ബെർകിലിയം

Main article: Isotopes of ബെർകിലിയം
iso	NA	half-life	DM	DE (MeV)	DP
²⁴⁵Bk	syn	4.94 d	ε	0.810	²⁴⁵Cm
²⁴⁵Bk	syn	4.94 d	α	6.455	²⁴¹Am
²⁴⁶Bk	syn	1.8 d	α	6.070	²⁴²Am
²⁴⁶Bk	syn	1.8 d	ε	1.350	²⁴⁶Cm
²⁴⁷Bk	syn	1380 y	α	5.889	²⁴³Am
²⁴⁸Bk	syn	>9 y	α	5.803	²⁴⁴Am
²⁴⁹Bk	syn	330 d	α	²⁴⁵Am
			SF	-
			β^-	²⁴⁹Cf

അവലംബങ്ങൾ

അണുസംഖ്യ 97 ആയ മൂലകമാണ് ബെർകിലിയം. Bk ആണ് ആവർത്തനപ്പട്ടികയിലെ ഇതിന്റെ പ്രതീകം. ഇത് ഒരു കൃത്രിമ(മനുഷ്യനിർമിത) മൂലകമാണ്. ഈ റേഡിയോ ആക്ടീവ് ലോഹം ആക്ടിനൈഡ് കുടുംബത്തിൽ ഉൾപ്പെടുന്നു. ഇത് ആദ്യമായി നിർമ്മിക്കപ്പെട്ടത് അമെരിസിയത്തിലേക്ക് ആൽ‌ഫ കണങ്ങളെ(ഹീലിയം അയോൺ) കൂട്ടിയിടിപ്പിച്ചാണ്. കൃത്രിമമായി നിർമ്മിക്കപ്പെട്ട ട്രാൻസ്‌യുറാനിക് മൂലകങ്ങളിൽ അഞ്ചാമത്തേതാണിത്.

ശ്രദ്ധേയമായ സ്വഭാവസവീശേഷതകൾ

2004 വരെയുള്ള വിവരങ്ങളനുസരിച്ച് ഈ മൂലകം ഇതേവരെ ശുദ്ധമൂലകരൂപത്തിൽ വേർതിരിക്കപ്പെട്ടിട്ടില്ല. എന്നാൽ ഇത് വായുവിൽ എളുപ്പം ഓക്സീകരിക്കപ്പെടുന്ന ഒരു വെള്ളിനിറമുള്ള മൂലകമായിരിക്കുമെന്ന് പ്രവചിക്കപ്പെട്ടിട്ടുണ്ട്. ഉയർന്ന താപനിലയിൽ നേർപ്പിച്ച ധാതു അമ്ലങ്ങളിൽ (mineral acids) ഇത് ലയിക്കുമെന്നും കരുതപ്പെടുന്നു.

എക്സ്-കിരണ വിഭംഗന രീതി (X-ray diffraction) ഉപയോഗിച്ച് ബെർകിലിയം ഡയോക്സൈഡ് (BkO₂), ബെർകിലിയം ഫ്ലൂറൈഡ് (BkF₃), ബെർകിലിയം ഓക്സിക്ലോറൈഡ് (BkOCl), ബെർകിലിയം ട്രയോക്സൈഡ് (Bk₂O₃) തുടങ്ങിയ പല ബെർകിലിയം സം‌യുക്തങ്ങളും തിരിച്ചറിയപ്പെട്ടിട്ടുണ്ട്.

ശരീരത്തിലെ അസ്ഥികോശങ്ങൾ മറ്റ് ആക്ടിനൈഡുകളേപ്പോലെത്തന്നെ ബെർകിലിയത്തേയും വലിച്ചെടുക്കുന്നു (Bio-accumulation). ഇങ്ങനെ ശരീരത്തിന് കേടുപാടുകളുണ്ടാക്കുകയും ചെയ്യുന്നു.

ചരിത്രം

ബെർകിലിയം ആദ്യമായി നിർമിച്ചത് ഗ്ലെൻ ടി. സീബോർഗ്, ആൽബെർട്ട് ഗിയോർസോ, സ്റ്റാൻലി ജി.തോംസൺ, കെന്നെത്ത് സ്ട്രീറ്റ് ജൂനിയർ എന്നിവർ ചേർന്നാണ്. 1949 ഡിസംബറിൽ ബെർകിലിയിൽ കാലിഫോർണിയ സർകലാശാലയിൽ വച്ചായിരുന്നു അത്. ഒരു മില്ലിഗ്രാം ²⁴¹Amലേക്ക് സൈക്ലോട്രാൻ ഉപയോഗിച്ച് ആൽ‌ഫ കണങ്ങളെ കൂട്ടിമുട്ടിക്കുകയാണ് അവർ ചെയ്തത്. 4.5 മണിക്കൂർ അർദ്ധായുസുള്ള ²⁴³Bkഉം രണ്ട് സ്വതന്ത്ര ന്യൂട്രോണുകളുമായിരുന്നു ആ പ്രവർത്തനത്തിലെ ഉൽ‌പന്നങ്ങൾ.

ബെർകിലിയത്തിന്റെ ഏറ്റവും അധികംകാലം നിലനിന്ന ഐസോട്ടോപ്പുകളിലൊന്നായ ²⁴⁹Bk(അർദ്ധായുസ്-330 ദിവസം), ന്യൂട്രോണുകളുടെ ശക്തമായ രശ്മി²⁴⁴Cmൽ പതിപ്പിച്ചാണ് നിർമിച്ചത്.

ഐസോട്ടോപ്പുകൾ

ഇതുവരെ ബെർകിലിയത്തിന്റെ 19 റേഡിയോഐസോട്ടോപ്പുകൾ കണ്ടുപിടക്കപ്പെട്ടു. അവയിൽ ഏറ്റവും സ്ഥിരതയുള്ളവ 1380 വർഷം അർദ്ധായുസുള്ള ²⁴⁷Bk , 9 വർഷത്തേക്കാൾ അൽ‌പംകൂടെ അർദ്ധായുസുള്ള ²⁴⁸Bk , 330 ദിവസം അർദ്ധായുസുള്ള ²⁴⁹Bk എന്നിവയാണ്. ബാകിയുള്ള റേഡിയോആക്ടീവ് ഐസോട്ടോപ്പുകളെല്ലത്തിന്റെയും അർദ്ധായുസ് 5 ദിവസത്തിലും കുറവാണ്. അവയിൽത്തന്നെ ഭൂർഭാഗത്തിന്റെയും അർദ്ധായുസ് 5 മണിക്കൂറിൽ താഴെയാണ്.

മൂലകങ്ങളുടെ ആവർത്തനപ്പട്ടിക