ഓസ്കർ മത്സ്യം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(ഓസ്കർ (ഫിഷ്) എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

ഓസ്കർ
Astronotus ocellatus.jpg
Scientific classification
Kingdom:
Phylum:
Class:
Order:
Family:
Genus:
(Agassiz, 1831)
Species:
A. ocellatus
Binomial name
Astronotus ocellatus
(Agassiz, 1831)

തെക്കേ അമേരിക്കയിലെ ഉഷ്ണമേഖലാപ്രദേശങ്ങളിലെ നദികളിലും, ആമസോൺ നദീതടങ്ങളിലും, സ്വാഭാവികമായ ആവാസവ്യവസ്ഥയിൽ കണ്ടുവരുന്ന ഒരു ശുദ്ധജലമത്സ്യമാണ് ഓസ്കർ (Astronotus ocellatus). ഈ മത്സ്യം ടൈഗർ ഓസ്കർ, വെൽവെറ്റ് കിക്ലിഡ്, മാർബിൾ കിക്ലിഡ് എന്നീ വിവിധ പേരുകളിലും അറിയപ്പെടുന്നു.[1] ഇതുകൂടാതെ ലോകത്തിന്റെ വിവിധഭാഗങ്ങളിൽ; പ്രത്യേകിച്ച് ചൈനയിലും, ആസ്ട്രേലിയയിലും, അമേരിക്കൻ ഐക്യനാടുകളിലെ ഫ്ലോറിഡയിലെ ജലാശയങ്ങളിലും ഇവയെ കണ്ടുവരുന്നുണ്ട്. ഓസ്കർ മത്സ്യങ്ങളുടെ കൂട്ടത്തിൽ ഭക്ഷ്യയോഗ്യമായ ഓസില്ലേറ്റസ് ഇനങ്ങൾ തെക്കേ അമേരിക്കൻ വിപണികളിൽ വില്ക്കപ്പെടുന്നുണ്ട്.[2][3] യൂറോപ്പിലും, അമേരിക്കൻ ഐക്യനാടുകളിലും ഇവയെ പേരുകേട്ട അക്വേറിയം മത്സ്യമായി പരിഗണിക്കപ്പെടുന്നു.[4][5][6]

രണ്ടു ടൈഗർ ഓസ്കറുകൾ

വർഗ്ഗീകരണം[തിരുത്തുക]

1831-ൽ ലോബോറ്റസ് ഓസിലേറ്റസ് എന്ന ഒരു മറൈൻ സ്പീഷീസായി തെറ്റിദ്ധരിച്ചാണ് ലൂയിസ് അഗാസ്സിസ് ആദ്യമായി ഇതിനെക്കുറിച്ചുള്ള വിവരണം നൽകിയത്. പീന്നീടുള്ള പഠനങ്ങളിലൂടെ ഈ സ്പീഷീസ് ജീനസ് അസ്ട്രനോറ്റസ്[7] ആണെന്ന് തിരുത്തുകയുണ്ടായി. അകാരാ കംപ്രെസെസ് (Acara compressus), അകാരാ ഹൈപോസറ്റിഗ്റ്റ (Acara hyposticta), അസ്ട്രനോറ്റസ് ഓസിലേറ്റസ് സീബ്ര (Astronotus ocellatus zebra), അസ്ട്രനോറ്റസ് ഓർബികുലേറ്റസ് (Astronotus orbiculatus) എന്നിവ ഇവയുടെ മറ്റു അപരനാമങ്ങളാണ്.[8] സിക്ലിഡേ കുടുംബത്തിൽപ്പെടുന്ന ഇവയെ സിക്ലിഫോംസ് നിരയിലാണ് ഉൾപ്പെടുത്തിയിരിക്കുന്നത്.

