടൊപ്പം ബീജനാശിനി അടങ്ങിയ ജെല്ലുകൾ കൂടി ഉപയോഗിക്കുന്നത് ഗർഭനിരോധനം ഉറപ്പ് വരുത്താൻ സഹായകരമാണ്.

ഉദ്ധരിച്ച ലിംഗത്തിൽ മാത്രമേ ഉറ ധരിക്കാവൂ. ഇവ ഉപയോഗിക്കുമ്പോൾ ഉള്ളിൽ വായു കുമിള (എയർ ഗ്യാപ്) ഉണ്ടാകാതെ നോക്കണം.

ഉറ കൈകാര്യം ചെയ്യുമ്പോൾ അവ പൊട്ടാതിരിക്കാൻ പ്രത്യേകം ശ്രദ്ധിക്കേണ്ടതുണ്ട്.

ഒരേസമയം ഒന്നിലധികം ഉറകൾ ഉപയോഗിച്ചാലോ അല്ലെങ്കിൽ സ്ത്രീപുരുഷന്മാർ രണ്ടുപേരും ഉറയുപയോഗിച്ചാലോ ഘർഷണം കൊണ്ട് അവ പൊട്ടിപ്പോകാൻ സാധ്യതയുണ്ട്. അതിനാൽ പങ്കാളികളിൽ ഒരാൾ മാത്രം ഉറ ഉപയോഗിക്കുന്നതാണ് അഭികാമ്യം.

ഉറയൊടൊപ്പം ജലാംശമുള്ള ലൂബ്രിക്കന്റുകൾ മാത്രം ഉപയോഗിക്കുക.

എക്സ്പയറി ഡേറ്റ് കഴിയാത്ത ഉറകൾ മാത്രം തിരഞ്ഞെടുക്കുക[9][10].

ഉറയുടെ പ്രാധാന്യം[തിരുത്തുക]

ഗർഭധാരണം ഉണ്ടാകാതിരിക്കാൻ ധാരാളം ആളുകൾ ഉപയോഗിക്കുന്ന ഒന്നാണ് പിൻവലിക്കൽ രീതി (Withdrawal method). സ്കലനത്തിന് മുൻപ് ലിംഗം യോനിയിൽ നിന്നും പുറത്തെടുത്ത് ശുക്ളം പുറമേ വിസർജിക്കുന്നതാണ് ഇതിൽ ചെയ്യുന്നത്. വളരെയധികം ആത്മനിയന്ത്രണം ഉള്ളവർക്ക് മാത്രമെ ഇത് സാധ്യമാകുകയുള്ളൂ. മാത്രമല്ല

രതിമൂർച്ഛയ്ക്കു മുമ്പുള്ള ലിംഗസ്രവത്തിൽ പുരുഷബീജം കാണാം എന്നതിനാൽ ഈ രീതിയിലുള്ള ഗർഭനിരോധനം പരാജയപ്പെടാൻ സാധ്യതയുണ്ട്. അത്തരം സാഹചര്യം ഒഴിവാക്കാൻ ഉറ ഉപയോഗം അനുയോജ്യമാണ്.

'സുരക്ഷിത ദിനങ്ങളിലും' യോനിയിൽ നിന്നും രക്തസ്രാവം ഉള്ള സമയങ്ങളിലും പലരും ഗർഭധാരണം സംഭവിക്കുകയില്ല എന്ന് കരുതി മുൻകരുതലുകൾ ഇല്ലാതെ ലൈംഗിക ബന്ധത്തിൽ ഏർപ്പെടാറുണ്ട്. ഇത് ശരിയല്ല. സ്ത്രീകളിൽ ആർത്തവചക്രം എപ്പോഴും കൃത്യമാകണം എന്ന് നിർബന്ധമില്ല. അതിനു വ്യത്യാസങ്ങൾ വരാം. അത് പോലെ യോനിയിൽ നിന്നുള്ള ബ്ലീഡിംഗ് എല്ലാം ആർത്തവം തന്നെ ആകണമെന്നില്ല, സ്പോട്ടിംഗ് പോലെയുള്ള അവസരങ്ങളിലും രക്തസ്രാവം വരാം. സ്ത്രീകളുടെ ശരീരത്തിൽ 2-5 ദിവസം വരെ ബീജാണുക്കൾ ഉത്പാദനശേഷിയോടെ ഇരിക്കുന്നതാണ്. ആയതിനാൽ അണ്ഡവിസർജനം (ഓവുലേഷൻ) നേരത്തെ സംഭവിച്ചാൽ അത് ഗർഭത്തിലേക്ക് നീങ്ങാവുന്നതാണ്.

