നിക്കോള ടെസ്‌ല

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
നിക്കോള ടെസ്‌ല
1893-ൽ
ജനനം(1856-07-10)10 ജൂലൈ 1856
സ്മിലിയൻ, ഓസ്ട്രിയൻ സാമ്രാജ്യം
(ഇന്നത്തെ ക്രൊയേഷ്യയിൽ)
മരണം7 ജനുവരി 1943(1943-01-07) (aged 86)
ന്യൂ യോർക്ക്, യു.എസ്.
താമസംഓസ്ട്രിയൻ സാമ്രാജ്യം
ഹംഗറി സാമ്രാജ്യം
ഫ്രാൻസ്
യു.എസ്.
പൗരത്വംഓസ്ട്രിയൻ സാമ്രാജ്യം (1891 വരെ)
യു.എസ്. (1891 മുതൽ)
മേഖലകൾമെക്കാനിക്കൽ, ഇലക്ട്രിക്കൽ എഞ്ചിനിയറിംഗ്
സ്ഥാപനങ്ങൾഎഡിസൺ മെഷീൻ വർക്സ്
ടെസ്ല ഇലക്ട്രിക് ലൈറ്റ് & മാനുഫാക്‌ചറിംഗ്
വെസ്റ്റിംഗ്‌ഹൗസ് ഇലക്ട്രിക് & മാനുഫാക്‌ചറിംഗ്
അറിയപ്പെടുന്നത്Tesla coil
Tesla turbine
Teleforce
Tesla's oscillator
Tesla electric car
Tesla principle
Tesla's Egg of Columbus
Alternating current
Induction motor
Rotating magnetic field
Wireless technology
Particle beam weapon
Death ray
Terrestrial stationary waves
Bifilar coil
Telegeodynamics
Electrogravitics
സ്വാധീനിക്കപ്പെട്ടിട്ടുള്ളത്ഏൺസ്റ്റ് മാക്ക്
സ്വാധീനിച്ചതു്ഗാനോ ഡൺ
പ്രധാന പുരസ്കാരങ്ങൾഎഡിസൺ മെഡൽ (1916)
എലിയട്ട് ക്രെസ്സൺ മെഡൽ (1893)
ജോൺ സ്കോട്ട് മെഡൽ (1934)
ഒപ്പ്
നിക്കോള ടെസ്‌ല's signature

സെർബിയൻ-അമേരിക്കക്കാരനായ[1][2][3] ഒരു കണ്ടുപിടിത്തക്കാരനും, വൈദ്യുതിഎഞ്ചിനീയറും, മെക്കാനിക്കൽ എഞ്ചിനീയറും, ഭാവി‌കാഴ്ചപ്പാടുള്ളയാളും ഇന്നത്തെ വൈദ്യുതിവിതരണസമ്പ്രദായം പ്രത്യാവർത്തിധാരാവൈദ്യുതി (AC) ആയിത്തീരാൻ മുഖ്യപങ്കുവഹിച്ച ആളും ആയിരുന്നു നിക്കോള ടെസ്‌ല (Nikola Tesla) (/ˈtɛslə/;[4] ഫലകം:IPA-sr; ഫലകം:Lang-sr-cyr; 10 ജൂലൈ 1856 – 7 ജനുവരി1943) [5] വൈദ്യുതിയുടെ വ്യാവസായികോപയോഗത്തിന്‌ പ്രധാന സംഭാവനകൾ നൽകിയ അദ്ദേഹം ഭൂമുഖത്തിൽ വെളിച്ചം വിതറിയ വ്യക്തി എന്നറിയപ്പെടുന്നു. ടെസ്‌ലയുടെ പേറ്റന്റുകളും സൈദ്ധാന്തികഗവേഷണങ്ങളുമാണ്‌ ഇന്നത്തെ പ്രത്യാവർത്തിധാരാവൈദ്യുതോപകരണങ്ങൾക്ക് അടിസ്ഥാനം. അദ്ദേഹത്തിന്റെ എ.സി. മോട്ടോർ കണ്ടുപിടിത്തം രണ്ടാം വ്യാവസായികവിപ്ലവത്തിന്‌ വഴിതെളിച്ചു.