വിവരണം[തിരുത്തുക]

ഡോഴ്സൽ ഫിന്നിലെയും കോഡൽ പെഡൻഗിളിലെയും ഓസെല്ലി

അസ്ട്രനോറ്റസ് ഓസിലേറ്റസ്-ന് ഏകദേശം 45 സെന്റിമീറ്റർ നീളവും, 1.6 കിലോഗ്രാം ഭാരവും കാണപ്പെടുന്നതായി റിപ്പോർട്ട് ചെയ്യപ്പെട്ടിരിക്കുന്നു.[1] ഇണങ്ങാൻ കൂട്ടാക്കാത്ത ഇവ ചാര, കറുപ്പ്, ചോള, ഒലിവ് പച്ച നിറങ്ങളിൽ കാണപ്പെടുന്നുണ്ടെങ്കിലും പൊതുവേയുള്ള നിറം ഇരുണ്ടതാണ്. മഞ്ഞ നിറത്തിൽ വളയങ്ങളുള്ള കുത്തുകൾ ഇവയുടെ വശങ്ങളിലെ ചിറകുകളിലും (dorsal fin) വാൽച്ചിറകുകളിലും (caudal peduncle) കാണപ്പെടുന്നു.[9] പിരാനയെപ്പോലുള്ള (Serrasalmus spp.) ആക്രമണകാരികളായ മറ്റു മത്സ്യങ്ങൾ സ്വാഭാവിക ചുറ്റുപാടിൽ കാണപ്പെടുന്ന അസ്ട്രനോറ്റസ് ഓസിലേറ്റസിന്റെ ചിറകുകളെ (ocelli) നശിപ്പിക്കാറുണ്ട്.[7][10] ഈ ഇനങ്ങൾ ചുറ്റുപാടുമുള്ള നിറവുമായി യോജിക്കുന്ന വിധത്തിൽ തങ്ങളുടെ ശരീരത്തിനു നിറവ്യത്യാസം വരുത്തി മറ്റു മത്സ്യങ്ങളുടെ ആക്രമണത്തിൽ നിന്ന് സ്വയം രക്ഷനേടുന്നു. കൂടാതെ കോൺസ്പെസഫിക്കിനിടയിൽ തിരിച്ച് ആക്രമിക്കുന്ന സ്വഭാവവും കണ്ടുവരുന്നുണ്ട്.[11] ഓസ്കർ കുഞ്ഞുങ്ങളിൽ നിന്നും മുതിർന്ന ഓസ്കർ, കാര്യമായ നിറവ്യത്യാസം കാണിക്കുന്നുണ്ട്. മത്സ്യക്കുഞ്ഞുങ്ങൾക്ക് വെള്ളയും ഓറഞ്ചും നിറങ്ങളിൽ തരംഗരൂപത്തിലുള്ള വരകളും തലയിൽ കുത്തുകളും കാണപ്പെടുന്നു. [7]

ഓസ്കർ മത്സ്യങ്ങൾ മിശ്രഭോജികളാണ്. പായൽ, ക്രേ ഫിഷുകൾ, വേംസ്, പ്രാണികൾ (ഈച്ചകൾ, ചീവീട്, പുൽച്ചാടികൾ) എന്നിവയെ ഇവ ഭക്ഷിക്കാറുണ്ട്.

വിതരണം, ആവാസവ്യവസ്ഥ[തിരുത്തുക]

ഓസ്കർ മത്സ്യങ്ങൾ പെറു, ഇക്വഡോർ, കൊളംബിയ, ബ്രസീൽ, ഫ്രഞ്ചു ഗയാന എന്നിവിടങ്ങളിലും ആമസോൺ നദീതടത്തിലും, കൂടാതെ ആമസോൺ, ഇക്കാ, നീഗ്രോ, സോലിമൂസ്, ഉകായാലി നദി സംവിധാനങ്ങൾ, അപോറോഗു, ഒയപ്പോക്ക് നദീ ഡ്രെയിനേജുകൾ എന്നിവിടങ്ങളിലും തദ്ദേശീയമായി കാണപ്പെടുന്നു.[1][12] സ്വാഭാവിക പരിതസ്ഥിതിയിൽ, സാധാരണയായി ഈ സ്പീഷീസുകൾ ഒഴുക്കുകുറവുള്ള ശുദ്ധജലത്തിൻറെ അടിത്തട്ടിലെ ആവാസവ്യവസ്ഥയിൽ സുരക്ഷിതത്വത്തിനായി ചെടികളുടെ ശാഖകൾക്കിടയിലാണ് കൂടുതലായും കാണപ്പെടുന്നത്. [13] ഇണങ്ങാത്ത ഇനങ്ങളെ ചൈന,[14] വടക്കേ ആസ്ട്രേലിയ, [15] ഫ്ലോറിഡ, യു.എസ്.എ[16] എന്നിവിടങ്ങളിൽ അലങ്കാര മത്സ്യ വ്യാപാരത്തിന്റെ ഉപോൽപ്പന്നമായി ഉപയോഗിക്കുന്നുണ്ട്. തണുപ്പുള്ള ജലത്തിന്റെ ഊഷ്മാവ് അസഹനീയമായതിനാൽ ഇതിന്റെ വിതരണം പരിമിതപ്പെട്ടിരിക്കുന്നു. ഈ സ്പീഷീസിനു ജീവിക്കാനുള്ള പരമാവധി ഊഷ്മാവ് 12.9 ° C (55.22 ° F) ആണ്. [17]

