പത്മപ്രിയ

വിക്കിപീഡിയ, ഒരു സ്വതന്ത്ര വിജ്ഞാനകോശം.
പത്മപ്രിയ ജാനകിരാമൻ
Padmapriya 2008.jpg
2007 ലെ അമ്മയുടെ ജനറൽ ബോഡി മീറ്റിംഗിൽ
മറ്റ് പേരുകൾ പ്രിയ
സജീവം 2003 - ഇതുവരെ
ജീവിതപങ്കാളി(കൾ) ജാസ്മിൻ ഷാ (2014 മുതൽ)

മലയാളം, തമിഴ് ചലച്ചിത്രമേഖലയിലെ ഒരു നടിയാണ് പത്മപ്രിയ.

ഔദ്യോഗികജീവിതം[തിരുത്തുക]

പത്മപ്രിയ ആദ്യകാലത്ത് ബാംഗ്ലൂർ, ഗുഡ്‌ഗാവ് എന്നിവടങ്ങളിൽ ഒരു കൺസൽട്ടന്റ് ആയി ജോലി നോക്കിയിരുന്നു.

നർത്തകിയായി[തിരുത്തുക]

ചെറുപ്പകാലത്തിലെ നൃത്തം അഭ്യസിച്ച പത്മപ്രിയ, 200 ലധികം പൊതുവേദികളിൽ നൃത്തം അവതരിപ്പിച്ചിട്ടുണ്ട്. പത്മപ്രിയയുടെ ഗുരു നാട്യബ്രഹ്മ വി.എസ്. രാമമൂർത്തി ആണ്. 1990 കളിൽ ദൂരദർശനു വേണ്ടി നൃത്തപരിപാടികൾ അവതരിപ്പിച്ചിട്ടുണ്ട്.[1]

ചലച്ചിത്രവേദിയിൽ[തിരുത്തുക]

അഭിനയത്തോടും മോഡലിങ്ങിനോടുമുള്ള അഭിനിവേശം പത്മപ്രിയയെ അഭിനയവേദിയിലെത്തിച്ചു. ആദ്യ ചിത്രം ഒരു തെലുങ്ക് ചിത്രമായിരുന്നു. പിന്നീട് ശ്രദ്ധേയമായ ചിത്രങ്ങൾ അഭിനയിച്ചത് മലയാളം ചിത്രങ്ങളിലായിരുന്നു. പ്രമുഖ നടന്മാരായ മമ്മൂട്ടി, മോഹൻലാൽ, സുരേഷ് ഗോപി, ജയറാം എന്നിവരോടൊപ്പം പത്മപ്രിയ മലയാളത്തിൽ അഭിനയിച്ചിട്ടുണ്ട്. ഒരു ഹിന്ദി ചിത്രത്തിലും അഭിനയിച്ചിട്ടുണ്ട്.

സ്വകാര്യ ജീവിതം[തിരുത്തുക]

ഒരു തമിഴ് ബ്രാഹ്മണ കുടുംബത്തിൽ ഡെൽഹിയിലാണ് പത്മപ്രിയ ജനിച്ചതെങ്കിലും വളർന്നത് പഞ്ചാബിലായിരുന്നു. പിതാവ് ഒരു സൈനിക ഉദ്യോഗസ്ഥനായിരുന്നു. 12 നവംബർ 2014ൽ ജാസ്മിൻ ഷാ എന്ന ഗുജറാത്ത് സ്വദേശിയെ വിവാഹം കഴിച്ചു. [2]

അവലംബം[തിരുത്തുക]

  1. http://www.chakpak.com/celebrity/padmapriya/biography/35163
  2. വിവാഹിതയായി, നടി പത്മപ്രിയ (12 നവംബർ 2014). "നടി പത്മപ്രിയ വിവാഹിതയായി". മാതൃഭൂമി. ശേഖരിച്ചത് 13 നവംബർ 2014. 

പുറത്തേക്കുള്ള കണ്ണികൾ[തിരുത്തുക]

"http://ml.wikipedia.org/w/index.php?title=പത്മപ്രിയ&oldid=2100753" എന്ന താളിൽനിന്നു ശേഖരിച്ചത്