ഓസ്ട്രിയൻ സാമ്രാജ്യത്തിൽ ജനിച്ചുവളർന്ന ടെസ്‌ല 1870 കളിൽ എഞ്ചിനീയറിംഗിലും ഭൗതികശാസ്ത്രത്തിലും ഉന്നത വിദ്യാഭ്യാസം നേടിയതിനുശേഷം 1880 കളുടെ ആദ്യം കോണ്ടിനെന്റൽ എഡിസണിൽ ടെലിഫോണിയിൽ ജോലിചെയ്തുകൊണ്ട് അക്കാലത്തെ നവീനമേഖലയായ വൈദ്യുതോർജ്ജവ്യവസായത്തിൽ പ്രായോഗികപരിശീലനം നേടി. 1884 -ൽ ടെസ്‌ല അമേരിക്കയിലേക്ക് കുടിയേറുകയും അവിടുത്തെ പൗരനായി മാറുകയും ചെയ്തു. സ്വന്തമായ സംരംഭം തുടങ്ങുന്നതിനുമുൻപ് അദ്ദേഹം കുറച്ചുകാലം ന്യൂയോർക്കിലെ എഡിസൺ മെഷീൻ വർക്‌സിൽ ജോലിചെയ്തിരുന്നു. തന്റെ ആശയങ്ങളെ പിന്തുണയ്ക്കാൻ ആളും അർത്ഥവും ലഭ്യമായതോടെ ടെസ്‌ല പലതരം വൈദ്യുത-യാത്രിക യന്ത്രങ്ങൾ വികസിപ്പിക്കാനായി ന്യൂയോർക്കിൽ പരീക്ഷണശാലകളും കമ്പനികളും സ്ഥാപിച്ചു. അദ്ദേഹത്തിന്റെ 1888 -ൽ വെസ്റ്റിംഗ്‌ഹൗസ് ഇലക്ട്രിൿ ലൈസൻസ് നൽകിയ പ്രത്യാവർത്തിധാരാ (AC) ഇൻഡക്ഷൻ മോട്ടോറും അനുബന്ധ പോളിഫേസ് AC പേറ്റന്റുകളും ടെസ്‌ലയ്ക്ക് ധാരാളം പണം നേടിക്കൊടുക്കുകയും ആ പേറ്റന്റുകൾ പോളിഫേസ് രീതിയുടെ മൂലക്കല്ലായിമാറുകയും തുടർന്ന് ആ കമ്പനി ആ രീതി പലതരത്തിൽ മാർക്കറ്റ് ചെയ്യുകയും ചെയ്തു.

തനിക്ക് പേറ്റന്റെടുത്ത് വിപണിയിലിറക്കാൻ പറ്റുന്ന കണ്ടുപിടുത്തങ്ങൾക്കായി ടെസ്‌ല യാന്ത്രിക ഓസിലേറ്ററുകൾ/ജനറേറ്ററുകൾ, വൈദ്യുത ഡിസ്ചാർജ് റ്റ്യൂബുകൾ, എക്സ് റേ ഇമേജിങ്ങ് തുടങ്ങി നിരവധി പരീക്ഷണങ്ങളും പരിശ്രമങ്ങളും നടത്തി. ലോകത്താദ്യമായി അദ്ദേഹം ഒരു വയർലെസ് നിയന്ത്രിത ബോട്ട് ഉണ്ടാക്കി. ഒരു കണ്ടുപിടുത്തക്കാരൻ എന്ന നിലയിൽ പ്രസിദ്ധനായ ടെസ്‌ല പ്രമുഖരെയും കാശുള്ളവരെയും തന്റെ പ്രദർശനങ്ങൾ കാണിക്കുവാൻ തന്റെ പരീക്ഷണശാലയിലേക്ക് ക്ഷണിച്ചു. പൊതുവേദികളിലെ പ്രസംഗങ്ങളിൽ അദ്ദേഹം സമർത്ഥനായിരുന്നു. 1890 -കളിൽ മുഴുവൻ ടെസ്‌ല തന്റെ വയർലസ് ആയി ലൈറ്റിങ്ങിനും ലോകമെങ്ങും വയർലെസ് ആയി വൈദ്യുതിവിതരണത്തിനുമായുള്ള മാർഗങ്ങൾക്കായി ഉയർന്ന ആവൃത്തിയിലും ഉയർന്ന വോൾട്ടതയിലുമുള്ള പരീക്ഷണങ്ങൾ ന്യൂ യോർക്കിലും കൊളറാഡൊ സ്പ്രിങ്‌സിലും നടത്തി. 1893 -ൽ തന്റെ ഉപകരണങ്ങൾ ഉപയോഗിച്ച് വയർലെസ് വാർത്താവിനിമയത്തിനുള്ള സാധ്യതകളെപ്പറ്റി പ്രവചിച്ചു. തന്റെ ഭൂഖണ്ഡാന്തര വയർലെസ് വാർത്താവിനിമയ - വയർലെസ് വൈദ്യുതി സമ്പ്രേഷണ പദ്ധതിയായ, പണിതീരാത്ത വാർഡൻ‌ക്ലിഫ് ടവർ പ്രൊജക്ട് ഉപയോഗിച്ച് ഈ ആശയങ്ങൾ പ്രാവർത്തികമാക്കാൻ ടെസ്‌ല ശ്രമിച്ചെങ്കിലും പണമില്ലാത്തതിനാൽ അതു പൂർത്തിയാക്കാൻ അദ്ദേഹത്തിനു കഴിഞ്ഞില്ല.[6]