പ്രത്യൂൽപ്പാദനം[തിരുത്തുക]

രണ്ടിഞ്ച് വലിപ്പമുള്ള ഓസ്കർ കുഞ്ഞുങ്ങൾ

ഓസ്കർ മത്സ്യങ്ങളിൽ ആൺ-പെൺ രൂപവ്യത്യാസം കാണപ്പെടുന്നു. വേഗത്തിൽ വളരുന്ന ആൺമീനുകൾക്ക് അവയുടെ മുതുകിലെ ചിറകിൽ ഇരുണ്ട അടയാളം കാണപ്പെടുന്നു.[6][7] ഒരു വയസ്സാകുമ്പോൾ പ്രായപൂർത്തിയാകുന്ന മത്സ്യങ്ങൾ 9 മുതൽ 10 വർഷം വരെ പ്രത്യുല്പാദനം നടത്തുന്നു. മഴയുടെ ലഭ്യതയനുസരിച്ച് പ്രത്യുൽപ്പാദനത്തിന്റെ തോതും വ്യത്യാസപ്പെട്ടിരിക്കുന്നു. ഒരുസമയം ഏകദേശം 1,000 മുതൽ 3,000 മുട്ടകൾ വരെ ഇവ ഇടാറുണ്ട്. കിക്ലിഡ്സുകളെപ്പോലെ അസ്ട്രനോറ്റസ് ഓസിലേറ്റസ് ഇനങ്ങൾ ആൺമീനും പെൺമീനും ഒന്നിച്ചാണ് (biparental) ഇവയുടെ കുഞ്ഞുങ്ങളെ വളർത്തുന്നത്. മുട്ടകൾ വിരിഞ്ഞ് ഒന്നിച്ച് കൂട്ടമായി വരുന്ന കുഞ്ഞുങ്ങളെ മാതാപിതാക്കൾ സംരക്ഷിക്കുന്നു. സംരക്ഷണ കാലാവധി ഇതുവരെയും അറിയാൻ കഴിഞ്ഞിട്ടില്ല.[6]

ല്യൂകിസ്റ്റിക് ലോങ് ഫിന്നെഡ് ഓസ്കർ

അക്വേറിയത്തിൽ[തിരുത്തുക]

അക്വേറിയം ഹോബിയിലെ ഏറ്റവും പ്രശസ്തമായ സിക്ലിഡുകളിൽ ഒന്നാണ് ഓസ്കർ.[18][19] ഓസ്‌കാറുകൾ പൊതുവേ വലിയ അക്വേറിയങ്ങളിൽ വളരാൻ ഇഷ്ടപ്പെടുന്നവയാണ്.