സുരക്ഷിതമായ ലൈംഗികത ഏറെ പ്രാധാന്യമുള്ള ഒന്നാണ്. പങ്കാളിയോടുള്ള അന്ധമായ വിശ്വാസത്തിന്റെ പേരിൽ സുരക്ഷിതമല്ലാത്ത ശാരീരിക ബന്ധത്തിനൊരുങ്ങുന്നത് അപകടകരമാണ്. കോണ്ടം ഗർഭനിരോധന ഉറ എന്ന പേരിലാണ് അറിയപ്പെടുന്നതെങ്കിലും അത് എയിഡ്സ് ഉൾപ്പെടെയുള്ള ലൈംഗിക ബന്ധത്തിലൂടെ പകരുന്ന രോഗങ്ങളെ പ്രതിരോധിക്കാൻ ഉത്തമ മാർഗ്ഗമാണ്. ആയതിനാൽ മറ്റ് ഗർഭനിരോധന മാർഗ്ഗങ്ങൾ ഉപയോഗിക്കുന്നെങ്കിലും കോണ്ടം ഒപ്പം ഉപയോഗിക്കുന്നത് നല്ലതാണ്.

അത് പോലെ ഒരു ഗർഭപ്രതിരോധ മാർഗ്ഗവും 100% ഫലപ്രദം അല്ലാത്തതിനാൽ ഒപ്പം കോണ്ടം കൂടി ഉപയോഗിക്കുന്നത് ഗർഭപ്രതിരോധ ക്ഷമത വർദ്ധിപ്പിക്കും. ഉറയുടെ ഗുണങ്ങൾ താഴെ കൊടുത്തിരിക്കുന്നത് നോക്കുക.

▪ കൃത്യമായി ഉപയോഗിച്ചാൽ (സംഭോഗ സമയത്ത് തുടക്കം മുതൽ ഒടുക്കം വരെ) ഗർഭധാരണം തടയാനുള്ള മികച്ച ഉപാധികളിലൊന്നാണിത്. ഏത് പ്രായക്കാർക്കും ഇവ വാങ്ങുവാൻ സാധിക്കും.

▪ എച്ച്ഐവിയും മറ്റു ലൈംഗികരോഗങ്ങളും തടയുന്നു. (96% വരെ കേസുകളിൽ എച്ച്ഐവി പകരുന്നത് കോണ്ടം തടയുന്നതായി പഠനങ്ങൾ തെളിയിക്കുന്നു)

▪ എളുപ്പത്തിൽ ലഭ്യമാവുന്ന ഇവ, കൊണ്ടു നടക്കാനും ഉപയോഗിക്കാനും എളുപ്പമാണ്. താരതമ്യേന വിലയും കുറവ്.

▪ രണ്ടുമൂന്ന് ശതമാനം ആളുകളിൽ ലാറ്റക്സ് അലർജി ഉണ്ടാകാനിടയുണ്ട് എന്നതൊഴിച്ചാൽ പാർശ്വഫലങ്ങളില്ല എന്നുതന്നെ പറയാം.

▪ ശുക്ലം ഉറയിൽ തന്നെ സംഭരിക്കപ്പെടുന്നതിനാൽ കൂടുതൽ വൃത്തിയും ഉറപ്പു വരുത്താൻ കഴിയുന്നു.

