ജയസൂര്യ

ജയസൂര്യ
ജയസൂര്യ
ജനനം	ജയസൂര്യ; ഓഗസ്റ്റ് 31, 1978 (വയസ്സ് 34); തൃപ്പൂണിത്തറ, കേരളം, ഇന്ത്യ
മറ്റ് പേരുകൾ	ജയേട്ടൻ, ജയൻ, ജേയ്
തൊഴിൽ	ചലച്ചിത്രനടൻ, സംഗീതജ്ഞൻ
സജീവം	2001 - ഇന്നുവരെ
ജീവിത പങ്കാളി	സരിത (2004-ഇന്നുവരെ)
മാതാപിതാക്കൾ	മണി, തങ്കം

ഇംഗ്ലീഷ് വിലാസം

http://ml.wikipedia.org/wiki/Jayasurya

ഈ ലേഖനം ജയസൂര്യ എന്ന ചലച്ചിത്ര നടനെപ്പറ്റിയുള്ളതാണ്. ഇതേ പേരിലുള്ള ക്രിക്കറ്റ് കളിക്കാരനെക്കുറിച്ചറിയാൻ സനത് ജയസൂര്യ എന്ന താൾ കാണുക.

ഒരു തെന്നിന്ത്യൻ ചലച്ചിത്ര നടനാണ്‌ ജയസൂര്യ (ജനനം:‍ ഓഗസ്റ്റ് 31, 1978). എറണാകുളം ജില്ലയിലെ തൃപ്പൂണിത്തുറ സ്വദേശിയായ ജയസൂര്യ മിമിക്രിയിലൂടെ കലാരംഗത്ത് തുടക്കം കുറിച്ചു. തുടർന്ന് ഏഷ്യാനെറ്റ് കേബിൾവിഷൻ ചാനലിൽ അവതാരകനായി.

ദോസ്ത് (2001) എന്ന ചിത്രത്തിൽ ചെറിയൊരു വേഷം ചെയ്തു കൊണ്ട് സിനിമയിലെത്തി. 2002 ൽ വിനയൻ സംവിധാനം ചെയ്ത ഊമപ്പെണ്ണിനു ഉരിയാടാപ്പയ്യൻ എന്ന ചിത്രത്തിലൂടെ നായക പദവിയിലെത്തി. ഒരു ഊമപ്പെണ്ണിനു ഉരിയാടാപ്പയ്യൻ എന്ന ചിത്രത്തിന്റെ തമിഴ് റീമേക്കായ എൻ മാനവനിൽ എന്ന ചിത്രത്തിൽ അഭിനയിച്ചു കൊണ്ടു തമിഴിലും നായകനായി. പുതിയ നൂറ്റാണ്ടിന്റെ ആരംഭത്തിൽ മലയാള സിനിമയിൽ രംഗപ്രവേശം ചെയ്ത യുവതാരങ്ങളിൽ ഭൂരിഭാഗം താരങ്ങളും പരാജിതരായിട്ടും അഭിനയ മികവുകൊണ്ട് ജയസൂര്യ തന്റേതായ സ്ഥാനം ഉറപ്പിച്ചു.

ഒന്നിലേറെ നായകൻമാരുള്ള ചിത്രങ്ങളാണ് ഈ നടന് ഏറെ നേട്ടമായത്. സ്വപ്നക്കൂട്, ചതിക്കാത്ത ചന്തു, ക്ലാസ്മേറ്റ്സ് തുടങ്ങിയവ ഉദാഹരണം. അഞ്ചു തമിഴു ചിത്രത്തിൽ അഭിനയിച്ചു. നാല്പ്പതിലധികം മലയാള ചിത്രങ്ങളിൽ അഭിനയിച്ചു. നായക കഥാപാത്രത്തെ മാത്രമെ അവതരിപ്പിക്കൂ എന്ന പിടിവാശിയില്ലാത്തതും നർമരംഗങ്ങളിലെ മികവുമാണ് വളർച്ചക്ക് സഹായകമായ ഘടകമായത്‌.

കുടുംബം [തിരുത്തുക]

മണി-തങ്കം ദമ്പതികളുടെ മകനായി 1978-ൽ ജനിച്ചു. 2004-ൽ സരിതയുമായി പ്രണയവിവാഹം. 2006-ൽ മകൻ അദ്വൈത്, 2011-ൽ മകൾ വേദ എന്നിവർ ജനിച്ചു.