ഭക്ഷണം[തിരുത്തുക]

ബുനോസെഫാലസ്, റിനെലോറികാരിയ, ഒക്മാക്കാന്തസ്[10] എന്നീ ക്യാറ്റ് ഫിഷ് സ്പീഷീസുകളുടെ അവശിഷ്ടങ്ങളാണ് അസ്ട്രനോറ്റസ് ഓസിലേറ്റസ് ഓസ്കർ മത്സ്യങ്ങൾക്ക് കൂടുതലും അക്വേറിയത്തിൽ ആഹാരമായി നൽകുന്നത്. ഇരകളെ പിടിച്ചെടുക്കാൻ ഈ ഇനം സക്ഷൻ സംവിധാനം ഉപയോഗിക്കുന്നു.[20] നിംബോക്രോമിസ് ലിവിങ്സ്റ്റോണി, പാരക്രോമിസ് ഫ്രീഡ്രിക്സ്താലി തുടങ്ങിയ സ്പീഷീസുകളെപ്പോലെ ഒരു വശത്തേയ്ക്ക് ചരിഞ്ഞുവീണ് മരിച്ചതായി മിമിക്രികാണിച്ചാണ് ഇവ ഇരയെപിടിക്കുന്നത്.[21][22] വിറ്റാമിൻ സി ഇവയ്ക്ക് വളരെയധികം ആവശ്യമുണ്ട്. ഇതിൻറെ അഭാവത്തിൽ ഇതിന് രോഗങ്ങളും ആരോഗ്യപ്രശ്നങ്ങളുമുണ്ടാകുന്നു. [23] വലിയ മാംസഭോജിയായ മത്സ്യങ്ങൾ ഭക്ഷിക്കുന്ന കൊഞ്ച്, കൃമി, ഷഡ്പദങ്ങൾ, ഈച്ചകൾ, പുൽച്ചാടികൾ, വെട്ടുകിളികൾ തുടങ്ങിയവ പോലുള്ളവയെയാണ് ഓസ്കാർ സാധാരണയായി ഭക്ഷിക്കുന്നത്.[24]

പ്രാദേശികമായ സ്വഭാവം[തിരുത്തുക]

അക്വേറിയം അല്ലെങ്കിൽ തടാകത്തിനകത്ത് ഓസ്കാർ മത്സ്യങ്ങളെക്കടത്തിവിട്ടാൽ അവ മറ്റു മീനുകൾക്കെതിരെ കയ്യേറ്റം നടത്തി അവിടെ ആക്രമണസ്വഭാവമുപയോഗിച്ച് ആധിപത്യമുറപ്പിക്കുന്നു. ചുറ്റുപാടുകളെ അടിസ്ഥാനമാക്കിയുള്ള മത്സ്യത്തിന്റെ വലിപ്പവും ആക്രമവും അനുസരിച്ച് അക്വേറിയത്തിൻറെയോ പ്രദേശത്തിന്റെയോ വലിപ്പം വ്യത്യാസപ്പെടുത്തേണ്ടിവരുന്നു. ഓസ്കാർ ഒരു പ്രദേശം അതിൻറേതായി സ്ഥാപിച്ചുകഴിഞ്ഞാൽ, അത് മറ്റ് മത്സ്യങ്ങളെ തോൽപ്പിച്ചുകൊണ്ട് അതിന്റെ അധീനതയിലുള്ള പ്രദേശത്തെ ശക്തമായി സംരക്ഷിക്കുന്നു. [25]

വിവിധതരത്തിലുള്ള ഓസ്കർ മത്സ്യങ്ങൾ[തിരുത്തുക]