വാർഡൻക്ലിഫിനുശേഷം 1910 -1920 കളിൽ ടെസ്‌ല ധാരാളം പരീക്ഷണങ്ങൾ നടത്തുകയും പലതിലും വിജയത്തിൽ എത്തുകയും ചെയ്തു. പണത്തിന്റെ വലിയഭാഗവും ചെലവഴിച്ചുകഴിഞ്ഞ അദ്ദേഹം പല ന്യൂയോർക്കു ഹോട്ടലുകളിലും താമസിച്ചു, പലതിന്റെയും ബില്ലുകൾ കൊടുക്കാൻ അദ്ദേഹത്തിനു കഴിഞ്ഞില്ല. 1943 ജനുവരിയിൽ ന്യൂ യോർക്ക് നഗരത്തിൽ വച്ച അദ്ദേഹം മരണമടഞ്ഞു.[7] മരണത്തോടെ അദ്ദേഹത്റ്റിന്റെ സംഭാവനകൾ പലതും വിസ്മൃതിയിലാണ്ടു. 1960 -ൽ മാഗ്നറ്റിൿ ഫ്ലക്സ് ഡെൻസിറ്റിയുടെ എസ് ഐ യൂണിറ്റ് ആയി അളവുതൂക്കങ്ങൾക്കായുള്ള അന്താരാഷ്ട്രയോഗം ടെസ്‌ല എന്ന പേർ അദ്ദേഹത്തിന്റെ ബഹുമാനാർത്ഥം തെരഞ്ഞെടുത്തു[8] 1990 -നു ശേഷം ടെസ്‌ലയുടെ പേരിനും സംഭാവനകൾക്കും പുത്തൻ ഉണർവ് ഉണ്ടായി.[9]

ആദ്യകാലജീവിതം[തിരുത്തുക]

Rebuilt, Tesla's house (parish hall) in Smiljan, now in Croatia, where he was born, and the rebuilt church, where his father served. During the Yugoslav Wars, several of the buildings were severely damaged by fire. They were restored and reopened in 2006.[10]
Tesla's baptismal record, 28 June 1856

