കേരള സാഹിത്യ അക്കാദമി

ഇംഗ്ലീഷ് വിലാസം

http://ml.wikipedia.org/wiki/Kerala_Sahithya_Academy

മലയാളഭാഷയെയും അതിന്റെ സാഹിത്യപൈതൃകത്തെയും സംരക്ഷിക്കാനും പ്രോത്സാഹിപ്പിക്കാനും സ്ഥാപിച്ച ഒരു സ്വയംഭരണ സ്ഥാപനമാണ്‌ കേരള സാഹിത്യ അക്കാദമി (ആംഗലേയം:Kerala Sahitya Akademi, Academy for Malayalam literature).1956-ൽ തിരുവനന്തപുരത്ത് കനകക്കുന്ന് കൊട്ടാരത്തിൽ രൂപവത്കരിച്ച കേരള സാഹിത്യ അക്കാദമി 1958-ൽ തൃശൂരിലേക്ക് മാറ്റി. സാഹിത്യകാരന്മാരുടെ സ്മരണയ്ക്കായി ഏർപ്പെടുത്തിയ പോർട്രെയ്റ്റ് ഗാലറിയും പ്രശസ്തരുടെ ശബ്ദം ആലേഖനം ചെയ്ത കാസറ്റ് ലൈബ്രറിയും അക്കാദമിയിലുണ്ട്. കേരള, കാലികറ്റ്, മഹാത്മാഗാന്ധി, കാലടി ശ്രീ ശങ്കരാചാര്യ സർവകലാശാലകളുടെ പി.എച്ച്.ഡി. ഗവേഷണ കേന്ദ്രമാണ് ഈ ലൈബ്രറി.

ചരിത്രം

പുസ്തക വില്പന ശാല

തിരുവിതാംകൂർ മഹാരാജാവായിരുന്ന ശ്രീ ചിത്തിര തിരുന്നാൾ ബാലരാമവർമ്മ‍യാണ്‌ 1956 ഒക്ടോബർ 15-ന് അക്കാദമി ഉദ്ഘാടനം ചെയ്തത്. കേരള സർക്കാർ സാമ്പത്തിക സഹായം ചെയ്യുന്നുണ്ടെങ്കിലും അക്കാദമിയുടെ ഭരണഘടനാപ്രകാരം അക്കാദമി ഇപ്പോഴും സ്വയംഭരണ സ്ഥാപനമായി തന്നെ നിലകൊള്ളുന്നു.

സർദാർ കെ.എം. പണിക്കരായിരുന്നു കേരള സാഹിത്യ അക്കാദമിയുടെ ആദ്യ പ്രസിഡന്റ്. ഇപ്പോഴത്തെ പ്രസിഡന്റ് പെരുമ്പടവം ശ്രീധരനാണ്.

പ്രവർത്തനങ്ങൾ

മികച്ച സാഹിത്യഗ്രന്ഥങ്ങൾക്ക് പുരസ്കാരം നൽകുക, സാഹിത്യ ശില്പശാലകൾ നടത്തുക, യുവ സാഹിത്യകാരന്മാർക്കും വിദ്യാർഥികൾക്കും വേണ്ടി സാഹിത്യ പഠന ക്യാമ്പുകൾ നടത്തുക, ഭാഷയുടേയും സാഹിത്യത്തിന്റേയും സംസ്കാരത്തിന്റേയും മേഖലയിലെ ഗവേഷണങ്ങൾക്ക് പ്രോത്സാഹനം നല്കുക. സാഹിത്യകാരന്മാർക്ക് പഠനപര്യടനത്തിനും ഗ്രന്ഥരചനയ്ക്കും സ്കോളർഷിപ്പ് നല്കുക, ജനങ്ങളിൽ സാഹിത്യാഭിരുചി വളർത്തുന്ന പരിപാടികൾ ആവിഷ്കരിച്ച് നടപ്പാക്കുക, മലയാളത്തിൽ നിന്ന് മറ്റ് ഭാഷകളിലേക്കും മറ്റ് ഭാഷകളിൽ നിന്ന് മലയാളത്തിലേക്കും ഉത്കൃഷ്ട കൃതികൾ പരിഭാഷപ്പെടുത്തുക, സാഹിത്യ ചരിത്രം, ഗ്രന്ഥസൂചി, സാഹിത്യകാര ഡയറ്ക്ടറി, വിജ്ഞാനകോശം തുടങ്ങിയ റഫറൻസ് ഗ്രന്ഥങ്ങൾ, ഭാഷയുടേയും സാഹിത്യത്തിന്റേയും വളർച്ചയ്ക്ക് ഉതകുന്ന ഗ്രന്ഥങ്ങൾ എന്നിവ പ്രസിദ്ധീകരിക്കുക, പുസ്തക പ്രസിദ്ധീകരണത്തിന് സഹായം നല്കുക, എഴുത്തുകാർക്ക് സഹായം നല്കുക എന്നിവ അക്കാദമിയുടെ പ്രധാന പ്രവർത്തനങ്ങളാണ്.

