ഇടപ്പള്ളി
| ഇടപ്പള്ളി | |
|
|
|
| രാജ്യം |  ഇന്ത്യ |
| സംസ്ഥാനം | Kerala |
| ജില്ല(കൾ) | എറണാകുളം |
| സമയമേഖല | IST (UTC+5:30) |
അക്ഷാംശവും രേഖാംശവും: 9°58′37″N 76°16′12″E / 9.977°N 76.27°E എറണാകുളം ജില്ലയിലെ എറണാകുളം/കൊച്ചി നഗരത്തിന്റെ വടക്കൻ പ്രദേശമാണ് ഇടപ്പള്ളി (എടപ്പള്ളി എന്നും പറയാറുണ്ട്). കൊച്ചി നഗരസഭയിൽ ഉൾപ്പെട്ട പ്രദേശം തന്നെയാണ് ഇത്. കേരളത്തിലൂടെ പോകുന്ന ദേശീയപാത 544, ദേശീയപാത 17 എന്നീ രണ്ടു ദേശീയപാതകൾ സംഗമിക്കുന്നത് ഇടപ്പള്ളിയിലാണ്. ഇത് വഴിയുള്ള ദേശീയപാത 47ന്റെ പുതിയ ബൈപ്പാസ്സും പനവേലിലെക്കുള്ള ദേശീയപാത 17 ആരംഭിക്കുന്ന സ്ഥലവും ആയ ഇടപ്പള്ളി ,വളരെ ഏറെ വ്യാവസായിക -വ്യാപാര -വിദ്യാഭ്യാസ പ്രാധാന്യമുള്ള പ്രദേശമായി മാറിക്കൊണ്ടിരിക്കുക ആണ് . പുതിയ വല്ലാർപാടം റെയിൽ പാതയും ഇടപ്പള്ളിയിൽ ആരംഭിക്കുന്നു
കവി ചങ്ങമ്പുഴയുടെ ജന്മസ്ഥലം എന്ന നിലയിലും പ്രശസ്തമായ ഒരു പ്രദേശമാണ് ഇത്.
ഇടപ്പള്ളിയിലെ സെന്റ് ജോർജ് ദേവാലയം, പ്രശസ്തമായ ഒരു കൃസ്തീയ ആരാധനാകേന്ദ്രമാണ്. പൂവൻ കോഴിയെ ബലി നൽകൽ പെരുന്നാളിനോടനുബന്ധിച്ചുള്ള ഇവിടത്തെ ഒരു ചടങ്ങാണ്. അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ഇവിടുത്തെ ഒരു പ്രധാന ആതുരശുശ്രൂഷാ കേന്ദ്രമാണ് [1]
ഉള്ളടക്കം |
[തിരുത്തുക] പേരിനു പിന്നിൽ
ഇടപ്പള്ളിയുടെ സമീപ പ്രദേശമായ തൃക്കാക്കര,വൈഷ്ണവക്ഷേത്ര സ്ഥാപാനത്തിനു മുൻപ് ഒരു ബൗദ്ധകേന്ദ്രമായിരുന്നു. അതിനല്പം കിഴക്കായി സ്ഥിതി ചെയ്യുന്ന കിഴക്കമ്പലം പള്ളിക്കര എന്നിവ ഇതിന്റെ സ്മാരകങ്ങൾ ആണ്. തൃക്കാക്കര, വൈദിക ബ്രാഹ്മണർക്കധീനമായപ്പോൾ നേതൃത്വവുംനിലനില്പും നഷ്ടപ്പെട്ട വഴിയാധാരമായ ബൗദ്ധരിൽ ചിലർ ബ്രാഹ്മണർക്കു കീഴടങ്ങി. ബാക്കിയുള്ളവർ അന്നു കടപ്പുറമായിരുന്ന ഇടപ്പള്ളിയിലെ പുറം പോക്കുഭൂമയിലേക്ക് പുറം തള്ളപ്പെട്ടു. ഇക്കൂട്ടർ ഇവിടെ അവരുടെ ഒരു പുതിയ പളളി (ബൗധ ആരധനാലയം) പണിതു. തൃക്കാക്കരയിലെ മൂലസ്ഥാനത്തെ വലിയ പള്ളി നഷ്ടപ്പെട്ടതിനാൽ അവർ പുതിയ പള്ളിയെ ഇടപ്പള്ളി എന്നാണ് വിളിച്ചിരുന്നത്. ക്രമേണ അത് സ്ഥലനാമമായി മാറി. [2]
[തിരുത്തുക] ചരിത്രം
സംഘകാലത്തെ കൃതിയായ പതിറ്റുപത്തിൽ കേരളപ്പെരുമാൾ ആട്കോട് പാട്ചേരൻ തൃക്കാക്കര കപിലതീർത്ഥക്കുളം നിർമ്മിച്ചതായും കുട്ടനാട് എന്ന് അന്ന് വിളിച്ചിരുന്ന ഇടപ്പള്ളി മുഴുവനും ബ്രാഹ്മണർക്ക് ദാനം ചെയ്തതായും സൂചനകൾ ഉണ്ട്.
| “ | കാണിന്റാ നീ മഹിതാമലനാടാം മണിച്ചെപ്പിലൺപും പുണാരം താർനിതവരിവണ്ടിന്നു ഫുല്ലാരവിന്ദം ക്ഷോണീപാലാവലിതിറയിടും തെന്തളിത്തമ്പുരാൻ താൻ നീണാൾ വാഴും പുരവരമെടപ്പള്ളി മുല്പ്പാടു പിന്നെ |
” |
എന്ന് കോകസന്ദേശം എന്ന പ്രാചീന കാവ്യത്തിൽ പരാമർശിച്ചിട്ടുണ്ട്.
[തിരുത്തുക] ആരാധനാലയങ്ങൾ
- സെന്റ് ജൊർജ് കത്തോലിക്ക ദേവാലയം
- ഗണപതി ക്ഷെത്രം
- തൃക്കൊവിൽ കൃഷ്ണക്ഷെത്രം
- മൈലാളത്ത് ശിവ ക്ഷെത്രം
- അഞ്ചുമന ക്ഷെത്രം
[തിരുത്തുക] ആതുരശുശ്രൂഷാ കേന്ദ്രങ്ങൾ
[തിരുത്തുക] പ്രധാന വിദ്യാഭ്യാസസ്ഥാപനങ്ങൾ
- സെന്റ് ജൊർജ് ഹൈ സ്ക്കൂൾ
- ഗവ. ഹൈ സ്കൂൾ , ഇടപ്പള്ളി
- അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്
- അൽ അമീൻ പബ്ലിക് സ്കൂൾ
- പയസ് ഗേൾസ് ഹൈ സ്കൂൾ
[തിരുത്തുക] അവലംബം
- ↑ അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ഹോം പേജ്
- ↑ വാലത്ത്, വി.വി.കെ. (1991). കേരളത്തിലെ സ്ഥലനാമചരിത്രങ്ങൾ എറണാകുളം ജില്ല. തൃശ്ശൂർ: കേരള സാഹിത്യ അക്കാദമി. ISBN 81-7690-105-9.
[തിരുത്തുക] കുറിപ്പുകൾ
- ^ കോക സന്ദേശം 14 ആം നൂറ്റാണ്ടിലാണ് രചിക്കപ്പെട്ടത്.
 |
എറണാകുളം ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
