മഞ്ജു വാര്യർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
മഞ്ജു വാര്യർ
Manju Warrier 2.jpg
ജനനം മഞ്ജു വാര്യർ
(1978-11-01) 1 നവംബർ 1978 (36 വയസ്സ്)
കണ്ണൂർ, കേരളം, ഇന്ത്യ
ഭവനം ആലുവ, കേരളം, ഇന്ത്യ
സജീവം 1995–1999
ജീവിതപങ്കാളി(കൾ) ദിലീപ് (1998–തുടരുന്നു)
കുട്ടി(കൾ) മീനാക്ഷി
വെബ്സൈറ്റ്
http://manjuwarrier.com/

മലയാള സിനിമയിലെ നായിക നടിയായിരുന്നു മഞ്ജു വാര്യർ. പ്രശസ്ത സിനിമ നടൻ ദിലീപിന്റെ ഭാര്യയാണ് മഞ്ജു.

സ്കൂൾ വിദ്യാഭാസ കാലഘട്ടത്തിൽ തന്നെ പ്രതിഭ തെളിയിച്ച മഞ്ജു രണ്ട് വർഷം തുടർച്ചയായി കേരള സംസ്ഥാന സ്കൂൾ യുവജനോത്സവത്തിൽ കലാതിലകം പട്ടം നേടി. സഹോദരൻ മധു വാര്യരും ചലച്ചിത്ര അഭിനേതാവാണ്‌.

ജീവിതരേഖ[തിരുത്തുക]

അഭിനയ ജീവിതം[തിരുത്തുക]

രണ്ട് വർഷം തുടർച്ചയായി സംസ്ഥാന സ്കൂൾ യുവജനോത്സവത്തിൽ കലാതിലകം പട്ടം അണിഞ്ഞിട്ടുള്ള മഞ്ജു വാര്യർ 1995-ൽ പുറത്തിറങ്ങിയ സാക്ഷ്യം എന്ന ചലച്ചിത്രത്തിലാണ് ആദ്യമായി അഭിനയിച്ചത്[1]. തന്റെ 18-മത്തെ വയസ്സിൽ സല്ലാപം (1996) എന്ന ചലച്ചിത്രത്തിലെ നായികാകഥാപത്രം അവതരിപ്പിച്ച് ശ്രദ്ധേയയായി. അതിൽ നായകനായി അഭിനയിച്ചത് ദിലീപ് ആയിരുന്നു. അതിനു ശേഷം ഏകദേശം 20 ഓളം മലയാള സിനിമകളിൽ മൂന്ന് വർഷത്തെ കാലയളവിൽ വ്യക്തിത്വമുള്ള ഒട്ടേറെ നായികാ കഥാപാത്രങ്ങളിലൂടെ മഞ്ജു പ്രേക്ഷകരെയും സഹപ്രവർത്തകരെയും ഒരുപോലെ വിസ്മയിപ്പിച്ചു (തിലകനടക്കമുള്ള പ്രമുഖ നടൻമാർ മഞ്ജു വാര്യരെ പ്രശംസിച്ചത് ഉദാഹരണം). ഈ പുഴയും കടന്ന് എന്ന ചിത്രത്തിലെ അഭിനയത്തിന് മഞ്ജുവിന് മികച്ച അഭിനേത്രിക്കുള്ള സംസ്ഥാന ചലച്ചിത്ര അവാർഡ് ലഭിച്ചു. 1999ൽ കണ്ണെഴുതി പൊട്ടൂം തൊട്ട് എന്ന ചിത്രത്തിലെ അഭിനയത്തിന് ദേശീയ ജൂറിയുടെ പ്രത്യേക പരാമർശവും ലഭിച്ചു. നടൻ ദിലീപുമായിട്ടുള്ള വിവാഹത്തിനു ശേഷം മഞ്ജു വാര്യർ സിനിമ അഭിനയം നിർത്തി. 14 വർഷങ്ങൾക്ക് ശേഷം 2012 ഒക്ടോബർ 24 നാണ് മഞ്ജു വാര്യർ വീണ്ടും അരങ്ങിലെത്തിയതി. ഗുരുവായൂർ ക്ഷേത്ര സന്നിധിയിലെ മേൽപ്പത്തൂർ ഓഡിറ്റോറിയത്തിലാണ് അവർ നൃത്തം ചെയ്തത്. മലയാളത്തിൽ വ്യക്തിത്വമുള്ള സ്ത്രീ കഥാപാത്രങ്ങൾ കുറയുമ്പോഴുണ്ടാകുന്ന ചർച്ചകളിൽ എപ്പോഴും മഞ്ജു വാര്യർ എന്ന പേര് ഒന്നാമതായി ഉയർന്നിരുന്നു.[2]

ചലച്ചിത്രങ്ങൾ[തിരുത്തുക]

