കേരള യൂണിവേഴ്സിറ്റി ഓഫ് ഡിജിറ്റൽ സയൻസസ്, ഇന്നൊവേഷൻ ആൻഡ് ടെക്നോളജി
| പ്രമാണം:Kerala University of Digital Sciences, Innovation and Technology logo.png | |
| ആദർശസൂക്തം | Curating a Responsible Digital World |
|---|---|
| തരം | State |
| സ്ഥാപിതം | 2020 |
| ചാൻസലർ | Governor of Kerala |
| വൈസ്-ചാൻസലർ | സജി ഗോപിനാഥ് |
| സ്ഥലം | തിരുവനന്തപുരം, കേരളം, ഇന്ത്യ |
| വെബ്സൈറ്റ് | duk |
കേരള യൂണിവേഴ്സിറ്റി ഓഫ് ഡിജിറ്റൽ സയൻസസ് ഇന്നൊവേഷൻ ആൻഡ് ടെക്നോളജി , ഡിജിറ്റൽ യൂണിവേഴ്സിറ്റി കേരള എന്നും അറിയപ്പെടുന്നു. ഇത് കേരളത്തിൽ സ്ഥിതിചെയ്യുന്ന ഒരു സംസ്ഥാന സർവ്വകലാശാലയാണ്. തിരുവനന്തപുരത്ത് ടെക്‌നോസിറ്റിയിലെ കാമ്പസിലാൺ ഈ സർവകലാശാല പ്രവർത്തിക്കുന്നത്. 2000 ൽ സ്ഥാപിതമായ ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി ആൻഡ് മാനേജ്മെന്റ് കേരള (ഐഐഐടിഎം - കെ) നവീകരിച്ചാണ് ഇത് സ്ഥാപിതമായത്. കേരളത്തിലെ പതിനാലാമത്തെ സംസ്ഥാന സർവകലാശാലയും സംസ്ഥാനത്തെ ആദ്യത്തെ ഡിജിറ്റൽ സർവകലാശാലയും ആണിത്.[1]
ചരിത്രം[തിരുത്തുക]
ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി ആൻഡ് മാനേജ്മെന്റ്, കേരള (IIITM-K) 2000-ലാണ് സ്ഥാപിതമായത്. ടെക്‌നോസിറ്റിയിലെ കാമ്പസ് നിർമ്മിക്കുന്നതു വരെ ഇത് തിരുവനന്തപുരത്തെ ടെക്‌നോപാർക്കിലെ ഒരു കാമ്പസിൽ നിന്നാണു പ്രവർത്തിച്ചിരുന്നത് . ഇത് കൊച്ചിൻ ശാസ്ത്ര സാങ്കേതിക സർവകലാശാലയുമായി അഫിലിയേറ്റ് ചെയ്ത് പ്രവർത്തിച്ചു വന്നിരുന്നു. [2] 2020-ൽ കേരള സർക്കാരിന്റെ ഒരു ഓർഡിനൻസ് വഴി IIITM-K ഒരു സർവ്വകലാശാലയായി ഉയർത്തപ്പെട്ടു. [3]
കാമ്പസ്[തിരുത്തുക]
തിരുവനന്തപുരത്തെ ടെക്‌നോസിറ്റിയുടെ കാമ്പസിലാണ് സർവകലാശാലയുടെ റസിഡൻഷ്യൽ കാമ്പസ് സ്ഥിതി ചെയ്യുന്നത്.
നേതൃത്വം[തിരുത്തുക]
കേരള ഗവർണർ പദവി അനുസരിച്ച് സർവകലാശാലയുടെ ചാൻസലറും ഇൻഫർമേഷൻ ടെക്നോളജി വകുപ്പിന്റെ ചുമതലയുള്ള മന്ത്രി സർവകലാശാലയുടെ പ്രോ - ചാൻസലറുമാണ്. കേരള സർക്കാർ സജി ഗോപിനാഥിനെ സർവകലാശാലയുടെ ആദ്യ വൈസ് ചാൻസലറായി നിയമിച്ചിരുന്നു.
പ്രധാന സ്കൂളുകൾ[തിരുത്തുക]
- സ്കൂൾ ഓഫ് കമ്പ്യൂട്ടർ സയൻസ് ആൻഡ് എഞ്ചിനീയറിംഗ്
- സ്കൂൾ ഓഫ് ഇലക്ട്രോണിക് സിസ്റ്റംസ് ആൻഡ് ഓട്ടോമേഷൻ
- സ്കൂൾ ഓഫ് ഡിജിറ്റൽ സയൻസസ്
- സ്കൂൾ ഓഫ് ഇൻഫോർമാറ്റിക്സ്
- സ്കൂൾ ഓഫ് ഡിജിറ്റൽ ഹ്യുമാനിറ്റീസ് ആൻഡ് ലിബറൽ ആർട്സ്
കേരള ബ്ലോക്ക്ചെയിൻ അക്കാദമി[തിരുത്തുക]
രാജ്യത്ത് രണ്ടാം സ്ഥാനത്തുള്ള കേരള ബ്ലോക്ക്ചെയിൻ അക്കാദമിയും ഈ സ്ഥാപനത്തിലുണ്ട്.[4] കേരള ബ്ലോക്ക്ചെയിൻ അക്കാദമി ഹൈപ്പർലെഡ്ജർ കമ്മ്യൂണിറ്റിയിലെ ഒരു അസോസിയേറ്റ് അംഗവുമാണ്.[5]
ഇതും കാണുക[തിരുത്തുക]
റഫറൻസുകൾ[തിരുത്തുക]
- ↑ "IITMK becomes Kerala's first Digital University". India Today. January 15, 2020.
- ↑ "Who We Are". IIITM-K. Archived from the original on 2018-09-03. Retrieved 5 September 2021.
- ↑ "IITMK upgraded to a digital university". Outlook India.
- ↑ "IIITM-K to Initiate First Blockchain Technology Academy in Kerala".
- ↑ "KBA".
പുറമേ നിന്നുള്ള കണ്ണികൾ[തിരുത്തുക]
