വേമ്പനാട്ട് കായൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Vembanad Lake
Vembanad Lake - കായലിൽ ഒരു ഹൗസ് ബോട്ട്
കായലിൽ ഒരു ഹൗസ് ബോട്ട്
അക്ഷാംശവും രേഖാംശവും 9°35′N 76°25′E / 9.583°N 76.417°E / 9.583; 76.417Coordinates: 9°35′N 76°25′E / 9.583°N 76.417°E / 9.583; 76.417
Primary sources അച്ചൻ‌കോവിലാർ, മണിമലയാർ , മീനച്ചിൽ, മുവ്വാറ്റുപുഴ, പമ്പ, പെരിയാർ
Primary outflows several canals
Basin countries India
പരമാവധി നീളം 96 km
പരമാവധി വീതി 14 km
ഉപരിതല വിസ്തീർണ്ണം 1512 km²
Surface elevation 0 m
Settlements ആലപ്പുഴ, കൊച്ചി, ചേർത്തല
Backwaters.png
കേരളത്തിലെ ഏറ്റവും തിരക്കേറിയ തുറമുഖമായ കൊച്ചി വേമ്പനാട്ടുകായലിന്റെ ഭാഗമാണ്‌

കേരളത്തിലെ ഏറ്റവും വലിയ കായലാണ് വേമ്പനാട് കായൽ. ഭാരതത്തിലെ ഏറ്റവും നീളം കൂടിയ തടാകമാണ് വേമ്പനാട് കായൽ.[1] ആലപ്പുഴ, എറണാകുളം, കോട്ടയം ജില്ലകളിലായി പരന്നു കിടക്കുന്ന വേമ്പനാടിന്റെ വിസ്തീർണം 1512 ച.കി.മി. ആണ്. 14 കി.മി.ആണ് ഏറ്റവും കൂടിയ വീതി.അച്ചൻകോവിലാർ, മണിമലയാർ, മീനച്ചിലാർ , മൂവാറ്റുപുഴയാർ , പമ്പാനദി, പെരിയാർ തുടങ്ങിയ നദികൾ ഈ കായലിൽ ഒഴുകി എത്തുന്നു. പാതിരാമണൽ, പള്ളിപ്പുറം, പെരുമ്പളം തുടങ്ങിയ ദ്വീപുകൾ വേമ്പനാട് കായലിലാണ്. വേമ്പനാട്ടുകായൽ അറബിക്കടലുമായി ചേരുന്ന പ്രദേശത്താണ് കൊച്ചി തുറമുഖം.

റാംസർ ഉടമ്പടി അനുസരിച്ച് അന്താരാഷ്ട്ര പ്രാധാന്യമുള്ള ഒരു കായലായി വേമ്പനാട്ട് കായലിനെ അംഗീകരിച്ചിരിക്കുന്നു.

വർഷത്തിൽ ആറു മാസം ഉപ്പു വെള്ളവും ബാക്കി ആറു മാസം ശുദ്ധ ജലവും ആണ് വേമ്പനാട് കായലിൽ ഉള്ളത് . മഴക്കാലത്ത് കായലിൽ നിന്നു കടലിലേക്ക്‌ വെള്ളം ഒഴുകുന്നത്‌കൊണ്ടാണ് ആ സമയത്തു ശുദ്ധ ജലം കിട്ടുന്നത്. വേനൽക്കാലത്ത് കടലിൽ നിന്നു കായലിലേക്ക് ആണു വെള്ളം ഒഴുകുക. ഇതുകൊണ്ടു കായലിൽ വെള്ളം ഉപ്പു രസമുള്ളതാകുന്നു.

തണ്ണീർമുക്കം ബണ്ട്[തിരുത്തുക]