ഭാരവാഹികൾ

കേരള സാഹിത്യഅക്കാദമി അദ്ധ്യക്ഷൻ : പെരുമ്പടവം ശ്രീധരൻ

സെക്രട്ടറി  : ആർ. ഗോപാലകൃഷ്ണൻ

വൈസ് പ്രസിഡന്റ് : ബാലചന്ദ്രൻ വടക്കേടത്ത്

മുൻ പ്രസിഡണ്ടുമാർ

കേരള സാഹിത്യ അക്കാദമി പ്രസിഡണ്ടുമാർ
സർദാർ കെ.എം. പണിക്കർ	15.08.1956	15.08.1961
കെ.പി. കേശവമേനോൻ(പ്രവർത്തനാധ്യക്ഷൻ)	06.11.1958	12.07.1959
പൂത്തേഴത്ത് രാമൻമേനോൻ	15.10.1961	05.08.1966
മഹാകവി ജി. ശങ്കരക്കുറുപ്പ്	03.09.1966	31.06.1968
പ്രൊഫ. കുറ്റിപ്പുഴ കൃഷ്ണപ്പിള്ള	01.07.1968	11.02.1971
പി.എ. സെയ്തുമുഹമ്മദ്	12.02.1971	30.06.1971
പൊൻകുന്നം വർക്കി
പി. കേശവദേവ്
പി.സി. കുട്ടികൃഷ്ണൻ
ലളിതാംബിക അന്തർജ്ജനം
തകഴി ശിവശങ്കരപ്പിള്ള
പ്രൊഫ. എസ്. ഗുപ്തൻനായർ
പ്രൊഫ. എം.കെ സാനു
പ്രൊഫ. കെ.എം. തരകൻ
എം.ടി. വാസുദേവൻ നായർ
ടി.ഒ. സൂരജ് (ജില്ലാ കളക്ടർ, പ്രസിഡണ്ട് ഇൻചാർജ്ജ്)
എൻ.പി. മുഹമ്മദ്
യൂസഫലി കേച്ചേരി
എം. മുകുന്ദൻ
പി. വത്സല
പെരുമ്പടവം ശ്രീധരൻ

ഇതും കാണുക

• കേരള സാഹിത്യ അക്കാദമി പുരസ്കാര ജേതാക്കളുടെ പട്ടിക

പുറത്തേക്കുള്ള കണ്ണികൾ

• കേരള സാഹിത്യ അക്കാദമിയുടെ ഔദ്യോഗിക വെബ്‌സൈറ്റ്

വിക്കിമീഡിയ കോമൺസിലെ Kerala_Sahitya_Akademi എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:

തൃശ്ശൂർ - കൂടുതൽ വിവരങ്ങൾ

ചരിത്രം	തൃശ്ശൂരിന്റെ ചരിത്രം,കൊച്ചി രാജ്യം, കേരള ചരിത്രം, ശക്തൻ തമ്പുരാൻ, കൊടുങ്ങല്ലൂർ
പ്രധാന സ്ഥലങ്ങൾ	തൃശൂരിനടുത്തുള്ള പ്രധാനസ്ഥലങ്ങൾ, തൃശൂരിലെ ഗ്രാമപ്രദേശങ്ങൾ, സ്വരാജ് റൗണ്ട്, തൃശ്ശൂർ, തൃശ്ശൂർ ജില്ല
സർക്കാർ
സ്ഥാപനങ്ങൾ, ചരിത്രസ്മാരകങ്ങൾ	ശക്തൻ തമ്പുരാൻ കൊട്ടാരം, കേരള സംഗീത നാടക അക്കാ‍ദമി, കേരള സാഹിത്യ അക്കാദമി
വിദ്യാഭ്യാസം	തൃശ്ശൂർ ജില്ലയിലെ വിദ്യാഭ്യാസ സ്ഥാപനങ്ങൾ
ആശുപത്രികൾ	തൃശൂരിലെ പ്രധാന ആശുപത്രികൾ
ഗതാഗതം	നെടുമ്പാശ്ശേരി അന്താരാഷ്ട്ര വിമാനത്താവളം
സംസ്കാരം	കേരളസംസ്കാരം, കേരളത്തിലെ പാചകം, മലയാളം, കേരള സാഹിത്യ അക്കാദമി, സംഗീത നാടക അക്കാദമി, കേരള ലളിതകലാ അക്കാഡമി
ആരാധനാലയങ്ങൾ	തൃശൂരിലെ ആരാധനാലയങ്ങൾ, ഹൈന്ദവക്ഷേത്രങ്ങൾ, വടക്കുംനാഥ ക്ഷേത്രം, ഗുരുവായൂർ ക്ഷേത്രം, കൽദായ സുറിയാനി പള്ളി
മറ്റ് വിഷയങ്ങൾ	തൃശൂർ പൂരം, ശക്തൻ തമ്പുരാൻ