അക്വേറിയം വ്യവസായത്തിൽ അസ്ട്രനോറ്റസ് ഓസിലേറ്റസ് ഇനത്തിൽപ്പെട്ട വിവിധതരത്തിലുള്ള അലങ്കാരമത്സ്യങ്ങളെ വളർത്തി വരുന്നുണ്ട്. ശരീരത്തിൽ കുറുകെ ചുവന്ന മാർബിൾ അടയാളം ഉള്ള ഇനങ്ങളും ഇവയുടെ കൂട്ടത്തിൽ കാണപ്പെടുന്നു. അൽബിനോ, ല്യൂകിസ്റ്റിക്, ക്സാൻതിസ്റ്റിക് എന്നീ അവസ്ഥകളാണ് ഇവയ്ക്ക് വ്യത്യസ്ത വർണ്ണവിതാനങ്ങൾ നൽകുന്നത്. അസ്ട്രനോറ്റസ് ഓസിലേറ്റസിൽ ചുവന്ന നിറത്തിലുള്ള മാർബിളിങ് അടയാളങ്ങൾ കാണപ്പെടുന്ന ഇനത്തെ റെഡ് റ്റൈഗർ ഓസ്കർ ഫിഷ് എന്നും ചുവന്നനിറമുള്ള ഓസ്കർ ഫിഷുകളെ റെഡ് ഓസ്കർ ഫിഷ് എന്നും വ്യാപാരനാമത്തിൽ അലങ്കാരമത്സ്യങ്ങളായി വില്ക്കപ്പെടുന്നു.[26] യുണൈറ്റഡ് കിങ്ഡത്തിൽ അസ്ട്രനോറ്റസ് ഓസിലേറ്റസിന്റെ ഒരിനത്തിൽ ചുവന്ന വർണ്ണത്തിൽ അറബിക് വാക്കായ അള്ളാഹു എന്നടയാളം കാണപ്പെടുന്നു.[27] ഈ ഇനങ്ങളിൽ ചിലയവസരങ്ങളിൽ കൃത്രിമായി ചിറകുകളിൽ നിറം കൊടുക്കുന്നു. ഈ പ്രക്രിയ നടത്തിയ മത്സ്യത്തെ ചായം പൂശിയ മത്സ്യം എന്നു വിളിക്കുന്നു.[28]

വിവിധതരത്തിലുള്ള ഓസ്കർ മത്സ്യങ്ങളാണ്:[29][തിരുത്തുക]

അവലംബം[തിരുത്തുക]

