മഞ്ജു വാര്യർ
 |
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
| മഞ്ജു വാര്യർ | |
|---|---|
 |
|
| ജനനം | മഞ്ജു വാര്യർ 1 നവംബർ 1978 കണ്ണൂർ, കേരളം, ഇന്ത്യ |
| ഭവനം | ആലുവ, കേരളം, ഇന്ത്യ |
| സജീവം | 1995–1999 |
| ജീവിത പങ്കാളി | ദിലീപ് (1998–തുടരുന്നു) |
| മക്കൾ | മീനാക്ഷി |
മലയാള സിനിമയിലെ നായിക നടിയായിരുന്നു മഞ്ജു വാര്യർ. പ്രശസ്ത സിനിമ നടൻ ദിലീപിന്റെ ഭാര്യയാണ് മഞ്ജു.
സ്കൂൾ വിദ്യാഭാസ കാലഘട്ടത്തിൽ തന്നെ പ്രതിഭ തെളിയിച്ച മഞ്ജു രണ്ട് വർഷം തുടർച്ചയായി കേരള സംസ്ഥാന സ്കൂൾ യുവജനോത്സവത്തിൽ കലാതിലകം പട്ടം നേടി. സഹോദരൻ മധു വാര്യരും ചലച്ചിത്ര അഭിനേതാവാണ്.
ഉള്ളടക്കം |
ജീവിതരേഖ [തിരുത്തുക]
അഭിനയ ജീവിതം [തിരുത്തുക]
രണ്ട് വർഷം തുടർച്ചയായി സംസ്ഥാന സ്കൂൾ യുവജനോത്സവത്തിൽ കലാതിലകം പട്ടം അണിഞ്ഞിട്ടുള്ള മഞ്ജു വാര്യർ 1995-ൽ പുറത്തിറങ്ങിയ സാക്ഷ്യം എന്ന ചലച്ചിത്രത്തിലാണ് ആദ്യമായി അഭിനയിച്ചത്[1]. തന്റെ 18-മത്തെ വയസ്സിൽ സല്ലാപം (1996) എന്ന ചലച്ചിത്രത്തിലെ നായികാകഥാപത്രം അവതരിപ്പിച്ച് ശ്രദ്ധേയയായി. അതിൽ നായകനായി അഭിനയിച്ചത് ദിലീപ് ആയിരുന്നു. അതിനു ശേഷം ഏകദേശം 20 ഓളം മലയാള സിനിമകളിൽ മൂന്ന് വർഷത്തെ കാലയളവിൽ വ്യക്തിത്വമുള്ള ഒട്ടേറെ നായികാ കഥാപാത്രങ്ങളിലൂടെ മഞ്ജു പ്രേക്ഷകരെയും സഹപ്രവർത്തകരെയും ഒരുപോലെ വിസ്മയിപ്പിച്ചു (തിലകനടക്കമുള്ള പ്രമുഖ നടൻമാർ മഞ്ജു വാര്യരെ പ്രശംസിച്ചത് ഉദാഹരണം). ഈ പുഴയും കടന്ന് എന്ന ചിത്രത്തിലെ അഭിനയത്തിന് മഞ്ജുവിന് മികച്ച അഭിനേത്രിക്കുള്ള സംസ്ഥാന ചലച്ചിത്ര അവാർഡ് ലഭിച്ചു. 1999ൽ കണ്ണെഴുതി പൊട്ടൂം തൊട്ട് എന്ന ചിത്രത്തിലെ അഭിനയത്തിന് ദേശീയ ജൂറിയുടെ പ്രത്യേക പരാമർശവും ലഭിച്ചു. നടൻ ദിലീപുമായിട്ടുള്ള വിവാഹത്തിനു ശേഷം മഞ്ജു വാര്യർ സിനിമ അഭിനയം നിർത്തി. 14 വർഷങ്ങൾക്ക് ശേഷം 2012 ഒക്ടോബർ 24 നാണ് മഞ്ജു വാര്യർ വീണ്ടും അരങ്ങിലെത്തിയതി. ഗുരുവായൂർ ക്ഷേത്ര സന്നിധിയിലെ മേൽപ്പത്തൂർ ഓഡിറ്റോറിയത്തിലാണ് അവർ നൃത്തം ചെയ്തത്. മലയാളത്തിൽ വ്യക്തിത്വമുള്ള സ്ത്രീ കഥാപാത്രങ്ങൾ കുറയുമ്പോഴുണ്ടാകുന്ന ചർച്ചകളിൽ എപ്പോഴും മഞ്ജു വാര്യർ എന്ന പേര് ഒന്നാമതായി ഉയർന്നിരുന്നു.[2]
ചലച്ചിത്രങ്ങൾ [തിരുത്തുക]
പുരസ്കാരങ്ങൾ [തിരുത്തുക]
- 1999 – പ്രത്യേക ജൂറി പരാമർശം – കണ്ണെഴുതി പൊട്ടുംതൊട്ട്
- 1996 – മികച്ച നടി – ഈ പൂഴയും കടന്ന്
- 1998 – മികച്ച നടി – കന്മദം
- 1999 – മികച്ച നടി – കണ്ണെഴുതി പൊട്ടുംതൊട്ട്, പത്രം
- ഫിലിംഫെയർ പുരസ്കാരം
- 1996 – മികച്ച നടി (മലയാളം) – ഈ പൂഴയും കടന്ന്
- 1998 – മികച്ച നടി (മലയാളം) – കന്മദം
- 1999 – മികച്ച നടി (മലയാളം) – പത്രം
- സ്ക്രീൻ-വീഡിയോകോൺ പുരസ്കാരം
- 1996 – മികച്ച നടി – ഈ പൂഴയും കടന്ന്
- 1997 – മികച്ച നടി – ആറാം തമ്പുരാൻ, കൃഷ്ണഗുഡിയിൽ ഒരു പ്രണയകാലത്ത്
- ഫിലിം ഫാൻസ് പുരസ്കാരം
- 1996 – മികച്ച നടി – തൂവൽ കൊട്ടാരം
അവലംബം [തിരുത്തുക]
- ↑ "സാക്ഷ്യം ഐ.എം.ഡി.ബി. താൾ". ശേഖരിച്ചത് 2010 മേയ് 6.
- ↑ വീണ്ടും ചിലങ്കൾ കിലുങ്ങുന്നു
പുറത്തേക്കുള്ള കണ്ണികൾ [തിരുത്തുക]