ആസ്ട്രിയൻ സാമ്രാജ്യത്തിലെ (ഇന്നത്തെ ക്രൊയേഷ്യ) ലിക്ക കൗണ്ടിയിലെ സ്മിൽജാൻ ഗ്രാമത്തിൽ ഒരു സെർബ് വംശജനായി 1856 ജൂലൈ 10 -ന് നിക്കോള ടെസ്‌ല ജനിച്ചു.[11][12] അദ്ദേഹത്തിന്റെ പിതാവ് മിലൂട്ടിൻ ടെസ്‌ല (1819–1879)[13] പൗരസ്ത്യ ഓർത്തഡോക്സ് സഭയിലെ ഒരു പുരോഹിനായിരുന്നു.[14][15][16][17] അദ്ദേഹത്തിന്റെ അമ്മയായ ഡ്യൂക ടെസ്‌ലയും (1822–1892) ഒരു ഓർത്തോഡോക്സ് പുരോഹിതന്റെ തന്നെ മകളായിരുന്നു.[18] കരകൗശലരീതിയിലുള്ള വസ്തുക്കളും യാന്ത്രിക ഉപകരണങ്ങളും ഉണ്ടാക്കാൻ കഴിവുണ്ടായിരുന്ന് അവർക്ക് പുരാണ സെർബിയൻ കവിതകൾ മനഃപാഠമായിരുന്നു. അവർക്ക് ഒരിക്കലും ഔപചാരികവിദ്യാഭ്യാസം ലഭിച്ചിരുന്നില്ല. തന്റെ അപാരമായ ഓർമ്മശക്തിയുടെയും സൃഷ്ടിപരമായ കഴിവുകളുടെയും കാരണം അമ്മയുടെ ജീനും സ്വാധീനവും ആണെന്ന് ടെസ്‌ല പറഞ്ഞിട്ടുണ്ട്.[19][20] ടെസ്‌ലയുടെ പൂർവ്വികർ മോണ്ടിനിഗ്രോയ്ക്ക് സമീപത്തുള്ള പശ്ചിമ സെർബിയയിൽ നിന്നുള്ളവരായിരുന്നു.[21]

അഞ്ചുമക്കളിൽ നാലാമത്തവൻ ആയിരിന്നു ടെസ്‌ല. ടെസ്‌ലയ്ക്ക് അഞ്ചുവയസ്സുള്ളപ്പോൾ ഒരു കുതിരസവാരി അപകടത്തിൽ കൊല്ലപ്പെട്ട മുതിർന്ന സഹോദരനായ ഡൈനെ(Dane)ക്കൂടാതെ അദ്ദേഹത്തിനു മൂന്നുസഹോദരിമാർ (മിൽക്ക - Milka, ആഞ്ജലീന - Angelina - മേരിക്ക - Marica).[22] 1861 -ൽ സ്മിൽജാനിൽ പ്രൈമറി സ്കൂളിൽ പതിച്ച ടെസ്‌ല അവിടെ ജർമനും ഗണിതവും മതവും പഠിച്ചു.[23] 1862 - ൽ പിതാവ് പുരോഹിതനായി ജോലിനോക്കിയ ലൈകയിലെ ഗോസ്പിക്കിലേക്ക് ടെസ്‌ല കുടുംബം താമസം മാറ്റി. പ്രൈമറി സ്കൂൾ വിദ്യാഭ്യാസം പൂർത്തിയാക്കിയ ടെസ്‌ല അവിടെ മിഡിൽ സ്കൂളിലും പഠിച്ചു.[23] ഹയർ റിയൽ ജിമ്നേഷ്യത്തിൽ പഠിത്തം തുടരാനായി ടെസ്‌ല 1870 -ൽ വളരെ വടക്കുള്ള കാർലോവാക്കിലേക്ക് താമസം മാറ്റി.[24] ആസ്ട്രോ-ഹംഗേറിയൻ സൈനിക അതിർത്തിയിലുള്ള ഒരു സ്കൂൾ ആയതിനാൽ അവിടെ പഠനം ജർമനിൽ ആയിരുന്നു.[25]

Tesla's father, Milutin, was an Orthodox priest in the village of Smiljan

1894-ൽ വയർലെസ്സ് റേഡിയോ പ്രവർത്തിപ്പിച്ചുകാട്ടുകയും വൈദ്യുതികളുടെ യുദ്ധത്തിൽ എഡിസണുമേൽ വിജയം നേടുകയും ചെയ്തതോടെ അമേരിക്കയിലെ ഏറ്റവും മഹാന്മാരായ എഞ്ചിനിയർമാരുടെ ഗണത്തിൽ ഇടം നേടി. ഇക്കാലത്ത് ചരിത്രത്തിലെ മറ്റേത് ശാസ്ത്രജ്ഞനെക്കാളും പ്രശസ്തി അമേരിക്കയിൽ അദ്ദേഹത്തിനുണ്ടായിരുന്നു. എന്നാൽ അവിശ്വസിനീയവും വിചിത്രവുമായ ശാസ്ത്രസംബന്ധിയായ അവകാശവാദങ്ങളും പ്രത്യേക സ്വഭാവവും ഭ്രാന്തൻ ശാസ്ത്രജ്ഞൻ എന്ന രീതിയിൽ ജനങ്ങൾ അദ്ദേഹത്തെ കാണാൻ കാരണമായി. തന്റെ ധനസ്ഥിതിയെക്കുറിച്ച് കാര്യമായി ചിന്തിക്കാതിരുന്ന അദ്ദേഹം ദാരിദ്ര്യത്തിലാണ്‌ മരിച്ചത്.

