കളമശ്ശേരി നഗരസഭ

ഇംഗ്ലീഷ് വിലാസം

http://ml.wikipedia.org/wiki/Kalamassery_Municipality

കളമശ്ശേരി പട്ടണം
ദേശീയപാത 544-നഗരഹൃദയം
കളമശ്ശേരി പട്ടണം
10.11° N 76.22° E
ഭൂമിശാസ്ത്ര പ്രാധാന്യം	പട്ടണം
രാജ്യം	ഇന്ത്യ
പ്രവിശ്യ	കേരളം
ജില്ല	എറണാകുളം
ഭരണസ്ഥാപനങ്ങൾ
'
വിസ്തീർണ്ണം	27 ച.കി.മിചതുരശ്ര കിലോമീറ്റർ
ജനസംഖ്യ	63176 (പു:31953, സ്ത്രി:31223)
ജനസാന്ദ്രത	2013 /ച.കി.മീ
കോഡുകൾ   • തപാൽ   • ടെലിഫോൺ	+
സമയമേഖല	UTC +5:30
പ്രധാന ആകർഷണങ്ങൾ	തൃക്കാക്കര ക്ഷേത്രം

കേരളത്തിലെ എറണാകുളം ജില്ലയിലെ കണയന്നൂർ താലൂക്കിൽ സ്ഥിതി ചെയ്യുന്ന ഒരു മുനിസിപ്പാലിറ്റിയാണ് കളമശ്ശേരി. കേരളത്തിലെ വിദ്യാഭ്യാസ, വ്യവസായ പ്രാധാന്യമുള്ള നഗരമാണിത്. വാമനപ്രതിഷ്ഠകൊണ്ട് പ്രസിദ്ധിയാർജ്ജിച്ച തൃക്കാക്കര ക്ഷേത്രം സ്ഥിതിചെയ്യുന്നത് കളമശ്ശേരി നഗരത്തിലാണ്.

പേരിനു പിന്നിൽ

• കളഭശേരി: നഗരാതിർത്തിയിലുള്ള ഒരു പ്രധാന ക്ഷേത്രമാണ് തൃക്കാക്കരക്ഷേത്രം. പണ്ടുകാലത്ത് തൃക്കാക്കര ക്ഷേത്രത്തിലെ ‍ ഉത്സവത്തിനായി കൊണ്ടു വന്നിരുന്ന ആനകളെ കൂട്ടമായി കെട്ടിയിരുന്നത് ഇവിടുത്തെ മൈതാനത്തായിരുന്നു. ആ പ്രദേശം കളഭശ്ശേരി എന്നു പറഞ്ഞുപോന്നിരുന്നു. പിന്നീട് കളഭശ്ശേരി രൂപാന്തരം സംഭവിച്ച് കളമശ്ശേരി ആയതായി കരുതുന്നു.

ചരിത്രം

1953 ആഗസ്ത് 15-നു നിലവിൽ വന്ന പഴയ ഞാലകം പഞ്ചായത്താണ് കളമശ്ശേരി പഞ്ചായത്തായും പിന്നീട് 1990 ഏപ്രിൽ 01 നു കളമശ്ശേരി മുനിസിപാലിറ്റിയായും നിലവിൽ വന്നത്.

അതിരുകൾ

• വടക്ക് -- ഏലൂർ നഗരസഭ, ചൂർണ്ണിക്കര ഗ്രാമപഞ്ചായത്ത്
• കിഴക്ക് -- തൃക്കാക്കര നഗരസഭ, എടത്തല ഗ്രാമപഞ്ചായത്ത്
• തെക്ക് -- കൊച്ചി കോർപറേഷൻ, തൃക്കാക്കര നഗരസഭ
• പടിഞ്ഞാറ് -- കൊച്ചി കോർപറേഷൻ, ഏലൂർ നഗരസഭ

പ്രധാന വിദ്യാഭ്യാസസ്ഥാപനങ്ങൾ

• കൊച്ചിൻ യുണിവേഴ്സിറ്റി ഓഫ് സയൻസ് ആൻഡ് ടെക്നോളജി - കുസാറ്റ്
• എസ്.സി.എം.എസ്.കോളേജ്
• കളമശ്ശേരി ഗവ. പോളിടെക്നിക്
• രാജഗിരി കോളേജ് ഓഫ് സൊഷ്യൽ സയൻ‌സ്
• രാജഗിരി സ്കൂൾ
• കൊച്ചി സഹകരണ മെഡിക്കൽ കോളേജ്
• സെന്റ്. പോ‍ൾസ് കോളേജ്
• ഗവ. ഐ.ടി.ഐ
• നജത്ത് പബ്ലിക് സ്കൂൾ
• തൃക്കാക്കര സെന്റ്. ജോസഫ് സ്കൂൾ

പ്രധാന വ്യവസായസ്ഥാപനങ്ങൾ

• എച്ച്.എം.ടി (HMT)
• അപ്പോളോ ടയേഴ്സ്