തൃക്കാക്കര ക്ഷേത്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.
തൃക്കാക്കര ക്ഷേത്ര ആറാട്ട്
ചുവർ വിളക്കുകൾ

ഇന്ത്യയിൽ വാമനൻ പ്രതിഷ്ഠയായി ഉള്ള വളരെ ചുരുക്കം ക്ഷേത്രങ്ങളിൽ ഒന്നാണ് തൃക്കാക്കര ക്ഷേത്രം (തൃക്കാക്കര വാമനമൂർത്തി ക്ഷേത്രം). കേരളത്തിലെ എറണാകുളം ജില്ലയിലെ ഒരു ഗ്രാമ പഞ്ചായത്ത് ആയ തൃക്കാക്കരയിലാണ് ഈ ക്ഷേത്രം സ്ഥിതിചെയ്യുന്നത്. ചരിത്രപ്രാധാന്യമുള്ള ചില താളിയോല ഗ്രന്ഥങ്ങൾ ഈ ക്ഷേത്രത്തിലുണ്ട്. ഇവിടത്തെ പ്രധാന ഉത്സവം ഓണം ആണ്. ഓണസദ്യ ഈ ക്ഷേത്രത്തിൽ കെങ്കേമമായി നടത്തുന്നു. ജാതിമത ഭേദമന്യേ ധാരാളം ആളുകൾ ഇവിടത്തെ ഓണസദ്യയിൽ പങ്കെടുക്കുന്നു.

പേരിനു പിന്നിൽ[തിരുത്തുക]

തൃക്കാക്കര എന്ന സ്ഥലനാമം “തിരുകാൽക്കരൈ”യുടെ ചുരുക്കപേരാണ്. ക്ഷേത്രനിർമ്മാണത്തോടെയാകണം തിരു(തൃ) വിശേഷണം സ്ഥലപേരിൻറെ മുമ്പിൽ വന്നുചേർന്നത്. കാൽകരൈ നാടിൻറെ ഭരണസഭ തൃക്കാക്കരക്ഷേത്രത്തിലാണ് സമ്മേളിച്ചിരുന്നത്. ഭഗവാൻറെ പാദമുദ്ര പതിഞ്ഞ സ്ഥലമെന്നതിനാൽ ആവാം തിരുകാൽക്കര എന്ന പേർ ലഭിച്ചത് എന്നും പറയുന്നു. എറണാകുളം തൃക്കാക്കരയിലെ മഹാദേവ ക്ഷേത്രത്തിന് പ്രത്യേകതകൾ ഏറെയാണ്. കേരളത്തിലെ അല്ല, ലോകത്തിലെ തന്നെ ഏക വാമന ക്ഷേത്രമാണ് ഇത്. മഹാബലിയെ ചവിട്ടാനായി കാലുയർത്തി നിൽക്കുന്ന വാമനമൂർത്തിയുടെ ത്രിവിക്രമ രൂപത്തിലുള്ള പ്രതിഷ്ഠയാണ് ഈ ക്ഷേത്രത്തിലുള്ളത്.

ഓണത്തോടനുബന്ധിച്ചാണ് തുക്കാക്കര ക്ഷേത്രത്തിലെ തിരുവുത്സവം. ഭാരതത്തിൽ ആകെ 108 വൈഷ്ണവ ക്ഷേത്രങ്ങളാണ് ഉള്ളത്. അതിലൊന്നാണ് തുക്കാക്കര ക്ഷേത്രം. പക്ഷേ ഇവിടെ മാത്രമാണ് വിഷ്ണുവിനെ വാമനരൂപത്തിൽ പ്രതിഷ്ഠിച്ചിട്ടുള്ളത്. അത്തം മുതൽ പത്ത് ദിവസമാണ് ക്ഷേത്രത്തിലെ ഉത്സവം. പത്ത് ദിവസം മുടങ്ങാതെ ക്ഷേത്രത്തിൽ കുളിച്ചു തൊഴുന്നവർക്ക് ഇഷ്ടകാര്യ സിദ്ധി ഉണ്ടാകുമെന്നാണ് വിശ്വാസം. ഇന്നും ഇഷ്ടകാര്യ സിദ്ധിക്കായി നിരവധി ആളുകൾ ഈ മഹാക്ഷേത്രത്തിൽ എത്താറുണ്ട്.

4,500 വർഷങ്ങൾക്കു മുമ്പ് പരശുരാമനാലാണ് ഈ ക്ഷേത്രം സുഷ്ടിക്കപ്പെട്ടതെന്ന് പറയപ്പെടുന്നു. മഹാബലി, വാമനമൂർത്തിയുടെ കാൽ കഴുകിയപ്പോൾ ജലം ഒഴുകി ചേർന്നുണ്ടായ ദാനോദക പൊയ്ക ഇപ്പോഴും ഈ ക്ഷേത്രത്തിന് സമീപമുണ്ടത്രേ. മാവേലിയെ ആരാധിച്ചിരുന്ന മഹാദേവൻറെ ഗൗരീ ശങ്കര ധ്യാന രൂപത്തിലുള്ള മൂർത്തിയെ പ്രതിഷ്ഠിച്ചിട്ടുള്ള ശിവക്ഷേത്രവും ഇതിന് സമീപമുണ്ട്.

കേരളത്തിൽ മാത്രമല്ല, അങ്ങ് തമിഴ്നാടു വരെ ഈ ക്ഷേത്രം പ്രസിദ്ധിയാർജ്ജിച്ചതാണ്. വിഷ്ണുഭക്തന്മാരായ നമ്മാൾവർ, തിരുമങ്കയാൾവാർ തുടങ്ങിയ പ്രശസ്തർ പണ്ട് ഈ ക്ഷേത്രം സന്ദർശിച്ച് ഭഗവാന് പാടലുകൾ അർപ്പിച്ചതായി ചരിത്രം തന്നെയുണ്ട്. പ്രതിഷ്ഠാ സമയത്ത് തുക്കാക്കര ക്ഷേത്രത്തിനു ചുറ്റും 27 ദേവന്മാരെ കുടിയിരുത്തി എന്നാണ് ഐതിഹ്യം പറയുന്നത്. അതുകൊണ്ടു തന്നെ കേരളത്തിലെ ക്ഷേത്രങ്ങളിൽ ഏറെ പ്രാധാന്യം വിശ്വാസികൾ ഈ ക്ഷേത്രത്തിന് നൽകുന്നുണ്ട്.

ക്ഷേത്രത്തിൽ വാമനനും ശിവനുമാണ് പ്രധാന പ്രതിഷ്ഠകൾ. ഇരുവരും കിഴക്കോട്ട് ദർശനമായി വാഴുന്നു. പാർവ്വതി, ഗണപതി, അയ്യപ്പൻ, സുബ്രഹ്മണ്യൻ, ശ്രീകൃഷ്ണൻ (ഗോശാലകൃഷ്ണസങ്കല്പം), നാഗദൈവങ്ങൾ, ബ്രഹ്മരക്ഷസ്സ് എന്നിവരാണ് ഉപദേവതകൾ.

പുറത്തേക്കുള്ള കണ്ണികൾ[തിരുത്തുക]

"http://ml.wikipedia.org/w/index.php?title=തൃക്കാക്കര_ക്ഷേത്രം&oldid=2102756" എന്ന താളിൽനിന്നു ശേഖരിച്ചത്