കാന്തികക്ഷേത്രത്തിന്റെ എസ്.ഐ. ഏകകം അദ്ദേഹത്തിന്റെ ബഹുമാനാർത്ഥം 1960-ൽ ടെസ്‌ല എന്ന് നാമകരണം ചെയ്യപ്പെട്ടു. വൈദ്യുതകാന്തികതയ്ക്കും വൈദ്യുതിയുമായി ബന്ധപ്പെട്ട ഉപകരണങ്ങൾക്കും പുറമെ റോബോടിക്സ്, റഡാർ, റിമോട്ട് കണ്ട്രോൾ, കം‌പ്യൂട്ടർ ശാസ്ത്രം മുതലായ വിവിധമേഖലകളിൽ ടെസ്‌ല സംഭാവനകൾ നൽകിയിട്ടുണ്ട്.

കണ്ടുപിടിത്തങ്ങളും തത്ത്വങ്ങളും[തിരുത്തുക]

  • കറങ്ങുന്ന കാന്തികക്ഷേത്രമുപയോഗിക്കുന്ന ഉപകരണങ്ങൾ - 1882
  • ഇൻഡക്ഷൻ മോട്ടോർ, റോട്ടറി ട്രാൻസ്ഫോർമറുകൾ, ഉന്നത ആവൃത്തി ആൾട്ടർനേറ്ററുകൾ
  • ടെസ്‌ല കോയിൽ, വൈദ്യുത ആന്ദോളനങ്ങളുടെ ആയതി വർദ്ധിപ്പിക്കാനുള്ള മറ്റുപകരണങ്ങൾ
  • പ്രത്യാവർത്തിധാരാവൈദ്യുതിയെ വലിയ ദൂരങ്ങളിലൂടെ കടത്തിക്കൊണ്ടുപോകാനുള്ള വ്യവസ്ഥ (1888)
  • വയർലെസ് വാർത്താവിനിമയത്തിനുള്ള ഉപകരണം (റേഡിയോ കണ്ടുപിടിക്കുന്നതിനു മുമ്പ്), റേഡിയോ ആവൃത്തി ആന്ദോളകങ്ങൾ
  • AND ലോജിക്ക് ഗേറ്റ്
  • ഇലക്ട്രോതെറാപ്പി - ടെസ്‌ലാ വൈദ്യുതി
  • കമ്പികളില്ലാതെ വിദ്യുത്പ്രസരണത്തിനുള്ള ഉപകരണം
  • ടെസ്‌ല ഇമ്പിഡെൻസ്
  • ടെസ്‌ല വിദ്യുത്‌സ്ഥിരമണ്ഡലം
  • ടെസ്‌ല തത്ത്വം
  • ബൈഫൈലാർ കോയിൽ
  • ടെലിജിയോഡൈനാമിക്സ്
  • ടെസ്‌ല അചാലകത
  • ടെസ്‌ല ആവേഗം
  • ടെസ്‌ല ആവൃത്തികൾ
  • ടെസ്‌ല ഡിസ്ച്ചാർജ്
  • കമ്മ്യൂട്ടേറ്ററുകളുടെ രൂപങ്ങൾ
  • ടെസ്‌ല ടർബൈനുകൾ
  • ടെസ്‌ല കം‌പ്രെസ്സർ
  • കൊറോണ ഡിസ്ചാർജ് ഓസോൺ ജെനെറേറ്റർ
  • ബ്രെംസ്ട്രാലങ്ങ് വികിരണം ഉപയോഗിക്കുന്ന എക്സ് റേ ട്യൂബുകൾ
  • അയണീകരിക്കപ്പെട്ട വാതകങ്ങൾക്കുള്ള ഉപകരണങ്ങൾ
  • ഉയർന്ന മണ്ഡലങ്ങളുടെയും വോൾട്ടതകളുടെയും ഉദ്വമനത്തിനായുള്ള ഉപകരണങ്ങൾ
  • ചാർജ്ജുള്ള കണികാബീമുകൾക്കായുള്ള ഉപകരണങ്ങൾ
  • വോൾട്ടത വർദ്ധിപ്പിക്കാനുള്ള സർക്യൂട്ട്
  • മിന്നൽരക്ഷാ ഉപകരണങ്ങൾ
  • ഗുരുത്വാകർഷണത്തിന്റെ ചലനാത്മകസിദ്ധാന്തം
  • വി.ടി.ഓ.എൽ. വിമാനം
  • വൈദ്യുതവാഹനങ്ങൾക്കുള്ള തത്ത്വങ്ങൾ
  • പോളിഫേസ് വ്യവസ്ഥകൾ
  • ഫാന്റം സ്ട്രീമിംഗ് വ്യവസ്ഥകൾ
  • ആർക് ലൈറ്റ് വ്യവസ്ഥകൾ