▪ ഗൊണേറിയ, സിഫിലിസ് തുടങ്ങിയ ലൈംഗിക രോഗങ്ങൾ തടയുന്നതിലൂടെ സ്ത്രീ പങ്കാളികളിൽ പെൽവിക് ഇൻഫ്ലമേറ്ററി ഡിസീസും (PID) അതുവഴി അണ്ഡവാഹിനിക്കുഴൽ സംബന്ധമായ വന്ധ്യതയും ഉണ്ടാകാനുള്ള സാധ്യത ഉറകൾ കുറയ്ക്കുന്നു.

▪ ഒരു പരിധി വരെ ഹ്യൂമൻ പാപ്പില്ലോമ വൈറസിന്റെ വ്യാപനം തടയാൻ സഹായിക്കുന്നു[11].

▪ ചില പുരുഷന്മാരിലെങ്കിലും ഉദ്ധാരണം നീണ്ടു നിൽക്കാനും അതുവഴി തൃപ്തികരമായ ലൈംഗിക ജീവിതത്തിനും ഇവ പ്രയോജനപ്പെടുന്നു[12].

കോണ്ടം സ്റ്റെൽതിങ്[തിരുത്തുക]

ലൈംഗിക ബന്ധത്തിൽ ഏർപ്പെടുന്നതിനിടെ പങ്കാളിയുടെ സമ്മതം കൂടാതെ കോണ്ടം ഊരി മാറ്റുകയോ, അതിനെ മനഃപൂർവം നശിപ്പിക്കുകയോ ചെയ്യുന്നതിനെയാണ് സ്റ്റെൽത്തിങ് എന്ന് പറയുന്നത്. സ്റ്റെൽത്തിങ് നടന്ന ശേഷം സ്ത്രീകൾ തങ്ങളുടെ പങ്കാളികളുമായി ഇതേപ്പറ്റി ചർച്ചചെയ്യുമ്പോൾ പലപ്പോഴും അവർക്കു കിട്ടുന്ന മറുപടി, "ഇതിത്ര കാര്യമാക്കാനുണ്ടോ? എന്നെ വിശ്വാസമില്ലേ?" എന്നാവും. എന്നാൽ, വിശ്വസിക്കാൻ പറ്റാത്ത ആളാണ് തന്റെ കാമുകനെന്ന് അയാൾ തെളിയിച്ച സംഭവമായിരുന്നു തനിക്ക് നേരിടേണ്ടി വന്ന  "കോണ്ടം സ്റ്റെൽത്തിങ്" എന്ന് 2017 -ൽ അമേരിക്കയിൽ നടന്ന ഒരു സർവേയിൽ സാറ എന്ന യുവതി ഗാർഡിയന് നൽകിയ അഭിമുഖത്തിൽ പറയുകയുണ്ടായി. അത്രമേൽ വിശ്വാസയോഗ്യനായിരുന്നു എങ്കിൽ തന്റെ അറിവോ സമ്മതമോ കൂടാതെ ഉറ ഊരി മാറ്റില്ലായിരുന്നു എന്നാണ് സാറ പറയുന്നത്. ഇതിന് ഇരയായ പങ്കാളികൾ പിന്നീട് ഗർഭം ധരിക്കുകയും എയ്ഡ്‌സ്, സിഫിലിസ് പോലെയുള്ള സുരക്ഷിതമല്ലാത്ത ലൈംഗിക ബന്ധത്തിലൂടെ രോഗങ്ങൾ ബാധിക്കുകയും ചെയ്യുന്ന സാഹചര്യത്തിൽ ഇതിന് എതിരെ നിയമനിർമാണത്തിന് ഒരുങ്ങുകയാണ് അമേരിക്ക. നിലവിലെ ബിൽ പ്രകാരം  "കോണ്ടം സ്റ്റെൽത്തിങ്" ഒരു സിവിൽ കുട്ടകൃത്യം മാത്രമായിട്ടാണ് കണക്കാക്കപ്പെടുന്നത് എന്നതുകൊണ്ട് ഇങ്ങനെ ചതിക്കപ്പെടുന്ന യുവതികൾക്ക് അധികം താമസിയാതെ തന്നെ തങ്ങളെ വഞ്ചിക്കുന്ന പങ്കാളികളിൽ നിന്ന് കനത്ത തുക തന്നെ നഷ്ടപരിഹാരമായി ഈടാക്കാനുള്ള നിയമവ്യവസ്ഥതന്നെ അമേരിക്കയിൽ നിലവിൽ വരുമെന്നാണ് പ്രതീക്ഷിക്കുന്നത്[13].

