സുഹാസിനി

ഇംഗ്ലീഷ് വിലാസം

https://ml.wikipedia.org/wiki/Suhasini

സുഹാസിനി
ജനനം	സുഹാസിനി ചെന്നൈ, തമിഴ് നാട്, ഇന്ത്യ
തൊഴിൽ	അഭിനേത്രി‍, ഛായാഗ്രാഹക
ജീവിതപങ്കാളി(കൾ)	മണിരത്നം
വെബ്സൈറ്റ്	http://www.madrastalkies.com

സുഹാസിനി മണിരത്നം (തമിഴ്: சுஹாஸினி மணி ரத்னம்), അഥവാ സുഹാസിനി (ഓഗസ്റ്റ് 15, 1961) തെക്കേ ഇന്ത്യയിലെ, പ്രത്യേകിച്ച് തമിഴിലെ ഒരു ചലച്ചിത്രനടിയാണ്. നെഞ്ചത്തൈ കിള്ളാതെ എന്ന സിനിമയിലൂടെയാണ് ഇവര്‍ അഭിനയജീവിതം തുടങ്ങുന്നത്.

തമിഴിലെ പ്രമുഖ നടനായ ചാരു ഹസന്റെ മകളാണ്. പ്രമുഖ തമിഴ് സം‌വിധായകനായ മണിരത്നത്തെയാണ് വിവാഹം ചെയ്തിരിക്കുന്നത്. സുഹാസിനി ഒരു ഛായാഗ്രാഹക കൂടിയാണ്. മദ്രാസ് ഫിലിം ഇന്‍സ്റ്റിറ്റ്യൂട്ടില്‍ പഠിച്ച ആദ്യ ഛായാഗ്രാഹകയാണിവര്‍.

1996-ല്‍ സം‌വിധാനത്തിലേക്കും ചുവട് വച്ചു. ആദ്യം സം‌വിധാനം ചെയ്ത ചലച്ചിത്രമായ ഇന്ദിരയുടെ തിരക്കഥ സ്വയമെഴുതി. ഭര്‍ത്താവ് മണിരത്നവുമായി ചേര്‍ന്ന് മദ്രാസ് ടാക്കീസ് എന്ന പേരില്‍ ചലച്ചിത്ര നിര്‍മാണ സ്ഥാപനവും നടത്തുന്നുണ്ട്.

1986-ല്‍ സിന്ധു ഭൈരവി എന്ന സിനിമയിലെ വേഷത്തിന് മികച്ച നടിക്കുള്ള ദേശീയ പുരസ്കാരം ലഭിച്ചു. തമിഴ് കൂടാതെ തെലുങ്ക്, കന്നട, മലയാളം എന്നീ ഭാഷകളിലും അഭിനയിച്ചിട്ടുണ്ട്. 1983-ല്‍ പത്മരാജന്‍ സം‌വിധാനം ചെയ്ത കൂടെവിടെ ആണ് സുഹാസിനിയുടെ ആദ്യ മലയാളചിത്രം. 1999-ല്‍ വാനപ്രസ്ഥം എന്ന സിനിമയില്‍ മോഹന്‍ലാലിനോടൊപ്പം അഭിനയച്ചത് വളരെയധികം ശ്രദ്ധിക്കപ്പെട്ടിരുന്നു.

സിനിമകള്‍

സം‌വിധാനം ചെയ്തത്

• ഇന്ദിര (1996)

രചന

• ഗുരു (2007)
• ഇരുവര്‍ (1997)
• ഇന്ദിര (1996)
• തിരുട തിരുട

നിര്‍മാണം

• ഇരുവര്‍ (1997)

പുറമേക്കുള്ള കണ്ണികള്‍

• ഇന്റർനെറ്റ് മൂവി ഡാറ്റാബേസിൽ നിന്ന് Suhasini