വടക്കുനോക്കിയന്ത്രം (ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/Vadakkunokkiyantram

വടക്കുനോക്കിയന്ത്രം
align=center
സംവിധാനം	ശ്രീനിവാസൻ
കഥ	ശ്രീനിവാസൻ
നിർമ്മാണം	ടി.സി. മണി ടോഫി കണ്ണാര
അഭിനേതാക്കൾ	ശ്രീനിവാസൻ പാർവ്വതി
ഛായാഗ്രഹണം	വേണു
ചിത്രസംയോജനം	എൻ. ഗോപാലകൃഷ്ണൻ
സംഗീതം	ജോൺസൺ
നിർമ്മാണ കമ്പനി	കാവ്യകല ഫിലിം യൂണിറ്റ്
വിതരണം	കെ.ആർ.ജി. ഫിലിം എന്റർപ്രൈസസ്
റിലീസ് തീയതി	1989 മേയ് 19
രാജ്യം	ഇന്ത്യ
ഭാഷ	മലയാളം

1989-ൽ പുറത്തിറങ്ങിയ ഒരു മലയാളചലച്ചിത്രമാണ്‌ വടക്കുനോക്കിയന്ത്രം. ഈ ചിത്രത്തിന്റെ കഥ, തിരക്കഥ, സം‌വിധാനം എന്നിവ നിർവഹിച്ചതും പ്രധാന കഥാപാത്രമായ തളത്തിൽ ദിനേശനെ അവതരിപ്പിച്ചതും ശ്രീനിവാസനാണ്‌.

തളത്തിൽ ദിനേശൻ എന്ന കേന്ദ്രകഥാപാത്രത്തിന്റെ അപകർഷതാബോധം മൂലം അയാളുടെ ദാമ്പത്യജീവിതത്തിൽ ഉണ്ടാകുന്ന പ്രശ്നങ്ങളാണ് ഈ ചിത്രത്തിന്റെ പ്രമേയം.

അഭിനേതാക്കൾ

• ശ്രീനിവാസൻ – തളത്തിൽ ദിനേശൻ
• പാർവ്വതി – ശോഭ
• ഇന്നസെന്റ് – തലകുളം സാർ
• കെ.പി.എ.സി. ലളിത – ദിനേശന്റെ അമ്മ
• ബൈജു – പ്രകാശൻ, ദിനേശന്റെ സഹോദരൻ
• ലാലു അലക്സ് – ക്യാപ്റ്റൻ എസ്. ബാലൻ
• സി.ഐ. പോൾ – രാഘവൻ നായർ, ശോഭയുടെ അച്ഛൻ
• ഉഷ – തങ്കമണി, ദിനേശന്റെ സഹോദരി
• ബോബി കൊട്ടാരക്കര – സഹദേവൻ, പ്രസ്സിലെ തൊഴിലാളി
• ജഗദീഷ് – വിനോദ് കുമാർ ആലപ്പി
• നെടുമുടി വേണു – ഡോക്ടർ
• ലിസി – സരള, ശോഭയുടെ കൂട്ടുകാരി
• ശങ്കരാടി – തളത്തിൽ ചന്തുനായർ, ദിനേശന്റെ അമ്മാവൻ
• മാമുക്കോയ – ഫോട്ടോഗ്രാഫർ
• ഒടുവിൽ ഉണ്ണികൃഷ്ണൻ – പോലീസുകാരൻ
• സുകുമാരി – ശോഭയുടെ അമ്മ

സംഗീതം

കൈതപ്രം ദാമോദരൻ നമ്പൂതിരി എഴുതിയ ഗാനത്തിന് സംഗീതം പകർന്നത് ജോൺസൺ ആണ്.

ഗാനങ്ങൾ

1. മായാമയൂരം – എം.ജി. ശ്രീകുമാർ (രാഗം: പഹാഡി)

പുരസ്കാരങ്ങൾ

1989-ലെ‍ മികച്ച ചിത്രത്തിനുള്ള കേരളസംസ്ഥാന ചലച്ചിത്രപുരസ്കാരം ഈ ചിത്രത്തിനായിരുന്നു. മികച്ച സംവിധായകനുള്ള പുരസ്കാരവും ഈ ചിത്രത്തിലൂടെ ശ്രീനിവാസന് ലഭിച്ചു.

പുറത്തേക്കുള്ള കണ്ണികൾ

വിക്കിചൊല്ലുകളിലെ വടക്കുനോക്കിയന്ത്രം എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:

• വടക്കുനോക്കിയന്ത്രം ഇന്റർനെറ്റ് മൂവി ഡാറ്റാബേസിൽ
• വടക്കുനോക്കിയന്ത്രം Archived 2014-07-26 at the Wayback Machine – മലയാളസംഗീതം.ഇൻഫോ