വിക്കിപീഡിയ, ഒരു സ്വതന്ത്ര വിജ്ഞാനകോശം.
പുതുച്ചേരി (തമിഴ്: புதுச்சேரி, തെലുഗു: పాండిచెర్రి ഫ്രഞ്ച്: Territoire de Pondichéry)ഇന്ത്യയിലെ കേന്ദ്രഭരണപ്രദേശങ്ങളിലൊന്ന്. ഫ്രഞ്ച് കോളനികളായിരുന്ന നാല് പ്രവിശ്യകള് ചേര്ത്താണ് ഈ കേന്ദ്രഭരണ പ്രദേശം രൂപീകരിച്ചത്. സമീപ കാലംവരെ പോണ്ടിച്ചേരി എന്ന പേരിലാണ് അറിയപ്പെട്ടിരുന്നത്. പുതിയ ഗ്രാമം എന്നര്ഥം വരുന്ന പുതുച്ചേരി എന്ന തമിഴ് പേരാണ് ഫ്രഞ്ച് അധിനിവേശത്തോടെ പോണ്ടിച്ചേരിയായത്. [1] 2006-ല് പഴയ പേരിലേക്ക് മടങ്ങിപ്പോകാന് ഇവിടത്തെ സര്ക്കാര് തീരുമാനിച്ചു.[2]
പരസ്പര ബന്ധമില്ലാത്ത നാല് പ്രദേശങ്ങളാണ് പുതുച്ചേരിയുടെ കീഴിലുള്ളത്. പുതുച്ചേരി, കാരക്കല്, യാനം, മാഹി എന്നിവയാണവ. പുതുച്ചേരി, കാരക്കല്, യാനം എന്നിവ ബംഗാള് ഉള്ക്കടലിനോട് ചേര്ന്നാണെങ്കില്, മാഹി അറബിക്കടല് തീരത്താണ് സ്ഥിതിചെയ്യുന്നത്. തമിഴ്നാട്ടിനുള്ളിലാണ് പോണ്ടിച്ചേരിയുടെയും, കാരക്കലിന്റെയും സ്ഥാനം. മാഹി കേരളത്തിനകത്തും, യാനം ആന്ധ്രപ്രദേശിലും. ആകെ വിസ്തീര്ണ്ണം 492 ചതുരശ്ര കിലോമീറ്റര് ആണ്, പുതുച്ചേരി നഗരം 293 ചതുരശ്ര കിലോമീറ്ററും, കാരക്കല് 160 ചതുരശ്ര കിലോമീറ്ററും, യാനം 30 ചതുരശ്ര കിലോമീറ്ററും, മാഹി 9 ചതുരശ്ര കിലോമീറ്ററും.
[തിരുത്തുക] ഔദ്യോഗിക ഭാഷകള്
തമിഴ്,മലയാളം,തെലുഗു, ഫ്രഞ്ച് എന്നിവയാണ് ഔദ്യോഗിക ഭാഷകള്.
പുതുച്ചേരിയിലെ ഒരു ബീച്ച്
- ↑ http://news.bbc.co.uk/2/hi/south_asia/5365248.stm
- ↑ http://www.hindu.com/2006/08/22/stories/2006082207481000.htm.