  1. 1.0 1.1 1.2 Froese, R. and D. Pauly. Editors. "Astronotus ocellatus, Oscar". FishBase. ശേഖരിച്ചത്: 2007-03-16.CS1 maint: Extra text: authors list (link)
  2. Kullander SO. "Cichlids: Astronotus ocellatus". Swedish Museum of Natural History. Retrieved 2007-03-16.
  3. Kohler, CC; മറ്റുള്ളവർക്കൊപ്പം. "Aquaculture Crsp 22nd Annual Technical Report" (PDF). Oregon State University, USA. ശേഖരിച്ചത്: 2007-03-16.
  4. Keith, P. O-Y. Le Bail & P. Planquette, (2000) Atlas des poissons d'eau douce de Guyane (tome 2, fascicule I). Publications scientifiques du Muséum national d'Histoire naturelle, Paris, France. p. 286
  5. Staeck, Wolfgang; Linke, Horst (1995). American Cichlids II: Large Cichlids: A Handbook for Their Identification, Care, and Breeding. Germany: Tetra Press. ISBN 1-56465-169-X
  6. 6.0 6.1 6.2 Loiselle, Paul V. (1995). The Cichlid Aquarium. Germany: Tetra Press. ISBN 1-56465-146-0.
  7. 7.0 7.1 7.2 7.3 Robert H. Robins. "Oscar". Florida Museum of Natural History. ശേഖരിച്ചത്: 2007-03-18.
  8. Froese, R. and D. Pauly. Editors. "Synonyms of Astronotus ocellatus". FishBase. മൂലതാളിൽ നിന്നും September 29, 2007-ന് ആർക്കൈവ് ചെയ്തത്. ശേഖരിച്ചത്: 2007-03-21.CS1 maint: Extra text: authors list (link)
  9. Staeck, Wolfgang; Linke, Horst (1995). American Cichlids II: Large Cichlids: A Handbook for Their Identification, Care, and Breeding. Germany: Tetra Press. ISBN 1-56465-169-X.
  10. 10.0 10.1 Winemiller KO (1990). "Caudal eye spots as deterrents against fin predation in the neotropical cichlid Astronotus ocellatus" (PDF). Copeia. 3 (3): 665–673. doi:10.2307/1446432. JSTOR 1446432. മൂലതാളിൽ (PDF) നിന്നും 2012-05-04-ന് ആർക്കൈവ് ചെയ്തത്.
  11. Beeching, SC (1995). "Colour pattern and inhibition of aggression in the cichlid fish Astronotus ocellatus". Journal of Fish Biology. 47: 50–58. doi:10.1111/j.1095-8649.1995.tb01872.x.
  12. Kullander SO. "Cichlids: Astronotus ocellatus". Swedish Museum of Natural History. ശേഖരിച്ചത്: 2007-03-16.
  13. Staeck, Wolfgang; Linke, Horst (1995). American Cichlids II: Large Cichlids: A Handbook for Their Identification, Care, and Breeding. Germany: Tetra Press. ISBN 978-1-56465-169-3.
  14. Ma, X.; Bangxi, X.; Yindong, W. & Mingxue, W. (2003). "Intentionally Introduced and Transferred Fishes in China's Inland Waters". Asian Fisheries Science. 16: 279–290.
  15. Department of primary industry and fisheries. "Noxious fish – species information". Queensland Government, Australia. മൂലതാളിൽ നിന്നും 2007-08-29-ന് ആർക്കൈവ് ചെയ്തത്. ശേഖരിച്ചത്: 2007-03-16.
  16. United States Geological Survey. "NAS – Species FactSheet Astronotus ocellatus (Agassiz 1831)". United States Government. ശേഖരിച്ചത്: 2007-03-17.
  17. Shafland, P. L. & J. M. Pestrak (1982). "Lower lethal temperatures for fourteen non-native fishes in Florida". Environmental Biology of Fishes. 7 (2): 139–156. doi:10.1007/BF00001785.
  18. Learning Center (2019-04-08), Most colorful 🐟 Oskar Fish 🐟 For Your Aquarium #Fishing Vlog - 26, ശേഖരിച്ചത്: 2019-04-12
  19. igor ishi (2010-12-29), peixes Oscar com fome!!!, ശേഖരിച്ചത്: 2019-04-12
  20. Waltzek,TB and Wainwright, PC (2003). "Functional morphology of extreme jaw protrusion in Neotropical cichlids". Journal of Morphology. 257 (1): 96–106. doi:10.1002/jmor.10111. PMID 12740901.CS1 maint: Multiple names: authors list (link)
  21. Tobler, M. (2005). "Feigning death in the Central American cichlid Parachromis friedrichsthalii". Journal of Fish Biology. 66 (3): 877–881. doi:10.1111/j.0022-1112.2005.00648.x.
  22. Gibran,FZ. (2004). Armbruster, J. W., ed. "Dying or illness feigning: An unreported feeding tactic of the Comb grouper Mycteroperca acutirostris (Serranidae) from the Southwest Atlantic". Copeia. 2004 (2): 403–405. doi:10.1643/CI-03-200R1. JSTOR 1448579.
  23. Fracalossi, DM; Allen, ME; Nicholsdagger, DK & Oftedal, OT (1998). "Oscars, Astronotus ocellatus, Have a Dietary Requirement for Vitamin C". The Journal of Nutrition. 128 (10): 1745–1751. doi:10.1093/jn/128.10.1745. PMID 9772145.
  24. "Oscar Fish Diet". ശേഖരിച്ചത്: 31 Jan 2019.
  25. Zaret, Thomas (June 1980). "Life History and Growth Relationships of Cichla ocellaris, a Predatory South American Cichlid". Biotropica. Association for Tropical Biology and Conservation. 12 (2): 144–157. doi:10.2307/2387730. JSTOR 2387730.
  26. Sandford, Gina; Crow, Richard (1991). The Manual of Tank Busters. USA: Tetra Press. ISBN 3-89356-041-6.
  27. BBC News (2006-01-31). "Tropical fish 'has Allah marking'". BBC, UK. ശേഖരിച്ചത്: 2007-03-18.
  28. Mike Giangrasso. "Death by Dyeing – dyed fish list". Death by Dyeing.org. ശേഖരിച്ചത്: 2007-03-18.
  29. http://www.oscarfishlover.com/the-oscar-fish
"https://ml.wikipedia.org/w/index.php?title=ഓസ്കർ_മത്സ്യം&oldid=3120442" എന്ന താളിൽനിന്ന് ശേഖരിച്ചത്