അവലംബം[തിരുത്തുക]

  • Tesla's Wardenclyffe Science Center Plaque [1]
  • NikolaTesla.fr - More than 1,000 documents on Tesla
  1. Burgan 2009, p. 9.
  2. "Electrical pioneer Tesla honoured". BBC News. 10 July 2006. ശേഖരിച്ചത്: 20 May 2013.
  3. "No, Nikola Tesla's Remains Aren't Sparking Devil Worship In Belgrade". Radio Free Europe/Radio Liberty. 9 June 2015.
  4. "Tesla". Random House Webster's Unabridged Dictionary.
  5. Laplante, Phillip A. (1999). Comprehensive Dictionary of Electrical Engineering 1999. Springer. p. 635. ISBN 978-3-540-64835-2.
  6. "Tesla Tower in Shoreham, Suffolk County (Long Island), 1901–17) meant to be the "World Wireless" Broadcasting system". Tesla Memorial Society of New York. ശേഖരിച്ചത്: 3 June 2012.
  7. O'Shei, Tim (2008). Marconi and Tesla: Pioneers of Radio Communication. MyReportLinks.com Books. p. 106. ISBN 978-1-59845-076-7.
  8. "Welcome to the Tesla Memorial Society of New York Website". Tesla Memorial Society of New York. ശേഖരിച്ചത്: 3 June 2012.
  9. Van Riper 2011, p. 150
  10. ഉദ്ധരിച്ചതിൽ പിഴവ്: അസാധുവായ <ref> ടാഗ്; tsbirthplace എന്ന അവലംബങ്ങൾക്ക് ടെക്സ്റ്റ് ഒന്നും കൊടുത്തിട്ടില്ല.
  11. Cheney, Uth & Glenn 1999, p. 143.
  12. O'Neill 2007, pp. 9, 12.
  13. Carlson 2013, p. 14.
  14. Dommermuth-Costa 1994, p. 12, "Milutin, Nikola's father, was a well-educated priest of the Serbian Orthodox Church.".
  15. Cheney 2011, p. 25, "The tiny house in which he was born stood next to the Serbian Orthodox Church presided over by his father, the Reverend Milutin Tesla, who sometimes wrote articles under the nom-de-plume 'Man of Justice'".
  16. Carlson 2013, p. 14, "Following a reprimand at school for not keeping his brass buttons polished, he quit and instead chose to become a priest in the Serbian Orthodox Church".
  17. Burgan 2009, p. 17, "Nikola's father, Milutin was a Serbian Orthodox priest and had been sent to Smiljan by his church.".
  18. O'Neill 1944, p. 10.
  19. Cheney 2001.
  20. Seifer 2001, p. 7.
  21. O'Neill 1944, p. 12.
  22. Carlson 2013, p. 21.
  23. 23.0 23.1 "Nikola Tesla Timeline from Tesla Universe". Tesla Universe. ശേഖരിച്ചത്: 16 January 2017.
  24. Tesla, Nikola (2011). My inventions: the autobiography of Nikola Tesla. Eastford: Martino Fine Books. ISBN 978-1-61427-084-3.
  25. Tesla, Nikola; Marinčić, Aleksandar (2008). From Colorado Springs to Long Island: research notes. Belgrade: Nikola Tesla Museum. ISBN 978-86-81243-44-2.



"https://ml.wikipedia.org/w/index.php?title=നിക്കോള_ടെസ്‌ല&oldid=3123602" എന്ന താളിൽനിന്ന് ശേഖരിച്ചത്