കേരളത്തിലെ തിരുവനന്തപുരം നോർത്ത് (കൊച്ചുവേളി) തീവണ്ടി നിലയം തിരുവനന്തപുരം സെൻട്രലിന് വടക്കുള്ള ടെർമിനൽ സംവിധാനമുള്ള ഒരു പ്രധാനപ്പെട്ട തീവണ്ടി നിലയമാണ്. 11 എക്സ്പ്രസ്സ് തീവണ്ടികളും ഒരു പാസഞ്ചർ തീവണ്ടിയും ഇവിടെ നിന്നും പുറപ്പെടുന്നു. ഇതിൽ മൈസൂർ (ബാംഗ്ലൂർ എക്സ്പ്രസ്സ്), നിലമ്പൂർ എന്നിവിടങ്ങളിലേക്കുള്ള രണ്ട് ദിവസേനയുള്ള എക്സ്പ്രസ്സുകൾ, ഗരീബ് രഥ്, അന്ത്യോദയ, കേരള സമ്പർക്ക്ക്രാന്തി, ഹംസഫർ തുടങ്ങിയ പ്രധാനപെട്ട തീവണ്ടികളും ഉൾപ്പെടുന്നു.