അവലംബങ്ങൾ[തിരുത്തുക]

  1. "condom - തിരയുക". ശേഖരിച്ചത് 2022-05-19.
  2. ലുവ പിഴവ് ഘടകം:Citation/CS1-ൽ 1654 വരിയിൽ : bad argument #1 to 'pairs' (table expected, got nil)
  3. "differnt types condom - തിരയുക". ശേഖരിച്ചത് 2022-05-19.
  4. https://www.bing.com/ck/a?!&&p=d1e9cebc1cee5af44d4b41c3452d8baf7bbe78066d92d9e1829d2073c4f758e9JmltdHM9MTY1Mjk4NDgxMiZpZ3VpZD04MzU1ZDI2NC1jNDNjLTRkZjItODE5NS1kNzljMDQ0NzFhMzMmaW5zaWQ9NTQ0OA&ptn=3&fclid=411ff64c-d7a1-11ec-a01c-4a448587973c&u=a1aHR0cHM6Ly93d3cuc2hvcHBlcnNnb3NzaXAuY29tL2Jlc3QtY29uZG9tLWJyYW5kcy1pbi1pbmRpYS8jOn46dGV4dD0xMCUyMGJlc3QlMjBjb25kb20lMjBicmFuZHMlMjBpbiUyMEluZGlhJTIwMSUyMER1cmV4LixpbnRyb2R1Y2VkJTIwbGF2ZW5kZXItc2NlbnRlZCUyMGNvbmRvbXMlMjBmb3IlMjBmZW1hbGVzJTIwaW4lMjB0aGUlMjBtYXJrZXQu&ntb=1. ശേഖരിച്ചത് 2022-05-19. Missing or empty |title= (help)
  5. https://www.bing.com/ck/a?!&&p=1b561d17e66d434767801366362af7d02bf1ec97c3cddf28c18d893db6a6eab8JmltdHM9MTY1Mjk4NDg1MyZpZ3VpZD03NmRmYWIxMi0xMjEwLTQxNjUtODU3My0xZWMyZTJkZmJjZWYmaW5zaWQ9NTQ1Mg&ptn=3&fclid=59817bf4-d7a1-11ec-8e1b-2ade543549c3&u=a1aHR0cHM6Ly93d3cucGxhbm5lZHBhcmVudGhvb2Qub3JnL2xlYXJuL2JpcnRoLWNvbnRyb2wvY29uZG9tL3doYXQtYXJlLXRoZS1iZW5lZml0cy1vZi1jb25kb21zIzp-OnRleHQ9Q29uZG9tcyUyMGFyZSUyMGVhc3klMjB0byUyMGdldCUyMGFuZCUyMGVhc3klMjB0byxzZXh1YWxseSUyMHRyYW5zbWl0dGVkJTIwaW5mZWN0aW9ucyUyMGxpa2UlMjBISVYlMkMlMjBjaGxhbXlkaWElMkMlMjBhbmQlMjBnb25vcnJoZWEu&ntb=1. ശേഖരിച്ചത് 2022-05-19. Missing or empty |title= (help)
  6. "family planning in india - തിരയുക". ശേഖരിച്ചത് 2022-05-19.
  7. "history of condoms - തിരയുക". ശേഖരിച്ചത് 2022-05-19.
