അനൂപ് മേനോൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
അനൂപ് മേനോൻ
ജനനം അനൂപ് ഗംഗാധരൻ
(1977-08-03) ഓഗസ്റ്റ് 3, 1977 (37 വയസ്സ്)[1]
കോഴിക്കോട്, കേരളം, ഇന്ത്യ
തൊഴിൽ നടൻ, തിരക്കഥാകൃത്ത്
സജീവം 2002–ഇതുവരെ
മാതാപിതാക്കൾ പി. ഗംഗാധരൻ നായർ (അച്ചൻ)
ഇന്ദിരാ മേനോൻ (അമ്മ)
ദീപ്തി (സഹോദരി)

ഒരു മലയാള ചലച്ചിത്ര നടനും, തിരക്കഥാകൃത്തുമാണ് അനൂപ് മേനോൻ. ചലച്ചിത്രങ്ങളിൽ സജീവമാകുന്നതിനു മുൻപ് ടെലിവിഷനിൽ അഭിനയിച്ചിരുന്നു. 2008-ൽ മികച്ച രണ്ടാമത്തെ നടനുള്ള കേരള സർക്കാരിന്റെ പുരസ്കാരവും, 2009-ലെ ഫിലിംഫെയർ അവാർഡും തിരക്കഥ എന്ന ചിത്രത്തിലൂടെ അനൂപ് നേടി[2].

തിരുവനന്തപുരം ക്രൈസ്റ്റ് നഗർ സ്കൂളിൽ പ്രാഥമിക വിദ്യാഭ്യാസവും തിരുവനന്തപുരം ലോ കോളേജിൽ നിയമപഠനവും പൂർത്തിയാക്കി. തുടർന്ന് ദുബായിൽ ലോ സ്കൂളിൽ അദ്ധ്യാപകനായി നിയമിതനായി. ഇക്കാലയളവിൽ സൂര്യാ ടി.വി., കൈരളി എന്നിവയിൽ പ്രഭാതപരിപാടികളുടെ അവതാരകനായി ജോലി ചെയ്തു. തുടർന്ന് ശ്യാമപ്രസാദിന്റെ ശമനതാളം എന്ന സീരിയലിൽ അഭിനയിച്ചു. കാട്ടുചെമ്പകം എന്ന ചിത്രത്തിലാണ് ആദ്യമായി അഭിനയിക്കുന്നത്. പകൽ നക്ഷത്രങ്ങൾ, കോക്ക്ടെയിൽ, ബ്യൂട്ടിഫുൾ എന്നിവയുടെ തിരക്കഥ തയാറാക്കിയിട്ടുണ്ട്.

ജീവിതരേഖ[തിരുത്തുക]

ടെലിവിഷൻ പരമ്പരകളിൽകൂടി ആയിരുന്നു മേനോൻ അഭിനയത്തിൽ തുടക്കം കുറിച്ചത്. ഏഷ്യാനെറ്റ് എന്ന ആദ്യ മലയാള സ്വകാര്യ ചാനലിന്റെ സ്വപ്നം കൂടാതെ മേഘം എന്നി പരമ്പരകളിൽ അവതരിപ്പിച്ച കഥാപാത്രങ്ങളിൽകൂടിയാണ് മേനോൻ കൂടുതൽ ശ്രദ്ധ നേടിയത്. പിന്നീട് 2008-ഇൽ പ്രദർശിപ്പിച്ച പകൽ നക്ഷത്രങ്ങൾ എന്ന ചലച്ചിത്രത്തിന്റെ തിരക്കഥാകൃത്തായി അരങ്ങേറ്റം കുറിച്ചു[3]. 2008-ൽ രഞ്ജിത്ത് സംവിധാനം നിർവഹിച്ച തിരക്കഥ എന്ന ചിത്രത്തിൽ മുഖ്യ കഥാപാത്രമായി വേഷമിട്ടു. അജയ ചന്ദ്രൻ എന്ന ഒരു ചലച്ചിത്ര താരത്തിന്റെ ജീവിതത്തിലെ പല ഘടകങ്ങളാണ് മേനോൻ അവതരിപ്പിച്ചത്.പിന്നീട്, പല ചലച്ചിത്രങ്ങളിൽക്കൂടിയും മേനോൻ ഏറെ ശ്രദ്ധേയനായി. തിരകഥക്ക് ശേഷം പ്രദർശിപ്പിച്ച ലൗഡ്സ്പീക്കർ, കേരള കഫെ, കോക്ടെയിൽ, ട്രാഫിക്‌, പ്രണയം എന്നി ചലച്ചിത്രങ്ങളിൽ ഏറെ നല്ല കഥാപാത്രങ്ങളും അവതരിപ്പിച്ചു.