പ്രധാന ലേഖനം: തണ്ണീർമുക്കം ബണ്ട്

വേമ്പനാട്ടു കായലിലെ ഒരു പ്രധാന ആകർഷണം ആണു് തണ്ണീർമുക്കം ബണ്ട്. കുട്ടനാട്ടിലെ നെൽകൃഷി ഉപ്പ് വെള്ളത്തിൽ നിന്നും സംരക്ഷിക്കുന്നതിനു വേണ്ടി കുട്ടനാട് വികസന പദ്ധതിയുടെ ഭാഗമായി നിർമിച്ചതാണ് ഇത്. ഇതുകൊണ്ടു കുട്ടനാട്ടിൽ വർഷം മുഴുവൻ ശുദ്ധജലം ലഭിക്കുന്നു. ഇതു കുട്ടനാട്ടിലെ നെൽകൃഷിക്ക് സഹായം അയെങ്കിലും അനേകം പാരിസ്ഥിതിക പ്രശ്നങ്ങൾ ഇതു മൂലം ഉണ്ടായിട്ടുണ്ട്. കായലിലെ സ്വാഭാവിക ഒഴുക്ക് തടസപ്പെട്ടത് മൂലം കുട്ടനാട്ടിലെ കായലിൽ മാലിന്യം അടിഞ്ഞു കൂടുന്നുണ്ട്. ആഫ്രിക്കൻ പായലിൻറെ അനിയന്ത്രിതമായ വളർചയുടെ കാരണവും തണ്ണീർമുക്കം ബണ്ടാണെന്നു പറയപ്പെടുന്നു.എന്നിരുന്നാലും വേമ്പനാട്ടു കായലിന്റെ അതിമനോഹരമായ കാഴ്ചയാണ് തണ്ണീർമുക്കം ബണ്ടിൽ നിന്നുള്ളത്.

വീരൻപുഴ - വേമ്പനാട് കായലിന്റെ കൊച്ചിയിലെ പേര്[തിരുത്തുക]

വേമ്പനാട്ട് കായലിലെ സൂര്യോദയം

കൊച്ചിയിലുള്ള വേമ്പനാട് കായലിന്റെ വടക്കുഭാഗമാണ് വീരൻപുഴ. കൊച്ചി അഴി മുതൽ മുനമ്പം അഴി വരെയുള്ള കായലാണ് വീരൻപുഴ എന്ന് അറിയപ്പെടുന്നത്. വീരമ്പുഴ എന്നും ഇത് അറിയപ്പെടുന്നുണ്ട്. വൈപ്പിൻ ദ്വീപിനടുത്തും വേമ്പനാട്ടുകായൽ വീരൻപുഴ എന്ന് അറിയപ്പെടുന്നു. 1980-കളുടെ ആദ്യപാദത്തിൽ മുനമ്പത്തുനിന്ന് എറണാകുളത്തേക്ക് എപ്പോഴും ബോട്ട് ലഭിക്കുമായിരുന്നു. വീരൻപുഴയുടെ നായരമ്പലത്തോടു ചേർന്നുകിടക്കുന്ന ഭാഗമാണ് ഏറ്റവും മനോഹരം. എങ്കിലും അടുത്ത കാലത്തുവരെ അധികം വിനോദസഞ്ചാരികൾ ഈ സുന്ദരമായ പ്രകൃതി ദൃശ്യത്തെ കുറിച്ച് ബോധവാന്മാരായിരുന്നില്ല. ഇന്ന് ഇവിടെ പല ഉല്ലാസ താമസ സൗകര്യങ്ങളും തുടങ്ങിയിരിക്കുന്നു.

താരതമ്യേന ആളനക്കം ഇല്ലാത്ത പ്രദേശമാണ് നായരമ്പലത്തിന് അടുത്തുള്ള വീരൻപുഴ. നെൽ‌വയലുകൾ നിറഞ്ഞ ഇവിടെ അധികം മനുഷ്യവാസം ഇല്ല. കുടിവെള്ളം ലഭിക്കുന്ന കടകൾ ഇവിടെ കുറവാണ്. നാ‍യരമ്പലത്തെ വെള്ളത്തിന് ഉപ്പുരസം കൂടുതലായതായിരിക്കാം ഇതിനു കാരണം. തദ്ദേശ വാസികൾ കൂടുതലും കൃഷിക്കാരും മുക്കുവരുമാണ്.

ഇതും കാണുക[തിരുത്തുക]

ചിത്രശാല[തിരുത്തുക]

അവലംബം[തിരുത്തുക]

  1. Ayub, Akber (ed), Kerala: Maps & More, 2006 edition 2007 reprint, p. 48, Stark World Publishing, Bangalore, ISBN 81-902505-2-3

പുറത്തുനിന്നുള്ള കണ്ണികൾ[തിരുത്തുക]

"http://ml.wikipedia.org/w/index.php?title=വേമ്പനാട്ട്_കായൽ&oldid=1891160" എന്ന താളിൽനിന്നു ശേഖരിച്ചത്