  8. https://www.bing.com/ck/a?!&&p=ba7b5a09a089583bad0d629ba673d204922a91a6b64bd1ad5d58db30fa2259e1JmltdHM9MTY1Mjk4NTA4OCZpZ3VpZD1mZTdjNDY1NS1hOGEwLTQ4ZWItYWJjNi0xNDEwNWU1Y2RiYWUmaW5zaWQ9NTQ1Nw&ptn=3&fclid=e5a7451f-d7a1-11ec-8cac-5d683f52ad05&u=a1aHR0cHM6Ly9oaXN0b3J5b2Z5ZXN0ZXJkYXkuY29tL2hpc3Rvcnktb2YtY29uZG9tcy1jM2ZjYzYyODYwZiM6fjp0ZXh0PSUyMEhpc3RvcnklMjBvZiUyMENvbmRvbXMlMjAlMjAxJTIwQ2FzYW5vdmElMjB1c2VkLDE5OTAlMjAlRTIlODAlOTQlMjBpbXByb3ZlbWVudCUyMGluJTIwcXVhbGl0eS4lMjAlMjBNb3JlJTIw&ntb=1. ശേഖരിച്ചത് 2022-05-19. Missing or empty |title= (help)
  9. "how to use condom properly - തിരയുക". ശേഖരിച്ചത് 2022-05-19.
  10. "how to use condom properly - തിരയുക". ശേഖരിച്ചത് 2022-05-19.
  11. "importance of condom - തിരയുക". ശേഖരിച്ചത് 2022-05-19.
  12. https://www.bing.com/ck/a?!&&p=b6e108b3f282dc342269952b7e050da395496ee627a6ee6c24d7dba3ed68e990JmltdHM9MTY1Mjk4NTMwOSZpZ3VpZD1iNmIyMTcxMi01NjQwLTQyZTAtYThjOC03MmIxZTJkYzc2YjUmaW5zaWQ9NTQ0Nw&ptn=3&fclid=68dc98f6-d7a2-11ec-8fbb-8fc2c0ffe267&u=a1aHR0cHM6Ly9wYWlyZWRsaWZlLmNvbS9waHlzaWNhbC1pbnRpbWFjeS8xMC1SZWFzb25zLVlvdS1TaG91bGQtQmUtVXNpbmctQ29uZG9tcyM6fjp0ZXh0PSUyMFRvcCUyMDEwJTIwUmVhc29ucyUyMHRvJTIwVXNlJTIwQ29uZG9tcyUyMCxzYWZlLiUyMENoYW5jZXMlMjBhcmUlMjB0aGF0JTIwaWYlMjB5b3UuLi4lMjBNb3JlJTIw&ntb=1. ശേഖരിച്ചത് 2022-05-19. Missing or empty |title= (help)
  13. https://www.bing.com/ck/a?!&&p=b40d86de1bac0ca4b6e82de6573d4df9d53be596b6378cc7886901644a87871bJmltdHM9MTY1Mjk4NTM5MCZpZ3VpZD1hYjY5ODdkMC0zOTIyLTRlYjAtOTAwOS1hM2NlMjRjNGE2OGImaW5zaWQ9NTQ1NQ&ptn=3&fclid=9967cd6d-d7a2-11ec-aee5-8805ee9e79c9&u=a1aHR0cHM6Ly9mbG8uaGVhbHRoL21lbnN0cnVhbC1jeWNsZS9zZXgvc2V4dWFsLWhlYWx0aC93aGF0LWlzLXN0ZWFsdGhpbmcjOn46dGV4dD1Db25kb20lMjBzdGVhbHRoaW5nJTIwY29uc2lzdHMlMjBvZiUyMHNlY3JldGx5JTIwdGFraW5nJTIwdGhlJTIwY29uZG9tLFBoeXNpY2FsJTIwY29uc2VxdWVuY2VzJTIwaW5jbHVkZSUyMHVud2FudGVkJTIwcHJlZ25hbmN5JTIwb3IlMjBTVEklMjB0cmFuc21pc3Npb24u&ntb=1. ശേഖരിച്ചത് 2022-05-19. Missing or empty |title= (help)
"https://ml.wikipedia.org/w/index.php?title=കോണ്ടം&oldid=3771687" എന്ന താളിൽനിന്ന് ശേഖരിച്ചത്