അഭിനയിച്ച ചിത്രങ്ങൾ[തിരുത്തുക]

നമ്പർ വർഷം ചലച്ചിത്രം സംവിധാനം
1 2002 കാട്ടുചെമ്പകം വിനയൻ
2 2003 ഇവർ ടി.കെ. രാജീവ് കുമാർ
3 2007 കയ്യൊപ്പ് രഞ്ജിത്ത്
4 2007 റോക്ക് ആന്റ് റോൾ രഞ്ജിത്ത്
5 2008 പകൽ നക്ഷത്രങ്ങൾ രാജീവ് നാഥ്
6 2008 മോക്ഷം രാജീവ് നാഥ്
7 2008 കേരള പോലീസ് ചന്ദ്രശേഖരൻ
8 2008 തിരക്കഥ രഞ്ജിത്ത്
9 2008 അനുഭവ് രാജീവ് നാഥ്
10 2009 കറൻസി സ്വാതി ഭാസ്കർ
11 2009 ഇവർ വിവാഹിതരായാൽ സജി സുരേന്ദ്രൻ
12 2009 ലൗഡ്സ്പീക്കർ ലൗഡ്സ്പീക്കർ
13 2009 പത്താം നിലയിലെ തീവണ്ടി ജോഷി മാത്യു
14 2009 കേരള കഫേ രഞ്ജിത്ത്
15 2010 പ്രമാണി ബി. ഉണ്ണികൃഷ്ണൻ
16 2010 മമ്മി ആന്റ് മീ ജിത്തു ജോസഫ്
17 2010 നീലാംബരി ഹരിനാരായണൻ
18 2010 കോക്ക്ടെയിൽ അരുൺ കുമാർ
19 2011 ലക്കി ജോക്കേഴ്സ് സുനിൽ
19 2011 ട്രാഫിക് രാജേഷ് പിള്ള
20 2011 പ്രണയം ബ്ലെസ്സി
22 2011 ബ്യൂട്ടിഫുൾ വി.കെ. പ്രകാശ്
23 2011 അതേ മഴ അതേ വെയിൽ ജി. മനു
24 2012 മുല്ലശ്ശേരി മാധവൻകുട്ടി നേമം പി.ഒ. സ്വാതി ഭാസ്ക്കർ
25 2012 ട്രിവാൻഡ്രം ലോഡ്ജ് വി.കെ. പ്രകാശ്
26 2012 ഡേവിഡ്‌ & ഗോലിയാത്ത് രാജീവ് നാഥ്

രചന നിർവ്വഹിച്ച ചലച്ചിത്രങ്ങൾ[തിരുത്തുക]

  • പക്ഷൽ നക്ഷത്രങ്ങൾ
  • അനുഭവ്
  • കോക്ക്ടെയിൽ
  • ലാവണ്ടർ
  • ബ്യൂട്ടിഫുൾ
  • ട്രിവാഡ്രം ലോഡ്ജ്
  • ഡേവിഡ്‌ & ഗോലിയാത്ത്

പുരസ്കാരങ്ങൾ[തിരുത്തുക]

കേരള സംസ്ഥാന ചലച്ചിത്ര പുരസ്കാരം
  • 2008 - മികച്ച രണ്ടാമത്തെ നടൻ - തിരക്കഥ
ഫിലിംഫെയർ അവാർഡ്സ് സൗത്ത്
  • 2008 - മികച്ച സഹനടൻ

അവലംബം[തിരുത്തുക]

  1. https://www.facebook.com/anoopmenon.page
  2. "Kerala State Film Awards 2008". oneIndia. 5 June 2009. ശേഖരിച്ചത് 6 June 2009. 
  3. http://www.rediff.com/movies/2008/dec/01review-pakal-nakshatrangal.htm
"http://ml.wikipedia.org/w/index.php?title=അനൂപ്_മേനോൻ&oldid=2098138" എന്ന താളിൽനിന്നു ശേഖരിച്ചത്