നം. വർഷം ചലച്ചിത്രം കഥാപാത്രം സംവിധാനം അഭിനേതാക്കൾ
1 1995 സാക്ഷ്യം സ്മിത മോഹൻ സുരേഷ് ഗോപി, ഗൗതമി
2 1996 സല്ലാപം രാധ സുന്ദർദാസ് ദിലീപ്, മനോജ് കെ. ജയൻ
3 1996 ഈ പുഴയും കടന്ന് അഞ്ജലി കമൽ ദിലീപ്, ബിജു മേനോൻ, മോഹിനി,
4 1996 ദില്ലിവാല രാജകുമാരൻ മായ രാജസേനൻ ജയറാം, ബിജു മേനോൻ, കലാഭവൻ മണി
5 1996 തൂവൽ കൊട്ടാരം ദേവപ്രഭ വർമ്മ സത്യൻ അന്തിക്കാട് ജയറാം, സുകന്യ, ദിലീപ്
6 1996 കളിവീട് മൃദുല സിബി മലയിൽ ജയറാം, വാണി വിശ്വനാഥ്
7 1997 ഇന്നലകളില്ലാതെ ബീന ജോർജ്ജ് കിത്തു ബിജു മേനോൻ
8 1997 കളിയാട്ടം താമര ജയരാജ് സുരേഷ് ഗോപി, ബിജു മേനോൻ, ലാൽ
9 1997 സമ്മാനം ദേവി സുന്ദർദാസ് മനോജ് കെ. ജയൻ, കലാഭവൻ മണി
10 1997 ആറാം തമ്പുരാൻ ഉണ്ണിമായ ഷാജി കൈലാസ് മോഹൻലാൽ, പ്രിയ രാമൻ, ഒടുവിൽ ഉണ്ണികൃഷ്ണൻ
11 1997 കുടമാറ്റം ഗൗരി സുന്ദർദാസ് ദിലീപ്, ബിജു മേനോൻ, വിജയരാഘവൻ
12 1997 കൃഷ്ണഗുഡിയിൽ ഒരു പ്രണയകാലത്ത് മീനാക്ഷി കമൽ ജയറാം, ബിജു മേനോൻ
13 1997 ഇരട്ടക്കുട്ടികളുടെ അച്ഛൻ അനുപമ സത്യൻ അന്തിക്കാട് ജയറാം
14 1998 തിരകൾക്കപ്പുറം സീത അനിൽ ആദിത്യൻ സുരേഷ് ഗോപി
15 1998 പ്രണയവർണ്ണങ്ങൾ ആരതി സിബി മലയിൽ സുരേഷ് ഗോപി, ബിജു മേനോൻ, ദിവ്യ ഉണ്ണി
16 1998 ദയ ദയ വേണു കൃഷ്ണ, ലാൽ
17 1998 കന്മദം ഭാനുമതി ലോഹിതദാസ് മോഹൻലാൽ, ലാൽ
18 1998 സമ്മർ ഇൻ ബത്‌ലഹേം അഭിരാമി സിബി മലയിൽ സുരേഷ് ഗോപി, ജയറാം, മോഹൻലാൽ
19 1999 കണ്ണെഴുതി പൊട്ടുംതൊട്ട് ഭദ്ര ടി.കെ. രാജീവ് കുമാർ അബ്ബാസ്, ബിജു മേനോൻ, തിലകൻ
20 1999 പത്രം ദേവിക ശേഖർ ജോഷി സുരേഷ് ഗോപി, മുരളി
21 2014 ഹൗ ഓൾഡ് ആർ യു നിരുപമ രാജീവ്‌ റോഷൻ ആൻഡ്രൂസ് കുഞ്ചാക്കോ ബോബൻ, കനിഹ, ലാലു അലക്സ്‌

പുരസ്കാരങ്ങൾ[തിരുത്തുക]

മഞ്ജു വാര്യർ, ദിലീപിനൊപ്പം
ദേശീയ ചലച്ചിത്ര പുരസ്കാരം
കേരള സംസ്ഥാന ചലച്ചിത്ര പുരസ്കാരം
ഏഷ്യാനെറ്റ് ചലച്ചിത്ര പുരസ്കാരം
ഫിലിംഫെയർ പുരസ്കാരം
സ്ക്രീൻ-വീഡിയോകോൺ പുരസ്കാരം
ഫിലിം ഫാൻസ് പുരസ്കാരം

അവലംബം[തിരുത്തുക]

  1. "സാക്ഷ്യം ഐ.എം.ഡി.ബി. താൾ". ശേഖരിച്ചത് 2010 മേയ് 6.  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)
  2. വീണ്ടും ചിലങ്കൾ കിലുങ്ങുന്നു

പുറത്തേക്കുള്ള കണ്ണികൾ[തിരുത്തുക]

Commons:Category
വിക്കിമീഡിയ കോമൺസിലെ Manju Warrier എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:
"http://ml.wikipedia.org/w/index.php?title=മഞ്ജു_വാര്യർ&oldid=2110841" എന്ന താളിൽനിന്നു ശേഖരിച്ചത്