അണലി

വിക്കിപീഡിയ, ഒരു സ്വതന്ത്ര വിജ്ഞാനകോശം.

അണലി
അണലി
ശാസ്ത്രീയ വര്‍ഗീകരണം
സാമ്രാജ്യം: ജന്തുക്കള്‍ ഫൈലം: ജീവികള്‍ വര്‍ഗ്ഗം: ഉരഗങ്ങള്‍ നിര: സ്കുമാട്ട Suborder: പാമ്പ് കുടുംബം: അണലി നികൊളസ് മൈക്കള്‍ ഓപ്പെല്‍, 1811

കരയിലും മരങ്ങളിലും മരുഭൂമിയിലും കണ്ടുവരുന്ന ഒരു പാമ്പാണ് അണലി. ആസ്ത്രേലിയയിലും മഡഗാസ്കറിലും ഒഴികെ ലോകത്തിന്റെ മിക്ക ഭാഗങ്ങളിലും ഇവയുടെ വര്‍ഗ്ഗക്കാര്‍ ഉണ്ട്. വിഷമുള്ള ജാതിയാണ് ഇവ. ഇവയ്ക്ക് മൂര്‍ഖനേക്കാളും വീര്യം കൂടിയ വിഷം ഉണ്ടെങ്കിലും ഇവ മൂര്‍ഖന്റെയത്രെ അപകടകാരി അല്ല. അണലിവിഷത്തിന്റെ കണികകള്‍ മൂര്‍ഖന്റെ വിഷത്തേക്കാള്‍ വലിപ്പം കൂടിയതിനാല്‍ വിഷം ശരീരത്തില്‍ സാവധാനത്തില്‍ മാത്രമേ വ്യാപിക്കുകയുള്ളൂ എന്നതാണ് ഇതിന് കാരണം. ഇവയുടേ വിഷപല്ല് കടിക്കാന്‍ ശ്രമിക്കുമ്പോള്‍ മാത്രമേ പുറത്തേയ്ക്ക് വരുകയുള്ളൂ. അത് കൊണ്ട് ഇവ കടിക്കുമ്പോള്‍ അത്ര വിഷം കടിച്ചേല്‍പ്പിക്കാറില്ല. ^{[അവലംബം ആവശ്യമാണ്]}അണലി വളരെ വര്‍ണാഭമായ ഒരു പാമ്പാണ്. മഴക്കാടുകളില്‍ കണ്ടു വരുന്ന അണലികള്‍ ‍ഈര്‍പ്പമുള്ള സ്ഥലങ്ങളിലും മലകളിലെ മാളങ്ങളിലുമാണ് താമസിക്കുന്നത്. അവയുടെ ശരീരത്തിലള്ള തിളക്കമാര്‍ന്ന വര്‍ണങ്ങള്‍ അവയെ അതിജീവനത്തിനു സഹായിക്കുന്നു. മറ്റു പാമ്പുകളെ അപേക്ഷിച്ചു അണലി ചെറിയ പാമ്പാണ്. 50 മുത്ല്‍ 65 സെ.മി. വരെയേ നീളം ഉണ്ടാകൂ. പക്ഷേ അണലിക്ക് മറ്റ് പാമ്പുകളേ അപേക്ഷിച്ച് വളരെ ആരോഗ്യമുള്ള ശരീരമാണുള്ളത്. ചില അണലികള്‍ക്ക് ചുവന്നതും ചിലവയ്ക്കു തവിട്ട് കലര്‍ന്ന നിറത്തോടു കൂടിയ കണ്ണുകളാണുള്ളത്. അണലികള്‍ മഞ്ഞ നിറത്തിലും പച്ച നിറത്തിലും കാണപ്പെടുന്നു. അത് അവയെ camouflage-നു സഹായിക്കുന്നു.

അണലികള്‍ മണ്ണിലും മരത്തിലും കാണാപ്പെടുന്നു. കൂടുതലും ഈര്‍പ്പമുള്ള അന്തരീക്ഷത്തോടാണ് അവ ഇണങ്ങുന്നത്. മരത്തില്‍ കാണപ്പെടുന്ന അണലി വാല്‍ മരത്തില്‍ ചുറ്റി തല കീഴായിക്കിടന്നോ, ഇലകള്‍ക്കിടയില്‍ മറഞ്ഞിരുന്നോ ആണു ഇര പിടിക്കുന്നത്. അണലികള്‍ പൊതുവേ ഉഭയജീവികളെയാണ് ഇരയാക്കുന്നത്. ആഹാരം കൂടാതെ ഒരു വര്‍ഷത്തോളം ജീവിക്കാനുള്ള കഴിവ് അവയ്ക്കുണ്ടു്.

അണലിയുടെ കടിയേറ്റാലുടന്‍ വൈദ്യസഹായം ലഭിച്ചില്ലെങ്കില്‍ ധാരാളം രക്തം നഷ്ടപ്പെടാനിടയുണ്ടു.

അണലിയുടെ ശത്രുക്കള്‍ പക്ഷികളും മനുഷ്യരുമാണ്. ചെറുപ്പകാലത്ത് പക്ഷികളും തുകലിന് വേണ്ടി മനുഷ്യരും അവയെ ധാരളമായി വേട്ടയാടാറുണ്ട്.

സാധാരണയായി ഓഗസ്റ്റ് മാസത്തില്‍ ഏകദേശം 20 കുട്ടികള്‍ക്കാണ് ഇവ ജന്‍മം നല്‍കാറുള്ളത്. ഇവ ചെറുപ്പകാലം മുതലേ വളരെയേറെ സ്വയംപര്യാപ്തരായിരിക്കും. ഇവയുടെ മുട്ട ഉദരത്തില്‍ ആണ് അടവെക്കുക.^{[അവലംബം ആവശ്യമാണ്]} കുഞ്ഞുകള്‍ ഉദരത്തില്‍ നിന്നാണ് മുട്ടവിരിഞ്ഞ് പുറത്തേക്ക് വരുക. ഈ ഒരു പ്രത്യേകത കാരണം ഇവയെ പ്രസവിക്കുന്ന പാമ്പ് എന്നു പറയാറുണ്ട്.

അണലിയുടെ വിഷം രക്തചംക്രമണവ്യവസ്ഥയെയാണു ബാധിക്കുന്നത്.^{[അവലംബം ആവശ്യമാണ്]}

[തിരുത്തുക] ഇതും കാണുക

• പാമ്പ്‌
• പറശ്ശിനിക്കടവ് പാമ്പുവളര്‍ത്തല്‍ കേന്ദ്രം
• വിഷചികിത്സ

[തിരുത്തുക] ചിത്രശാല

കരയില്‍ കാണുപ്പെടുന്ന അണലി

കേരളത്തില്‍ കണ്ടുവരുന്ന അണലി
			Vipera berus - two color variations
	black variation
	Adders after hibernation	Two males in synch
	Fang in glove

മരങ്ങളില്‍ കാണുന്ന അണലി

മരുഭൂമിയില്‍ കാണപ്പെടുന്ന അണലി